城軒中菜廳 (已結業)

在九龍塘諗住搵d平野食, 諗左一陣, 就決定左去城大食, 當然, 我有城大信用咭，再有9折la, 兩個人去食晚餐，約8:30左右去到，人不算多，勝在環境又靜靜地，唔會好似一般酒樓咁嘈。估唔到仲有個特價menu，全張menu都係$28 OR $38，由於得兩個人，於是點了兩個dishes及一個白飯，一個是紅燒豆腐($28)，一個是黑椒涼瓜牛柳($38) 紅燒豆腐：賣相非常之好，估唔到除了豆腐外，仲有菜膽及金菇，味道好好，而且清清地，仲要係咁平，真的不錯黑椒涼瓜牛柳：無咩黑椒味，全碟都唔spicy，味道其實都一般，以家中小炒咁la, 不過可能要改名，delete左「黑椒」就ok la.食完已經飽晒，點知waiter好自動自覺就送上糖水，紅豆沙，正！下次再去食過！

事發經過今日同親戚影畢業相, 一行16人, 諗住近近地影完去城軒酒樓度食, 點知就破壞左我地成日ge興致!! 親戚先去搵位, 不嬲我地之前都係食開8樓, 唔知做乜今次比人安排左上9樓staff lounge, 9樓似乎無中式廚房, d食物全部都係8樓運上黎, 我地去到叫左廿幾籠點心, 3碟炒粉麵同5,6碟小食, 我親戚叫佢唔好一次過上哂, 怕佢擺到無位擺, 點知就死得啦, 開頭幾個字都無野上黎, 之後上左3碟小食, 係完全唔夠16個人分, 然後過多陣每隔5-10分鐘度先食1-3籠點心或者一碟炒粉麵, 總之次次都唔可以全部人一齊起筷!!!!!中途我已經同呀姐講"唔該d野上快d", 佢好唔滿意咁"嗯"一聲, 正眼都無望過我, 個次之後都係隔左勁耐先上幾碟野!!後黎坐左個幾鐘, 先黎左3碟炒粉麵, 全部小食同埋5籠點心, 我地叫左廿幾籠佢只係上左5籠, 淨係上左燒賣同粉果, d流沙包呀千層糕呀全部影都唔見!!!我地個個已經等到呆哂, 個肚次次食得少少, 根本好似完全無食過野咁!!!我地就催下佢, 點知佢print左張單出黎, 個部長叫我地自己剔返有咩黎過, 如果未黎又唔想要就幫我地cance

親戚的博士畢業典禮，在城軒訂了枱，在教職員那一邊。一行九人，但有些人不餓，所以只點了四人套餐($198)，另加蝦餃、燒賣、小籠包之類的點心，埋單都係三百幾，價錢來講係好抵食。但係食物質素一般，不是差但也不能說好，沒有令人專程來吃的動力。環境好，有靚景，可能因屬教職範圍，比較靜。服務都很貼身。

補假日,與家中幾位太太行又一城, 家中有人是城大舊生, 所以在11:00到城軒用膳, 城軒是有營食肆, 只接受現金或城市大學信用卡，較一般酒樓清靜,價錢比又一城中食肆合理。 飲早茶顺便吃午饭, 叫了很多点心, 例如: 春卷, 鮮蝦腸粉, 奶黃包, 水晶蝦餃皇,燒賣,小籠包, 杞子桂花糕, 皮蛋瘦肉粥, 滑蛋帶子炒河, 这个要特别一提, 蝦仁帶子爽脆, 味道蠻搭調的, 還有特價點心很多。城軒的食物保持水準，服務一般, 九龍塘區算是可以的中式酒家。

身為舊生, 間中也會到城軒用膳, 貪這裡容易訂位, 舊生有九折(用城大信用卡), 而且不像一般酒家般嘈雜, 客人亦不會太多. 是晚和朋友一行四人到這裡晚膳, 點了粉絲雜菜煲, 燒豬脾, 煎蠔餅, 椒鹽九肚魚和涼瓜炒苦瓜. 這裡食品素質一般, 份量也不算多, 但價錢比一般酒家便宜. 是晚點選的菜餚當中, 以燒豬脾最為特別, 侍應會於上菜時淋些酒在豬脾上, 再點上火, 幾有特色!

