堅記大排檔

营业中

休息中

夜晚肚餓，嗌餸就係要開心又過癮！啱曬嘅，我就喺呢家過咗個味覺大滿足嘅晚上🌆。頭盤上嚟嘅豉椒炒蟶子，粒粒晶瑩剔透，咬落去又Q又爽口，豉椒味噏噏地，真係一絕！講真，鵝腸就未夠勁，少咗啲韌勁，不過撈飯就一流。踩中心頭彩，係個薑䓤鮑魚煲，鮑魚又大又飽滿，每啖都咁滑咁腍，真係爽！但如果䓤味再掛住啲就正喇✨。再嚟個芝士焗龍蝦，可以話係會心一笑！外皮炸到香脆，入面肉又嫩，同濃郁芝士嘅完美結合，無敵咁正！大澳香蝦骨嗰啲外層唔算太脆，但每一啖嘅豬肉又香又入味，簡直係營養又滿足。炒四季豆同啫啫通菜煲，雖然一般嘅平民小炒，但辛苦工作一日後，呢啲都係心頭好💓。最後嗰手抓羊排同炸大腸，我要讚下，簡直係摘星水準！羊排唔硬淨，辣椒帶勁但又唔搶味，炸大腸就爽口得黎又唔油膩。食完成頓，真係覺得：好食，盡在不言中！我會再嚟，泥土香港，食出真味道！👍🦞🌶️

走入呢間大排檔，氣氛鬆懈，係一個食飯嘅好地方。我哋點咗三樣小食：生炒骨、粟米斑塊同埋金銀蛋浸菜，每樣都係咁正！生炒骨，啱啱好嘅調味，帶啲酸酸甜甜，肉咬落去彈牙得嚟唔會過韌。不過少咗菠蘿真係有啲着急，失咗啲色彩同酸香，希望下次可以有返。而家講下粟米斑塊，真係厲害到話唔出！外層金黃、薄脆，瞓緊嗰種脆，內裡嘅魚肉又鮮嫩，入口即化，每件斑塊都咁大塊，食落超滿足！粟米汁濃郁，夾硬嗰啲魚肉，真係夾到掂得好𠻹！跟住黎講講金銀蛋浸菜，菜仔嘅嫩滑對得住我個胃，一啖啖食落去，爽口得嚟冇渣，真係少有平時大排檔會有嘅水平！整體嚟講，呢啲菜式喺呢啲悠閒嘅環境下食，實在高興😋👍🌟。呢間大排檔值得我再嚟，大家都要試吓啊！

捉緊最後有得晚市堂食嘅尾巴，今日黎到石硤尾邨平台食大排檔，上次夏天黎呢度好悶熱，冬天涼涼地食下嘢吹下水，飲下啤酒真係正！椒鹽豆腐炸粉唔會太厚，上面舖滿炸蒜，雖然熱氣，但係十分惹味甜酸排骨炸得岩岩好，唔會過火，酸甜度適中小炒王咸度適中，但略嫌韭菜切得太短及腰果炒得唔夠香口。椒鹽鴨舌鴨舌黎講非常多肉，餸酒一流之選乳鴿炸得唔夠脆，有一點遜色爆炒豬潤炒得好香，有鑊氣，而且不會炒得太老〰️〰️〰️〰️〰️〰️〰️〰️〰️〰️〰️〰️煲仔魚鰾大推之選，不過食得太急無影相有d焦香得黎唔會過火，而且好新鮮，完全無腥味！出色總結，食物質素高於平均，服務態度好，上菜速度快，CP值極高，大推！！

晚市11個人去食飯，有兩個冇飲酒，3至4個飲藍妹，5至6個飲青島，大支裝，大家酒量叻極都係每人3-4支左右，埋單嗰陣竟然夠膽寫藍妹青島各39支，即係9個人平均每人要飲8支幾。同佢講佢就話計錯咗唔好意思，但就算計完都只係藍妹減咗20支左右，青島不變仍然係39支，即係每人要飲6支幾。真係博大霧啲食客飲醉曬到呢。大家有飲酒嘅話埋單時記得check單睇清楚。另外公道啲講句，佢食物係ok嘅。乳鴿同燒雞都好食。

