坪州士多

营业中

休息中

好多年無去東坪洲，難得約到班朋友去癲一吓，懷住興奮嘅心情出發。大家決定上岸第一件事係去開餐，食飽先有力行架嘛 🤣🤣🤣 又可以遲小小起埗等啲人潮散咁啲先 🤭坐底就有人介紹個秘制魷魚，話得返 2 份，咁梗係唔好咁蝕底啦 😋😋 個汁的確又係好香好好餸飯嘅，仲攪到我重手得滯要加飯添。另外叫咗個鬼瓜螺，我早幾年喺台灣食過，大隻好多，朋友未試過就叫咗碟，都係好鮮甜。但啲螺比較細隻，所以功夫多多肉就小小，其他餸未到剝住傾計都幾好。叫咗個例牌雞同咕肉，雞夠滑咕嚕肉好脆口，仲有個菜心好甜。原本想叫海膽炒飯，但亞姐話而家唔係時候，啲貨係舊年嘅唔靚，叫我哋唔好叫 🤣🤣我哋行咗個圈玩咗 3 個多小時又返去下午茶等船，但太攰完全唔記得影相，叫咗 2 客西多士，我問可唔可以唔要夾花生醬，亞姐問我咁夾乜，我話果醬，亞姐話好食嘅咩？我咪答好食囉，亞姐然後話你要實做比你 ❤️❤️❤️❤️ 然後一客花生醬一客果醬嘅西多士好快就清咗碟啦，再加雞蛋仔，脆卜卜非常正 👍👍👍

疫情下嘅東平洲真係好多人！好辛苦先搵到位坐㗎我哋！🙌🙌🙌🙌提提大家，入到去一定要盡早食嘢先，其實大概12點打後好多嘢都會賣晒！我哋連想食個海膽炒飯都冇😿🙌🙌🙌🙌咁肚餓都要食嘢嘅如果唔係點繼續行！叫餸食飯都唔錯嘅～今次叫嗰隻雞都幾好食😋估唔到呀，出乎意料之外！🤞🤞🤞🤞呢個紅豆冰都好特別，佢嘅冰係放喺杯頂，搞到我覺得佢好足料囉😋🤪唔會好似出邊茶餐廳半杯都係冰咁！！！我雖然要紅豆冰姐，都唔使真係半杯冰㗎嘛😂😎😎😎😎

留意番呢間坪州士多係響東平洲！每次去東平洲，朝早搭九點船出發，下午四五點先有船回程，所以每次都會在島上覓食，而朋友每次都帶我去呢間士多食嘢（島上有三間士多，都集中在附近）以為去到士多就係食公仔麵或者麵包多士同豆腐花？呢度仲有燒賣魚蛋雞蛋仔！不過我同朋友每次都係叫小炒。今次露營在島上過夜，黃昏去岸邊睇日落，見到士多老闆一身潛水裝備，提著一桶新鮮海膽，收穫豐富！即時同老闆娘落定單，預留海膽第二日去食Lunch！海膽 $20/隻，新鮮！隻海膽仲識郁架！海膽蒸粉絲 $190 上枱時好壯觀！好鮮甜但海膽味始終不及直接食新鮮海膽。海膽炒飯 $190 肯定足料過外面，好食！另外仲有叫啲小炒 椒鹽鮮魷 $130 豉椒炒蜆 $100 好大碟，有大排檔風味。另外叫左碟星州炒米 $67，椰菜絲蛋絲火腿絲蘿蔔絲全部都好大條，正！去到郊外行到成身汗飲杯冰真係好歎！菠蘿冰，紅豆冰等統統$23，如果個冰球係雪糕球仲正！.這間士多更有提供住宿服務，聽講要提前好多先訂到。

2-10-2020 (Fri)中秋節翌日公眾假期,晏晝同老公喺東平洲行完一個圈,回程去碼頭時必經呢喥,咁就坐低飲嘢同休息,我同老公都邊行邊義務執咗啲垃圾,我哋搵垃圾箱,店員俾我地掉落去.之後我哋坐低飲嘢,都叫咗一樣係$23.00嘅菠蘿冰同涼粉冰.等咗一段時間嚟到,賣相好靚七彩繽紛,重要有一球冰喺頂,似足月亮,真應節.我就飲涼粉冰,唔算好甜,涼粉軟滑,底下七彩繽紛嘅係啫喱,口感亦正常,真係好有心思.飲完後,老公重要encore多一杯菠蘿冰,店只好細心問要唔要外賣杯?我哋答唔使,但最後都係俾咗,我估佢哋為我哋要去碼頭搭船吧.其他:喺飲o緊嘢時,我見到店員將我哋綁好嘅垃圾袋打開,同將鋁罐,膠樽等分類,佢哋好有心呀.而我哋就習慣如果唔記得嗌走飲管,飲食完畢,見到有膠餐具,就盡量記住拎走,返屋企洗乾淨後,定期拎去回收,嗰日我都唔例外,拎咗飲管同膠羹走,呢隻膠羹係好硬嗰隻,之後發覺隻膠羹有啲崩,唔通佢哋會洗乾淨再用?佢哋用膠羹嘅原因係,唔想鐵匙羹傳熱傳得快,令凍飲好快變熱?

