圓方餃子粥麵

营业中

休息中

這次去試一家平民餃子店店內空間感大，但是一張張大的圓桌，需要和其他食客拼桌魚湯西洋菜餃+韭菜餃 $31是媽媽的味道啊！皮很薄，餡料足西洋菜餃很爽脆又有幾分肉味湯底用上魚湯，加分！滑雞粥 $37粥底還算綿滑，雞也嫩，不過就很多粥店也做到這個效果所以沒特別😂這家店的餃子性價比很高，喜歡吃餃子的朋友還可以買現成的回家煮呢😂

Intro: 深水埗最出名嘅餃子店一定係圓方餃子，但呢一日天氣開始轉冷，好想食碗粥，再加多碟腸粉，咁就更加暖笠笠，而埋單都係50蚊內，但份量就岩岩夠～___________________🍽 皮蛋瘦肉粥💰25 ⭐️ 8/10✍🏻 粥底真係好滑，水同飯嘅比例岩岩好✍🏻 皮蛋瘦肉嘅份量都好多，瘦肉肉質估唔到咁彈牙✍🏻 絕對係用左靚嘅皮蛋，口感無果種唔靚嘅苦澀味🍽 叉燒腸粉💰20 ⭐️ 7/10✍🏻 腸粉嘅皮少厚，口感冇咁滑✍🏻 叉燒嘅份量偏少，味道好似偏重粉團___________________🏠 圓方餃子粥麵📍 深水埗福華街104號地舖⭐️ 8/10___________________

個fd 叫碗豬紅粥，我叫個豉油皇炒面。粥底唔夠綿，份量比出面粥店少。炒面又冇咩味，料又少，仲有d偏硬我諗呢度既皇牌係餃子啦，見2枱成8個職員密密包，呢度既好評大多都係比餃子 😅

係深水埗覓食咁多年，圓方餃子就好似隱藏於密密麻麻嘅大排檔之中，一定要循住某個方向仔細一搵，先搵到精簡嘅店面。入到去自己搵位坐，見到幾位姐姐已經好努力地包緊新鮮嘅餃子，廚房亦都馬不停蹄咁煮餃、煎野。差不多每次黎都係叫魚湯西洋菜餃（走青）（$31/8隻好抵食！），真係食唔厭架！佢係我食過好多間餃子店，皮好透薄，又滑身，唔會好厚皮；肉餡好扎實，混埋西洋菜好鮮味，而且菜洗得算乾淨，唔會食到有沙。魚湯本身都好夠鮮味，唔會話太腥，通常都會飲一半。另外之前食過煎韮菜餃，味道都好出眾，煎得又夠脆。

呢間餃子店一早已經收藏左，難得男友出嚟西九龍，晚餐主食特登食少D，就為左留番少少肚嚟試餃子😏。店內除左多人點餃子外，粥品都有唔少人柯打。我自己係衝著餃子嚟嘅，所以點左個淨白菜豬肉雲吞，在場多數食客都點西洋菜餃，我都唔執輸，買左盒生餃番屋企第二日煮嚟食🙊😌。白菜豬肉雲吞 $31/8隻個雲吞皮有別於傳統嘅梘水皮，比較似餃子皮多D。皮好薄、好滑、好輕盈，餡料唔算飽滿，多菜少肉，第一次食白菜餃可以食到咁濃菜香!!😯魚湯好淡好水，少許胡椒味，唔飲唔會可惜。蝦米腸 $15我地無睇清楚原來係蒸蝦米腸😂，腸粉好滑，蝦米都有唔少。西洋菜生餃 $28/打原來多人點佢係有原因，真係好驚艷!!🙉 同堂食雲吞一樣，餃皮薄、又滑，餡料多菜少肉外，西洋菜非常香濃，而且好爽脆!!🤤 唔好以為菜多就無肉味，由於肥膏比例比瘦肉多，所以依然食得出豬油香🙊。餃子SIZE唔大粒，我可以一口一粒。

餃子啲皮好滑😊有家嘅味道😋價錢都好抵食👍🏻👍🏻餃子可以再嚟食😊簡簡單單又一餐❤️粥底好綿😍材料普普通通啦😛炒麵就真係好唔得啦🫠因為好硬好似鐵線😖

✨係我在香港吃過最中意嘅餃子🥟！ 沒有之一！！！ 專門跑過去深水埗買外賣，結果真係超級好食👻🥟點佐一份「魚湯西洋菜餃」，一份「魚湯韭菜餃」，加點佐兩份青菜，一共82hkd✨餃子皮薄而且超級滑口，仿佛我吃緊雲吞一樣！作為廣東人，我最喜歡皮薄的餃子，而且魚湯底飲起身就勁鮮甜！💡更加冇霖過，西洋菜餃，原來係感甜！完全係蔬菜的甜味，唔係加佐砂糖的果種調味，而韭菜餃就相對普通。✨個人超級推薦西洋菜餃，而且有時間一定要堂食。我打包帶走到屋企再吃嘅時候，餃子皮泡太耐，有d都破口了🥹。下次再去專門買d生水餃翻屋企自己煮！

睇住佢開張覺得佢啲雲吞都算咁多年keep住質素有新開的7成，價錢都算唔貴，因為唔飲魚湯所以都係買生的，就算早年突然間話豬肉貴了佢都係加價得好少這個係值得一讚的，而今日叫了家人買2盒回來，打開看到一盒有水氣真的有點不爽，即打開篤看看石頭硬的，買就是要買新鮮，你竟然給我入過冰櫃的，以後買真的要看清楚，當然做生意不可以浪費食材，但這些入冰櫃的你應該另外處理或售賣的時候說一聲吧（上面有個吞字個盒就係入冰櫃貨硬的硬如石頭）

