圓鐵板燒

营业中

休息中

係台灣嘅味道呀，仲要係台灣特有嘅鐵板燒味道，喺香港好少可以搵到相類似嘅餐廳，不過原來呢間餐廳仲有其他分店係奧海城都有一間分店，真係唔講唔知。喺新港中心地下food court，餐廳開揚光淨，每個位置都可以欣賞師傅嘅鐵板燒，抽風做得好好唔會一陣油煙味。嗌咗個二人餐牛之盛盒，幾抵食㗎有和牛海鮮飯前菜鮑魚飲品甜品，兩個人係唔會食得曬。和牛仲有三款，宮崎和牛 120g、美國安格斯 120g、澳洲和牛 120g，配：黑椒粒、蒜粒、黑松露鹽。各有特色，本人就比較鍾意澳洲和牛，牛肉juicy嫩身牛味燶。每㷠牛都係一塊再切粒，睇落去以為冇乜嘢但其實係食唔晒。京燒比目魚扒配雜菜肉質嫩滑，好多汁外皮燒得脆脆，油分充足食兩啖都已經見飽，仲有其他配菜，配菜都係二人份量夠晒食。牛油燒汁蝦加鮑魚蝦肉好彈牙好爽口，食得出係好新鮮。鮑魚燒完都唔會好韌，大細啱啱好一啖一粒。和牛炒飯 炒飯粒粒分明，香味撲鼻，本身啲嘢食已經好多份量好夠仲要加埋炒飯，非常滿足嘅一餐。伯爵茶/ 焦糖咖啡蛋糕原來仲有附送蛋糕，蛋糕size啱啱好。食完燒野食件蛋糕，滿足 飲品可以揀汽水或者特色飲品，建議可以揀珍珠奶茶味道比較甜，但好有台灣嘅風味。

台灣抵食鐵板燒，喺新港中心地下food court位置，food court諗唔到食咩又想坐得舒服，呢間就係不錯嘅選擇我要寫兩篇。價錢相宜，有套餐散嗌，自己一個都可以很盡興。臨近聖誕節做緊套餐牛之盛盒，有三款和牛海鮮炒飯仲可以加野飲，餐廳格局似係台灣鐵板燒形式，鐵板圓檯廚師企係中間可以睇住佢一路燒一路食，餐廳職員一嚟到已經好有禮貌仲俾我哋揀坐邊度。前菜有湯同埋炒生菜，之後就到戲肉和牛。宮崎和牛 120g、美國安格斯 120g、澳洲和牛 120g配：黑椒粒、蒜粒、黑松露鹽三款和牛配三款醬汁，日本美國澳洲和牛，揀咗七成熟 ，美國安格斯肉質比較結實，本人就比較鍾情於宮崎和牛，肉質鮮嫩牛味重。京燒比目魚扒配雜菜比目魚燒得脆身，油份充足魚肉滑，配菜西蘭花冬菇粟米仔全部都好好食。牛油燒汁阿根廷紅蝦黑椒鮑魚有四隻大蝦配兩隻鮑魚，鮑魚一啲都唔韌，上面敦左少少蒜頭䓤。蝦肉新鮮大隻，份量足夠。和牛炒飯 炒飯粒粒分明，香味撲鼻，本身唔食飯都忍唔住要食曬 。伯爵茶/ 焦糖咖啡蛋糕細細件嘅蛋糕完美嘅ending。飲品仲可以揀珍珠奶茶，完全係台灣會去食嘅鐵板燒。

本身好有期望對著㕑師即場在鐵板上烹調價錢有經濟或豪華餐選擇性價比都幾好，每個餐都有菜、湯和飯， 份量都足夠， 味道都幾好， 但最失望是叫5成熟的牛扒， 竟然出黎嘅係7成甚至是全熟， 根本無理客人要求牛扒的熟度，睇得出師傅係趕住收工， 所以將牛扒斬件再兜熟， 可見師傅一啲都無誠意， 只顧盡快煮完比客食就算， 完全係好似一個唔識煎牛扒的普通人一樣， 至於冷氣又唔夠凍， 食到尾都未覺得有涼意，這點都比較辛苦。 個套餐最好就係有菜，可以不謹食肉仲有纖維， 還有就是可樂了夠凍這個值得讚！ 如想有好食物水準， 我諗要等平日唔係lunch 和dinner時間師傅才會煮出水準來， 比多次機會再試一次！

D set真係好抵食，$88蚊有湯有肉有菜有嘢飲叫左海鮮set 貴少少$168咁上下，海鮮份量比較少，有兩隻蝦兩隻細扇貝兩塊魚柳,魚柳味道有d咸，另外仲有魷魚，唔同其他海鮮，魷魚係一大盤總括可以再黎食