<<生在美食天堂，點可以唔識食>> <<I born in Paradise of Food，why not explore deeper?>>東平洲，香港最東的地方，離香港船程要成90分鐘 ""注意:島上基本都唔係好收到電話信號""環一下島之後，等船既時候可以幫襯下島上都是大自然一片，罕有地有1,2間餐廳。坪洲餐廳有齊一般茶記有既野，但係竟然仲有海鮮食。正&貴~足料椒鹽鮮魷~唔知係咪新鮮捉定點，不過厚肉，炸粉平平，調味不錯。依份係細份，供讀者參考下大小。無食~紀念下原來依到仲會有新鮮海膽，好似真係即開即食...有膽或者海膽控..來試試吧總結/其他裝修:就係.....離島/郊外既基本配置，有廁所服務:職員唔多，態度都不錯，蠻好客的                

東平洲不算大，但因為天時暑熱，景觀雖美但不願多作久留，攝影數張便匆忙往下個景點跑然後就遇上呢間坪州士多甫進入士多範圍，便被一位笑容可掬嘅嬸嬸熱情招待邊拿餐牌邊著我們隨便坐低杯菠蘿冰上枱時，嬸嬸話最上面舊冰呈藍色係因為加咗花茶係新嘗試黎，想睇下客人反應如何已經等唔到要幫杯野擺好Pose再影，熱到就暈大啖啜落去嗰刻好似上咗天堂咁甜度適中，最底下有少少類似蒟蒻嘅物體中間菠蘿，舊舊都超軟超甜!!冰冰涼涼嘅液體撞入熱到發滾嘅身體入面爽到就反白眼之際，突然嬸嬸又一次過黎強調話舊冰呈藍色唔係咩有毒物質黎，係花茶!XD兩個share一個星州炒米份量好大，料好足，辣味無失控而且個人認為星米最重要嘅係米粉的濕乾程度太濕，難夾之餘又無炒米口感，食落唔爽而呢個就剛剛好，亦唔會乾到脆口咁，啖啖夾雜住腿絲阿，銀芽咁食，好好好味!建議可不用加過多黃糖，令味道失去平衡飽餐完休息時，士多店員過黎提醒每一枱客人碼頭臨時加開一班船若想早走可以搭乘本來我地煩惱緊若5點半才有船走，餘下景點不足以消磨時間得知呢個消息真係好開心其實佢地無義務提醒，畢竟對佢地業務毫無幫助實在非常感激臨離開時，貌似老闆問我地食物如何我地讚不絕口，真心

山友們相約去坪洲行山，多年沒到這個小島了，搭了個多小時船，才到達這世界地質公園。印象中島上有幾間假日士多，供遊人補充糧水或是祭五臟廟。用幾小時環島走了一圈，跟隨山友們往警崗方向走，在坪洲士多停下，地方寬敞，據說原本是有大樹好遮蔭的，可惜被颱風山竹把樹吹倒了。天氣好熱又曬，想喝些涼快飲料，叫咗紅豆涼粉冰，聽說豆腐花不錯又要了一碗。紅豆涼粉冰好趣緻，杯上放一個刨冰球，遠看還以為係雪糕添，紅豆腍+涼粉爽滑，加上淡奶消暑一流，正呀。豆腐花好滑可以加糖水或紅糖，2種糖都加又得，入口嘟一聲就滑進喉嚨啦。食材調料大部份是帶進島來的，物以罕為貴，價錢合理丫。店主一家人好熱情，照顧周到，連手機個胃都可以滿足埋，哈哈！

