圓方餃子粥麵

营业中

休息中

🔎圓方餃子粥麵📍深水埗福華街104號地舖-搵到餃子愛好者當然要繼續食均全深水埗餃子店！呢間都幾多人推薦 亦都經常爆滿要排隊 咁我無理由唔試下嘅-🔹魚湯西洋菜餃 $28/8隻西洋菜唔係間間有 通常見到都會嗌 而且好似係最受歡迎 好多人外賣生餃都係買西洋菜餃個魚湯都幾好飲 清清地有魚味唔會有腥味水餃做到皮薄多菜少肉 唔錯🔹魚湯韭菜餃 $28/8隻韭菜份量好足 好濃味 重口味人士必食真係粒粒都皮薄餡多 2款都嗌同朋友share就岩啦🔹蝦米腸 $14皮唔算薄 蝦米亦唔算好多 唔會太香 不過蔥比較多都唔錯 甜醬麻醬係枱面自己加 唔怕唔夠醬啦🔹生菜/菜芯 ＋$7份量得好少 但價錢平彌補下平時太少食菜都唔錯-另外有煎韭菜餃都幾想試 好大隻又煎得幾靚咁 不過$17 3隻就偏貴左少少 下次唔食腸粉試下煎餃先

同Honey行完黃金有些少肚餓，但又唔想食得太飽，於是就黎咗食餃子。其實都唔係第一次幫襯，但次次都只係叫餃子外賣，今次第一次堂食。我地點咗一盤煎餃子、一碗水餃、一碗墨丸河、一碟菜&鮮滑牛肉腸粉。其實入到店堂食我先知道佢地係有粥有腸粉，因為次次都係Focus喺餃子到。水餃就點咗西洋菜餃，水餃保存水準，皮薄多菜少肉，好好味；而韭菜餃好彩係一碟三隻，因為我唔鍾意食韭菜，但都比人迫咗我食一隻，唔計韭菜嘅餡料，都確實係煎得好香脆。墨魚丸一D都唔彈牙，唔好食最難食嘅主角登場！鮮滑牛肉腸粉！自我有牙開始食腸粉，食到今時今日三十年，真係無食過一碟腸粉可以難食得咁緊要，鮮牛肉要搵...最終搵到三小粒，而D腸粉，真係鞋口到爆哂燈！平時10蚊幾條落甜醬麻醬嗰D腸粉都好食過佢地N倍！個負評我係比碟腸粉！

得確價錢合理，吸引各區人士前往光顧！可是餃子🥟雪藏，即使見到職員在後面一個角落包餃子，肉質不見新鮮，煎餃的肉味不見提升。做得好既係湯味噌份量少，減少口渴感覺。

朋友推介食這間餃子店，上埋報紙竟出名，在滕訊獲選「港式小食店」得獎之一，試下味道先韭菜餃皮薄，餡就以菜多肉少不加味精而製，味道清淡健康為主但本人較為喜歡山東水餃和北京水餃我較欣賞它的湯底，講明魚湯製作，用上鰂魚和豬肉等材料，都系偏淡餃子餡款式不太多，西洋菜餃系這間店的出名產品之一清淡清新無鹽這間店粥粉麵飯都有，混合菜式越坐越多人，人流來去匆匆

黎到「圓方餃子粥麵」緊係要食西洋菜餃啦！老公叫左個雲吞麵。西洋菜餃-菜爽脆，一啖咬落去係外軟內脆，味道又清甜，再加埋佢個魚湯，真係無得頂！雲吞麵-皮同肉比例都剛剛好，不過老公試完我個西洋菜餃即話佢雲吞冇咁好味🤣🤣都話識食，一定係食西洋菜餃啦！哈哈哈哈😂佢呢次豬咗喇，下次睇下佢仲敢唔敢再食其他餃😆😆😆食完賣單都係每人$28碗🍜

朋友講深水埗有間餃子好出名，今次就去嘗試一下。去到現場見到姐姐不停密密手喺度包餃，小怪已經好想食啦。聽講個魚湯西洋菜餃，韭菜餃同煎韭菜餃子都係推介，我地決定每樣都來嘗試下。先講魚湯西洋菜餃，魚湯好清甜，無油膩感覺，最緊要無味精味，但又好飲。西洋菜餃$28有八粒，價錢公道。西洋菜煮嘅時間啱啱好，加上菜新鮮，成個感覺清新。魚湯韭菜餃的價格一樣28，因為餃子皮夠薄，睇落去餃子晶凝通透，而韭菜餃就有濃濃既韭菜香。餃子各有特式，不分千秋，一啖一韭菜餃一啖西洋菜餃子就十分享受。韭菜餃煎左金黃色嘅外皮，咬落去有肉汁爆出，又有一番風味。最後73蚊就食到好飽，下次可再黎

