圓方餃子粥麵

营业中

休息中

我步行至深水埗，沿途看到好多餃子店，太子至深水埗應該就係香港的「餃餃鎮」🤣我目標好明確就係想試呢間餃子店，所以無被其他餃子店迷惑😃😃西洋菜湯餃好味道，個湯好好味🐟🐟🐟🐟🐟 餃子🥟個皮既厚度適中～ gooood (飲湯既聲）good! (讚好既意思）韮菜煎餃都唔錯，係食完有啲胃氣～ 嗝！🤭oooops~除左好食 唔識可以點形容請各位食家指教🙇🏻‍♀️其實另外仲叫左個齋腸粉，喺呢間餐廳叫呢樣食物 我就不推介了，腸粉淋得濟了😬

本人非常喜歡食餃子，最鍾意食白菜餃，係對韭菜餃就一般般，今日過黎深水埗見到呢間餃子店，好似好出名咁，而且西洋菜餃子好特別，所以決心入去試一試入面有4個姐姐係到包餃子，而且佢哋有做外賣，生意真係好好！餃子好新鮮，而且皮包薄魚湯好鮮甜值得一試！

一個人黎到深水埗，因為生飛滋熱氣，食湯餃係一個好選擇，當然係黎老舖圓方餃子店。一個人叫咗三樣嘢1. 西洋菜湯餃 $29/8隻2. 菜心全走 跟餃+$83. 煎韭菜餃$18/3隻 首先黎左煎韭菜餃。都算大隻，但煎得略嫌不夠金黃色，咬落軟林，微暖，心知不妙。 第一啖咬角位，角位硬膠到吐返出黎，我估計餃子煎好並擺放一段時間。韭菜煎餃的香氣算不俗，但對比荃灣餃子屋還是有距離，加上皮較厚，咬落比餃子皮味道搶奪。第二口將成隻餃子放落口，咬到有一粒硬碎粒是我黑仔嗎？終於嚟到西洋菜湯餃及菜心，令我心情舒暢返。如果+8蚊的菜心份量算不錯（但如果用正價是這個份量都不劃算）菜心易咬不老又甜不苦西洋菜湯餃果然會令我吃光光嘅食物。佢嘅魚湯又白又甜，鮮甜到我懷疑有無味精（事實證明無的：即使回到家都不口乾）西洋菜加豬肉的味道淡淡的，加埋薄薄的餃子皮，適合清啖人士。總括來說，湯餃保持出色，煎餃失色，清淡人士及划算首選！

深水埗出名價廉物美，好多隱世小店這間圓方餃子粥麵裝修簡單，但卻很有名氣原因是他們的餃子 一個字 正而且價錢便宜 湯餃全部都不過$30我最喜歡食他們的魚湯西洋菜餃每粒餃子都好大隻，而且餃子皮整得好薄 西洋菜本來就帶有水份再加上豬肉 每隻西洋菜餃都好多汁 佢地餃子確實做到皮薄餡多 每粒都好滋味不得不提仲有佢地既上湯係魚湯餚製,煮到好奶白色，飲落去有淡淡既魚味魚湯配合西洋菜餃真係天衣無縫所以難怪吸引更多人食 除咗堂食之外好多人都特登來深水埗外賣佢地既西洋菜 有機會嚟深水埗既你哋要試下

今日同朋友經開嚟呢一度話平時好多人、今日咁幸運下午冇乜人就衝左入嚟食嘢啦、今日得你坐就梗係食招牌餃子啦、店員推介話西洋菜餃同埋韭菜煎餃最好食、真係唔錯喎、我西洋菜嘅餃子入邊嘅湯底呢係胡椒豬骨魚湯、不過我就特別鍾意食脆皮韭菜煎餃子、個蘿蔔糕就可以啦⋯⋯即刻外賣左三盒擺喺冰箱！隨時隨地有得食、仲要價錢非常實惠！咁嘅質素咁嘅價錢真係性價比高、大家可以黎試吓！我仲叫咗外賣白菜豬肉餃、西洋菜同埋韭菜餃添⋯⋯