我係多蔥怪之好食餃子館😄黎開長沙灣整車牌，男朋友第二次帶我黎食呢間餃子，老實講上次黎食覺得佢麻麻地，但係今次食有驚喜！可能今次平日下午黎，人唔多，慢慢品嚐下，發覺魚湯底唔會好重味精，食完返到屋企都唔會有種好頸渴既感覺。而今次叫左西洋菜豬肉餃同白菜豬肉餃各有特色，西洋菜味道濃啲，而白菜豬肉清清地，同啲湯好夾，兩款都中意。上次黎食人多，叫左腸粉，腸粉一般所以印象麻麻，今次只叫餃子，仲要求多蔥，好感度又返返黎啦

係深水埗想食餃子都有好多選擇，今次黎到呢間朋友推薦既圓方，小店風格，午餐時間都座無虛席，主打無味精既魚湯餃子，仲要價錢好抵，$31有八隻，真係又好食又抵食😋 1️⃣魚湯西洋菜餃（$31） 湯底清甜飲到魚香，仲有少少麻油香。湯底好好飲，最後我飲曬成碗🤤呢度既餃子皮算薄而且好滑，餡料西洋菜味道好香而且冇渣👍菜同肉既比例都唔錯，感覺幾健康～  2⃣️魚湯韭菜餃（$31）韭菜餃都好出色😌一樣皮薄餡靚。呢度既餃子唔係爆餡果種，而係走平實路線，感覺食落好舒服好好味～而且湯底真係好唔錯😚

深水埗向來有好多價廉物美既美食，而呢一間係其中一間令小編念念不忘既小店😍 呢到既價錢平，餃子🥟份量多，亦都真材實料，雖然簡簡單單望落唔特別，但係清淡健康又好食😋 係一個平靚正，令人窩心既選擇👍🏻 西洋菜餃🥬🥟、韭菜餃🌱🥟同埋上海雲吞都好出名，好值得黎試下😜 另外仲有生餃🥟可以買走tim😎 而小編每次黎都會食西洋菜餃😍 (5 😍 係滿分，🤩係半分）魚湯西洋菜餃子🐟🥣🥬🐷🥟 - $30 (好味指數：😍😍😍😍🤩)西洋菜🥬🥟唔係好常見，不過小編好鍾意食所以一見到就叫左😌 呢到既餃子🥟全部都係人手製造既，皮薄餡靚，晶瑩剔透，每一隻都脹卜卜咁，表皮好滑又有啲彈性，同埋啲姐姐會包到啲餃子🥟係元寶形，以防止漏餡，保持煮既時候唔會穿，食到餃子🥟既原汁原味～西洋菜🥬好容易會老，但呢到用既鮮嫩唔會有渣，味道清香，而菜🥬同肉🐷既比例大約係7:3左右，咬落去好juicy有層次，香口爽脆又唔會有好多脂肪，質素穩定～ 淨湯餃一碗有8隻，食完都夠飽～ 奶白色既湯底🥣係由魚🐟同豬骨熬左好多個鐘，清澈同埋幾鮮甜又唔會腥，飲埋都唔會口渴，證明無點落味精，落左心機熬既😜不過魚味🐟可以再濃啲咁就更加突出到餃子🥟既鮮味～好味指數

同屋企人嚟開深水埗買嘢 諗住買啲小食食下細佬就推介咗呢間啲餃子個皮超薄，餡又足料，外賣$31蚊8粒女仔應該可以當lunch食， 餃子個湯係魚湯，都幾鮮甜！ 食完之後仲忍唔住買多三盒生餃㖭！

懷舊系列路過深水埗，抽起條筋想食餃子，二話不說就走去圓方，深水埗都有唔少賣餃子食店，食過幾間，都係圓方煎餃最啱我因為當飯食，叫左兩份，即係6隻。大大隻，皮薄且脆，餡鮮爆汁，韭菜咬落索索聲，有足夠水份又唔老，肉餡比例啱啱好。6隻餃當然唔夠飽，所以叫多碟炒麵。炒麵比較普通，印象中應該係用上生麵炒，唔係即炒當然預左，而佢翻熱用微波爐，偏乾。我食過有啲舖頭用煎pan炒熱，感覺完全唔一樣。而且呢碟配料比較少。下次食餃子配粉麵好似更穩陣。

圓方其實去過好多次，不過次次都係買生餃子，咁啱星期五下午出深水埗買電腦，經過見有下午茶優惠價，原先$30/碗韮菜餃，優惠價$21，梗係要食啦，另一款下午茶特價係墨丸河，但黎得就梗係食餃子，所以冇叫，再另加一碗招牌西洋菜餃，老實講，一上枱碗魚湯有啲腥味（我個人怕腥，但朋友就話ok）落咗d胡椒粉就好好多，本身我都鍾意韮菜餃，但2樣一齊食，西洋菜餃就明顯嬴左，食完就梗係指定動作，買2盒生餃返屋企看門口啦，好滿足

ssp 名店了西洋菜餃不太常見一咬下去西洋菜的香氣四溢仔細嘴嚼的時候會發現店家選起來西洋菜相對較嫩的地方使得不會出現有殘渣而其中一個人被忽略的加分位西洋菜一點沙都沒有很加分了湯頭是鮮魚湯濃濃的魚味配上餃子好夾一口餃子，一口湯，就是一個早餐的好選擇如果要說其中一個可惜地方就是缺少了一個驚艷的辣椒醬或者辣菜脯吧（某程度上被太子那些店寵壞了）另外一個個人很喜歡的炒麵的甜醬可能個人口味吧就一直停不下來可以試試