坤記粥店

营业中

休息中

在屯門，想找家像樣的粥店，真不容易，除了坤記外，再也沒有比它好食的!今日中午無食到油炸鬼，他們家的油炸鬼真係好好味，唔好錯過其次係炸蘿蔔糕和蒸蘿蔔糕，好有蘿蔔味，粥又綿又好食，最差係炒米粉和炒麵，真係做的好差

一入去發現原來弼店都好受歡迎, 坐滿咁滯。2X蚊一碗艇仔弼走牛, 入面有肉絲, 魷魚等等, 一定要加蔥,香好多。粥底好綿, 味道偏淡, 岩我, 又唔會油, 呢度GE 粥夠清淡。蝦米布拉腸, 腸粉拉得幾薄, 蝦米夠香。2X蚊炸兩好大碟, 腸粉一樣好薄, 油炸鬼正正常常, 十零蚊好平BTW, 嬸嬸好好人,知我朋友唔C服來食弼, 仲問我地要唔要暖水果D。

坤記都可以話係我早餐嘅至愛，可能我份人比較傳統，有d old skool，穿著維持80s 風格，口味就鐘意食中餐。早餐無碗粥/腸粉落肚，真係周身唔自在，所以我每隔幾日都要黎一黎坤記，叉叉電。呢度粥有好多款，有時間就一定叫生滾粥，價錢合理，質素超班。今日就叫左個及第粥 ($32)，有豬潤、肉片、豬肚、粉腸、肉丸，成碗滿滿好足料，豬潤新鮮爽口，味帶清甜。粉腸亦易咬開，無異味，食唔停口。一碗粥又點夠呀，當然要叫多個炸兩（$26），油炸鬼好脆，外層布拉腸又薄又滑，麻醬同甜醬任落，食得非常滿足。食個靚早餐，心情都好d，一日又開始，又要努力工作，大家一齊努力，共逸之！

平日長老偏好食粥，今日假期就陪佢去vcity 對面的坤記食粥啦。屯門粥鋪質素愈 好似得佢的質素係比較好。長老叫柴魚花生粥$23，不過我未拍照佢已經食緊😂。佢話粥底綿，唔會用舊飯再鋪成粥，不過柴魚好腥，整體仲可以入口，但下次會叫菜乾豬骨粥。我叫及第粥$32，粥底好綿，有粉腸豬肉丸豬潤各一至兩件，不過好細舊，豬潤好老，肉丸冇味，但就真是沒有味精的，加上鹽，味道好好多。粥偏淡，似白粥。蔥會分開上，讚，因為仲有好多人鍾意走蔥。炸兩$15腸粉好滑，但油炸鬼好硬，檯面上有醬汁給客人享用，如果油炸鬼係剛炸好的應該會更好吃，見其他客叫原條油炸鬼炸兩，價錢比普通炸兩貴，會不會原條炸兩係即炸呢？下次試試。

入屯門搵朋友食早餐，朋友話呢間佢成日食又抵食，平時都唔係好鍾意食粥，不過見朋友誠意推介就試一試。兩個人就叫咗一個豉油皇炒麵，炸腸同一個皮蛋粥（因為我唔想食粥🤣）粥都幾大碗而且好足料，朋友話好好味，抵食👍🏼👍🏼另外炸腸，應該就係我地平時食開嘅炸兩。一上枱好香，太肚餓唔記得相機食先，冇影到相😂😂比起出面食嘅炸兩，呢到嘅炸腸冇咁油，同埋個腸粉好滑身，份量亦都唔算少，兩個人share啱啱好炒麵好香，味道亦都好好，唔會太咸，唯一美中不足就係蔥嘅份量比較少，如果多返d蔥就perfect 因為冇叫粥食，見到隔離有人叫紅豆沙，心思思都叫左碗。好足料，入面好多紅豆，每啖都食到好多紅豆同埋淡淡嘅陳皮味，好滿足😋😋

呢間坤記 好多年 都好似幾出名 病病哋又冇乜胃口就走咗入去食粥 兩個人叫咗炸兩炒麵 煎堆同 魚片粥，食唔晒。。。浪費，不過病冇乜胃口就真， 講真佢唔算好食， 只屬於一般， 個煎堆就唔錯其他嗰啲真係一般般

夜mama喺附近食完飯，原本行去聰少，點知平日都有人龍，冇心機排隊，只好另覓其他糖水店。呢邊選擇唔多，又唔想行到去紅橋。於是來到坤記，好多住屯門嘅人，都認識，係傳統粥麵店。佢最好就係，營業時間夠夜，到凌晨都仲有野食又有粉麵、粥、中式糖水。我哋食完飯先過嚟，就冇點粥，直接點兩碗糖水。綠豆沙清涼解膩，點左凍嘅，溫度剛好，裡面有好多綠豆，仲有明顯海帶，甜度適中，幾好食芝麻糊好杰身嘅芝麻糊，聞落去都好香芝麻味，可惜食落去就唔係好明顯。唔夠香濃，質地就好厚身，而且順滑。不過價錢唔貴，我真係收貨。

