圓方餃子粥麵

营业中

休息中

今晚食完晚飯，仲覺得有d餓，就去左食期待己久的圓方餃子。圓方餃子係深水埗地鐵站旁邊間附近，都真係幾方便。外面望落其貌不揚，不過內部裝潢都幾👌🏻同新淨👍🏼👍🏼環境都坐得幾舒適！食物種類方面不算很多，但也算足夠。飯，粉，面，粥，餃子同腸粉都有。不過，我今次剩係食得落魚湯餃子🤤🤤餐廳好好，可以比你双拼，亦唔會加收你錢。魚湯方面:最令我失望既就係個魚湯，本身好有期望，想住好鮮甜。點知係勁重味精，魚湯味較少，令我飲到一半，都被迫放棄😭😭😭真係好少何我飲唔晒d湯嫁😞西洋菜餃子🥟:內𥚃雖有足夠饀，但味道不突出。同時，味精味較重！韭菜餃子🥟:味道較西洋菜餃子好食，韭菜味濃，另外亦滿有肉汁。整體而言，「失望」e兩個字係對此餐廳既評價。希望之後會有所改善同進歩🤤🤤😂😽😽😽

這間深水埗餃子佢嘅韮菜餃同西洋菜餃都非常出色和好味道，皮薄肉正👍🏽😋如果買返屋企整唔用湯底只用清水已經好食，我已經介紹咗好多身邊朋友試而每位朋友都特別喜歡，用來在家打邊爐都so good ar😋

妹妹之前外賣過返黎，好推薦！試過個西洋菜餃子好鮮甜今日出深水埗買嘢，順便黎試下堂食！餃子選擇唔多，主打3款反而d粥品就幾多選擇黎到當然再食呢個西洋菜餃男人叫咗上海雲吞我碗西洋菜餃先黎咬落見到d西洋菜顏色翠綠，味道鮮甜皮就舊舊唔同，有d係薄d，有d就偏厚之後碗雲吞黎到交換咗一粒冇睇menu，食落奇怪點解粒雲吞冇蝦，反而有d白菜係度再睇menu，原來人哋寫明係白菜豬肉餃食落都幾清甜好味！比起西洋菜餃，佢係多肉d我碗西洋菜餃食完，男人先突然問我影唔影相😂最後惟有影佢食剩嘅雲吞🙈餃好食！不過湯就一般，清，冇咩味有幾粒葱咁，如果湯都正就更perfect!

原本帶住期待過来，叫左一碗西洋菜餃加麵底+豆獎，需然價錢真系非常之平民化，但味道確實一般般，湯底同餃子淡而冇味，而且D麵完全冇麵口感，似足米线，唔知點形容，完全没有任何驚喜，可能各人口味不同，不是推介食評寫得咁好，應該唔會有下次！

今日假期特登來到深水埗試下朋友介紹既魚湯韮菜餃未食之前非常期待，因為本人好鐘意魚湯和韮菜食物，去到門口不用等位，有幾張大圓枱，大家都是搭枱坐，叫了食物也好快就到，第一淡先試魚湯，奶白色的，味道都算清甜，然後到韮菜餃，我個人認為韮菜味未算太重，可以再濃味d，可能當中加左少許豬肉落去，價錢$27/8隻，都可以丫，另外有得外賣生水餃，$24/1打，聽説這間生意做到一田都有得買，可以直接買回家煮，下次可以再幫襯