😆😆又黎到好多野食既深水埗～～～太多好野食，因為琴晚食得heavy少少，所以諗住今日晏就唔好食得咁過份🙈我一向好喜歡食餃類既野，屋企間中會有自家製阿媽靚餃😆～有時又會出去買啲生既水餃，當早餐呀晚餐呀黎食，咁今日一於試試好出名既圓方😳😳我見好多blogger都有分享過，個個都有讚無彈～🤣唔知係宣傳定真係覺得好味～12點令一人入座唔洗等，我諗晏啲放飯應該就要排隊喇🙈餐牌好清晰簡單，openrice太多，我都無謂再影一樣既野😏唔算好餓，所以只係叫左淨魚湯西洋菜餃，等左十分鐘主角就黎喇第一眼比我感覺成碗野好乾淨簡單☺️好少油好清澈，我偏向食開清淡就岩晒，當然飲左啖湯先，係咪魚湯煲老實講，我唔曉分😌淨係知幾清甜，至少無咩味精，唔會話有味精既甜，又或者放左好多鹽👍🏻之後大大啖食我既西洋菜餃😳一黎感覺好爽脆喎！👍🏻👍🏻可能因為岩岩好熟透？唔會係好稔既菜，咬落去係仲有啲聲，望一望見到滿滿既西洋菜，基乎無豬肉🤣🤣我覺得太好，多菜少肉太岩我喇～～👍🏻👍🏻👍🏻熟左之後啲水餃會皺晒皮，係皮薄先做到！總括黎講，又未至於真係好食到讚口不絕，係啲西洋菜熟到岩岩好仲脆爽果下，令我覺得好歡欣👍🏻水餃清淡健康，價錢平民吸引

週末往深水涉黃金購物，咁啱路過見到門口有一大堆人排隊等候，八卦問清楚原來係等緊入面D姐姐現包現賣嘅外賣餃子。再問問原來堂食反而唔洗等馬上有位，4 點幾下午茶時間，見肚子有點餓，不用猶豫馬上搵個位坐底試試。～ 魚湯西洋菜餃淨餃有8 粒，一啖一粒，餃子入口清爽帶著幽香的西洋菜味道，再呷一口魚湯，熱辣辣無味精，兩者雙配非常可口，一碗賣 $28 蚊，真心覺得街坊價非常低食。～ 煎韭菜餃一碟3 隻，即叫即煎，大大隻足料非常，充滿濃濃嘅韭菜味道，好食又低食。～ 煎蘿蔔糕應該係工場交來貨，9 成都係粉，想搵條蘿蔔絲都難。。。唯一可取嘅係即叫即煎，熱辣辣、乾乾爽爽一D都唔油，難得難得。～ 蝦米腸應該又係工場交來貨，無驚無喜，唯有唔好浪費混個醬攪掂哂佢。真心無意地誤打誤撞見到呢間舖頭，街坊生意小本用心經營，支持小店！

獲深水埗地膽指點，得知此店存在。星期三夜晚7點幾去到已經排緊隊，就知應該真係正嘢！地膽推介必食煎韮菜餃，一碟三隻，size約係一般煎餃1.5倍！皮又薄又脆夠晒煙韌，唔洗擔心會夾爆。韮菜餡菜肉比例完美，多汁而唔油膩，韮菜味道唔會太強烈，調味恰到好處唔會太濃魚湯西洋菜餃為返$3多啲一粒，好食到好似落左香草咁，魚湯又滾又鮮，肯定冇落味精！如果個胃大啲，一定成碗飲晒墨魚丸上海麵有少少腥，但都係好味嘅，冇食過呢個粗幼度嘅上海麵，可能係自家製，好彈牙仲叫左碗生滾粥，豬肚肉丸粥，肉丸較細粒，好味，豬肚都夠晒入味，粥底軟綿綿好夠溫度兩個人食到飽都只係100蚊多啲，仲要咁好味，實在太抵啦~

久聞圓方餃子的大名，今日去開深水埗決定去試下。我地六點幾去到，人龍唔算長，等左一陣就有位。原來餃子得兩款，所以我地決定試哂佢同叫左一碟腸粉。雖然個湯魚味唔係好重，但尚算清甜，唔會有味精味。餃子唔算好大粒，但皮薄餡靚，一碗8隻都只係$28西洋菜餃係第一次食，感覺都幾特別，唔錯，但我都係鐘意韭菜餃多啲。煎韭菜餃非常出色，望落已經覺得好靚仔，食落外脆內軟，仲會爆汁嫁，必食！！！最後的牛肉腸就真係麻麻地，個皮有啲厚，唔夠滑，豉油有煮過但無咩味，唔推介。