今天繼續中午吃素，不過不是去齋鋪，而是去坤記吃炸兩，炒麵，兩者本身就是素食，轉轉口味不致於沉悶。炸兩比之前吃的有進步，份量也像多了，擺盤整齊。油炸鬼雖然被豉油淋在表面上，不過沒有因此軟掉，依然保持酥脆的口感。腸粉皮亦算薄滑，部份都完整包著油炸鬼。炒麵方面不會油膩，炒得挺乾爽，開頭吃的時候蠻鬆散可口，不過愈吃愈尾的時候，炒麵有點硬邦邦，並且一大團，可能是炒得不均勻吧。至於豆漿卻少了以前的豆香，黃豆味不太濃郁，有微微水水的感覺，雖少甜，但是沒有以前的好喝，之前我也會偶爾買外賣豆漿喝的。

這裡，都是我病的時候的飯堂 因為本身我不喜歡吃粥，所以只會病的時候吃，而這間的粥舖便宜抵吃。晚上，肚子濟住濟住，不想吃晚餐， 經過坤記， 想起他的綠豆沙，便進來吃。凍綠豆沙 $15 他的綠豆沙十分足料， 不是用粉開出來的，而是以綠豆和海帶，慢慢煮出來的! 所以味道十分新鮮，每啖仍很有口感。不過今次去食的時候，綠豆沙轉了用細碗盛載，以前是用較大的碗。價錢沒有加價，但是份量小了。 這些小店，面對通脹，大財團，貴舖租等等的困難，相信一定很難經營了，唯有我們多點幫襯，繼續撐本土小店!

今天剛好經過屯門，聽聞坤記的粥遠近馳名，所以決定來試一試。坤記是一間傳統式的粥店，粥類的價錢不會太高，我點了一碗窩蛋碎牛粥。碎牛肉在上枱的時候依然是生的，我要攪拌一番，利用粥的熱力把牛肉弄熟。上圖是我攪拌後的模樣，粥底也很綿，好吃！來到粥店當然要點炸兩腸粉，腸粉包得也算「實」，不會掉出來，算是不過不失！

係屯門要食粥，坤記一定係我首選。我呢個忠實粉絲由舊舖跟到新舖，坤記一直伴我成長。同男朋友落樓下叫左兩個粥同一碟炸腸，味道依舊。窩蛋生滾牛肉粥男朋友叫左窩蛋生滾牛肉粥，粥底被煲得綿綿的，粥底有粉紅色的牛肉。牛肉的份量頗多的，將牛肉跟熱辣辣的粥底撈埋一齊，牛肉馬上熟了。招牌艇仔粥艇仔粥好足料，入面有魷魚、牛肉、豬皮等。炸兩腸每次食粥一定會叫炸兩腸，喜歡坤記的油器，用腸粉包住炸兩可以減低罪惡感。呢餐食左70蚊，好滿足！

坤記店舖歷史悠久，小時候讀書那陣子很喜歡光顧，近幾年搬到新位置繼續營業。店舖比以往整潔，位置也多了。例牌坐進店內，叫了艇仔粥及一碟豉油王炒麵不消數分鐘已送到枱上，豉油王炒麵份量很多，足料份量。炒麵麵質爽身，豉油早已均勻沾上麵上，味道合乎預期。艇仔粥粥類之中最愛點這款，主要因為材料豐富，有碎牛、豬皮、魷魚、花生。魷魚份量很慷慨、爽滑彈牙，粥煮得很幼綿，好味之選。老舖現在已愈見愈少，它所賣的是一種舊時回憶及人情味。

熱騰騰既黏稠白粥將豬皮、魷魚、碎牛、花生加䓤花配料滾個爛熟。落單到上台唔洗20秒，d粥涷小小都整唔熟d配料，胡椒粉，甜醬，辣醬，麻醬，芝麻，豉油、醋一應俱全悉隨尊便。衛生環境係差小小，d阿姐態度又高傲小小，窮人想食好野係要認命嫁啦。

在屯門土生土長的我， 坤記粥店可說是伴我成長。 無論是感冒還是腸胃炎， 我都會光顧這間老字號小店。油器跟粥品是必叫之物， 這次我叫了一碗艇仔粥、炸兩腸、油條以及豬潤粥。 艇仔粥 $17 艇仔粥是我的首選，基本上每一次光顧我都會叫。艇仔粥的配料很足，分別有咸牛肉、豬皮、魷魚以及花生等。我尤其喜歡艇仔粥綿綿的粥底，帶點鮮味。 炸兩腸 $13 炸兩腸的份量適中，味道沒有甚麼特別，中規中矩。媽咪叫了豬潤粥 $28 豬潤好新鮮，好爽口，不過粥底有啲淡，唔值$28蚊。油條就正正常常，感覺已經炸起左好耐，相比起在桂林食過的「天下第一油條」簡直天同地比。 總括而言，粥品和油器不會令人一試難忘，但是光顧連鎖店不如光顧老字號小店。

這類粥品店已越來越少見，行完 v city 經過見到這粥品店，就來一試當天黃昏時間都非常熱鬧，一張超長檯子搭了好幾組食客，大家都會互相幫忙遞筷子，醬料等，這就是街坊情懷，好溫暖的!我們點了艇仔粥，綿綿的；炸兩，好滑，亦好脆，再加甜醬及麻醬，口感好豐富炒麵，沒有太油膩