端午節嗰排係Facebook見到有圓方既post就好奇click左入去睇下佢地最出名既好似係西洋菜餃子🥟本人都幾鐘意食西洋菜同埋見唔係好多地方都有西洋菜餃子🥟就想去試下喇~佢係福華街，唔太遠就塭一日去試！佢既位置唔算難塭，好似女人街d餐廳咁，係檔仔入面條街😅😅大家去到要留意下！一行2人，嗌左一碗淨西洋菜餃同一碗淨韮菜餃🙂🙂淨餃一碗是有8隻的，如果要湯餃麵就好似5隻(?)但價錢一樣~~好快手就上左2碗餃子比我地喇！佢既皮好薄，睇到晒入面材料既顏色😂😂😂其實睇相都睇到佢既皮好薄🤪🤪先飲一啖湯......um 美味餃子店既湯好！飲！好！多！ 我是真心的😋😋😋但咬左一啖會覺得其實真係好食！首先皮好薄好滑(我個人係鐘意食煎餃多過湯餃，因為驚皮厚),但呢度完全係皮薄餡靚！d西洋菜味好出，又唔會老！😋😋😋😋😋 除左西洋菜，入面仲有豬肉同蝦肉。而且價錢$27/8隻 抵呀！另外一碗韮菜餃我就冇試到，但友人都話好味的呢最後我地想買生餃番去自己整，但老闆娘話即日包嗰d就賣晒，得番d pack好的。冇所謂啦pack好都係人手包咋嘛所以買左2包西洋菜一包白菜添🥟🥟🥟都好多人買呀真係🤭🤭

端午節放假，出來深水埗行下，當然要搵啲地道嘅食物。朋友話呢度啲餃子好味，當然要來試吓啦！先來一碗淨韭菜餃，皮薄餡靚。上海雲吞麵，美味！應吓節，要隻糭食下先！手快有，轉頭已經聽到賣晒！心水之選，田雞粥！要等好耐，不過真係即滾即食，好味！忍唔住口，要多一碟魚皮，好香好脆，餸粥一流！店內有幾張大圓枱，基本上都係要搭枱㗎喇！不過坐得尚算舒服，唔太迫。我地三個人食，食到咁多種類，每人都只係大約$50，好抵食呀！

成日都見到KOL們推介呢間，點都要抽時間去試吓嘅~入到去睇餐牌，比想像中平喎！11-27蚊不等，但會收加一！第一時間梗係叫個最出名嘅魚湯韭菜餃喇! 一見到白色既湯就滿心歡喜，喺街食嘢，好多時都會避免飲埋d味精湯落肚，面對呢一碗湯，絕對安心，隻隻大細均勻，一碗有8隻。見到佢既餡料都唔算好飽滿，以菜為主，但食得出係新鮮嘅~至於餃子皮都好薄，晶瑩剔透咁，食欲大增呀！總括而言，真係平、靚、正！

放工後突然好想食餃子 咁啱出開深水埗 不如試下近排出名既餃子店啦！魚湯上海雲吞（白菜豬肉餃）$27一共有8隻雲吞，魚湯鮮甜，雲吞皮薄，餡份量一般，味道不過不失。一次過食咗8隻仲想繼續食多碗...隔離個位朋友食完一碗雲吞再食多韮菜餃加腸粉😂蠔油菜心 +$7 （加大$14）雖然係少左啲既 但菜心幾新鮮💁🏻甜醬辣椒醬胡椒粉芝麻配料好齊全👍🏻埋單都只係$34 好抵食呀呀呀呀呀！👏🏻👏🏻仲可以買餃子返屋企打邊爐！一打只需要$24！！ 12隻$24=1隻只係$2 超級超級抵呀！😎 重點：1. 抵！ 8隻餃子 $27 2. 超抵！一打生餃子 $24

聽聞呢度嘅雲吞同餃子非常出名，今次就嚟試下先～～～今次叫左個魚湯上海雲吞，可以叫淨餃或跟麵 ，淨餃就有8隻，跟麵就有5隻，今日未食lunch就叫跟麵啦～～～見到有員工係度密密包餃，睇住粒粒餃子人手包製，真材實料， 令我更期待呢度既餃！！！好快碗麵係黎喇~呢度嘅雲吞係白菜豬肉餃~雲吞皮薄好滑，餡料多，而且調味得非常好味！！！跟麵係跟上海麵，可能煮得唔係好耐，D麵比較硬，食食下就軟身番~魚湯味道清甜，但不太濃，比較清淡，可能因要配上雲吞餃，所以魚湯做得不太濃味，以免搶過雲吞餃嘅味道。但飲呢個魚湯唔會口渴，證明冇加味精~整體來說，雲吞餃果然出色，但魚湯及麵較為遜色。值得再來試其他淨餃子~~

