堅信號上海生煎皇 (淘大商場2期)

营业中

休息中

晚餐套餐 $72 有3款野食 幾抵食🤪1. 古法扣豬手湯麵3隻細豬手 夠淋 個汁少少甜 好味道!個米線湯麵湯底好鮮甜 似係胡椒魚湯 飲完都唔口渴 應該冇咩味精👍👍2.京汁茄子辣辣地嘅冷盤 茄子冇咩味 個辣汁係甜辣 都吸引、開胃😋😋3.招牌生煎包(2個)外面煎得香脆 個包唔粉 入面有唔少湯汁 豬肉餡料都唔錯 2個唔夠 想食多個🤤迷你蟲草花雲吞雞＄28真係好迷你😂 但都有2粒雲吞同雞脾而且湯好清甜👍

好少俾廣告吸引而去食一間舖頭但嗰日經過淘大商場 見到廣告上面個生煎包好似好多汁咁就忍唔住去咗食🤤居然又真係唔錯 仲要唔貴📍生煎包（4個）枱面有一張指示 教你如何正確進食生煎包😂😂生煎包入面好多汁 啲湯好濃郁 😍肉同包都不錯 上面嘅蔥花同芝麻亦令生煎包更香唯一可以挑剔嘅就係包嘅底部有少許過硬不過整體嚟講都唔會令人失望😌📍外婆紅燒肉簡直就係邪惡之選🙈🙈極肥膩但係真係極香口厚厚嘅肥豬肉入口則溶 醬汁好濃味😍偶爾放肆都唔係好過分啫🙈📍鎮江肴肉$32有八舊 鎮江肴肉嚟講都算幾平唔係話唔好食🤔但係味道好似比平時食開嘅淡啲但都算合格嘅 不過不失啦📍豬扒配上海粗炒套餐上海粗炒味道濃郁 啱晒重口味嘅人又唔會過鹹 豬扒就舊舊都大大件 又厚切 絕對唔會唔夠餸佢本來淨嗌一杯熱豆漿要成$12但而家只要再加多$10就可以轉套餐可以有杯熱豆漿飲 又多碟醬醃蘿蔔食 非常着數🤩🤩我叫咗咁多嘢食 除翻開兩個人每人都只係$96😳$100都唔洗 仲要唔使加一覺得性價比好高🤩🤤食完超級滿足如果下次去到九龍灣 再諗唔到食咩嘅話都絕對值得翻兜🥰

好耐無食上海野~今晚決定叫個外賣！兩個人食！叫左回鍋肉粗炒，酸辣湯同四個生煎包我仲加左個菜飯！真係好鐘意食菜飯哈哈回鍋肉粗炒味道不錯！不過偏油膩個生煎包好出色！底煎得好香成個包入面都係湯汁！推薦大家一定要試下

依間好多分店既堅信號發展得咁快，我都忍唔到要去試，一試就明點解可以開咁多分店啦，都有啲料到。首先佢有晚市套餐，好抵，比起單叫平65折，咁我就叫左厚切豬扒湯麵，配酸辣湯，配菜心，再加多一碟招牌生煎包。介紹下酸辣湯先，佢唔算好辣，質地都好正宗，唔會太水，所以都唔錯。。。厚切豬扒湯麵，佢係話係秘製醬汁黎既，我自己覺得似鼓油味，不過都煎得幾好食！一個餐夾埋又唔貴，仲要配埋酸辣湯，仲有菜心，菜心都唔算係難食，都有甜味，所以呢個餐都真係幾抵，大家可以黎食😂最開心係佢好窩心，有埋桂圓紅棗茶，要加6蚊，不過又真係真材實料既，佢d料有成半杯咁多，所以飲到尾有d甜架😝😝😝招牌生煎包更加係佢熱門推介，好食！佢真係勁爆汁，不過因為預咗所以冇辣親個咀，總括嚟講，依間，抵食！

主打上海菜嘅堅信號上海生煎皇新開不久就開咗幾間分店，睇落好似做得唔錯，今次一於嚟試吓佢嘅質素。雖然晚市有套餐選擇，不過我個人都係偏好散叫，至少食到嘅都係自己最鍾意食嘅，唔使俾佢既選擇局限住～餐牌都係大路嘅上海菜，而令人驚喜嘅係竟然有酸菜魚食！我就毫不猶豫咁叫咗一份餐廳嘅座位數目不算多，晚市都見到係餐廳外等位嘅食客。酸辣湯雲吞～酸辣湯略嫌不夠重口味，酸度和辣度均可再加強，整體味道算合格；而雲吞大大粒，好足料，餡料亦都算新鮮。到我最期待嘅酸菜魚，估唔到呢個有驚喜！魚肉非常鮮甜及嫩滑，湯底亦都夠味，係我鍾意食嘅味道！一人份量唔會好大碗，如果嫌唔夠飽嘅話仲可以另加白飯豆漿夠晒豆香味亦唔會太甜

