國金軒

营业中

休息中

早排疫情，好多餐廳都推出五花八門嘅優惠，咁啱見到位於中環IFC的國金軒做外賣自取優惠，除咗有小炒，炒粉麵便當之外，最吸引我嘅就係今次推介嘅 - 🦞上湯燴原隻波士頓龍蝦伊麵($199)。唔係親自買到都唔相信係IFC買個龍蝦伊麵，竟然2百蚊有找😂，而且一d都唔馬虎，龍蝦真係好多件，食落新鮮同啖啖肉，味道同平時酒樓食嘅一樣，甚至乎可以講係水準之上。此外 店舖亦非常貼心把伊麵分開上，如圖所見，伊麵分量足足一盒🤣，絕無揸流攤，兩個人食都夠曬飽🥳。不過，🤤作為食客嘅我們，可以用咁優惠嘅價錢去享受美食當然好開心，但係店舖長期落去亦難以支撐昂貴的租金和人工，希望疫情快d過去，一切快d回復正常🫶🏻

因為今個月屋企人生日，帶咗佢哋去一直好想試嘅餐廳，就係喻為名人飯堂嘅國金軒食飯！🤤除咗嗌左幾個套餐，仲另加左焗蟹蓋同埋素鵝， 十分惹味，滋味十足！最好食係焗蟹蓋，因為味道濃郁又足料！😆食物包括有國金老火湯就係用魚熬成嘅葛湯，之後我哋指選咗要馬友鹹魚煎西班牙黑豚同埋家燒海斑翅，亦都有竹影田色即係配搭靚靚嘅各種菜，最後唔少得紅菜頭帶子蛋白炒飯同埋特色桂花同埋馬拉糕！另加咗一個焗蟹蓋同素鵝非常出色！而且職員服務好好，經常留意你嘅需要！最開心係望住一個靚靚海景食飯，望到摩天輪同海濱長廊，心情都好好！屋企人大贊好味，大家享受咗一個好好嘅午餐！餐廳一個好特別之處就係茶壺有蠟燭暖住，所以啲茶都係熱嘅！雖然今次係食午餐，但係有機會都想晚餐再嚟，相信有另一番滋味！❤️

喺第五波疫情之下，好多餐廳又或者酒樓都無開甚至執咗.喺中咗招之後困咗係屋企個幾月實在太掛住飲茶嘅感覺啦！所以今次嚟到中環IFC國金軒順便補足一下周年紀念.因為本身唔係諗住食呢間所以就冇book到位不過可能因為疫情嘅關係所以可以直接Walk in.嚟到之後服務員嘅態度都唔錯叫咗茶之後好快就到而且佢嘅茶壺下面有蠟燭加熱住啲茶所以啲茶就算擺咗一段時間都keep住好熱不過缺點就係 擺得耐啲茶就會變咗好濃.喺疫情之下好多人都要戴住口罩亦未必成日會帶着消毒酒精出街畀得起呢個價錢 當然買嘅就係一種貼心嘅感覺國金軒都好好咁 有個口罩套同埋消毒濕紙巾 啱晒我呢啲大頭蝦.實在係太掛住飲茶嘅感覺所以叫咗必點嘅叉燒、燒肉、蝦餃、燒賣、奶皇包見佢有個日式糯米雞幾特別所以都叫咗諗住嚟試吓可惜因為燒肉太受歡迎嘅關係 所以今次就同佢無緣啦.第一個上菜嘅係叉燒佢用嘅部位唔會太肥亦都唔會燒到好乾又唔似有啲高級茶樓 啲叉燒會揀一啲入口即溶嘅部位反而失去左叉燒有嘅口感呢一個叉燒有口感之餘亦都食到好香嘅豬肉味脂肪比例唔高所以食完都冇種好膩嘅感覺感覺呢個叉燒恰到好處.想完叉燒之後好快就嚟咗日式糯米雞估唔到呢個糯米雞唔係用荷葉包住

