坤記粥品 (已結業)

今天凖備到花墟買花，途經旺角坤記粥品，於是一行二人便入內吃個中式早餐。坤記的店舖已有一定的歷史了，店內陳設都較簡陋，但幫襯的顧客數量並不少。看過牆上掛著的餐牌，我們便各叫了一碗艇仔粥, 另外還叫了一個炸兩和一條牛脷酥。今天的艇仔粥（$16）較稀和淡味，但幸好有米味。粥料有花生、豬皮、魷魚和牛肉碎。牛脷酥（$9）應該是已炸好了一段時間，但味道尚可。炸兩（$12）的油炸鬼同樣不是新鮮炸起的，包著它的是薄薄的腸粉。混了豉油和甜醬，便較有味道。

💁🏻‍♀️坤記粥品 (太子)🍴-下午茶時間，呢間粥舖系公司樓下，勁方便！平時想清吓腸胃就會食吓粥。豬紅艇仔粥（$19）超足料！呢個價錢算抵👍🏻豬紅好大舊，又幾入味，食落啖啖都有牛肉、魷魚🦑同豬皮，可惜有啲重味精味，食完會好口渴😵/📍坤記粥品 (太子)#太子 彌敦道786地下#小丸子搵食記#小丸子太子-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #素食

坤記嘅豬什皮蛋粥真係好正，粥底軟綿綿又夠熱，豬什好新鮮，粉腸好粉嫰，豬肚好有豬味，但又唔會有腥味，店家處理得相當好，皮蛋係半隻嘅份量，再加上有瘦肉絲，整碗粥真係相當足料，價錢又唔貴，只係$20元一碗，CP值好高！

今年年二十二開始放年假，搞咩呀！一立春就病！所以，係粥鋪見到我的話，即係我又病咗！因為我病先會食粥囉....唉...唔知咩原因，坤記果段路，自己極唔中意行，所以從未幫襯過坤記，今次因為落太子，先去幫襯坤記。自己已經介牛，但病嘅時候咩胃口都無，想食d好味野，再講，依家d牛肉咁貴，叫碗牛肉粥，睇吓佢地份量有幾多都好，最后叫咗碗皮蛋碎牛粥，油炸鬼同蝦米腸。碎牛粥嘅牛肉份量果然偏少，但最失望係粥，唔掛碗，同熱水開嘅米水無分別，超失望！蝦米腸口感唔夠滑，但足料。油炸鬼唔夠熱但爆脆，只份肥咗d，囉上手成手都係油。病緊重要食碗差嘅粥，慘慘 ^(00)^

呢排個口生飛滋所以晚餐揀咗粥店，叫咗碗皮蛋牛肉粥，豬紅碎牛粥，一碟炒麵，一碟齋腸，一碗綠豆沙。皮蛋牛肉粥 $23個粥比豬紅碎牛粥濃味，口感冇咁稀，但牛肉有浸怪味，唔知道係腌制過嘅味定係變壞左嘅味，完全係食唔落去，但係除左牛肉碗粥都食晒嘅。豬紅碎牛粥 $17味道相比皮蛋牛肉粥清淡好多，唔知真係以為自己食緊白粥。炒麵 $11由細到大都鍾意食一種嘅炒麵，不過呢個炒麵有好幾條係黑色炒窿咗，同埋成碟炒麵都係好油，因為肚餓所以都有食晒，但係食完滿嘴都係油。 齋腸 $9呢個係最好食，腸粉黎講最鍾意食齋腸，唯一不足係豉油味有啲怪。綠豆沙 $11本身諗住清熱，又好耐無食過綠豆沙先叫，結果完全係一個伏， 絕對中伏！又水又好難食！好似食緊膠味既水加豆。服務方面，都係一啲有年紀的姐姐，佢哋咁耐以來都冇寫單嘅習慣，所以好多時叫完啲嘢佢哋都會唔記得咗，就係食嘅過程之中都已經有好幾台叫完又唔記得咗野，但其實價錢來講真係超級平民價，粥底方面，我唔明點解貴幾蚊個粥底口感可以爭咁遠？綠豆沙呢啲咁奇怪嘅嘢都係唔買好過買，甘好有難回頭客，希望有改善做得更好。

