土司工坊 (青衣城1)

营业中

休息中

今日食早餐去咗土司工房， 叫咗個早餐42蚊 牛油咖央多士煎蛋迷你火腿通粉加埋仲有一杯檸檬茶， 但係杯檸檬茶係冇檸檬嘅檸檬茶。 我問過店員點解檸檬茶得兩片檸檬， 佢話係呀我哋得兩片㗎咋， 我同佢爭拗我話得兩片邊度有檸檬茶 味道 呀， 冇辦法公司規矩咁你一係轉奶茶或者咖啡， 咁我話有冇辦法加多一塊畀我呀， 佢話唔得呀公司規矩嚟㗎， 食到我一套氣下次唔好搞我。我好少覺得啲餐廳有問題因為我雖然嘴刁刁， 但係絕少會批評食店。但係今次食個早餐食到一肚氣， 飲咗一杯冇檸檬嘅檸檬茶😠， 要飲檸檬茶 不要在這店喝

是日趕上班，於是選擇了最多位置不用等的toast box。正打算「食個快既」之際，店員告知今日廚房只有一人出餐，食物要等15分鐘。雖然內心焦急，但也來不及轉地方，唯有靜心等待。向來喜歡椰奶香，於是叫了喇沙和熱奶茶。已經光顧了好幾次toast box, 對它的喇沙印象不錯，不過是次米線煮得太耐，太淋，而湯底也較之前淡，有點失望。至於奶茶茶味不夠，叫了少甜也很甜，如果你是對奶茶有要求的人，還是建議你去更地道的茶餐廳。總結，水準有點飄忽，幸好最後等了10分鐘就有食物，店員服務有效率，但餐具清潔度一般。

Toast Box 食得多，今早第一次食Toast Box 的早餐，一份早餐有多士、小碗通粉、兩隻煎蛋及奶茶。傳統吐司一如往常的香脆好吃；另一份早餐set 叫了餐蛋吐司，驚喜地不錯。有機會還會再來

今晚在青衣城，但周圍都人山人海，肚餓到唔想再等位，所以就去左唔洗等位既土司工房。吐司工房的叻沙已經食過N -> infinity 咁多次，所以今日轉一轉新口味，結果又中伏。今日換左個巴東牛肉黃薑飯套餐，跟一杯熱奶茶，再加18蚊換3隻炸雞翼。熱奶茶一如以往般正常，都係煉奶加花奶香濃而滑。主菜巴東牛肉黃薑飯，賣相不錯，只係略嫌牛肉太少，沙嗲汁太少。黃薑飯只有黃色無薑味，味道同白飯一樣。牛肉色澤暗啞，咬落去好似蔗渣一樣。正如桂神所講，佢用燒鵝既價錢，煮出蔗渣既味道，厲害厲害，欽敬欽敬。至於18蚊3隻雞翼就不過不失，炸漿唔算厚，皮脆內滑。但真心講，我寧願食m記巴辣雞翼。曾經有一碗叻沙擺向我面前，我無珍惜到，到失去既時候先後悔莫及，塵世間最痛苦莫過於此。如果上天可以俾多次機會我，我會同收銀姐姐講我要叻沙，如果非要向呢碗叻沙加上一個期限，我希望食N -> infinity 咁多次。

唔經過都唔知，原來 Toast Box 有早餐，好奇之下，入去幫襯了。早餐價錢正常，選擇都吸引。最鍾意佢有BB櫈，小朋友可以乖乖坐低食嘢，不會走來走去騷擾其他食客。「B2 餐肉蛋土司套餐」早餐配有番茄通粉，味道不錯，可惜本人認為份量略少，而且配料不多，只係有幾粒三色豆。土司好味，因為新鮮製造，麵包熱辣辣又脆。最醒神係杯「南洋咖啡」，一向都喜歡 Toast Box 嘅咖啡，夠甜，啱晒我！*餐廳有BB櫈提供（high chair)。