此店位於舊式屋邨的平台上, 所以有D人在下面路過亦未必知上面有大排檔! 由於2面被舊式屋邨包圍, 所以很有懷舊風味!雖然很多人光顧, 但由旁晚6時坐到9時幾, 一直都不會有人吹你離開! 坐在露天的平台上吹着輕輕的涼風, 感覺十分舒服!在此區內, 我雖然覺得另一間大排檔(愛XX)會更好食! 但此店的廚師也不錯! 中式小菜講求火喉, 此店的小茶快喉十足, 你食落去是會感覺到與一般茶餐廳的分別! 另外, 我要讚賞佢的招鹽鮮魷，鮮魷的肉厚, 但炸粉不厚, 而且炸的火喉很好, 食落彈牙好味，絕不會食到成口炸粉, 是真材實料之作!另外, 佢都有燒味! 燒鵝和燒腩仔亦是坐上食客經常點的餸！而乳鴿只是38元一隻!很抵食! 食大排檔當然會叫幾枝啤酒, 這裡大生力只是15元一支, 藍妹也是25元一支!今晚叫了5個餸，一隻乳鴿，4枝大生力都只是604元!而且可以坐上一個晚上, 實在抵食!!!

香港大排檔真係越來越少，所以今日專登去懷舊一下，呢間細個都成日去食，佢最嘅菜式係炸乳鴿，椒鹽鮮魷同小炒皇炸乳鴿-即炸，上枱熱辣辣，皮脆肉質好juice,仲有幾塊蝦片，正椒盬鮮魷-炸得好香脆，份量都唔少，好抵食小炒皇-呢個餸好野味一定要叫，送酒一流

因為冇煮飯 成家去左食大排檔 簡簡單單第一道菜- 沙拉骨，中意佢沙律醬夠多 食落好香 不過就好大舊骨 中意「損」骨既朋友可以去試下 第二道菜- 啫啫芥蘭煲 好中意食啫啫菜煲 因為冇通菜 最後揀左芥蘭 好爽好香蒜蓉味 再加啲肉碎 送飯一流第三道菜- 鐵板豬手 上菜時就聞到好香 加埋黑椒汁 成隻豬手冇得頂 皮夠爽肉夠林 一定要試第四道菜- 雞蛋焗魚腸 呢味就麻麻 可能唔太中意食魚腸 好腥好苦 送唔到飯 就咁食都唔中意 個人喜好 中意食魚腸既人都可以試試 因為有屋企人話好香好好味整體來說係抵既 4個食左300幾 平均每人又唔使100

呢晚選擇左街市樓上平台嘅大排檔慶祝父親節,可惜入面無位,無冷氣歎,要坐出面添,好驚食食下落雨,同埋出面食都幾熱,但俾把超大風扇又吹到頭髮亂了但呢度D野都幾好味嘅,魯水大腸夠入味同肥斑頭腩食過都幾解,2種煮法,2種味覺享受!除左蘿蔔牛腩煲味道太過火,濃左,又好似加左酒係入面,味道怪怪地;而咕嚕肉用左全瘦肉做,太過乾,好似橡筋多D,一般出面通常都係用半肥瘦或者五花腩做,所以呢度千奇唔好ORDER咕嚕肉呀!上菜都算快,而侍應服務都算唔錯啦,以我對大排檔嘅認識

今日完左活動，朋友一早訂好位，原本諗住開開心心食返餐。我地去到入座，8點落單，到8點半竟然一道菜都未上過，追單時候待應態度十分差，話等半左鐘已經算好啦！講完就離開，完全係不負責任既表現。到9點鐘仍然未有一道菜，我地再次追單，但待應居然夠膽話出哂菜，但我地枱面除左三支飲完既藍妹係咩一碟餸都無！我地繼而同對方理論，佢地廚房先終於肯用喵兩個爐黎處理我地既餸！離哂大譜！即係之前完全無煮過，要我地白等你成個鐘！態度極差！唔會再去！不知所謂！

母親節去食上菜速度慢慢慢！服務態度差差差！野食質素唔得～恤衫西褲經理只是食野嘆啤酒唔理人～叫左個芝士蝦伊麵成個半鐘同你講啱啱冇芝士，但係隔離枱3分鐘前到最後收錢最快！埋單出左2張～分別2個人黎收錢！強烈建議想貼錢買難受呢間係必食嬲！嬲！嬲！

