國金軒

营业中

休息中

今時今日，傳統粵菜老師傅買少見少，如果珍惜，有機會體驗就要把握！例如中環國金軒的主廚李霖師傅，係江太史江孔殷家廚李才的嫡傳弟子，盡得太史家廚之真傳，不過入行60年的李師傅，早已榮升神級，甚少親自下廚，這晚我們幸得有心人安排，獲他答允親身上陣，實屬難得！興奮的我們，讓他老人家建議菜單且無預算上限，巧手特式為主而非追求貴價食材，畢竟我們只是普通人，本已預算不菲，最後每人花費約$4700，不能不有點肉痛！ 李霖師傅的近年新作，創意變奏的［香煎燕窩盞］又稱［炸燕窩盞］，實在是頂級佳餚，馬上成為我此生吃個人中最喜歡的離地美食之一。 金黃焦脆的外表，入口軟嫩濕潤，一條條燕窩絲在味蕾上滾動，富貴感滿瀉，清新可口，是上湯餵飽的滋味，一試難忘！製作過程需高技巧，需知道燕窩是經過水發的，現在需要乾身炸球上菜，做得不好浪費昂貴食材，可見難道之高！據說做法是先用上湯把燕窩餵入味，然後搓勻成球狀放上匙羮固定成盞形，靜待數小時後，把一個個飽滿的燕窩盞拍上生粉，然後放入滾油鍋裏，待轉成金黃色便馬上撈起上碟，稍為冷卻便可上菜。相伴之戈渣，真正的雞子，同樣外脆內軟棉，口感一流!我亦很欣賞［水晶大蝦球］，另一道極考刀功之

本來以為係環境靚，高質的中餐廳就帶朋友來一試，點知服務咁低水平，特別係點餐的侍應，問她有咩推介只懂推介D最貴的食物，而且稱呼一句都不禮貌，人均消費$1300，食物質素及味道非常一般，總之這餐飯係不愉快的經歷 ，應該不會再有下次。

作為城中著名中菜廳，我對國金軒ge期望甚高，食咗幾次終於要打次食評講下用餐體驗。我咁多次都係中環食，未去過尖沙咀。環境黎講係IFC唔會差，地方闊而且裝飾靚，典型中環貴價茶樓格局最鍾意食佢ge春卷同鮑魚酥，蘿蔔糕都唔錯，唔會油膩用料幾足最唔滿意係佢ge服務，當日一早落咗order想食蛋白杏仁茶，因為之前食過好好食；點知埋單之後等咗20-25分鐘都未黎，叫咗經理過黎催促，佢話等陣kitchen煮緊，點知過多10分鐘再之回覆話唔好意思無曬彈出彈入令我唔知好嬲定好笑

👇🏼乳豬鵝肝脆窩巴，乳豬件香脆，窩巴脆口，但未達超脆之感，鵝肝味道稍為遜色👇🏼濃雞湯花膠雞絲翅，花膠腍而滑，翅針粗而長，雞絲嫩滑，雞湯香濃味美，全部食材配搭得宜，成就了這碗滋味滿分💯的花膠雞絲翅👇🏼錦醬炆加拿大穀飼牛肋骨，肉嫩且有牛味，只是醬汁有少許偏鹹👇🏼竹影田色，每塊竹笙裏都有4款條狀食材，包括紅蘿蔔、芋頭、南瓜和白蘿蔔，味道也不錯👇🏼蟹肉西施炒飯，泛紅漂亮，蟹肉、蛋白、紅菜頭和蔥粒結合下，呈現這碗炒飯👇🏼蘆薈香芒金露布甸，布甸香滑，有芒果粒，蘆薈和西米露，如芒果粒多一些就更好👇🏼日本紫薯煎堆仔，造型別緻，外層像有炒米香的脆粒，黏在紫薯球上，球內有番薯蓉