Many shops of this restaurant. We choose that near Kowloon to din. We waited for about 10 mins. There are still somebody waiting outside at around 20:30.The hygiene very good, using wood chopsticks 🥢 under covid-19.Iced soy milk 🥛 ~ the sweetness is acceptable 👍🏻雞扒湯麵～ very delicious 😋 with healthy noodlesVegetables and meat dumplings 🥟 with soup , healthy choice againFamous dish-生煎包～must order again!!!! Super yummy and juicy 😋肴肉 with beef in the middle~ special dishVery full for two ppl

加入左openrice一段時間，平時食嘢成日相機食先，一直都想食評，終於的起心肝第一次寫食評晚飯去咗試堅信號，開咗一段時間聽人講話好味，今次嗌咗幾樣野：生煎包- 推介，湯汁好味，飽底香脆，整體絕對值得一試紅油抄手- 有啲辣，但味道唔錯，唔會太咸或者太淡孜然雞翼- 推介，待應拎黎嘅時候係好熱，入口嘅時候覺得好香口，啲皮有香脆嘅感覺上海粗炒- 味道一般，冇菜館或中餐廳炒出黎嗰種鑊氣待應服務ok，但舖頭比較細座位有啲逼，2人檯好細張，再加上有防疫膠板分隔，張檯冇咩位擺野，所以餐飯坐得唔係咁舒服，有啲壓迫感希望下次再食待應會安排一個比較舒服嘅座位

堅信號有好多分店，今晚發現喺淘大都有！👍🏻我一直都好想試呢間餐廳既生煎包，今晚一試，發覺的確唔錯！個底煎得幾脆幾香！正如枱面張食生煎包既教學所言，咬開少少果陣一定要吹下包入面既湯汁，同等一等，因為湯汁真係非常之熱辣辣，而且湯汁量都唔少，肉味都幾好！生煎包亦都唔會好油膩，推薦！👍🏻另外，見到投疫晚市套餐幾抵食，於是叫左個京蔥牛肉湯麵餐，配雞絲粉皮、鮑汁生菜同熱豆漿。湯麵既湯底無乜味，麵質係偏向粉感，但京蔥牛肉既味道幾好，牛肉厚薄適中，亦夠嫩，彌補到湯麵既不足！如果配菜飯可能更match!!雞絲粉皮有驚喜！粉皮好似蒟蒻咁滑、爽口👍🏻生菜都幾新鮮，如鮑汁可以再多少少就更好！豆漿唔會太甜，豆味都夠。另外，服務員好有禮貌，會叫我地食得開心d，抵讚！👍🏻

好耐無去淘大商場，好驚喜...原來開咗間堅信號生煎皇，因為我想試食好耐啦！下午茶時段，28元有4個生煎飽+豆漿，超級抵食！最重要係，生煎飽真係好好味呀！👍🏻夠熱及飽底好脆，但食個時真係要小心燙咀！餐牌上的食物都很吸引，價錢合理，必定會帶埋親朋好友去試！值得欣賞是員工態度很友善，會提你「小心燙咀」、「請慢用」，雖然都是很簡單的說話，但又有幾多間餐廳食肆做得到？希望堅信號可以繼續保持水準！👍🏻👍🏻👍🏻👍🏻👍🏻👍🏻

之前試過午餐外賣呢間新開嘅堅信號上海生煎皇，覺得都唔錯，今晚就決定去堂食食個晚飯。除咗主餐牌之外，晚市仲有套餐選擇。佢嘅選擇都幾啱食，每個主菜都跟兩個小食，而且價錢唔貴涼拌茄子加招牌生煎包，茄子嘅醬汁非常醒胃，做前菜一流，生煎包水準不錯，不過略嫌細隻咗少少京蔥牛肉菜飯，估唔到個京蔥牛肉幾好食！炒得好有鑊氣，牛肉亦好入味及嫩滑！另外散叫咗一個迷你蟲草花雲吞雞，味精味唔算重，湯底尚算清甜，雲吞餡料新鮮及大大粒，可以一試！