小子今日去深水埗睇醫生， 去之前係附近搵食， 由於早上黎到， 文記車仔麵又未開， 行下行下周圍搵食， 見到依間餃子店， 就入黎試試， 睇睇個餐牌， 有粉麵、餃子、腸粉、粥最後小子揀左魚湯西洋菜餃🥟魚湯西洋菜餃 $29/8粒， 餃子size適中， 唔算大粒， 魚湯還可以， 真係得湯+蔥， 餃子菜多肉少，健康好味可以算係平靚正之選， 小子見隔離枱有人叫煎餃， 小子都想， 但食唔哂， 唯有機會下次再試，仲見到有生的外賣餃子， 都幾多人買的

繼對上一次比前面位個哥哥仔叫左最後一碟,今次都係食唔到個糭,希望下次可以食到第一次堂食過魚湯西洋菜餃子後一直心癢癢,皮好薄好滑一d都唔粉,而個魚湯配餃子都一樣好正,食兩碗都唔會覺得好膩,最重要係價錢！好！抵！食！自始就算住元朗,打邊爐都會買一兩盒生餃返去,但要小心d,最好唔好就咁放入個煲,唔係好易穿左爛哂,因為個皮真心薄今次就臨收工去買外賣,差d最唔到,好在老闆放行😂返到屋企偷食一粒加少少湯,好驚喜地個湯凍左都完全唔腥,但都係整返熱最好食

今日去深水埗買野就順便試試，店面同一般粉麵店無異，叫左個魚湯西洋菜餃同埋煎韮菜餃，本身鐘意飲湯，魚湯嘅奶白色好吸引😍，淡淡嘅魚味同胡椒粉味好夾，西洋菜餃皮薄帶煙韌，西洋菜味十足又夠嫩，出面比較少見煎韮菜餃大大隻，正常餃皮煎得香脆，裡面菜同肉比例剛剛好，咬開即時爆汁味道濃郁，好好味😋會再返去食

圓方餃子一向聞名，今晚嚟開深水埗有幸一試。嚟到見到好多街坊都係食煎餃子或湯餃子。咁我就點深水埗名物西洋菜湯餃。一碗湯餃子大概都算幾多，最好味係啲湯， 奶白色湯汁係魚湯餚製。 雖然餃子係用韭菜同豬肉造成，但咬落去非常之脆，亦有西洋菜嗰種新鮮感。一大碗湯餃子都係$28 ，今時今日嘅物價，真係抵到爛。

聽過圓方餃子店好多次，今日終於經過深水埗試一試。本身想試西洋菜餃，點知佢落錯咗韮菜餃。$28 8隻湯餃。可以轉5隻餃連麵底。大食嘅可以選擇$28 8隻餃，另外加麵底加$8。我好鍾意食餃，所以揀咗後者。佢個麵嘅份量唔算多，餃嘅饀都唔算好豐富。所以叫8隻餃再加麵底食完都唔算好飽。魚湯好清，有淡淡魚味，應該係真材實料，起碼我飲哂個湯都無覺得好渴要飲水。韮菜餃無乜特別大驚喜，唯一一點值得講嘅就係佢嘅韮菜唔係個啲你食完啲韮菜味會keep足三日三夜個隻，食完唔會keep住啲韮菜味唔散。煎韮菜餃$17 3隻。煎餃size等於2隻湯餃。煎餃值得一讚，煎得好脆口，味道對比湯餃濃啲，好食啲。

星期六咁啱喺深水埗附近買嘢，想試下新餐廳，就揀左呢間餃子店 — 圓方餃子粥麵店。舖頭嘅裝修比較平實，但都有好多人幫襯，於是乎同老公試下。因為唔太肚餓，所以我哋分別叫左個淨餃子。呢度嘅餸子係人手包，更特別係用魚湯上。等左一陣就有得食啦，魚湯淨韮菜豬肉餃，食落好足料，都非常新鮮。仲叫左個魚湯淨西洋菜豬肉餃，同樣十分新鮮，好好味。特別欣賞呢度嘅餃子係多菜少肉，感覺好健康，魚湯湯底飲完唔會口渴，應該無懼味精。而且價錢非常實惠，$28/8隻，好抵食。

