圓方餃子粥麵

营业中

休息中

其實自己都十分喜歡光顧小店, 加上在facebook 見到某雜誌的推介,所以慕名而來!網上有人話佢服務差, 態度不好, 不過我就不覺醒態度不好! 不過佢人多光顧, 要有好好的服務佢就無了！由於人多, 所以我買了一打未熟的餃子回家! 為了多一種食法, 6隻水餃是熱水煮, 另外6隻就用慢火煎!說實在, 佢的餃子真係味道淡淡的, 沒有肉香的味道!真真的是很一般的貨色! 雖不是難食, 但一定不是好好食的那一種! 冰鮮餃子的味道比佢便好食! 最後只好用芝麻醬, 幫佢起升味感!不過手工餃子只收26元, 算是便宜抵食, 但味道就很很......一般!

圓方餃子係其中一間我最喜愛食嘅餃子店，佢的餃子皮薄餡靚，唔係好大粒，一啖一粒啱啱好。我自己就最鍾意食西洋菜餃，次次都只會食西洋菜餃，但嗰日朋友叫左個韭菜餃都好有驚喜喎，下次我又有新野可以食啦！😋重點係佢個鮮魚湯底，喇叭食嘅湯底一啲都唔腥，中間好似加左啲胡椒粉等調味料，每次黎食餃都要飲哂佢嘅湯。而且價錢唔算貴，＄27就有一碗八粒，係我經常晚餐前的餐前小食。環境：7/10 （位置方便一出深水埗地鐵口旁邊就是）服務：7/10 價錢：9/10 食物質素： 9/10整體：8/10

提起深水埗 可能好多人會諗起車仔麵 去合益泰食腸粉 又或者掃下街 今日🍋👧🏻要介紹嘅係最愛嘅韭菜餃－－－－－－－－－🥟魚湯韭菜餃($27)餃子多菜🌱少肉 皮薄而滑☺️不過餃子最近加了價 比上次去的時候已經貴了一蚊💰不過已算不錯了 唔知係咪轉了人👨🏻‍🌾餃子冇以前包得咁好 皮有幾皮chur埋一舊 不過依然好食🤩 韭菜味 好突出 好香🐟湯很鮮甜 用了鰂魚🥣煲十多個小時的 👧🏻見隔離位女士成碗湯都飲晒 😯－－－－－－－－－值得改善的是餐廳的衛生 跟廁所位置地下常常有點濕滑 需要多加注意⚠️ 夏天來了 也有蚊子進入了餐廳呀😩.今日係因為👧🏻自己一個去所以冇叫煎韭菜餃 這裏的煎韭菜餃都不錯 大家可以試吓 👧🏻☺️之前有食過好多肉汁好大隻唔算油膩 推介

由幾年前這店開張, 無咩人入至現在飯市經常有人排龍, 佢只用咗幾年時間已經企穩陣腳, 做平民小食在這區始終有客群, 只要做得中規中矩, 無須太突出或者嘩眾取寵! 現在已很少來堂食只幫襯外賣餃子, 以$24/盒12隻計每隻兩蚊, 買過西洋菜肉餃子,餡料內大量西洋菜小量豬肉,極合乎潮流講健康那堆, 不過肉雖小但也可以食飽菜, 而菜有大量纖維幫助腸道燸動, 而今天買的這個口味是韮菜肉餃, 韮菜沒預期中味道強烈, 同樣是大量菜纖維, 這裡只會每一個時段放幾盒出來外賣枱面擺賣, 做法是不想有賣不出去的放回雪櫃, 溫差令肉類變異, 比較注重食物衛生的做法, 另一方面客人買回家也不須要解凍, 雙嬴的做法!

提起深水埗 可能好多人會諗起車仔麵 去合益泰食腸粉 又或者掃下街 今日🍋👧🏻要介紹嘅係最愛嘅韭菜餃－－－－－－－－－🥟魚湯韭菜餃($27)餃子多菜🌱少肉 皮薄而滑☺️不過餃子最近加了價 比上次去的時候已經貴了一蚊💰不過已算不錯了 唔知係咪轉了人👨🏻‍🌾餃子冇以前包得咁好 皮有幾皮chur埋一舊 不過依然好食🤩 韭菜味 好突出 好香🐟湯很鮮甜 用了鰂魚🥣煲十多個小時的 👧🏻見隔離位女士成碗湯都飲晒 😯－－－－－－－－－值得改善的是餐廳的衛生 跟廁所位置地下常常有點濕滑 需要多加注意⚠️ 夏天來了 也有蚊子進入了餐廳呀😩.今日係因為👧🏻自己一個去所以冇叫煎韭菜餃 這裏的煎韭菜餃都不錯 大家可以試吓 👧🏻☺️之前有食過好多肉汁好大隻唔算油膩 推介.