大學嘅食堂一晌都為人垢病，成日被人話唔好食，未試過就不作評論，咁裡面嘅中菜館又點樣呢？今晚一大班朋友相約在城軒，當中有城大校友，用佢嘅校友信用卡，打個九折變相慳番咗個加一。本身晌依頭返教會，以前崇拜後都有間中哩飲茶，所以都知佢晌邊，但其實，未哩過嘅人就真係幾難搵，離開地鐵入到城大，仲要左穿右插，又落又上先去到，但咁多年，都唔覺佢加D告示牌之類俾條生路哩行，一係就預咗唔多想做生客，一係就諗住路在口邊，隨手搵個城大生都做到人肉路牌，何需花錢整！酒樓無乜特別裝修，尤如一間屋村酒樓，算係平實之類，然而，今日閒日，我哋坐晌近口門靠窗個排枱，雖然無望入去大堂位，但都唔多覺有好多人進進出出，相信真係唔多人；招呼都係做到基本嘅，都合格啦！先點兩個餐前小食，都係廿零碟：椒盬脆炸豆腐 – 豆腐就脆炸咗，不過無乜椒盬啫，香脆有餘，味道不足。蜜餞蓮藕片 – 好味喎，藕片蜜餞後軟腍腍，幾好咬，甜得哩唔太「漏」，不過份量少得可憐。再哩是日孖寶配搭，每份百鬆D，份量都夠數，食得過：芝士海蝦伊麵底 – 大大碟，大概9-10隻大海蝦，可惜蝦肉唔算好爽；而芝士汁好多，撈完麵食都仲夠撈埋D飯。招牌燒腩仔 - 腩仔打側三排咁

成日在城大食坊食到悶悶地,見到留下城大食坊個poster,寫城大8/f 全單半價,咁抵咪上去試吓!一行5人,叫咗鳯爪,牛肉,燒賣,流沙奶皇包,小籠包,鮮蝦腸粉,同一碗艇仔粥.食物新鮮,可能優惠剛剛開始,冇咩人知,人唔多,坐得都好舒服!城大8/f 星期六,日及公眾假期,早上9點至11點, 全單半價.仲好似話有泊車優惠!超抵,好味,值得一試!

由於細佬有兩位小朋友, 所以我哋選食肆都考慮其味道, 舒適度及方便性.去年曾去過城軒食晚飯, 那次大家都很回味及抵食. 所以今次我哋又再次選城軒作為食慶生飯的地點.當晚七點去到, 並不太多人. 半小時過後, 細佬一家來了, 已食客也開始漸多, 我們點了六道菜, 但味道則差了很多. 菜好薄. 而且只有燒味食物先來, 其他熱菜則等了超過 30 分鐘才陸續上菜.六道菜如下 :乳豬件 - 尚且可以燒腩仔 - 一般麵醬豆腐蒸帶子 - 豆腐唔滑, 帶子係薄片富貴花菠菜釀竹笙 - 茨汁唔得蒸老虎斑 - 條魚唔新鮮, 有腥味白灼蝦 - ok當晚很多人都催餐, 同場有三四席是叫圍席, 但坐了半小時什麼也沒有得吃, 結果要怒罵.我們下次也不再幫襯.