去到東平洲記得入面得好少嘢食嘅咋～佢哋冇乜餐廳～通常食嘢嘅地方叫做士多～我通常去親就就會食呢間坪洲士多～地方都夠大，要行入少少架但係嘢食好味而且價錢又公道！最重要嘅係啲人好好呀～好鐘意佢地的待客之道～所以我哋今日入去ｏ係ｏ個度食咗兩餐！！講咗午餐先啦！食咗兩個主菜一個係星洲炒米，一個係西炒飯！！！雖然呢兩樣係好普通ｇｅ野～但講真，愈普通ｇｅ食物係愈難做得好～而唔知係咪去到遠的地方，加上環境～我地一行３人都覺得好好味～一ｄ都唔ｈｅａ～抵讚～跟住我哋行完一輪三個鐘後又再返左去食預先lunch留左單嘅豆腐花同茶葉蛋～～～等等．．．．＊＊好彩有留到咋～返到去已經好多野都冇得剩！因為好得意架，有去過東平洲ｇｅ人知道～得周末先會有船出入（姐係星期六同日）（公眾假期我唔清楚）～我哋星期日入去其實出嚟嘅船得一班～所以餐廳啲人都會同一班船出嚟！！變咗如果要食嘢記得唔好等到臨上船先啊！因為佢哋都要收拾啲嘢～然後同我地一架船出嚟～我覺得因呢間士多好開心因為佢地好熱心～我哋食嘢之後唔係好識路佢哋仲俾埋地圖教我地可以點樣行，響邊個位有啲咩睇！太窩心了～所以下次你地如果要去食嘢都可以去嗰度幫襯架～嗰度仲有得浮潛同

昨日跟好友到平州觀石、浮潛。因天氣酷熱，行累了便到平州士多歇息用膳。老闆娘非常熱情地跟我們聊天，並推薦該店的炒蜆。我們再加了一個星洲炒米，一個青菜。炒蜆非常鮮味，豉椒汁並不像其他店般，調得過濃而蓋過了蜆的味道。炒米和青菜也不錯。加上兩瓶涼茶就成為了我們一個悠閑、消暑的下午。其他友人點了雞球炒伊麵 (麵底看來炸得好脆)、沙薑雞、雜果冰，我沒嘗過但看起來也很不錯!

猶記得去年首度遊歷東平洲，實在不敢相信眼前的絕色美景，那壯觀的沉積岩地貌，倚偎在清澈的大海旁，實在令人驚嘆萬分。今趟再有機會組團到訪，當然義不容辭立即報名。在個多小時的船程中，除了聽導遊講解沿途風光外，饞嘴的我特別留意地道美食的介紹。欣賞完蔚為奇觀的自然界生態後，便是慰勞肚子的時候了。根據導遊哥哥推介，離開碼頭向右轉，直行五分鐘便會看到兩間士多。它們有三寶出售：餐蛋麵、茶葉蛋、檸菠冰。其中檸菠冰是全港獨有，其他地方無法喝得到。雖然我頗懷疑這種說法，但見導遊哥哥言之鑿鑿，又講得眉飛色舞，那就一定要幫襯下。我們經粗略比較後，發現兩所士多所賣的東西大同小異，不過較入一間似乎寬敞點，就這樣便選定了歇腳地。行得全身燙熱的我們先到廚房落柯打，阿姐收錢後便把數字牌交給我們，著我們找個位坐等叫number。登登登登，全港獨有的檸菠冰有得飲喇！最上層是一個半圓型的冰球，中層是大堆菠蘿，底層是三片檸檬。身水身汗的我已等不了「篤冰」，先喝一口爽爽喉嚨。第一個感覺很是涼快，之後再慢慢品嚐，覺得煞是好喝。由於我是不太嗜甜的人，菠蘿糖水正好被檸檬酸味中和，兩者相輔相承發揮協調作用。菠蘿本身亦不算太甜，而且份量很足

由於時間關係, 班船3:15pm就開走, 我地用最後10分鐘, 半跑半行, 由碼頭趕去呢間士多, 目的就係呢杯鴛鴦冰, 我點左外賣上船飲, 一樣係好大杯, 好多料, 而且我叫果杯紅豆菠蘿冰, 入面d紅豆, 好林身, 覺得佢係有落果皮, 食落好香, 又唔會太甜, d奶同糖水都適中, 諗落都留哂口水hehe.如果有時間再去行東坪洲的話, 我一定會預多少少時間, 係呢度食返個麵先走~

上星期日同一家人香港一日遊,話說導遊響船上推薦呢間士多,所以有少少留定個肚去食呢間野,我地行左1個鐘頭山同水之後,終於來到這間士多,菜單上同一般冰室類差唔多,有麵,有冰,有豆腐花,呢d野本來全香港都有,何解導遊要向我們推薦呢?於是我叫左個餐蛋麵同波蘿冰,餐蛋麵餐肉真係剛剛好,咬上去是脆的,麵就好爽,同個湯好夾,調味剛剛好蛋就一睇上去色水好好(題外話,呢間野的麵的質素比得起我細個食,但已經執左近10年的明華茶餐廳)而波蘿冰就十分陪料,慢慢飲可以飲一個中午,慢慢歎都可以加上大自然環境,其實真係非常正!下次打算同friend 來一齊慢慢享受!