簡簡單單卻想十分滿足，這樣的一餐，我實推薦朋友去食土司工坊，而土司工坊，我又一定會食叻沙套餐❤-人氣商品配一杯熱奶茶，回味無窮 土司工房是來自新加坡的食肆，充滿南洋風味，是六七十年代新加坡咖啡店的縮影 新加坡流行早餐的常见做法是一杯香浓的南洋咖啡，并配以新鲜烘烤的面包。久而久之，流傳開來，這種溫馨的懷舊餐廳經過改良，變成了今天的土司工房，品一杯奶茶，帶你回到過去，好像回到六七十年代，華麗而樸素，豐富又簡單，似老人拾回舊時的美好，相當有韻味。招牌菜包括娘惹面線，巴東牛肉配黃姜飯，傳統土司咖椰土司，新加坡奶茶我就最鐘意叻沙，香濃的叻沙湯底微辣，陣陣椰子🥥飄香，即刻胃口大開，豆卜，芽菜，魚腐，蝦，做好配菜，配上爽滑的米線，系每一次到土司工房必點的美食❤️

土司工坊算係其中一間我最鐘意嘅新加坡食店，今日叫做個喇沙套餐 同一個潮州辣蝦米軟包套餐喇沙 - 味道適中，唔算太辣，最後連湯都飲晒。值得推介潮州辣蝦米軟包- 有驚喜，之前未試過，好似新嘢嚟，如果唔想食咖央多咁漏，呢款係幾好選擇，前題係你唔抗拒蝦米，個味道係有d似XO醬跟餐配蛋 - 半熟蛋完勝煎蛋，煎蛋極度無甚特別飲品 - 凍薏米水夠清涼又健康

得閑都會來呢度食下午茶通常都會叫T2餐即係肉鬆嘅多士個份量對於女仔嚟講都幾多叫一個都差唔多食唔晒啲肉鬆會偏甜都幾好味個麵包烘到鬆化的熱辣辣加埋起嚟幾好吃通常野飲就叫埋薏米飲啲薏米好有拗口好飲之餘又可以排水腫

青衣城開了二期，唸住去試下新嘢，點知間間舖頭都好多人，最後只好去一期。突然唸起好耐無未食過土司工坊，加上佢唔洗等位，所以就貪方便入去食，點知就⋯⋯我叫左個叻沙麵，之前係尖沙咀食過覺得好好食，今次係青衣食味道唔係相差太多。麵好入味，魚蛋同埋蝦都幾爽口，唔錯！加$3叫左一杯熱好立克，師傅好慷慨放左好多粉，味道太甜，忍唔住加左D水入去，先飲得落口。飲飲下發現匙羹上面有好多污跡，我嘗試過用紙巾去抹，但完全擦唔掉，影響了胃口。男朋友叫了娘惹面，我未食過，一食，好酸，我地都覺得唔好食筷子上面都有好多污跡。總結黎講，我唔會再黎呢間分店了。

工作關係,路過青衣城..又係時間覓食!我好鍾意食叻沙...不過係香港搵到一碗正宗既叻沙真係唔容易叻沙引起..所以就黎呢到食啦叫左個叻沙套餐...跟一杯飲品湯底還是不椰香,不過都算係咁米線無乜特別蝦彈牙,新鮮最好食的豆卜..因為浸到入晒味!