今日食評✍🏻國金軒@ifc試食指數⭐⭐⭐⭐店舖衛生⭐⭐⭐⭐侍應態度⭐⭐⭐⭐((每項5⭐️為滿分)) ·我哋叫點心1️⃣花膠絲叉燒薑蔥撈麵/值得推介俾大家試吓，加醋有另一口感和味道，大家可以一試真材實料，真係有好多花膠絲2️⃣帶子燒賣/賣相靚，熱辣辣上枱，配上辣椒醬，冇得頂3️⃣羊肚菌素餃/有別於一般的素餃，餡料鮮味，有咬口4️⃣蘿蔔絲酥/外脆內熱，餡料豐富，味道好5️⃣蜜汁叉燒包/唯一冇驚喜的，叉燒太肥·一個月前電話訂座職員態度有禮並安排窗口位置俾我哋訂座前一日致電給我確定十分有交帶·對比昨天同商場的酒樓（20221220食評）價格只係相差一倍感覺就爭好幾倍了我哋會再次光顧國金軒·疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋bw.foodie幫到你無論大鋪小店我哋都會盡試盡講

這是中環其中一間最好請客人午飯的地方, 基本上絕對唔會令人失望. 食物質素, 地點, 裝修, 服務態度係接近完美的我每次在這裏亦不用考慮太多因為是點行政午餐, 幾百蚊乜都有包括湯及點心, 分量充足味道一流這樣可以令我和客戶不用花精神去考慮吃什麼而可以專心業務食物選擇我就不用說太多了, 因為已經有太多人有比我更好的評論. 總而言之在這裏請客戶午餐永遠不會失禮; 所以會一來再來的順帶一提, 我認為價格絕對物超所值, 點套餐更加唔使煩惱

#joyfood_中環 國金軒 (中環)📍中環港景街1號國際金融中心3樓3101-3107號舖━━━━━━━━━━━━━━━━━━━━━━━━━━━━一早聽聞國金軒嘅叉燒出名 今次我哋偏唔試叉燒 🙉 黎睇下究竟點心嘅出品可唔可以對得住佢嘅名聲同價錢🧐━━━━━━━━━━━━━━━━━━━━━━━━━━━━1️⃣ 筍尖鮮蝦餃 $75 +10% (圖2)▶︎ 蝦餃皮做得幾煙韌 唔會話蒸到淋曬👍🏻▶︎ 入面嘅蝦仁格外有彈性同鮮甜 真係食得出同普通酒樓有分別😙好味指數:●●●●◐━━━━━━━━━━━━━━━━━━━━━━━━━━━━2️⃣ 野菌鮑魚酥 $98 +10% (每位) (圖3)▶︎ 原諒小妹我見識淺陋所以食唔出鮑魚既品質 不過鮑魚係大隻同彈牙嘅 suppose應該不錯🤔▶︎ 下面既塔非常鬆化 加埋蘑菇既餡料做基底 層次感都好好😋 不過如果一個人食曬會有啲漏▶︎ 加一之後一百蚊左右一個好似有啲唔抵🫢好味指數:●●●●○━━━━━━━━━━━━━━━━━━━━━━━━━━━━3️⃣ 日本海膽小籠包 $48 +10% (每位) (圖4)▶︎ 小籠包皮薄餡大 汁水充盈且鮮甜 但係話海膽味我就食唔出啦 🤫▶︎ 由於佢

🔟🈷️中環國金軒為了慶祝10月國慶月，逢星期一、二惠顧晚市主餐牌食品享65折🥳，推廣期至今年31/10，饞嘴的我怎會錯過😜🔰金牌炸子雞(半隻)$360，不愧為金牌，外皮香脆薄滑，又有光澤，皮下有少許脂肪，比例剛好，雞肉嫩滑非常，嫩滑的程度無可挑剔，連骨裏也有其鮮味，絕對是高質食材，糅合卓越的烹調手藝🔰海南椰青燉翅(每位)$680，很燙口，先品嘗一口高湯，嘩！清香的椰香味撲鼻而至，讓人讚不絕口，而內裏的二兩半翅同樣令人吃🉐️滿足和開心🔰花膠絲叉燒薑蔥撈粗麵$280，正確來說應該是花膠絲叉燒絲薑蔥銀芽撈粗麵，花膠絲少已是預料之中，但叉燒絲份量都很少就有點兒那個，如叉燒絲和銀芽多一些就更好優質的粗麵和巧手的芡汁，都是這碟粗麵的靈魂，芡汁入味但不鹹，沾滿了每條粗麵，彼此都吃個痛快

