土耳其小城 (萬昌樓) (已結業)

元朗廣場附近，大馬路上有一間招牌很大，以土耳其美食招來不少食客，平日經過幾次都人頭湧湧，今日見不用等位，好奇入去試下。 餐廳擺放很多土耳其燈和特色裝飾，座位整潔光亮，以二人/四人枱為主。而餐牌價位唔高，有套餐或單點選擇，最後叫左3樣主食加烤餅，都係$2xx，又試到特色風味，性價比高。 土城炸雞件/Chicken Pakora ($49)意想不到的真.好食! 見到餐牌有推介圖案，見價錢唔貴就試下，上菜時feel到香味十足，雞肉嫩滑，外皮超脆，應該經過特別香料醃過，跟平時日韓風格不一樣，食落比較惹味但唔辣，加上秘製醬汁，整體令人滿意。 異地烤羊肉卷餅/Lamb Doner Roll ($78)土耳其特色之一，就叫卷餅試下，卷餅烤得脆身唔會淋，薄薄的一層包著很多羊肉，食落唔羶，醬汁較多，加上蕃茄生菜洋蔥等配搭，調味剛好，份量都多，食一半已開始少少飽。地皇雞/Chicken Kadai ($90)其實是咖哩的一種，類似印度咖哩，口味較香口但唔辣，香料味重，雞件厚身又入味，如果唔食得辣既朋友可以試下。 蒜油烤餅/Garlic Naan ($24)食咖哩當然叫埋烤餅，即叫即烤，食得出熱辣辣的香脆口

環境裝修是中東 feel 但播住 Hindi 印度音樂 請D人 都係 印度人 真係有D奇怪食物有土耳其 的 kebah 同 roll 其怪的是有好多 印度咖哩 nam 包 我問 士耳其人食咖哩㗎咩？上網 查一查 絕對不是 士耳其是無咖哩的品質okay la. 不是太驚喜 proportion 有點細價錢一般啦 不是太平或大貴 可以接受. 了接受各大付款方法 用電話入單 幾先進地點大街都是方便食不會再來？ 未必會

很難食的牛肉飯，肉質似合成肉，質感像午餐肉一樣，切成細細片，令人分不出是合成肉。完全沒有牛肉的味道，肉質又乾，要靠加醬汁才有點味。星期六中午去，沒有套餐，祗有單點。

這間在元朗廣場隔離的土耳其小城，主打土耳其烤卷及印度咖喱，晚市有多個套餐，亦可散叫。烤野雞肉卷拿上手熱辣辣，餅皮煙韌，中間燒雞肉有焦香味，加上生菜、蕃茄及醬汁，雞肉卷惹味。牛肉馬莎拉Masala牛肉香料味濃郁，咖喱不算辣，反而有少許的番茄甜香，牛肉用了筋腩部位，帶點咬口，咖喱汁配烤餅一流。木炭烤雞半隻烤雞足二人分享，雞比肉較嫩，雞胸有點鞋口，烤雞表面醃料覆蓋，十分惹味。最後飲返杯土耳其咖啡，香料味特別重。

2021年10月20日(三)晚餐上個月來土耳其小城食過晚餐，家姐要來返尋味今次蒜、雞、牛、羊都叫齊蒜油烤餅$24今次蒜香味不夠，又硬啲，上次好味道好多椰汁咖喱牛腩$75對家姐來講，辣左少少，味道好，肉淋，好吃烤野雞肉卷餅$55惹味可口，好味道，有下次土耳其燒羊架$118有4件羊架，全熟，有焦香，好食今次2個人來，叫4樣嘢食，叫5樣又好似多得滯，食完又好似爭啲啲，唔夠飽肚，又冇其他嘢想食，最後去左附近飲涼粉紅豆冰來收尾滿足

要手機點餐，但要收service charge，不明所以。點了二人餐，份量少不特止。Hummus 係凍嘅，乾爭爭，唔夠油。配幾片Pita Bread，剪到細細片bite side，但唔香唔熱唔烘脆。Masala Tea 垃圾級別，有色冇味又好稀，香料仲浮緊面，好似即沖奶茶粉後加香料，根本冇煲過。凍啡我唔記得remark走奶走甜，好聲好氣講，點知佢話落咗單就唔改得？！考試交咗卷唔畀改咩大佬！肉卷細，菜都冇乜，肉都係幾片，味道係快餐貨色，冇香料味、冇grill味，唔怪之得冇乜中東、東南亞人去，去親都係香港人。好地地，去食連鎖E記仲好。