豬紅粥，牛肉腸比小時候食的差了很多豬紅粥其實不太差，因為都是味精粥底加豬紅（大同小異）不太咸，豬紅偏細粒牛肉腸就難食了，牛肉質地有沙好奇怪，而且有好多油，腸粉真中伏了埋單30蚊左右，難食

小妹好小野未食完就打食評，但呢個真係唔打唔得話話小妹識坤記係喺屯門新墟間老店，仍記得佢地嘅芝麻糊又香又濃又傑，加埋個紅豆沙係紅黑分明，真係又香又甜又好味，食完粥品類，點都會叫返碗黎嘆下，但自從佢執左之後，好耐都無食過小妹知道太子係有間坤記，見咁耐無食就叫左碗紅黑外賣，阿姐好叻咁比左熱紅黑小妹，唔梗要，好味就得啦，點知一打間插枝羹落去就知出事，碗野一啲阻力都無，一筆唔見紅色糖水淨係得紅豆粒粒，芝麻糊稀過水，的確有啲啲芝麻味，真係有好輕微芝麻味，但係真係淡到好似水咁成碗野錯晒……我唔會再買糖水食啦…無左香濃芝麻糊食真係好失落希望店員/店主睇到可以改善下

坤記粥品是位於太子站附近的老牌粥粉店, 放學肚餓想輕食晚餐, 十分方便, 食碗粥埋單不用二十蚊, 加一條勁脆油炸鬼也只是$27, 抵到爛, 佢地既紅豆沙及綠豆沙都足料好食。魚片艇仔粥 ($19)用料豐富, 粥底軟棉, 最緊要系唔喊啊

行過太子，見到舊式粥店，入咗呢間坤記叫左豬潤皮蛋粥，加個炸兩 粥底本身係好濃米槳咁，好滑不出水，豬潤爽口彈牙，件件厚切，加皮蛋好鮮甜，落左粥有少少溶溶地仲香滑。炸兩熱辣辣，腸粉皮又薄又滑，和油炸鬼的香脆相反，加左黑黑鼔油，口感一流 舊式粥店又平又抵食

近來腸胃一般，早餐有時會想吃清淡一點，便會想吃粥品。今天天氣雖熱，昨天下過一黠雨是涼快一點，所以便決定經過太子附近，便到坤記吃粥。今天跟上次一樣，叫了柴魚花生豬骨粥，其實店家用的不是豬骨而是排骨，相信因為在處理方面容易一點 可省一些工夫，當然排骨也是豬的一部份，所以只可說是取巧，但味道跟用豬骨差很遠，吃著又記起王記的真正豬骨粥，真叫人唏噓 回說這柴魚花生豬骨粥，米花有爆開，但沒甚米香，柴魚很零碎幾乎看不見，排骨有點肉味但煲得不夠淋，這碗粥只是合格。吃粥吃得不滿意，便叫了炸兩和豆漿，炸兩不脆也是預料之內，但腸粉皮比上次又厚了，另外的豆漿才叫人摸不著頭腦，通街都有豆漿賣，好喝難喝心裡也有個底，誰知這裡的可以完完全全沒豆味，只有甜味而已，感覺像是一杯正常的豆漿將它用1比99的白水開稀一樣，似乎店家沒有天天做新豆漿，只是每天加水進去而已。此店在這已十多年，相信當年的租金不可跟今天同日而喻，成本高可以理解，而食品價格合理也是不爭的事實，但像豆漿這些又平又易做的東西卻這樣亂來，也真的叫人汗顏。

