坐忘

营业中

休息中

平日返工好鍾意食呢間日本餐廳。佢有唔少定食選擇，咖喱同烏冬喺呢度嘅人氣選擇🍛，差唔多每一台都會叫。大部份定食都係$6x-7x，仲會包一杯茶🫖☕️lunch time係繁忙時間，好多人排隊。話咁快，我就係餐廳門口排咗大概二十分鐘啦。不過等到食物上嚟之後，我嘅等待就全部都值得啦😍豬軟骨分量超多，炆得好琳身好易入口🤤🤤湯底好鮮甜，加上烏冬嘅Q彈口感同煮得剛好嘅軟骨，真係一絕！另外，配菜有唐心蛋，椰菜同粟米。如果食日本野，一定要嚟試試呢間餐廳！不過要記得，如果你係lunch time想去，最好要早啲到，唔洗等咁耐😆

又係鰂魚涌搵食平時中午好怕去好多人嘅地方食晏又要排隊又要等位今日難得可以早食飯，就去呢間一直都好想試嘅日式餐廳好彩，12點前到達 都仲有空位，可以即刻入去就坐低其實坐位就同普通餐廳一樣，雖然人多但都唔會太過迫其實呢間餐廳平平無奇 可能主打冇味精，無添加 吸引咗唔少人過嚟食 坐低唔夠10分鐘就已經出面勁多人排隊朋友叫咗一個招牌椰香烤雞野菜咖喱飯，雞扒都夠大件，足足有成三四件 野菜係非常多，雞扒煎過都幾香口都，對得住價錢$69 不過杯蘋果汁要加$5 仲要細細杯好唔抵！而我就叫咗糖心蛋肥牛烏冬，其實就十分之普通嘅，湯底清甜冇乜特別！終於一時呢一間咁人氣嘅餐廳，如果要排隊嘅話就冇必要！ 職員態度都不是十分有好，食完嘢就要即刻急急腳走，因為太多人等位

人生第一次寫comment有開冷氣但極熱，門外仲凉過店入面。入面完全無風，熱到無胃口。食完叫俾杯水，嚟咗杯滾水，然後西口西面話凍水加3蚊。食物是正常的，但唔會再嚟尼間分店。

最近造訪了一家據聞由日籍東主兼廚師主理的日式咖喱小店，他們以多菜少肉的咖喱菜式而聞名。我點了他們的烤雞野菜咖喱，這是一道令人著迷的美味咖喱。首先，我必須讚揚他們咖喱的香氣。當餐點被端上桌時，我立即被那濃郁的咖喱香味所吸引。這咖喱擁有豐富的香料層次，包括咖哩粉、辣椒、薑和大蒜等。每一口都讓人感受到這些香料的精彩組合，散發出迷人的味道。其次，烤雞肉的質地和口感都非常出色。雞肉烤得剛剛好，外層酥脆、內心多汁嫩滑。這種烤雞肉的口感與濃郁的咖喱在口中交融，為整個菜式帶來了豐富的味覺體驗。最後，野菜的加入為這道咖喱增添了額外的層次。他們使用新鮮的蔬菜，包括西蘭花、胡蘿蔔、洋蔥和馬鈴薯等，這些蔬菜新鮮和令整到餸菜更加完美均衡。

鰂魚沖餐廳選擇眾多有平有貴。 經常想食嘅餐廳list內，campers一定係其中之一。 但係係各位午飯或者晚飯嘅時間要預排一陣隊， 因為呢間餐廳真係好有人氣。豬軟骨野菜咖哩加烤雞campers嘅咖哩係屬於質地稀一啲嗰種日式咖哩， 帶點甜同埋微微嘅辣， 好好餸飯。 佢嘅豬軟骨煮到肉質好淋好入味！ 😋😋 野菜亦都非常新鮮唔會過度煮到冧bet bet。 嗌埋烤雞純粹係因為想食多啲肉 😋😋 一碟飯嘅份量好足。 雖然佢同區快餐餐廳嚟比唔算係平，但係絕對係一間性價比好高可以返炒再返炒嘅餐廳。