我地兩個人 坐低叫左一碗魚湯西洋菜餃，一碟煎韭菜餃，西洋菜餃好好味，菜多肉小，我最鐘意 ，食極唔夠，再叫多2碗黎食，前後三碗！😋煎餃系好大隻好脆，但味道試我覺得無咩特別，正常，不過不失，唔會難食唔會好好食，我都系中意西洋菜餃多D!另外我地再叫左一碟腸粉，呢個真系超級難食😂好耐無食過甘難既腸粉，好似擺左幾日雪櫃再拎出黎蒸甘，口感味道都好差，仲有及第粥，粥都幾棉，但味精都幾重，食完幾口乾下，同埋水餃個魚湯都系比較重味精，出街食，有味精都系正常既，不過我見人介紹話無味精，所以先飲幾淡試下，我建議都系唔飲好過，因為飲完真系好口渴😂

尋晚因爲要到黃金買電器就睇下附近有咩食，就見到 圓方餃子都好多人推薦，就入去試下啦，就係黃金對面條內街，行過去好快就到首先比大家睇下餐牌先，價錢十分平民除左餃子，重有粥麵飯。我同朋友一人叫左一個西洋菜餃同韭菜餃，淨餃無跟麵，大家如果餓可轉跟麵。首先呢碗係西洋菜餃，好足料 ，咬到好多肉汁，皮薄，菜都好新鮮 然後朋友叫左碗韭菜餃，都十分足料最後再加多碟 煎餃$17蚊三隻，煎得金黃鬆脆，加少少醋最後同友人飽住走，堆單都唔洗100外賣左一盒生餃子$25有12粒

本人係超鐘意食餃子，咁岩工作上做野經過深水埗，就試下呢間。點知佢個西洋菜餃真係好好食😍🤤我叫左西洋菜餃&韮菜餃雙拼河粉。鐘意食得健康既女士都可以黎試一試，湯底有魚香味，完全冇味精！水餃方面好有鮮甜味👍🏻👍🏻值得一讚另外叫左既韮菜餃，同樣好足料，濃濃既韮菜味，都不錯。不過個人比較喜歡西洋菜餃。🤣重點係價錢合理，真係大件夾抵食。單點一碗有8隻餃，配麵底都有5隻！真係好抵食。下次會再黎試埋雲吞(白菜豬肉餃)🤤

圓方餃子粥麵 ❤今次食既呢間餐廳話說係親戚介紹👨‍👩‍👧‍👦亦見佢係社交平台大大力宣傳，話佢人手製造既餃子大件夾抵食🥟所以就夾埋媽子去試試佢。呢間餐廳係兩排攤檔既旁邊地下舖，近黃金電腦商場地鐵站出口💁🏻‍♀右手邊見到CSL 轉右行一陣就係，係地下舖可能掂行掂過，唔察覺到呢間餐廳🙈入面有唔同食品，湯餃類、粥品類、腸粉類、飯類、生滾粥類、炸油器類🤪.❤魚湯上海雲吞 $2⃣8⃣就咁睇碗魚湯奶白色，飲落只有略略魚味🐟一碗入面大概有8粒雲吞，每隻既大小平均，同一般上海餐廳唔同，皮唔算厚入口滑溜😍上海雲吞既餡料系白菜，餡料足料，咬落去口感豐富🥬而且滲透出陣陣白菜香味，但美中不足既地方係🤫食完之後非常口渴........❤煎韭菜餃 $1⃣7⃣每碟有三隻煎餃，佢係即叫即煎🍳大概等10-15分鐘，每隻餃子大小差唔多🥟煎到外皮金黃色，外脆內香，咬落去外皮帶點煙韌，餃子汁慢慢流出🍲裏面韭菜餡料既香味散發出黎，餡料分量平均，煎餃較普通😌.❤餐廳有名，唔單止做街坊生意💕亦有唔同地區既朋友仔慕名而來，人流多交替快💨晚上7點到達已經座無虛席，聽街坊講佢吸引之處在於💖價錢便宜，有下午茶餐有兩款湯餃或粉🕒只需要$1⃣9⃣，係月底糧