小店，小店，妳執一間，便無一間了！希望所有小本經營者也可以排除萬難可以力抗洪流，生存到下世紀，始終租金一直是經營者面對的最大挑戰與困難！我也無奈地親眼見到一間又一閒再一間消失於天與地……唉！春夏秋冬，花落飄散不堪記！叫了蝦米腸，woo ，粉皮厚度適中，加上葱花引出清淡而又葱花般香，點上混合孖寶兩醬，令人心曠神怡，我明白了一日之計在於晨，早上一定要空肚吃早餐之道理了！另，再叫了免治牛肉粥，一碗靚粥最重要是粥底，慢火煮，再加入用心切好的免治牛，一併煮好，牛味也滲入綿綿粥底，吃出厨師的貼心及用意！就是喜歡，正是愛上……i am loving it !

圓方餃子，久仰大名，曾在網絡上爆紅，招牌魚湯餃子聲名大噪，今日終於有機會一試，難免抱有不少期望。原來小店除了餃子外，還提供粥品、腸粉及麵飯，款式不多且價格相宜。魚湯韮菜餃 $27有八隻，魚湯味道清甜，不會淡而無味，但餃子質素卻沒有驚喜，皮沒有特別薄，餡料略嫌鬆散，調味不過不失，整體感覺只是一般，湯底比餃子出色。不過值得一讚的是姨姨們的服務態度友善與街坊客人熟稔，充滿人情味。

天氣熱都會肚子餓😆😆想食得健康，價錢平民，又唔想有味精食品，身為深水埗街坊的我，大大力推薦圓方餃子店。餃子有3種上海雲吞，西洋菜餃同韮菜餃。淨餃有8隻，配上海麵有5隻，都係27蚊抵食又足料。我最愛西洋菜餃，新鮮好有清香的西洋菜味滲出，豬肉味不會搶味，味道很均勻。細細聲講個秘密畀大家知，圓方老闆有潔癖，所以食店非常乾淨清潔，哈哈🤣🤣🤣#hkfood #hkfoodie #yummy #localfood #hk #enjoy #foodporn #相機食先 #food #hkfoodblogger #地道飲食#飲食推介#蕉姐飲食日記

我好鐘意食餃子，但自己包好麻煩好多野要洗要切，買急凍餃又無新鮮咁好食，但終於比我發現到一間好好食嘅餃子鋪。呢間圓方位於深水埗，地鐵站一出行幾步就到架啦！呢間野好多人食架，一定要搭枱。我地例牌會叫一碗淨韮菜湯餃、淨西洋菜湯餃同煎韮菜餃3隻！個湯底好清甜，完全無味精，飲哂佢都唔會覺得口渴。呢2款湯餃真系無得頂～皮薄得黎唔會爛。食落好juicy 好多汁。2隻餃都真系好好食！！！鐘意香口d嘅就一定要試煎韮菜餃～外皮炸得脆脆～但入面仲系好多汁好新鮮～好鬼正！我每次經開附近都一定會去食架！！依家講完又想去食～大家一定要試呀！

我很喜歡食餃子，今天來到圓方餃子店一試～兩個人叫了一碗韭菜餃，一碟叉燒腸，煎韭菜一碟，雞粥及豆漿餃子唔錯 皮唔厚 菜肉均勻 好味好味😎叉燒腸一般般 唔知係咪臨收工就無乜叉燒剩 夾得好少叉燒 皮本身又包唔實d叉燒 腸粉唔算做得出色煎菜餃推介一試～ 非常香口～煎得剛剛好雞粥都ok，雞份量算係咁la～粥底亦都唔太稀剛剛好合共埋單$101～簡簡單單一餐算係咁la😋