4月4日兒童節爸爸媽媽拋低左我同哥,2個去左東坪州原本係有dd 唔gur不過有手信 當然下晒火喇哈哈第1次用450D影野食,哈哈 有d怪啊影到要快d掌握好了坪州士多傳統糯米池首先要讚既係佢用既 器皿係膠dull方便你拎返屋企 唔使壓扁~好有心啊!第2要讚既係 好重手~個糯米池好大個啊!就快姐得晒我既手掌!媽媽係我食之前 千叮萬囑要我食得小心d當我1拎起果陣嘩!! 係拎唔起架原因 當然係佢皮好薄但又好煙un第2個原因係 d料 好多啊~~~好勉強咁拎佢上黎咬左1啖 細細啖咋d 花生黑芝麻 兇湧而出!!!d料開始跌晒出黎! 我食到好倫盡(可以睇下張相 後面1pat既野 係 攤開晒既糯米池!比我食左好多料了~)講返個糯米池先~皮薄薄的 好煙un!! 係好似食熔熔地既cheese咁~扯開左仲痴住 好似1條絲咁有香香既米味,呢樣係好少店舖做得到架~仲要好軟熟~~個d料 唔係話好香 花生有d唔夠同埋 唔夠甜!(不過媽媽話個老闆係想整埋比d老人家食~所以唔整咁甜,哈 都幾健康!)夾埋落個皮到食... 好襯啊食完 飽飽~呢個 係我食過 最好味 既1個糯米池雖然去果到要好耐時間不過 得閒去行下山做下運動都

各位別誤會我在指平洲上的岩石，其實是在說平洲上唯一的士多的紅豆冰。這天跟本地遊旅行團到來這裡，因為我們的步速比其他團友快很多，所以最終也能抽空來這小店嘗一下它的食品。導遊在我們登岸前曾提過這裡的餐蛋麵跟紅豆冰值得一試，除了這些之外，我們還點了菠蘿冰跟奶油多。餐蛋麵($17)味道屬一般，跟茶記的差不多，不過蛋煎得恰到好處，沒有過熟，而奶油多($9)亦算合格，牛油比較"重手"。菠蘿冰($13)除了菠蘿之外，在低部有一點點涼粉和啫喱，頗特別。最後的要介紹紅豆冰($13)，除了它的份量十足外，"內涵"也很豐富。紅豆煮至差不多起沙，甜度剛好，吃時仍嘗到一點點的陳皮味道，最重要的是用上了膠杯，方便遊客拿到船上慢慢享用，實在是設想周到。以如此價錢便有這樣的質素，比茶記的更便宜更出色，值得一讚。如果大家是跟團去平洲的話，因為行程比較緊迫，便需要額外預留多一點點的時間。

凍鴛鴦的事情還在忐忑不下，但亦無損東走東平洲的雅興。坪州士多的名氣不小，每個到東平洲遊覽的旅客，通常都會在這裡落腳休息或開餐。記憶上次來東平洲已是好幾年前的往事，一日三餐都光顧不同的士多之外，晚上就進住這士多的宿位，滿有風味。是日來到，領團的已準備好午餐，無緣品嘗這裡的油鹽水石九、椒鹽鮮魷及鹽水雞，但亦在天時暑熱的情況下嚐了上次來訪時仍未有的刨冰；菠蘿冰、什果冰、紅豆冰、涼粉冰或以上雙并皆可；這裡的冰塊當然不能跟廣成的手刨冰塊相比，這裡是用HOSHIZAKI刨冰機刨制，但賣相相當不錯；雖沒嚐到紅豆冰涼粉冰，但從友人口中知悉豆味及奶香頗濃，跟老板娘聊天曉得是用了雙喜牌淡奶，沒黑白的濃但已經不差。而菠蘿冰、什果冰需是簡單材料，但夠冰凍之餘菠蘿亦算脆口，而冰飲滿是菠蘿蜜味，可以。部份團友點了炒粉麵飯，要求不高的已覺是極品，況且在這香港邊陲船程都要百多分鐘的小島，這丁點已算人間美食了。下次來東平洲，已經不需為午餐而費心，不嚐這裡的小炒都可嚐這裡的炒粉麵飯，再不要的就來碗餐蛋丁，而這裡的刨冰算是沙漠裡的甘泉，十二塊錢一杯，滿超值啊！