次次係IFC附近諗唔到食咩都會去國金軒，貪佢食物水準穩定而且唔難book位😆 🌃 環境 (4.5/5)座落係中環IFC，被譽為「名人飯堂」嘅國金軒環境闊落開揚，靠窗位置可以望到維港海景🌊 枱與枱之間距離適中，唔會有侷促感，坐得舒服☺️😋 食物(4.5/5)早排隔離完出關想食好d，於是就嗌左招牌水晶晚宴💎🥰 呢個menu幾乎可以一次過食曬佢地嘅招牌菜㗎💕 ~Crystal Set Menu 水晶套餐~🐽 國金拼盤: 西班牙黑豚肉叉燒皇 ・ 四色煙燻素鵝 ・ 蔥油海蜇頭🦐 水晶大蝦球🥥 海南椰青燉翅 😋 廿二頭吉品鮑伴花菇🥩 日本尖椒炒鹿兒島A5和牛🍜魚湯星斑過橋稻庭麵🍮奉化香芋椰青奶凍🍮 香芒桂花糕...頭盤嘅叉燒好食！肉質好腍，烤得啱啱好而且無豬肉臊味🐽 招牌菜水晶大蝦球非常出色！隻蝦幾乎有女仔手掌咁大，而且師傅雕得好精細，成朵花咁🌼 蝦肉好爽同彈牙，下次即使唔嗌set都會encore！🦐湯品揀左海南椰青燉翅🥥 個湯好足料，滿滿都係魚翅，椰青清甜，大滿足🤤鮑魚就唔錯啦，好味但唔係特別驚艷😚 不過和牛就有d普通😯 雖然和牛油脂豐盈，但略嫌肉味唔夠濃郁。之前試過佢地其他和牛菜式都有同樣問題，

買了e-voucher去取月餅，明明國金軒11:30am開，諗住早d去拎因為有野做，11:45am去到佢話12:00pm先開始有得拎，已經有少少忟，又冇寫，其實拎盒月餅有幾難，算啦，行個圈返黎，已經有人排緊隊，處理得好慢，排到喇，又話e-voucher要入去scan code, 我問招待果位小姐，點解要scan code唔寫清楚，我排左咁耐到我先講，scan完又再排過隊，佢話：e-voucher要scan, 下年咪買實體劵，我行番出去排隊，佢再講多次叫我下年買實體劵，我答佢：你下年安排得好d咪得囉！

中環國金軒被譽為名人飯堂不無因由，環境高雅、服務到位、菜式精緻，鮑參翅肚樣樣精，不難想像為何成為名人愛店。但說起中環國金軒，我腦海中第一個想到的卻是蛇羹，皆因行政總廚李煜霖師傅師承江太史家廚李才，由李才親手指導太史蛇羹的李煜霖師傅，乃真正屈指可數的傳奇名廚。太史蛇羮，精雕細琢，極其講究，要說的話可以寫一本書，但今天先講刀工。要慨嘆刀工精細，並非定必要吃太史蛇羹，就如國金軒這道招牌菜式：水晶大蝦球，一樣彰顯刀法。大大隻虎蝦，去蝦殼後，挑皮𠝹花，去除所有紅色蝦筋，刀章均勻，狀如菊花，色澤雪白，沒有瑕疵，儼如一件可吃進肚內的藝術品，鮮甜得猶如在吃牡丹蝦刺身，卻又爽脆多汁。現在國金軒破天荒推晚市優惠，8月31日前有三重優惠，其中一個優惠就是水晶晚宴套餐有75折，想試這道水晶大蝦球，現在就是機會。🍴𝙈𝙚𝙣𝙪國金拼盤𝗖𝘂𝗶𝘀𝗶𝗻𝗲 𝗖𝘂𝗶𝘀𝗶𝗻𝗲 𝗔𝗽𝗽𝗲𝘁𝗶𝘇𝗲𝗿 𝗧𝗿𝗶𝗼西班牙黑豚肉叉燒皇·四色煙燻素鵝•蔥油海蜇頭𝗥𝗼𝗮𝘀𝘁𝗲𝗱 𝗛𝗼𝗻𝗲𝘆-𝗴𝗹𝗮𝘇𝗲𝗱 𝗕𝗮𝗿𝗯𝗲𝗰𝘂𝗲𝗱 𝗜𝗯𝗲𝗿𝗶𝗰𝗼 𝗣𝗼𝗿𝗸, 𝗦𝗺𝗼𝗸𝗲𝗱 𝗕𝗲𝗮𝗻 𝗖𝘂𝗿𝗱 𝗥𝗼𝗹𝗹 𝘀𝘁𝘂𝗳𝗳𝗲𝗱 𝘄𝗶𝘁𝗵 𝗠𝗶𝘅𝗲𝗱 𝗦𝗲𝗮𝘀𝗼