因為有某酒店的優惠咭所以一直幫襯尖沙咀國金軒除了全單七五折總會用上$100-$200優惠券算下來就比較抵食今日到中環這間國金軒氣勢比尖沙咀店豪華我沒有留意餐牌是否一樣不過中午飲茶食點心來來去去都是這些吧每次都必點的蜜汁叉燒依然冇得輸呀肉質鬆軟又嫩又入味喺城中最靚叉燒….之一蝦餃 皮薄煙韌蝦肉爽甜鮮味必須保持水準蟹粉小籠包 OK喇包住鮮甜蟹味湯汁好食嘅最後出場係雜菌餃餃皮透明紅色好似係紅菜頭汁其實冇咩味道 雜菌亦都有啲硬因為有金箔 所以不便宜我不喜歡吃朋友要食棗皇糕唔夠甜 太健康不是我杯茶這餐是朋友請的兩個人不知幾錢埋單沒有折扣優惠應該不便宜其實我未飽啊😅😅

📍Cuisine Cuisine at IFC國金軒Honestly, I haven’t had such a subpar Chinese meal for a long time. The appetizer trio has nothing special. The smoked egg was even over seasoned with the sprinkle of pepper salt on top. The suckling pig was average. The shredded chicken with sesame sauce was ok. The fish maw soup with white fungus and pear was the only good dish for the meal. The braised 5 head abalone with goose web was quite undercooked 🥲Finally, the fried rice was under seasoned that even chili oil

風和日麗，帶家中兩老去國金軒試下佢地既午市套餐，餐廳既落地玻璃望出去，摩天輪配藍天既美景真係好perfect!頭盤係西班牙黑豚叉燒皇拼葱油海蜇，叉燒入口鬆化，應有水準～之後出左個好靚既金屬蒸籠，入面係芥末子母蝦餃，一隻大蝦餃背上痴住粒迷你小蝦餃，睇得出師傅手工勁好！跟住每人有碗鮑翅灌湯餃，湯頭清甜有鮮味，好想飲多幾碗😋小菜方面有菌皇醬斑球，斑球食得出係鮮拆，唔係急凍料。之後上左道叫「月宮寶盒」既菜式，切開原來蕃茄裡面係菇，好特別！最後既瑤柱帶子粒炒飯都唔會hea你，落足料又炒得乾身。甜品試左生磨蛋白杏仁茶、黑糖馬拉糕同咖啡糕，呢個午餐真係太豐富喇～

人哋話國金軒好出名，所以今天就決定去中環國金軒試一試。我叫咗幾籠點心：包括筍尖蝦餃、和牛酥、素菜餃、一個鮑魚撻、半隻炸子雞、石斛鮑魚湯。食物的質素真係一中下，蝦餃、和牛酥、素菜餃等我一般酒樓大同小異，味道平平無奇。炸子雞佢幫我起咗骨，但係肉質冇話特別鮮嫩，只係覺得啲皮比較脆，皮同肉係分離的。另外，服務質素強差人意！啲員工喺酒樓都係行行企企，想餐時淨係擺低在枱面，沒有幫我執好枱面上的食物位置，要我自己放好食物。我下次不會再去光顧！

好耐無去國金軒飲茶食點心 🫖叫左幾款傳統點心 🥧蝦餃、燒賣、雪山叉燒包、蘿蔔絲酥、咸水角、鳳爪、重有鮑魚酥添覺得超級推介：✔鮑魚酥 堅有鮑魚味 👍✔蘿蔔絲酥 酥皮鬆化 蘿蔔絲好完整條一條 手功一流 價錢會貴一點，但：✔ 服務員多 不會出現阿豬叫狗 越叫越走的服務態度✔ 飲茶環境 少嘈吵聲 可以舒舒服服飲下茶食個包 和朋友傾計✔ 比較鍾意中環店 落地大玻璃 可以欣賞中環摩天輪 維港景色