早上到青衣辦點事，事前先在青衣城的土司工坊享用早餐。 餐肉蛋土司味道上不算突出，尤其是炒蛋，中心暖和，邊位冰冷 (係冰冷)，十分奇怪。蕃茄湯通粉口味酸香，早餐享用份外醒神。熱奶茶加入煉奶後即是港式奶茶的「茶走」，建議增加煉奶份量更能突出獨特之處及更合小編口味。整體來說，土司工坊的招牌土司早餐只屬中規中矩之作，還有進步空間突顯自身特色。

到電影院看電影前，先得吃點東西，隨大家到了「土司工坊」。個人對「土司工坊」的土司是有好感，其他食品則毫無頭緒，本想吃叻沙，但見有新產品，為「星洲蝦麵湯」，便選吃。三隻蝦，四片魚片，蔥加油麵，就是整碗麵的全部，湯先呷一口，嘩！很難喝的蝦味湯，蝦，亦很難吃！吃到的是雪藏並帶點腥味。魚片普普通通，油麵本來就是不好味的了，整碗麵難吃之外，吃到的就是港式的味道，而非星洲的感覺，也吃得我心情變灰了。奶茶，稍為偏甜，茶味淡，稍為偏甜也好的，甜的味道使心情好了一點。衛生也有問題，托盤上雖鋪了餐紙，但仍看到週邊有很多麵包碎，我們坐的餐桌，久也沒人來清潔，就是我們取了食物回來，桌上仍見到上手剩下來的污物，我通知店員來清潔，那店員卻著另一位店員處理，但那位店員又沒空，並處理另一些事情，那我只好取去其毛巾自行清潔好了。若再到「土司工坊」吃午餐之類，還是選吃出前一丁好了。

父親節前一日同老公加細女行下街。行到咁上下我肚餓，決定要去食個下午茶。老公見到呢度有我中意食嘅喇沙就決定係度食。喇沙湯面：湯底的確好香椰汁味，辣味亦剛好，厚厚嘅湯底令人忍唔住咁飲多幾啖，有2隻蝦同5片魚片，魚片係比起香港平時食嘅硬身，較彈牙。蝦肉都明白唔係新鮮蝦但冇雪味已足夠。入面仲有d芽菜，米線吸收左湯底夠惹味。難怪係呢度嘅best seller 。老公叫左個辣炒蝦米軟包餐，入面嘅蝦米果然夠辣，因為炒過嘅關係蝦米更香口，包亦都名不虛傳地好鬆軟，仲有一種牛油香味。包餐跟半熟蛋或煎蛋，老公揀左煎蛋，加埋佢地嘅醬油膏食一流，醬油膏夠甜加埋落蛋度食好正。另外叫左件斑蘭蛋糕比個女食，未食已經聞到好香嘅斑蘭味，蛋糕亦十分鬆軟、又唔會太甜，我女食到停唔到口。我飲熱咖啡，但唔夠我上次飲咁香滑，唔知係咪因爲唔同人沖。老公叫左杯蜜桃汽水，其實只係加少少糖水係底再倒露碧落去加幾片桃，所以加十幾蚊又好似唔多抵。不過總括黎講呢度係好多野食都好味嘅。

一支公食飯，無無聊咁去咗土司公房。平時食開係下午茶、中午既。今次就食晚飯。還好呢度有飯面類，唔會餓弛個大男人。點咗個海南雞飯套餐，都幾足份量。有半隻海南雞。黃油份、油菜以及醬汁。賣相是不錯的。雖然個黃油飯麻麻地，但係個雞都還OK。都幾滑，係個胸位有點鞋、有點干。脾及翼位都OK。如果還胸位都Keep到滑多少少無咁干就更加好。呢度既南洋咖啡好好飲，唔會太甜、好滑溜，而且咖啡味好濃郁。有時都會因為杯咖啡而黎呢度食嘢。因為不同一般的咖啡店飲到既咖啡。最後食埋個咖央多士。放既量都算多，算唔錯。

放工一個人，吃厭了連鎖式快餐店，這天來到tea time常光顧的土司工房，叫了一直未曾試過的爹娘米線。拿到餐點，才發現原來是有點像撈麵或掛麵，筆者原以為是湯麵，還怕會辣，怎知一點也不覺得辣，可能因為甜甜的，帶點點酸辣，味道很特別！可惜兩隻蝦應該是用水烚得太久，有水猩味。但整體很滿意，性價比算高。