係炮台山返工，同事介紹去坐忘食lunch～一去到鋪面細細，員工好有禮貌。我叫左個牛油燒汁雜菇丼，加多隻溫泉蛋。如果食素既岩哂喇💡個人黎講呢個比較齋😂但今日唔想食肉，就食一日素喇。再望清楚啲個餐牌，下次都會叫豬肋骨～！因為我本秒唔食咖哩，所以個人選擇上又少左啲🥲但係鐘意食咖啡既朋友仔真係可以一試！我見到其他人叫左都好飲好好食咁～價格都係$60幾～$70幾～份量中等，我地12點左右到餐廳，基本上唔洗等位😎但食完差唔多12:40就開始多人喇～

坐低咗之後，就突然多咗好多人嚟排隊，好彩行得快🤣 🐷🍜 豬軟骨咖喱烏冬溏心蛋 $79坐忘兩大多人食之選— 咖喱 + 豬軟骨 ，果然係非常出色🤯豬軟骨炆得極軟滑香腍，有黏口嘅感覺，而且份量大足，食極都仲有一大嚿😋咖喱係有甜味嘅日式咖喱，一啲都唔辣，配上偏身又易掛汁嘅烏冬，食到𠽌𠽌聲🤪 雖然整體偏濃味，但有大量爽口嘅椰菜絲同粟米粒，食完自我感覺仍然係清新健康😌聽講十五種蔬菜嗰款咖喱都唔錯，有機會再嚟試吓😆

💭作為係鰂魚涌一帶返工既朋友，點會無黎食過呢間鋪頭😆鋪頭細細，但長期爆滿！因為呢間餐廳既lunch 真係好好食😙咖哩好香，好惹味！想食日本咖哩，真係一定要黎呢度試！🌸豬軟骨咖喱烏冬（HKD 77）🌟🌟🌟🌟🌟個豬軟骨煮到超級入味！好淋！豬軟骨配上濃郁既咖哩烏冬👍🏻👍🏻👍🏻wohooo～ 簡直無得頂！強烈推薦大家第一次黎試一定要試呢個豬軟骨咖哩烏冬！🌸烤雞野菜忌廉湯烏冬（HKD78）🌟🌟🌟🌟🌟黎食得多咖哩不妨試下呢度既忌廉湯烏冬！OMG！ 呢個湯底味道好濃厚！值得一試😍😍😍

去親鰂魚涌都會掛住想食嘅味道，大份飽肚健康好食😚！・・・・・・・・・・・・・・・・・・・・🍛 豬軟骨野菜咖哩飯 HK$75 ・味道：香甜日式咖哩base，日本家庭式餐廳嘅咖哩味🥘3-4大舊醃到入晒味嘅豬軟骨，配埋N樣蔬菜，翠玉瓜呀紅蘿蔔，健康好味😚連個飯都特別好食，係蕃薯南瓜粟米生薑飯，甜甜地粒粒分明嘅日本米🍚，正！・口感：個豬軟骨係一咬就散開嘅淋，超正的XD飯粒都好香甜，正正子～・・・・・・・・・・・・・・・・・・・・🤰性價比：高～🤰9衝度：9衝～🤰結論：孩子們，去怒食吧，烏冬都好不錯的👍・・・・・・・・・・・・・・・・・・・・

中午Lunch 突然好想食咖哩類就去左坐忘叫外賣如果想堂食中午食飯時間真係要早去令位外賣都等了廿分鐘但值得一等薯仔切到粗薯條形狀配上翠肉瓜同大大嚿雞肉加埋嘢食我炒底飯真係飽到食唔曬 值得一推👍🏻

好耐冇幫襯呢間小店，再次惠顧，仍然係好多人喺出面排隊等候😅。餐廳唔係好大，係一間家庭式小店，座位與座位之間可能令比較逼狹。但木系的裝修有一種溫暖嘅感覺😁點咗他們出名的豬軟骨野菜咖哩飯，豬軟骨炆得好腍，入口即溶，份量超多，有三大塊，咖哩汁 甜甜地好味。仍然保持水準。野菜分量都唔少，咩種類都有: 西蘭花、椰菜花、豆角、红蘿蔔、薯仔、翠肉瓜、 應有盡有，係一個好均衡嘅飲食選擇。午餐會配飲品，但只得凍茶同埋熱茶選擇$75, 午市套餐，好味又大份，抵食。不過就真係好多人等位，午飯時間要預多啲時間等候。排隊期間都見到好多人買外賣。總結: 餐廳食物質素高，份量足夠，價錢相宜，是午餐的好選擇。👍👍👍