城大交通方便，是聚腳的好地點，小妹由大學時代開始，無論與同學討論功課，還是畢業後舊同學敍會，都愛在這裡聚首，既可回味校園時光，也可品嘗這裡「平、靚、正」的點心。這次老公約了兩位曾一起奮鬥的同學，一行四人「殺上」城軒，叫了滿桌點心，準備大快朵頤，但結果失望而回。令我最失望的是蝦餃，初見己覺不對勁，好像翻蒸的樣子，一夾皮就破，汁液都浪費了，吃下去餡料不多，而且黏性不足，像吃蝦粒一樣，令人十分失望。老公至愛的流沙包也令人沮喪，我倆一向認為這裡的流沙包既「爆醬」，但又不至水汪汪，而且味道不太甜，正！但這次可算失望透頂，流沙包包多餡料少，完全不用怕「爆醬」燙嘴，唉…，怪不得要與煉奶同吃，原來是偷工減料之作。其他點心水準不過爾爾，實有無復當年勇之歎，可喜的是杞子桂花糕水準依然，晶瑩通透的糕綴滿了絲絲桂花，橙橙的杞子和切得很細的桂元，還傳來陣陣的桂花香，咬下去有點煙強韌，想是大菜糕裡加了魚膠粉或海藻粉之類，真令人回味。總括來說這裡仍是朋友共敍的好地方，但純粹為「平、靚、正」點心嘛…，應有更好的選擇。

今天約了兩位朋友在放工後飯聚，地點揀了較順路的城大城軒，想來也有半年多沒來城軒了，不知水準有沒有轉變，我們抵埗時客人很稀疏，最入的大廳也沒有開放而且闕上了燈，看來近日生意不大好，所以可以直接入座。 看過菜牌發覺也有些新菜式，先要了一碟海哲燻蹄，叫了一客一百七十元的二人套餐包老火燉湯、蒸鱸魚、蝦及兩客小菜，再加一兩味餸也夠三個人食。海浙燻蹄 ($35)城軒的燒味一向也不差，今日這碟海浙燻蹄的海浙也夠爽口彈牙，碟中有十多片完整的燻碲，而且份量不少，算係抵食！老火燉湯: 西洋菜煲魚頭湯沒有下味精的老火湯，三人分享兩盅，湯水很清甜，如果不要例湯也可選擇海鮮魚肚羹。生菜夾肉鬆肉鬆跟了一碟看來新鮮的生菜片，想不到這種傳統順德菜，城軒也做得不錯，炒肉鬆切得夠碎，放在一片生菜上再加些海鮮醬，味道也真不賴，只是生菜片太少，吃光了還有不少肉鬆。 清蒸黄花魚今天沒有鱸魚，改了為蒸黄花魚，這尾黃花看大小應接近一斤重左右，味道算是合格，魚肉稍嫌腍身不算很出色。荷葉籠仔蒸蝦(九兩)用的是中等大小的基圍蝦，白灼蝦只要夠新鮮不會差到那裹去，今天吃的也不發覺因為东夠新鮮而有蝦肉過腍或有霉味的情况。芝士焗响螺 ($1

成日以為夜晚無乜人食,點知啱啱個星期六晚,都有差不多九成人幫襯,因為父親節關係,叫咗個$468的四人餐.錦繡燒味三拼盆 -- 有燒鵝,叉燒同海蜇,這個有驚喜,叉燒是熱的,又不會靱,海蜇亦很爽,又不會辣,唯獨是燒鵝啲皮有啲硬,但係肉都算淋.足料老火湯 -- 幾甜,用雞嚟煲,雞肉不會太鞋,都食到落肚.玉帶翠蝦仁 -- 這碟餸很攪笑,帶子同蝦每樣都係得四件,唔多唔少,爽就夠爽,不過無鮮味.清蒸海石斑 -- 條魚很大條,亦很有鮮味,以這個套餐來說,是一條很超值的魚,所以掛住食唔記得影低佢. 白靈菇翡翠蔬 -- 這個賣相不錯,白靈菇及小棠菜味道亦算不錯.紫米鮮椰露 -- 有粟米粒,味道亦ok.萬壽蟠桃 -- 壽包雖然細細粒,但都有八粒,熱辣辣,個皮亦做得幾鬆軟.

