坤記粥店

营业中

休息中

今日行行下V CITY肚餓喎，周圍搵下有咩TEA食，又唔想食得咁HEAVY，終於搵到間粥舖，入面叫左兩樣野食咋~我中意舊式粥舖，因為我覺得好有風味~好古式古香~我本身都仲諗緊食乜好，見佢炸起D油器，就二話不說叫左個牛脷酥食啦!熱辣辣炸起既牛脷酥超香呀!我地叫姨姨幫我地剪開方便食，見到剪開左入面都無乜油!好皮好脆，但內里好香又鬆軟，好似食緊麵包咁軟熟，雖然炸左好耐，但係食落入唔係啖啖油，呢點要讚!另外同老公一齊SHARE左隻咸肉糭，入面有蛋黃同咸肉，咸肉份量都幾多，足料!另外D咸肉夠晒咸，岩晒我!我地加左砂糖黎食，一甜一咸好正!而且隻糭即叫即蒸，等左10分鐘先有得食，黎到仲好熱!糭亦包得好好，飯與飯之間好黏!走時見到好多人叫腸粉，都係即蒸架喎!等我地下次試下先!

碗豆腐花爛到好似飲水咁，去過四次，不論早或晚都係無熱豆花豆腐花又無豆味...唔值14蚊囉！想食豆腐花嘅朋友唔好去呢間食，寧願你去便利店買x福豆腐花食好過。下次唔會再去食但環境都正常 唔覺太污糟

坤記舊舖變左藥房，以為無做😱，原來搬左去V City 對面。新舖企理d，人流依舊，繼續幫襯！呢到既炸腸真係好好味，腸粉同油炸鬼都係新鮮出爐！另加窩蛋碎牛粥同埋魚片粥，粥底好綿，大大碗，食到好飽！

仍是新正頭的早上, 送完小朋友返學先醫肚再去買餸. 新墟街市附近不乏早餐地方, 茶記, 酒樓, 快餐店, 當然有經典的白粥油炸鬼.坤記是老字號的粥店, Since 197x, 都有四十年了, 不過這間是新裝修的店子.點了艇仔粥和炸腸, 分別是$17和$13, 對比上個食評原來剛加過價. 艇仔粥粥底夠綿也有米香不過比較淡, 配料方面毫不馬虎, 有齊魷魚, 豬皮, 碎牛, 不過就沒有我最愛的魚片, 份量也算大碗. 炸兩就比較普通, 油條已開始腍不過勝在腸粉夠熱, 份量也足, 配合粥來吃十分飽肚.

一早睇完醫生，極之肚餓，好耐冇食粥，就去搬了新舖的坤記，即鄉事會路，舊嘉年酒樓位置，早上9時，7成滿，而且不似舊舖咁迫。因想睇戲要11點15開塲，故應要再找地方坐，要留肚下一場，(其實想滿足自己的早歺慾)，好耐冇食過白粥，便叫了白粥炸腸!白粥7/10 - $8碗，比飯碗大一點，但比平時艇仔粥細，對我來說剛剛好，粥底夠綿，是淡口的粥底，現在有些粥舖的白粥是調了味的，我還是喜愛這種自己加鹽的白粥。炸腸6/10 - $12，賣相不佳，食落腸粉還算嫩滑有米味，內的油炸鬼仍有少許脆韌，這裏好處是有整枝麻醬，甜醬，辣醬任加，醬魔實鍾意。早歺$2O，真是算很經濟!

坤記搬左新地址, 都係第一次嚟, 地方大左, 環境新左, 光猛左, 雖然D枱都放得好迫, 7點幾去到已經要等位, 等左一陣要坐係大枱度, 真的好迫, 我們又攞住好多嘢, 好唔方便.快快的落單, 我食艇仔豬紅粥, 媽媽食白粥, 一碟炒麵, 牛脷酥, 腸粉.勁快就嚟, 艇仔豬紅粥好多料, 有豬紅數件, 豬皮, 碎牛肉, 花生, 魷魚, 蔥花, 粥底都好綿, 唔會好粉的感覺, 那些配料都好好味, 同埋味道唔會好濃, 鮮甜的, 好食呀. 豬紅都爽口的.炒麵OK, 甚麼配料也沒有, 自己加醬加芝麻, 都幾乾身, 唔會好油的感覺. 腸粉唔算好滑, OK呀. 牛脷酥好味呀, 又香又脆. 我鍾意呀.依家搬左新地方, 出面較空鄺, 唔會好似舊舖咁係正馬路旁, 好擠迫的感覺.