Extremely disappointed with my recent experience here especially since I used to eat lunch here quite often when I used to work nearby.Had dinner here at 8pm recently and right off the bat felt that there was a sense of urgency from the waitress. She kept circling behind us while we were deciding what to order. Even while I was ordering I could sense that she just wanted us to make our order asap.As we were eating I realised that where we were seated we were completely blocked off from seeing th

哩間台式鐵板燒係我由中學時期食到今時今日依然覺得好正既一個不敗之選😎百幾蚊就可以享受廚師係你面前即叫即整再遞到你面前熱辣辣既感覺😛每個套餐都會跟一碗湯、飯同一碟炒菜，包你食到捧住個肚走💦🥰🔥人氣套餐🅰️牛肉或豬肉、魚柳、魷魚同小元貝 $142🅱️雞扒、魚柳、蝦仁同小元貝 $152今次同朋友兩個一齊去就一於叫晒兩款人氣套餐😍套餐A揀咗牛肉片，雖然牛肉質素就一般，但係勝在佢地既自家製黑椒汁真係調得好惹味！連埋蔥蒜洋蔥一齊炒，可以撈成碗飯食🥰揀套餐B雞扒就會再飽肚d😅跟餐既魚柳蝦仁魷魚小元貝廚師會用蒜蓉香蔥醬油炒香，送飯一流👍🏻特別係🦐蝦仁，好爽口💦其實佢哋仲有其他食材價格較高嘅選擇例如鵝肝同和牛，豐儉由人😎👍🏻📍 尖沙咀廣東道30號新港中心地庫大食代🌟人均消費：$150 up🌟推介指數：❤️‍🔥❤️‍🔥❤️‍🔥❤️‍🔥#hkfood #hkfoodie #eateateat #eatislife #香港美食#foodstagram #hongkongfood #foodlover #必吃#explorehongkong #foodlover #eateverything #好味

因為很喜歡吃鐵板燒今天就來吃了，來到的時間大慨是3:30pm。Menu 價錢很平民化，一個「龍蝦海鮮二人盛」也只須HkD$5xx,價錢十分大眾化。我們另外叫了炒蛋，4件鵝肝和大蝦，埋單HKD$1100左右，算是抵食。和一般席前料理不一樣，這里的廚師會在原先正在使用的鐵板上處理食材，而不是在我們前面，所以整頓飯我們也沒法和廚師溝通，也沒有看見他在鐵板上是如何操作。另外，這裏跟其他的鐵板燒很不一樣的地方是會先上白飯的，其他鐵板燒的食材就好像是餸一樣配這碗白飯。第一道菜是蔬菜，沒有什麼特別。第二道菜是魷魚，也沒有什麼特別，沒有驚喜。第三道菜是魚，味道是好的，但比較鹹。第四道菜是鮑魚，鮑魚雖然外表看起來很細件，但都在水準之上，爽口彈牙。第五道菜是牛肩粒，我們order 了5成熟，味道很好，很有牛味，啖啖肉。之後上的是鵝肝，性價比很高，香口有水準！扇貝也不錯！可惜之後的龍蝦尾和蝦就差少少，龍蝦尾已經失去了龍蝦嘅鮮味，啲蝦又太細隻! So sad!整體而言，不過不失！Budget 如果唔想預太多就可以揀呢間嘅！不過如果你鍾意食蝦or 龍蝦就唔好揀呢間！

餐廳佈局成長方形，食客圍繞著鐵板而坐，能觀看廚師烹調過程。主食方面可選擇豬、牛、羊或魚配上白飯、湯、油麥菜和小食。份量豐富，性價比頗高。香煎牛油龍脷魚扒套餐 ($98)• 龍脷魚扒表面和邊位都煎得微微香脆可口，內𥚃肉質保持嫩滑緊緻，而且牛油的香味輕輕滲到魚肉內，調味得帶點避風塘的風格，整體相當滋味可口。• 油麥菜因為經過高溫的快炒，熟的程度剛好之餘，口感爽脆清甜，配上蒜粒更有層次。蒜香小元貝• 套餐附有的小食。份量適中，味道同樣貫徹鐵板燒的風味，蒜香味突出，小元貝肉質更緊實、有咬口。

平安夜同老婆去食好啲，咁啱之前登記消費券時有一啲coupon可以有優惠去食鐵板餐，咁就去馬啦平安夜嘅關係，所以好多人，好彩老婆叻叻早啲去唔使排隊，仲坐到個靚位可以睇住廚師煮嘢食添我哋叫咗個<龍蝦和牛二人盛>，入邊有：<原隻龍蝦尾><鐵板澳洲和牛><蜜桃雞扒><黑椒牛油煎龍脷柳><鐵板炒時菜>講講個龍蝦，處理得幾好，煮完食起上嚟好彈牙，而且仲保留龍蝦嘅鮮味正和牛燒到大概7成熟，唔韌，牛味濃郁，唔使點啲鹽都已經好好食蜜桃雞扒最有驚喜，個蜜桃好甜，同雞嘅味好夾，原來煎蜜頭咁好食嘅嘻嘻用埋登記消費券時有嘅coupon，性價比真係勁高，希望下年可以再嚟食啦