忍唔住大叫終於放復活節假啦！因為黎緊四月中會去日本旅行，所以今日開始仔細plan，仲即刻去左深水埗買電話卡。作為一個餃子控，梗係要去埋我最鍾意嘅餃子店，就係圓方餃子啦！-圓方嘅餃子係人手包，特別好味！每次去到我都會叫魚湯西洋菜餃 ($27/8隻) 同埋煎韭菜餃 ($16/3隻) 。粒粒餃子都皮薄餡靚，菜仲好新鮮添。煎餃仲要即叫煎，雖然要等耐少少，但係都好值得。因為粒粒都外脆內軟，韭菜味好香。每次食完都覺得唔夠，想即刻encore！

成日都見到佢係到賣廣告 又被人講到好好食咁 就決定午餐試試佢 因為我本身好鍾意食餃子 對餃子亦都好高 最後果然係希望愈大失望愈大 唉 叫左魚湯韭菜餃$26 魚湯好白 但算唔上濃 無所講咁必飲咁正 啲餃係正常水準 $26黎講普普通通啦 煎韭菜餃$15 煎得個皮好脆 好食過魚湯餃 不過得三隻 少少貴 當下午茶小吃就得 最失望就係個蜜汁叉燒腸$16 因爲淨係食餃唔夠飽就叫左個腸粉食 點知佢粉厚料又少 係個粉開得差定點 好難食 老實講 我無諗過腸粉可以咁難食 如果要再黎 我只會買煎餃當下午茶 其他不了

深水埗周圍都好多嘢食，而且價錢都平民化，今日呢間就係我最新發現嘅。主打係食水餃同面，我同家人叫咗炒麵、粥同埋水餃麵，加埋都唔使＄100， 加上份量非常足夠，性價比非常高。 首先講個水餃，水餃皮非常滑，餡料都好夠，好大份，其實淨係食個水餃都已經夠晒飽。粥方面，我爸爸叫咗個白果粥，我問佢點解食白粥？我試咗淡，真係同平時嘅白粥非常之唔同，唔係平時出面嘅味精粥，淡淡都有白果嘅香果。炒面就般般，好乾身，實在唔建議。整體來講都算唔錯係一間性價比非常高嘅餐廳。

之前聽過好多人講呢間餐廳，聽說又平又正，咁岩要去深水埗買電話卡，就諗起佢啦！去到都幾full, 咁岩有人走，我同朋友就唔使等，一去到就入去坐。果度幾張大枱，全部都搭枱的。因為之後我地想食甜品，於是只係叫左少少餃share。魚湯西洋菜餃好香好香西洋菜味，真係好少地方有得食！隻餃唔算好大隻，但皮薄多汁，好味！ 我同朋友都讚～魚湯重好健康tim!煎韮菜餃煎得好脆好靚，入面好多餡，菜多肉少，食落非常香口，鍾意煎餃既一定要叫。價錢便宜，食物質素好，下次冇飯食再去開餐！

今日到深水埗諗住辦年貨買角仔，但係原來一早沽清😒一場嚟到深水埗冇理由唔食埋嘢先走囉。今日朋友介紹咗一間餃子店叫做圓方餃子粥麵，佢話食過啲西洋菜餃子🥟好好味，咁今日就試下呢間啦☺️睇住個Menu其實都有少少選擇困難症，因為真係粥粉麵飯樣樣齊。最後朋友叫咗碗西洋菜🥟上海麵，我就叫咗碗韭菜🥟上海麵，加一個煎韭菜餃再加個豉油皇炒麵。雖然魚湯底比較淡，但🥟好新鮮，真係做到皮薄餡靚，足料韭菜味好香，西洋菜🥟就偏清淡，但係如果唔想食咁濃味嘅話，西洋菜🥟都係一個好好嘅選擇。大大隻煎韭菜餃子個皮比較厚身，但係煎得好香囗，好味道。跟住個豉油王炒麵整得夠乾身，好難搵到好味嘅豉油王炒麵呢度嘅炒麵都算係好OK。唯一麻麻哋就係個辣醬唔夠辣，鍾意食辣嘅我呢一方面就滿足唔到啦！下次可以買埋佢嘅外賣餃子返屋企打邊爐試吓都好＄24有一打都算超值👍🏻。