遊走之前，是需要填填肚子的。星期日中午時間，都有不少人在等位，我們二人很快便有位了。春卷︰香口的食物總是不難吃的，這個也不例外，裏面的是香芋，吃著吃著覺得很飽肚。牛柏葉︰酒樓做的牛柏葉通常都是不爽口的，這裡也一樣。不過伴著薑蔥吃也不錯。鳳爪︰有男友在，必點這一味的。齋腸︰很大的一碟，我們兩人合力都幾乎完成不了﹗只是覺得腸粉要熱熱的才好吃，這裡的就欠了這一點。皮蛋瘦肉粥︰略嫌皮蛋少了一點，和粥的份量不相配呀。結賬要八十多元，不知在假日來說便宜不便宜？

和全家人影完畢業相，晚上便到城軒吃晚飯，因為夠方便，不用四圍行。大家都不想費神點菜，一坐下便點了一個套餐(12位用)，大約有10款餸連甜品，仔細的款色真的記不起。但好記得：1. 盬焗雞好好味，好新鮮而且很有雞味，讚！2. 白灼蝦好新鮮，因為我是個超級蝦王，所以自己一個就吃了三分一碟3. 湯好清甜(忘了名)，不會好重味精4. 有五款晚前小食，是鹵水小吃，都ok的，好夠味，但又不是特別好味5. 甜品紫米露，ok，不太甜大致好味的是這些，記得有個炸 ? ? ，是最出色的一款。基本上這裡的食物水準可以接受，價錢便宜，持城大學生証還可以免加一，結賬時才知道在此消費可以有泊車優惠，$20/4小時(原價$120/4小時)，真是開心都傻！(因我哥哥駕了車)總結來說，10個人一個套餐都只是$1000，好抵！屋企人個個都讚價錢好，味道也不錯。所以大家可以一試。ps:記得預早book位，要不然好易沒位。

身為城大學生, 點都要支持下城大既茶樓今年開學到而加都食左2次^^"其實如果十二點前去~又唔係好多人..可以坐細檯的話..通常都唔洗等位..(就算等都唔洗等好耐)大檯就或者要等耐d啦…因為大檯唔多…第一次去..17人~都等左幾耐位下…同埋張檯坐17人始終有點迫,又冇細張d既凳..@@"叫左好多點心~不過都算上菜上得好快第2次去~5個人…12點就去左玀位..完全唔洗等就有位luuu.. good^^都食過唔同既點心.. 個人稍嫌點心既選擇唔夠多…不過呢~就真係全部都算味道不錯..係第2次去..d豆沙鍋餅上檯已經凍左..所以冇咁好食囉..個流沙奶皇好好味~不過佢成個都是橙橙地色的…感覺好似落左好多色素咁!如果唔加個感覺會好點…2次都係食午市~都係每人$40度啦~不過如果飲下午茶應該會更抵食…

最近又走了一趟城大城軒，跟幾個朋友飯聚，見到城軒又推出了滋補燉湯系列，我們分刮叫了:花旗蔘天麻魚頭湯: 可治頭痛，防治咳嗽巴戟杜仲燉牛尾: 可補腰腎香妃鷄半隻清蒸鱸魚一客羊腩煲跟唐生菜每人都叫了一窩廿八元的砂窩燉湯，我喝的是花旗蔘天麻魚頭湯，湯水有很濃的藥材味，味道带甘苦味，看來中藥材也是落足料煲，廿八元一煲滋補養年燉湯算是抵食。 鱸魚最後才上枱，相信是厨房在落單後才即時蒸熟，魚大慨有一斤多重，入口魚肉都算幾滑又有鲜味； 羊腩煲以石油氣爐一路加熱一路吃，跟的唐生菜很大碟，羊肉只有輕微膻味，天氣冷時圍爐共吃更有風味。