影片
港铁宋皇台站D出口, 步行约11分钟
继续阅读
附加资料
每日生產數量有限，先到先得，售完即止，多谢合作
营业时间
星期一至日
11:00 - 17:00
以上资料只供参考，请与餐厅确认详情
好食到嚇親我嘅蛋捲🤩🤩食過幾多出名嘅（包括北角嗰間）但呢到真係最正🤩🤩蛋捲好脆🤩行crunchy 路線所以唔係酥化嗰種，同唔會有牛油香，但佢蛋香真係好似食緊雞蛋仔咁！🤩（仲會係好出色嘅雞蛋仔🤩🤩🤩）超正鳳凰卷一樣咁重蛋香，佢嘅皮薄身好多，所以會似平時食到嘅蛋捲質地多啲，但可以整到咁薄真係好犀利！入面椰絲芝麻唔多但我覺得balance 得啱啱好Would say that this is the best egg roll in town!!!
继续阅读
原來土瓜灣都有不少這類型的曲奇或是雞蛋卷小食店舖。據說這間蛋卷店，任何時候都在排隊，而且蛋卷賣曬便會收舖，因此每每都要大排長龍。長方形的這種鳳凰卷，外皮比較脆，中間有點椰絲，味道帶點甜，不過怕痴牙的就可能比較不方便普通圓形雞蛋卷，長條型，都尚算鬆化的質地，皮薄，非常鬆化，如果你底下沒有墊著紙的話，應該會食到一地都係；不過其實這間蛋卷店，兩款食品都不算蛋味非常香濃，至少我覺得和鐵罐裝那個精記蛋卷比較，好似精記的彈味更為香濃。
继续阅读
今日早上十點半到去到呢一間土瓜灣垣記雞旦卷，已經見到有十個人到排緊隊，我都唔執輸排反份，禁呢間垣記就開十一點的賣完就冇嫁啦，大家就可以衡量下排唔排隊。禁佢都好準時十一點就開左門，係由兩個老人家一手包辦製作同埋銷售，我見到前面的人幾包幾包禁買，我都唔執輸買左兩包。雞旦卷好有蛋味又脆口，怕甜的人可以試下，而鳳凰卷的餡就係椰絲、芝麻同糖，絕對係螞蟻人的心頭號。不過佢地就只係用普通密實袋袋，冇乾燥劑，驚好快會淋，所以買個陣要考慮食的速度。
继续阅读
呢一間係喺土瓜灣嘅小店❤️專係買蛋捲🙈佢嘅包裝並冇出面嗰啲連鎖店咁靚，但係味道上絕對唔差!.📎原味雞蛋捲未打開包裝已經聞到好香嘅椰香味，甜甜地😍咬落去係行鬆化路線🤤但係食得出好香嘅雞蛋味，絕對唔係偷工減料😆仲送貨到一咬就會散開晒，食起上嚟有少少論盡😂.呢個蛋捲我一個禮拜先食晒🥸但係仍然保持到好香脆.成間舖頭只有兩種選擇，就係雞蛋捲同埋鳳凰卷🥸但係好食嘅嘢貴精不貴多🥰經過可以買嚟試吓
继续阅读
幫襯咗垣記都幾年，佢雖然無北角間人氣蛋捲出名，但味道一啲都唔輸蝕，仲要係全人手手工做，當然要推介一吓。店舖唔算起眼，第一次去仲懷疑揾錯地方，推開門小小店面，有數隻狗，店主有時坐喺度休息，早幾日去買時佢係入面整緊蛋捲，我喺門口買都聞到好香。通常我都會買齊 2 款，因同事不吃椰絲所以只吃原味，我就兩款都咁喜愛。今次因為想送比朋友，所以大熱天時都喺公司行 15 分鐘嚟，一次過買咗 4 包原味加 2 包鳳凰捲。有包原味係攞返屋企嘅，隔住個環保袋都聞到佢啲香味，放咗 3 日都好香脆。不過一提係佢嘅包裝唔精美，只係用密實袋，早幾年用嚟送禮記得佢哋有紙盒賣，但唔算實正，但價錢比起名店實在無得輸 😜
继续阅读