父親節🥸循例都要帶屋企人食好啲😎今次就嚟到中環IFC呢間好有氣派，走高檔路線嘅國金軒。呢度嘅空間好寬敞，環境一流👍🏻無敵落地玻璃將維港同大大個摩天輪🎡一覽無遺。服務都好有水準，就連普通一壺茶都會放喺蠟燭上保溫。呢日叫大部份菜式味道都唔錯，同屋企人嚟食嘅話一試無妨。蒜泥日本黑豚肉卷同蒜泥白肉好相似，豬肉肥瘦相間，包住青瓜一齊食幾清爽，辣度唔係好高。滷汁牛舌滷水汁幾香甜，牛舌滷到入晒味，厚肉而且質感Q彈😗脆皮燒腩仔個皮幾香脆，燒腩仔肥瘦相間，肉質幾軟滑，調味唔會太鹹，都唔錯。金沙脆鱔有金沙嘅菜式都實無死，炸過嘅鱔片脆卜卜，連同側邊嘅豆，每條都包裹著起沙嘅鹹蛋黃，好香好惹味，好似食緊炸魚皮咁，而且夠乾身，完全唔覺油膩😍😍河塘金魚餃造型好精緻🤩唔單止將魚形🐟嘅水晶餃整到似模似樣，下面仲有芡汁，模仿魚塘嘅效果，有心思。個皮好薄帶少許煙靭口感，餡料係滿滿嘅蔬菜粒，幾爽口。香草黑椒安格斯牛柳粒呢個就正正常常都唔錯。竹影田色造型同樣精緻，用竹笙包裹著芋頭南瓜等，唔止色彩繽紛，味道仲好好，一啖食到唔同口感層次😋黑豚百里香焗餐包餐包夠鬆軟，豚肉甜甜地同個包幾夾。15年陳皮王子乳鴿職員嘅推薦款式，乳鴿用陳皮

Delicious but very overpriced Chinese. Dining area had a rather spacious atmosphere. Seating was comfortable but very cold. Staff was both friendly and eager to accommodate. The wide variety of dishes on the menu were all *outrageously* priced (see set menu for proof) But, the Dim Sum menu, although very expensive, was still affordable for us mere mortals. The only memorable dish was the crispy spring roll. Will I go again? If they have a promotion.. maybe, otherwise not before I get a m

豉油雞加入咗好多種材料炮製而成，肉質很滑魚嘅質地好結實，醬汁非常好味，也很入味，魚骨粗而非常少炒飯粒粒分明，材料也唔會比少豬肋骨個人最喜歡，肉質非常冧，肉同骨分離

一間中午人均消費HK$500以上嘅餐廳, 茶杯竟然有口唇膏印, 向其員工反映後亦只是冷漠地回我一句"幫你換過佢", 完全沒有歉意, 就算是美心酒樓員工都會同個客講聲唔好意思。上至經理, 下至傳菜嘅員工都是沒有笑容, 難以想像係高級食肆嘅服務態度。食物質素方面, 只屬一般4星酒店中餐廳水平, 某些食品的份量更是有需要認真檢討, 例如海皇西施泡飯, 雖稱泡飯但飯量少得可憐, 改名為海皇西施飯湯較為貼切。總的來說, 此餐廳的性價比非常低, 有見面不如聞名之感。