係尖沙咀行完街，就入左新港中心既大食代搵野食。咁岩見到<圓鐵板燒>唔洗點排隊， 就決定食呢間！間野無得拎籌，只能夠在門口排隊，好彩店員都識做，識得一早俾定menu 大家睇同落左order 先。大約等左十分鐘就入座，時間是夜晚八點四十五分左右。我地嗌左個二人套餐有安格斯牛，有魚扒，有元貝蝦仁，仲包左炒菜同飯！餐廳環境係全部人圍住鐵板台坐，中間就有大廚為你炒你order 左既食物。一坐低就你奉上熱昆布湯！！！ 幾貼心等左唔洗一陣就好快炒好元貝同蝦仁，元貝同蝦仁都好爽口，仲有好惹味既黑椒汁，配飯一流🤤🤤🤤重點來了， 安格斯牛，七成熟Um... 不過不失，有d 就入口即溶，但有d 就好難咬，好「un」另外叫左個炒蛋，都係普通個菜反而炒得唔錯！！ 炒得岩岩好，加入蒜茸炒，好惹味！！成張單三百幾，我覺得性價比一般。

星期六下午兩點入座，唔使等位。叫左$68牛肉片午餐，跟湯，油麥菜，蝦仁拼元貝，白飯。加左$5飲蜂蜜綠茶，最後加一$80。師傅炒野前會將一張錫紙擺係你前面既爐邊，啲野食炒完放上去，就一路keep住熱辣辣。牛肉片燒到咁上下，師傅就倒啲汁落去，個餐好似寫黑椒牛肉片，但食落有啲似沙嗲汁。油麥菜就用蒜黎炒香。蝦仁元貝反而係甜甜地，似蕃茄炒蝦既味道。本來以為係日式鐵板燒，但食落味道似中式小炒多啲。不過呢個價錢有咁多野食都幾抵。

因為中左戲飛，所以今日同仔仔拍拖，一齊去食飯睇戲啦。滿心歡喜諗住難得出去尖沙咀就慢慢行下揀晒好D既餐廳食lunch啦，點知落大雨，即時冇晒興趣搵食啦。諗起前面新港中心有Food Court，就同仔仔講，不如唔好搵啦，求其食個Food Court算啦；落大雨重周圍遊，未食飯都飽晒啦，2大隻落湯雞。本來仔仔都唔太願意既，因為一心想食好D架嘛；唔食番個扒，佢都想去食漢堡果D的。點知一見到新港中心Food Court個牌有台式鐵板燒，我仔就好有興趣啦。以前去親台灣都總會食一次台式鐵板燒的，因為真係平靚正。淨係Set都幾多選擇，有菇，雞，豬，牛，羊；全部都有配大蝦一隻，魚柳一塊，炒菜同湯。由70幾蚊到120幾蚊黎講，真係幾抵食的。最後同仔仔叫左一個牛肉片，一個牛扒。份量同味道都幾好；可惜我地坐埋左一邊，睇唔到廚師即場烹調。如果人少D，可以坐正係廚師面前，應該感覺會更好，食物既味道會即時提升呢。不過坐得遠又有樣好，就係個身唔會有味囉。依餐加埋一，好似都係200頭。唯起上黎大約110一位，睇份量同味道黎講都幾抵食既；有機會出開尖沙咀既話，應該都會再去食下。

鐵板燒廚師親自在你面前現製鐵板燒食物, 午餐亦是即叫即製的。 一個午餐包括: 一份蔬菜、通常一般都是油麥菜及一個肉食選擇，有豬柳、肉片、魚、牛扒等。牛扒種類還可以選擇多少成熟。裏面有大量的蒜頭或蔥，配黑椒調味，在你面前即叫即製。一個午餐大概價錢55至100元左右，還需另加十個percent服務費。飲品方面主要是汽水，套餐來說，只需另加2元便可以，有可樂薑水或其他選擇。他們的服務地點位於大食代的食物廣場內，有自己一個小舖子，位置來說不是高級餐廳，但是如果想擁有個人空間的話，這個午餐地點也不錯。這個地點相連海港城，不用走出街便可以到達。

Handling the food very loudly and raising voice as customers when he couldn’t understand what they were saying. He was also rude to some of the other staff, he would raise his voice at them if they couldn’t hear their response or if they asked for verification for his orders.

First time trying the food court type of Teppanyaki and it was not bad! Quick and quite good in deed! Very surprised! So here we go. Let’s look at the fooooddddd.Soup with seaweed and egg A bit salty but it was alright. Very different from the Japanese style miso soup nor is it like the seaweed soup from Korea. It’s the Taiwan style?Stir fried lamb fillet Being cut into dices, added garlic and butter, smells good taste good, so good good good!Came with steamed rice and veggies.The rice is a bit