一直都聽聞過呢間生煎包好好食，終於有機會試到啦! 必點推介---- >堅信號生煎包 見到每一台都會點就知佢有幾吸引啦 ! 一咬開超多肉汁，多到好似飲湯咁，而且個汁好清好鮮，超正呀! 同埋，隻隻都煎到個底好脆，絕不馬虎 (溫馨提示:唔好一口食野，因為真係好多肉汁噴出黎，熱親個口就唔好啦!) 雞絲粉皮 上海野又點會少左佢呀!個粉皮好滑又好薄身，而且青瓜絲同雞肉絲份量比例剛好，每一口都可以食到兩者，好多時其他店得青瓜絲，肉都搵唔到!呢間好得呀 蒜泥白肉 粉皮同雞絲粉皮一樣，都係咁滑身。佢地蒜頭好多，夠我塊塊肉都可以包一堆蒜頭咁食，岩曬蒜容怪既我 京汁茄子 一直都係我最愛的小食 茄子超超超超超軟身，份量又多，CP值超高 呢個可以做必選之一 紅油抄手 個皮好薄，入面既肉好多，好漲POPO呀! 同埋好鐘意佢個汁，起初以為佢好辣，點知唔係，原來係慢愎麻辣出黎，個感覺好正呀! 上菜時間好快，同埋店員超有禮貌，整體好好!

這次到堅信號生煎皇，吃了幾款不同的餸菜，味道相當不錯。首先是生煎包。包底被煎得十分脆口，內多湯汁，十分可口。桌上還附有插圖指引如何吃生煎包，有趣亦有創意，值得一讚。麻辣無骨鳳爪與酸辣湯雲吞，味當適中，適合不能吃太辣的朋友。京蔥牛脊片菜飯方面，牛脊片不會靭口難以咀啜，也炒香得不錯。如果想吃清淡一點，也可選擇雞絲粉皮和鮑汁生菜。粉皮的芝麻醬份量適中，不會令菜式過份膩口，同時保持了粉皮的涼爽到。而鮑汁生菜用料新鮮，不會過份沸煮引致流失蔬菜質感，加上鮑汁則為此菜式作出味道提升。店舖環境方面，以小丸子卡通中的永澤同學為設計主題。舖內有不少卡通在壁上作點綴，也作生煎包的宣傳，令點舖環境生色不少，相信小朋友會喜歡。店內座位間還設有高身檔板，並會提供口罩套給顧客，此防疫衛生措施可令顧客安心用膳，值得一讚。

哩間生煎包王好多分店，咁岩係淘大開左，住開哩邊就同朋友去左試下，算係平民小店，好岩帶埋屋企人去食！餐廳位置吾算好大，所以都等左10 分鐘度先入到去，食品既選擇都幾多，由於我吾太肚餓，就叫左幾款小食share，仲見到有lunch and dinner set,好抵食！必推：雞絲粉皮個麻醬同粉皮好好味，吾會過咸/過淡！細細地一碟兩個人share岩哂！個粉皮好滑溜，醬都好香口，幫我地開左胃口！必推：生煎包個包煎到小小脆，又吾會過蕉，入面既湯料爆出黎，口味吾會過咸！好考技巧👍必推：麻辣無骨鳳爪哩款就岩哂鐘意食辣既朋友，小小辣，好爽既鳳爪😍😍總括依然，哩間鋪頭好岩屋企人口味，應該會成日黎幫襯，$200 2個人食到飽落樓

淘大商場tea time~呢間生煎皇好似係新開/或者係我太耐冇行開呢頭見都ok多人就同朋友決定試下~~生煎包(4個) ($28)招牌生煎包不負其名,真係好得!!個底煎到金黃,面頭有幾粒黑一咬開爆唒汁! 餡料足,好食~古法扣豬手加菜飯 ($36)好大碟,冇諗過下午茶都咁多個豬手好淋好入味~~另外仲有叫上海菜肉雲吞湯米 ($36)正常雲吞米,都ok~下午茶set仲有跟野飲大家都係叫凍豆漿,唔係好甜Recommendation rating (out of five):

假日去食下午茶，唔使等位即時入座。坐下就叫左一碟上海粗炒面，另外一碟生煎包2隻。粗炒首先上，很熱燙的，粗面比較硬身，咬落適合我口味，還有面上掛上了汁，整體味道幾好，加上有一点冬菇絲，点緻一下味道，简單但不錯。到2隻生煎包上枱，非常非常之熱，我要等上幾分鈡才可以開始食。先聞一下，有香葱和芝麻的香味，饱皮外層一点焦脆，煎得不錯。饱內的肉馅新鲜加上有很多湯汁，简單而真材實料，整体的效果很好。食哂兩個，很饱。