一直都想去土耳其旅行😶 今日聽朋友講元朗有間好地道既土耳其菜，所以就即刻去試試喇！！首先必點小食一定係 土耳其芝士條 （$35）芝士味十分之濃郁，仲要一啲都唔油膩🤩咖喱極上羊肉炒飯（$85）我最喜歡佢個長條飯，食落口好有口感，少少似硬左既米粉😋羊肉好滑，完全冇羶味🤩🤩🤩烤異地羊肉水稻飯/可轉薯菜（$75）羊肉烤得好夠味，配埋醬汁食落好有異地風味👏🏻飲品方面就比較遜色喇😐我地分別叫左土耳其咖啡（$30）同土耳其奶茶（$30）我地就真係唔識欣賞喇，奶茶味道冇乜特別，咖啡味道比較奇怪仲好多渣，建議大家揀其他大路既飲品😥😥😥😥

We had been meaning to try here for a while and finally got round to it. The staff wanted us to scan the QR to order but on 2 different phones the ordering page wouldn't load fully. The staff printed another code but same failure to fully load the ordering page. The staff had to use their mobile and we noticed that we were not the only ones who had this problem. We also found out, along with another table next to us, that the Lunch Special menu is not available on weekends. Didn't see that menti

經元朗朋友介紹之下試試呢間土耳其菜，亦可以俾我止下去旅行果條隱🤪🤪黎到門口好光鮮，店員都係主要用英文溝通為主今次4人就試下佢個套餐，但我覺得似係5-6人餐，最後多到食唔曬！羊膝水稻飯愛吃羊的友人話唔so不錯哦就比較欣賞佢隔離既夾餅卷餅推介雞肉！好juicy好好食又大份！烤雞不過烤得有d太乾，唔知係咪土耳其風味係咁😂文明匯聚姐係牛羊雞肉+飯+夾餅賣相好吸引到你會引唔住食多幾啖頭盆沙律同咖喱角都好好熱咖喱角熱辣辣之餘仲好足料沙律可以清下油膩不錯不錯👍🏻

餐廳位於元朗廣場附近嘅大街上，平日晚上7點幾到，店內滿座，仲有5-6位客人排隊等位，生意唔錯。大約等左半個鐘先能夠入座。餐牌菜色同印度菜好相似，因為第一次黎又係walk-in，就點左個極品咖喱2人餐試下。鬆化咖喱角一件好大個，皮有d厚，並唔喺好鬆化，餡料有咖喱薯仔、豆蓉同蔬菜，味道正常。薄荷茶本身有薄荷冰涼嘅味道，加埋冰幾消暑，但比較甜。咖喱克勒雞肉炒飯飯係加左好多香料，乾身而且粒粒分明，雞肉以雞胸為主，同紅蘿蔔，少量薑一齊切成絲混入飯中。蒜油烤餅烤餅係啱啱整好的，又香又熱，但有點厚同外層唔夠脆。浮雲沙律青瓜、番茄、橄欖、椰菜同黃椒等材料拌以酸甜沙律汁同煙肉碎，份量唔少。喬希牛肉牛肉好冧，醬料用左好多番茄黎煮，味道濃郁但唔辣，撈飯都好好食。

🤭探店之前見到話芝士條好好食，嗌完之後至知中伏，🙄唔知擺咗幾耐嘅，唔新鮮，凍冰冰一啲芝士味都冇，🙈咖喱雞份量很少，雞肉只有兩三舊，細細舊，薯仔得一舊，本身冇配烤餅要令嗌，連埋+1百幾蚊食唔飽，味道又一般，應該冇下次！👋