今日食評有✍🏻 國金軒@ifc試食指數⭐️⭐️⭐️⭐️⭐店舖衛生⭐️⭐️⭐️⭐侍應態度⭐️⭐️⭐️⭐️⭐((每項5⭐️為滿分)) · 國金軒名乎其實的好午市有好幾個套餐選擇我哋最終都係叫點心加一個主食1️⃣帶子燒賣⭐️⭐️⭐️⭐️⭐/5好味😋賣相靚，帶子新鮮，無得彈2️⃣香茜牛肉球⭐️⭐️⭐️⭐️/5其中一粒星扣左係「太細粒」不過可以一啖一口方便進食😂👌🏻3️⃣蘿蔔絲酥⭐️⭐️⭐️/5冇乜驚喜，正常👌🏻4️⃣魚湯斑片浸魚麵⭐️⭐️⭐️⭐️⭐/5呢個直情想加多幾粒星👍🏻👍🏻👍🏻👍🏻食到未都唔腥，魚片煮得剛剛好，菜芯嫩，麵直頭好味都唔洗講嘢💬收呢個價錢係值嘅👍🏻·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

今年生日✨中午到國金軒飲茶🤩，位於中環港景街1號國際金融中心3樓3101-3107號舖，被譽為名人飯堂的國金軒☺️， 餐廳設計高雅而具空間感， 透過落地玻璃窗， 把美麗的維港 靚景盡收眼簾， 再加上店員們的貼心服務， 已經取得相當高分。 當天是星期日，茗茶(2位) $56， 點心～芥末子母蝦餃(2粒) $70， 西班牙黑豚肉叉燒腸粉$128、 帶子燒賣$72、 原隻鮑魚批(2件) $196、 雪山叉燒包$60、 黑糖蒸馬拉糕$60。✨✨✨📝原隻鮑魚批～矜貴原隻鮑魚批，批皮包裹著香菇及雞脾肉製作的餡料， 鮑魚味道濃香， 超級推介。👍🏻🉐📝芥末子母蝦餃～ 賣相好可愛😍， 上面有一隻細小釀滿芥末的蝦餃bb， 下面就是真正的蝦餃， 建議大小一起吃， 蝦肉爽口新鮮， 整體味道好夾， 加上芥末子母蝦餃是在美食大賽得獎的點心， 更加值得一試。👍🏻📝帶子燒賣～ 燒賣即叫即蒸，帶子味道鮮甜。📝雪山叉燒包～ 味道酥鬆香軟，配上爆槳內餡， 睇見都想食。📝西班牙黑豚肉叉燒腸粉～ 腸粉口感好滑， 叉燒是半肥瘦的， 入口即化🤤。📝黑糖蒸馬拉糕～味道香而口感鬆軟，熱度十足， 美味甜品。整體而言對國金軒的印像很好💕，

去南丫島遊玩前，想先填飽肚子。其他餐廳都要等位，國金軒剩下走廊的兩張枱。對國金軒之前嘅印象，就係好耐之前喺尖沙咀食過嘅晚飯，食物質素唔錯。但係今次，食物同服務都非常令人失望。先講茶，$28/位，淡而無味。食物蝦餃，大失所望。蝦，無乜味道。XO醬炒蘿蔔，好惹味，但份量較少。帶子燒賣，算係比較出色。最令人失望嘅係頭抽乾炒牛河，完全無頭抽味道。炒牛河無應有嘅鑊氣。最重點嘅係，炒牛河分左一次三碗俾我哋之後，剩低嘅牛河就二話不說成碟放上枱。5星級價錢，不及格嘅服務。無下次。

Weekend一定要放鬆下睇住維港景色同摩天輪🎡食中餐好多同事都鍾意呢間野食好味仲可以有令景睇下次試下夜晚黎食天氣晴朗☀️真係好relax心情都好好推介呢個乳豬同黑毛豬叉燒皮真係好脆食完都仲想食仲有個竹筍炒帶子（唔記得左影相）竹筍好新鮮好嫩又甜甜地一定要叫