成日喺網上見到呢間嘢，聽人分享呢度既豬軟骨係必試既，就專程過黎一試。-一入到黎覺得環境幾靚，多人得黎坐得幾舒服，菜單都設計得幾有心思。一坐低就叫左個豬軟骨野菜咖哩飯。-豬軟骨野菜咖哩飯8/10-首先試左個咖哩汁，正正常常，普通日本甜咖哩既味道。抵讚既位係佢唔會太稀既同時分量都多，跟翻飯一齊食實夠。豬軟骨有驚喜，食落唔會太柴，十分之嫩既同時仲有肉汁。另一方面估計佢煮既時間都夠耐，十分入味，加埋少量既肥肉同骨膠原，咬落去係有個軟糯既口感，肉汁係個口入面爆左出黎，份量都唔少。野菜就普通，加埋咖哩汁一齊食幾唔錯。-總括而言體驗唔錯，雖然位置有少少遠，但$78呢個質素算幾好。

《日式大份咖哩兼蔬菜飯🍛‼️》#eatfoodandchill_日式主打咖哩飯嘅小店選擇唔多 ~但入味軟腍豬軟骨同濃味咖哩真係必叫😋而且每份都配上大量蔬菜，十分健康🥦🥕.▪️豬軟骨野菜咖哩飯($75)配熱/凍茶兩大舊超淋豬軟骨 唔鞋身 啖啖骨膠原👌🏻個咖哩汁甜甜地 好易餸飯 飯係落左粟米粒配菜有薯仔、西蘭花、蘿蔔、脆肉瓜等 食完都唔會口渴 天然無添加 十分健康又飽肚✨▪️烤雞野菜咖哩飯 ($69)配熱/凍茶咖哩汁微微嘅辣 又唔會好日式嗰隻甜味 雞肉十分大塊又好多 不過雞肉就較為鞋身 同樣配搭左好多蔬菜 最後都食唔曬呢~▪️烤雞野菌忌廉湯烏冬 ($78)配熱/凍茶烏冬有好多，有咬口好煙韌 不過湯底得少少鹹味 似只係落左少量鹽 好清淡亦有大大塊雞肉同菜 同樣係新雞肉淡味冇醃製過咁🥲烏冬就唔太推薦啊🥲.✍🏻整體:食量大嘅去食一定飽肚！公司啲男同事都食唔晒🤣而且有大量蔬菜 好健康！配上日本玄米茶好解膩👌🏻.📍坐忘鰂魚涌濱海街13號中興大廈地下

近排轉左黎鰂魚涌返工，一直有聽聞呢間既咖喱飯好好食，但每次12點搭2左右落到嚟都已經好多人排隊🥲今次同事特登提早左少少落嚟攞位，終於等左15分鐘之後入到去🥹佢出名既咖喱飯就已經有7款咁多，另外仲有各款既忌廉烏冬同定食，以小店黎講選擇都算幾多。第一次黎當然要試試店舖推介既豬軟骨咖喱飯喇！😌一黎到見份量都幾大，佢既咖喱唔係個種好濃稠既，係偏向日本家庭式既湯咖喱，未必每個人都中意，但佢食落比較清爽，味道唔錯但未算突出。但反而我覺得豬軟骨比較有驚喜，煮到非常腍身，味道亦好夠😋但同咖喱擺埋一齊就有少少蓋過左咖喱既味…所以店家可以考慮將個餸分開擺會好啲…大概食左大半個鐘，食完出黎仍然有好多人排緊隊。總括黎講，呢間係比較有誠意、價錢合理、味道亦唔錯既小店，但係未算好驚艷，所以係未需要排半個鐘或以上就真係見仁見智啦～

今日黎試下呢間好多同事都推介呢間小店🤭不過6個人都要等15分鐘以上㗎，一到lunch time 就好爆！呢度最出名係豬軟骨，我就叫左配烏冬，我至愛😍豬軟骨真係好入味同好淋！唔洗好用力咬已經可以食到呑到🤔佢哋餐廳仲主張健康料理㗎，所以蔬菜做配菜嘅份量都幾大份，份量女仔食真係好夠飽🤣一份飯/烏冬入面有齊肉同菜，真係夠食👍🏻而且夠哂有營養🥰我叫嘅豬軟骨咖喱烏冬配溏心蛋 HKD$79，唔算話好平，但係為咗佢嘅豬軟骨，我會願意黎食😂