最近係網上知道呢間店 放入收藏 期待去食終於有機會一試 入到去一坐底 阿姐已經在身旁：諗到未？：一個上海雲吞 一個韮菜餃 係咁多：一個雲吞 一個韮菜餃 仲有冇：冇 係咁多 ：淨係兩様 冇其他啊？：係呀 淨係兩様真心燥 2個人 一人食一碗唔過份姐 係咪魚湯底第一次食 係特別D 不過D餃 名過於實 好普通 隔離搭枱阿叔要杯水 阿姐俾杯凍水佢阿叔話唔係熱水啊 阿姐：我地冇熱水 係得凍水 咁你依家要唔要丫！我食到最後一粒 嗰口都未食完 阿姐巳9秒9衝過黎 手已到我碗邊 ：唔要啦嘛 湯仲有一半 不過已經唔想飲嘞 俾佢收搭枱冇問題 一張枱撘5組人 下下上又唔睇單 逐個問 係咪你 以咁普通嘅餃又咁趕客feel 有時親身試過先知

魚湯西洋菜餃 ($26) 8隻實現左我童年既幻想，將晶瑩透薄既雲吞皮同餃子份量既餡料結合，餃子大隻飽滿、皮薄餡靚。作為西洋菜愛好者，好欣賞佢用左最幼嫩既菜莖，新鮮爽脆、冇草青味。肉餡比例較少，味道清新健康。魚湯老實講飲唔出魚味，似係豬骨熬既上湯多d，但勝在鮮甜冇味精，一滴都冇飲剩。整體好有家既味道。煎韮菜餃 ($15) 3隻、魚湯韮菜餃 ($26) 8隻煎餃比湯餃體積大3,4成，外皮煎到脆卜卜、熱辣辣，一咬就有鮮味肉汁流出黎。想同鐘意點醋食既朋友講，呢度只有大紅浙醋，冇黑醋感覺爭d野呀... 韮菜餃放湯反而食到韮菜既幼嫩，餡料香濃惹味，配上滑嘟嘟既金魚尾成功中和膩感。眼前一亮既感覺就冇喇，但食完會真心講句，「廿幾蚊，仲想點呀？」 樸實足料，就係咁簡單。

作為餃子控，竟然咁遲先知道呢間餐廳！朋友話深水埗有好西，有平餃子食，我話有餃子真係要帶我去試！我平時好少影menu，呢到平到我忍唔住影左。8隻餃子先26蚊！我叫左韮菜餃面都係26蚊！超抵食。仲有粥同小食，都好平。叫面底既話呢係5隻加個面，咁樣會飽肚d，餃子皮好薄，好多涵，比起屋企包既餃子都唔會差，好食！！我見好多人都有叫西湯菜餃，下次黎可以試下先。食完見到蘿蔔糕又想試，叫左個蘿蔔糕，唔少蘿蔔，15蚊咋，抵食！

本身自己好喜歡食餃子，近年喜見香港開多左餃子店，多左選擇。 不過今次食既係深水埗既老店 《 圓方》。 圓方宜家已經由家族第二代經營，不過餃子依然堅持每日人手包。一入店鋪就見姐姐密密手，係咁包餃子。<餐牌>八隻湯餃只係26蚊。餃子種類唔多，只有西洋菜餃韮菜餃，另有上海雲吞。 <西洋菜湯餃 $26/8隻>做到皮薄餡靚呢四隻字。餃子皮好滑好薄，唔似灣X碼頭果D淨係食皮都飽咁厚。 西洋菜餃子菜多肉少較健康，菜食落係爽口既。 湯餃配既湯係奶白色既魚湯，味道較為清淡，有需要可自行加鹽調味。 <韮菜煎餃 $15/3隻>上台時熱辣辣，應該新鮮煎好先上台。外皮煎到金黃色，好香脆。 韮菜餃韮菜味濃，一邊食餡料既肉汁係咁必出黎，好正。

之前係飲食男女介紹過圓方餃子，又聽到朋友話專登去深水埗食自認係餃子專家，等我試下係咪真係咁好食價錢比餃子連鎖店平，街坊價平時食開白菜豬肉餃，見呢到招牌係魚湯西洋菜餃，好喇就等我試一試便知龍與鳳魚湯都算濃，一碗有8隻，皮薄且滑餡都唔少食完唔會口渴，証明無落味噌而煎餃只得韮菜一款，$15三隻，唔算特別平，煎餃皮略厚，但好多汁，一咬就咇晒d汁出黎，可惜用太多油煎，外皮好多油總括黎講，味道都算ok，如果經過附近都會去食多次，但就未必會專登去食