終於可以四個人飲茶啦，今次我們這個兩母女組合x2來到IFC，事實這裡泊車好方便又好抵～～今天天陰陰嗎⁉️為什麼入到餐廳就覺得唔夠光，陰陰沉沉的.... 已經坐在窗邊，望出去個摩天輪變得一點都不吸引～～這裡的點心又是三件，全都要加多一件，都不知道怎樣算了‼️月宮寶盒是一整個大番茄🍅，入面有些菇類，圖片好靚好吸引，健康嘛⋯😬綠茶豆沙卷及金箔芝麻卷都是好味的，不甜又煙韌，好味的都是好細件～～🙄石榴果四件堆在一起～～唉‼️過去的經驗，石榴果是很矜貴的，每個獨立盛器～～～雪山义燒包是熱的，細細個好易吃，不會吃一個就飽蘿蔔絲酥很鬆脆，內心蘿蔔好甜百花盒的外型很怪，完全估不到的，但咬下去是菇類及蝦，好多汁，幾好味嘅餐廳內部環境真不及外面入口，入面好似好舊般

平時去IFC都好少食中菜今次趁有時間又有位一於試一試💃🏼.✨香脆龍蝦球配芥末籽沙律($438)龍蝦球炸得啱啱好 上枱嗰陣仲熱辣辣龍蝦好新鮮好爽口 加埋芥末籽沙律醬好夾!!.✨乳豬鵝肝醬窩巴($480)呢個價錢得四件其實真係有啲貴不過佢哋所用嘅鵝肝又真係幾好味所指嘅窩巴其實係米通米通好脆口 應該都係即叫即炸乳豬唔會太肥 乳豬皮好脆所有配料都好夾!!.✨西班牙黑豚叉燒王($390)呢度嘅叉燒係我食過最淋最好味嘅❤️半肥瘦啱啱好 蜜汁都煮得好好味唔使5分鐘已經成疊清晒🤣.芥末蒜片安格斯牛柳粒($180)和牛同芥末醬好夾中菜嘅做法同日本餐廳有啲唔同中菜偏向將和牛煮熟少少出嚟嘅效果都唔錯如果可以多啲蒜片就好😆.順帶一提 佢呢度嘅茗茶真係好好飲飲落一啲都唔鞋口 茶味非常濃下次應該要問佢哋係用邊度嘅茶葉❤️

上次到訪有著不錯的體驗，今日再次到訪。午餐時間，坐無虛席，幸好有人剛剛取消booking才有位吃午飯。餐廳環境高貴又幽雅，摩登的水晶燈既有貴氣，又有格調。加上枱與枱的空間十足，用的地羶也是重磅地羶，令室內回彈的聲音沒那樣多，相對的環境也沒有過於嘈雜。黑糖馬拉糕這馬拉糕口感極為鬆軟香滑，空氣感十足，馬拉糕輕盈得輕輕的回彈，而且帶有黑糖的甜香，不錯。菠菜豆苗餃這菠菜豆苗餃晶瑩通透，味道十分鮮美，既有鮮蝦的鮮味，又有菠菜的清新氣息，是清爽的味道。黑松露蘿白絲酥這黑松露蘿白絲酥超可口！必點！蘿白絲酥口感鬆化又脆香，而且炸得夠乾身又不油膩，加上濃濃的黑松露，超正！好味道！帶子鮮蝦燒賣這燒賣口感十足，應該是手切肉。豬肉的肉香，配上鮮蝦的鮮味，再加埋嫩滑的帶子，用料十足。雖然帶子沒有令燒賣，特別的鮮，但令口感更加爽嫩，我們ok.芥末子母蝦餃這子母蝦餃真考功夫！小小的蝦餃是芥未，配上蝦餃啖啖爽嫩蝦肉，有汁又鮮美，芥末的香吊起蝦的海鮮風味，是幾創新又可愛的功夫點心。簡單的點心午餐加上晴朗的維港景色真叫人舒暢。