原來我已經是有一段時間沒有試過食碗白粥做早餐，其實現在要找一些傳統的粥品店都比較困難，是日路過太子，發覺有這一間粥品店，便坐下來試試。環境方面是舊式老舖，坐在店子內彷彿有時光倒流的感覺。早餐點了簡簡單單的白粥和炸兩。白粥的份量不太碗，粥底都算綿，味道清清淡淡，相當唔錯。炸兩外面的腸粉也算滑，而且做得唔會太厚，內面的油炸鬼是新鮮炸的，所以相當脆口，再加上有小小甜味的豉油味道，令炸兩更加好味。只用了十七蚊便可享用一個早餐，可以清清腸胃，簡簡單單健康的一個早餐，是相當化算。

自從上次大病後,「大隻先生」就好鐘意食粥,所以今日我地又去左試食粥店。我去出面食粥,好怕兩樣野:1.味精2.燶底基本上一食到有味精後,我就唔會再去返間粥店度~而燶底,可以換就換,唔換就只好去第二度食。今次好好彩,依間粥店無味精亦無燶底,放心食到尾!一入到去,環境是傳統粥店格局,開放式廚房,寬敝但衛生麻麻。因為一見就見到整油炸鬼塊板放係地上...不過地踎檔又點會好似4,5星酒店丫~睇開D~點菜時,又要再提醒一下自己....地踎粥店,平民價錢,地踎服務。人手短缺,就更加無得怨....終於都落完單,叫左我好耐無見到既柴魚花生粥!係度要講少少故....今時今日,好多時係街食粥都係「生滾粥」,即係一個固定既粥底,配合客人想要既菜,一滾至熟就上碗...當然有D生滾粥係好正既,好似生滾牛肉粥,生滾魚片粥...但始終有D粥係要老火煲先香,先綿,先會融洽,而唔係似「分居」咁~市面上好多時皮蛋廋肉粥都係生滾....粥都未有果種皮蛋融化既香....當然失色不少!而依間,可贊既係依家買少見少既老火粥。今次點左「柴魚花生粥」,雖然花生未夠香,但已勝過坊間唔少粥店!-足料,粥底夠綿-花生預先炒過,但都係唔夠香;

其實唔算差吖。咁嘅價錢，做到炸両腸粉滑而芯爽脆；食到最後一舊仍保持住脆芯，近年已算難得。皮蛋豬什粥只有咸豬肉、粉腸及豬肚。豬肚與粉腸軟熟，又沒鬆肉粉味，而咸豬肉則夠咸且入味，頗下火！今次差的是豆漿，交來之物，全沒豆味，太甜；應歸納入糖水類！

Had the most unpleasant experience of having a quick meal there. We ordered two bowls of congee and a dish. The service was terrible with the staff there being absolutely rude and lacked sincerity. The dish was not fresh and soaked in soya sauce. When we asked them to give us a new plate they were reluctant and insulted us.

簡單平凡卻窩心很多時，也想找平一點卻好吃的，偶爾找到，就感到自己很捧，很有滿足感。這種，彷彿在尋寶，每天每天早午晚餐，多是公司鄰近的快餐店或集團式經營的食肆；不是這間就是那間，有點納悶。所以每每，找點不同的地方來吃，成為了一件簡單而快樂的小事。美味而便宜，那就最好不過了。上上星期五，走到了旺角，再走到了太子，想起了這間店。不是甚麼名貴菜式，也不是特別的菜色，然而每次吃著粥，我總會這樣想……還不如坤記哦！當然，我這個指的，就是十多塊錢的粥品，不是用什麼又什麼名貴的粥材，也不是什麼又什麼的酒店什麼什麼的地方來比較。來到坤記，不用想就是我的首選是牛肉魚片粥，次選會是豬紅魚片粥。價錢，在這通貨膨脹的當兒，是貴了，二餸粥，十六元正。若單是牛肉粥，只是十二元。我記得第一次來坤記吃粥，應該是五六年前，這是一碗牛肉粥是九元，很便宜又可口。從來沒試過這兒炸両，因為我一向都不愛吃炸両的，然而今次膽粗粗叫了一客。樣子不討好，像是放了一段時間似的……但……真的不可以貌取「腸粉」，因為它真的很脆身，又好吃。這是估不到的驚喜，還有叉燒腸，也好吃非常。是的，當平凡，當簡單，當一切都不過是家常小品，卻給預你一個窩心的