去開深水埗通常都會去食呢間今晚就食左西洋菜餃同牛丸麵啲餃新鮮包出黎，皮稍為厚左少少但料足好juicy 牛丸就不過不失麵底都唔錯另外佢都有做埋粥麵，之前食過都唔錯不過今次無食到之後有機會再補

經常見到關於「圓方餃子粥麵」嘅報道，有朋友話佢平時都會買呢間嘅生餃番屋企食，所以就慕名而至，一行兩人去嘗一嘗。 晚上七點半左右黎到門口雖然要排隊，但等左5分鐘已經入得。本身我地已經食左下午茶, 所以唔太肚餓，叫左3樣野。野到都黎得快，等左幾分鐘就上。 首先，係「鮮滑牛肉腸」，大失所望，腸粉鞋唔滑，調味方面亦都欠奉，只有鼓油味，而且呢隻鼓油本身得鹹味，完全提升唔到呢碟腸粉嘅鮮味，唔建議食。之後到煎韭菜餃，好好味，餃子皮煎到金黃色好香口，勁脆，調味恰到好處。最後係魚湯西洋菜餃，一碗8隻，魚湯好鮮味，飲左好多，餃子西洋菜味勁重，喜歡西洋菜嘅朋友可以試下，味道不錯。

前一晚同媽咪包咗雲吞食，就諗起bookmark咗呢間圓方餃子粥麵好耐都未試過。呢日就嚟到深水埗試下呢間咁出名嘅餃子店！我哋為咗避開人流，冇中午時間嚟。三點嚟到，仍然高朋滿座，門口都係有條人龍，不過等咗差唔多五分鐘就入到喇～魚湯上海雲吞（$28）- 白菜豬肉餃魚湯好清甜，感覺冇咩味精，無魚腥味，同餃子一齊食好夾～餃子皮薄餡靚，粒粒由餐廳職員人手包，正！同埋28蚊有8粒都算抵！煎韭菜餃（$17）size好巨型，甫上碟就聞到陣陣香味。外邊有少少油，但都接受到～一咬落去熱辣辣，啲汁咇曬出嚟，韭菜餡裝到好滿。鮮豆漿（$7）豆漿甜甜地，少少豆味，幾好飲～新鮮生餃仲可以外賣～menu：

繼續周圍揾keep fit friendly嘅餃子店💃🏻雙拼單嗌都係同價！$28就有八粒大大嘅餃子🥟佢標榜冇落味精菜肉餡比起美味餃子店調味少好多餃子皮唔係厚/煙韌比較滑、偏薄我就兩種餃子皮都啱嘅～✅魚湯西洋菜餃 (圖3)拼 上海雲吞(白菜豬肉餃) (圖4) $28今次試咗比較特別嘅西洋菜餃真係好好食❤️重點！菜多肉少🥗🥬完全食到西洋菜本身嘅香味😆至於白菜豬肉餃就冇咁好食了都係菜多肉少 但可能因為係雲吞肥肉比例多食落去比較油、易膩不過味道係好食嘅！下次會試韮菜餃同encore西洋菜餃😋魚湯都好清但落咗麻油 所以我冇飲好多下次嗌湯底走油就可以試真啲了🤔

之前聽過圓方餃子個魚湯好掂 餃子足料星期日專登走去深水埗食！期待！果然出名既餐廳都係多人幫襯架喇 lunch時間去到 已見門口有10個人左右排緊隊（大量遊客）望入餐廳 搭枱已經坐到密側側 等左20分鐘終於有位！以為係餃子專門店 原來仲有粥粉麵食！不過眼見個個都係為左魚湯餃而黎3個人黎食 梗係試晒3款餃子🥟上海雲吞 ／西洋菜餃／韮菜餃 （每款8隻承惠$28大元）雖然人多 但上菜速度極快 2分鐘有得食！捧過來個時魚湯熱辣辣！即刻忍不住試左啖好味呀！堅係白雪雪香濃熬魚湯！加埋蔥花再香口啲😋😋咬開餃子果然係包到肥嘟嘟 雲吞皮薄 多菜多肉好足料講真8隻唔洗麵底已經好夠食好飽不過口痕再叫多個炒麵 香口芝麻任灑 ！PS除左堂食 仲有得買生餃外賣一打$25 我地食左半個鐘 我粗略估計淨係賣外賣生餃都賣出左四、五十盒 加埋堂食 哇好生意到不得了！姐姐都包餃包到手軟呀一定