住呢頭咁耐剛剛先發現街市樓上平台有大!排!檔!即刻call齊人馬來試下海鮮好多種類，菜式亦多不勝數而我今晚最欣賞就係呢個燒乳鴿單睇表面金啡色閃閃下經已口水直流大小啱啱好，一啖咬落去皮薄到一啲脂肪都冇細細舊但係啖啖肉仲好有肉汁，唔似平時食過個啲炸得好死實覺得佢好新鮮，絕對唔係番炸， 醃得好夠味 ，齒頰留香!食到連骨頭都唔放過，越越香實在係正

來到石硤尾，聽聞在石硤尾街市樓上有一個叫美食平台的地方，有不同的小菜館，所以便專程到此一遊。在石硤尾地鐵站A出口往石硤尾街市方向走大約5分鐘，街市旁會有一條樓梯標示着石硤尾美食平台，沿樓梯上便到達。今天我們來到的時候看到只有2-3間的食市營業中，其餘的數間都是落了閘的，未知是其他食店不做晚市，還是星期二不營業呢？所以其實我們沒太多的選擇，揀了最近的一間吃小菜。放眼一望，只有2枱的顧客。不過其實整個美食平台只有10個人以來的人客呢！我們選了室外的位置，對着電視機。看着餐牌，價錢和大牌檔的差不多，不算特別便宜。我們只點了兩道餸：酥炸九肚魚和啫啫雞煲。酥炸九肚魚上枱時擺放得很美，有辣椒和蔥段伴碟，一點兒都不馬虎。外層炸得酥脆，炸漿內的九肚魚仍然嫩滑，吃了都不覺乾涸或油膩。啫啫雞煲上枱時熱辣辣，香味隨着蒸氣散出，簡直令人垂涎三尺。配料有冬菇和豬潤。雞肉不算太嫩，整個雞煲味道香濃，很好配飯。但很油膩，吃到最後剩下的汁料6-7成都是油呢！

一個羊腩煲加四個小菜。羊腩煲味道不錯，湯底有支竹，蓮藕，馬蹄和紅棗等等，送飯一流，只是羊肉不夠淋。每個煲跟生菜，gas爐熱著吃，冬天很不錯呢。小菜味道都不錯，只是椒鹽豆腐有些少過火，魚肚有點韌，豆苗很多油，生炒骨很少肉，大食可能不夠。但不收加一，服務態度okay，環境企理寬敞，家常飯之選也。

一走入餐廳，聞到小炒既香氣正，一行6人叫左八樣野，大滿足炸乳鴿，一d都唔油，肉好嫩滑，配埋蝦片，又香口，又好味。啫啫生菜煲，味道有d似魚香咩咩煲，黎到時，生菜仲啫啫聲炒梗咁，惹味枝竹魚雲煲，枝竹好多，魚頭都好滑，外層煎過，魚皮好香薑汁芥蘭，薑汁味唔夠，但芥蘭好嫩口豉油皇海蝦，蝦肉雖然滑不過無鮮味，一個例，八隻左右要$198都幾貴煎蠔餅，粒粒蠔肉都大過五蚊銀，蠔肉好多，餅既部分唔會好多粉，仲好夠脆西湖牛肉羹，好咸生炒牛肉飯，炒得好乾身，飯一粒粒，加上牛肉粒同菜粒，夠晒口感

小弟同朋友一行二人諗住求其搵d野食就去左呢間堅記 眼見咁多人應該ok 之後就坐低左點菜 叫左個醬汁牛仔柳加一個重慶雞煲 未上枱諗住同普通大排檔差唔多大件夾抵食 點知一上枱完全兩回事 78蚊一個牛仔柳得7件好似兩個一蚊銀咁大既牛柳。之後再上埋個雞煲雞又少又要老（點菜時服務員唔會問你要幾辣）個雞煲就搞到好似血水咁有咁紅得咁紅太過辣 大前題本人都算係食得辣但係佢個辣度係辣到食唔落。 總結呢間野無回頭 唔推介 極度失望