2021年9月15日(三)同家姐及愛兒共進晚餐七點到達，已經有人等緊位，我book咗枱，都要等有客人交枱先至可以入座，奉勸大家，有心來吃，訂位枱面有個QR code，自己掃QR code落單，非常方便，埋單就要搵職員，佢哋收取信用卡、AlipayHK 、八達通、現金，職員話呢幾日八達通機壞咗，唔可以用八達通。雖然全場爆滿，上菜進度屬於快，我哋進食速度都快7:00入座，7:45已經埋單走人。三個人，食到飽飽，眼闊肚窄，其實可以減少一份烤餅或炸洋蔥，就剛剛好。土城羊膝燴水稻飯羊膝肉嫩，飯好吃，撈埋飯面的紅色醬汁，仲好味，是今餐最辣嘅一道菜，唔食得辣嘅人覺得好辣，我食得辣就覺得唔錯羔羊瓦刺菠菜好香羊味，肉質嫩，我喜歡的味道牛肉馬沙拉覺得比羔羊菠菜辣少少，普通咖喱嘅味道，冇乜嘢特別，牛肉及咖喱味道都好的蔥油餾烤餅外邊有蒜蓉，內裏有洋蔥，好吃，如果蒜味大啲就仲正蒜蓉烤餅蒜香味濃郁，每次來都要叫炸洋蔥球炸脆脆，略為油多咗少少芒果奶昔食咖喱飲芒果奶昔，絕配

今次同男朋友屋企人去試元朗新開土耳其餐廳食得土耳其餐當然唔少得kebab今次試左烤野雞肉捲餅嫩滑嘅雞肉連同爽脆嘅洋蔥、蕃茄、椰菜包埋一齊餡料充足 食得好滋味其他食物就比較似印度餐羊膝水稻飯成隻羊膝上好大份、賣相吸引羊肉又林又滑 冇乜酥味 好輕易就將骨肉分離水稻飯一般都比較散 但撈埋汁食一樣好好送飯Roti男朋友比較鍾意Roti因為佢話冇咁油膩 又有小麥香又脆薄 健康得黎又好味點埋咖哩一樣好好食蒜油烤餅（Naan) 、羊肉瑪沙拉我一向最鍾意Naan感覺到依到嘅Naan即叫即整上枱熱辣辣 好香蒜蓉味 食落仲外脆內軟配埋隔離個羊肉瑪沙拉簡直天衣無縫羊肉一樣都係好林唔會痴牙每一舊羊肉都包住醬汁 極之惹味椰皇咖喱魚較香椰汁味比起瑪沙拉冇咁辣 適合唔太食辣嘅朋友依個魚令我地有啲驚喜本身以為會比較乾身或者硬身啲但其實佢係充滿肉汁又軟滑男朋友屋企人都食唔停口 都幾岩年紀較大嘅人食芒果奶昔一啲都唔甜 反而有少少咸味估唔到又幾夾架喎～

又嚟到元朗搵食啦～😚今次介紹呢間係新開嘅土耳其餐廳，地理位置非常方便，好近元朗西巴士總站，又好近輕鐵站～餐廳唔算好大，但佈置得好精緻，充滿異國風情！估唔到我哋平日去都幾多人食😆介紹返啲嘢食先😆燒羊膝馬沙拉（$95）羊膝肉質嫩滑，相當入味，馬沙拉醬汁辣辣地，好惹味，加入蔬菜一齊煮，所以比較清新，食好到都唔會覺得膩，好味到連骨都要損埋😍牛油烤餅（$28）口感層次豐富，外脆內軟，沾埋馬沙拉汁一齊食就更加好食😍鬆化咖哩角（$36）餡料係蔬菜同薯仔，所以素食者都可以食喔～😆咖哩味好香，外皮鬆脆，但一啲都唔油膩☺️土耳其芝士條（$35）呢個好好食！脆脆嘅春捲皮包住煙煙韌韌嘅芝士，不油不膩，上面嘅沙律醬錦上添花😆草原牛肉卷餅（$65）牛肉烤得好香口，卷餅除咗包牛肉之外仲有好多蔬菜，感覺好清新健康，配上酸酸甜甜嘅醬汁，就更加開胃！浮雲沙律（$46）雖然呢個沙律只有蔬菜，但因為加咗沙律醬，所以味道唔會好寡😆仲加咗脆脆，好好食😆另外值得一提就係呢間餐廳嘅食物價錢相當親民，分量又足，真係好抵食！

My first impressions were very positive. This newly opened restaurant has a lovely Turkish themed decor and the service from all the waitresses was excellent from start to finish. You are given a QR code so you can order using your mobile phone, but I noticed that some customers ordered directly with the staff, who seemed happy to oblige. I had asked for less rice in the special instructions section of my order, though I did wonder if I should have reminded the staff in person as well. In the en