堅信號上海生煎皇 (眾安街) (已搬遷) 新店位置

每次行過堅信號都俾佢嘅生煎包吸引，今日就決定嚟食個lunch！其實佢哋嘅午市套餐真係好抵食， 價錢係包括左主食、小食同埋飲品，小食仲可以揀招牌嘅生煎包添我哋叫咗個京蔥牛肉湯麵，湯麵同個餸係分開，個牛肉炒得幾香，湯麵嘅麵質有咬口小食就揀咗鮑汁生菜，都幾大碟，食下菜健康d飲品就加錢轉左酸辣湯，個酸辣湯好足料，酸辣度啱啱好我自己就比較鍾意食回鍋肉，可惜回鍋肉唔係喺午市套餐裏面，所以就散叫咗一個回鍋肉，但係估唔到會係咁大碟，可以話係二人份量！炒得好惹味，個腩肉好滑好正另外我哋都叫咗兩隻孜然雞翼，熱辣辣又唔會炸到乾晒最後就梗係招牌嘅生煎包，記得跟足指示去食，因為入面有好多湯汁，的確幾好味，果然名不虛傳

行開荃灣，太多野食，，都唔知食咩好，，，又想坐下休息一下，，點知就見到佢，酸菜魚，太耐冇得北上食，，，，就唯有係香港食，，所以我地就入左堅信號上海生煎皇。先點了個麻辣酸菜魚，一籠小籠包，一個堅信號厚切豬扒湯麵，一個雞絲粉皮同埋一個鎮江肴肉，同埋一個迷你蟲草花雲吞煲雞，總共兩個餐。雞絲粉皮味道不錯，賣相也不錯，跟住上咗麻辣酸菜魚，味道不錯，啱曬我不太酸，但下次可以再點多辣少少，，跟住到小籠包湯汁鮮甜美味，個鎮江肴肉口感幾好，到最後堅信號好似豬扒湯麵豬扒厚身而juicy，正，下次當掛住酸菜魚嘅時候又可以返嚟食

甫入店內已有店員殷勤的招呼，有種賓至如歸的感覺。店舖地方麻雀雖小，位置卻安排得相當寬敞，在抗疫期間也能照顧到安全社交距離及享有一定的私隱度與朋友天南地北。琳琅滿目的食物讓人目不暇給，千挑萬選點了上海菜不可或缺的小籠包，果然讓人齒頰留香，吃得食指大動。小籠包的皮彈牙而又不會太厚，拿捏得恰到好處。鮮美的肉餡吸收了上湯的精華，而且鬆化多汁，可謂烹調得天衣無縫。緊接而來一碗黃魚拉麵搭無骨鳳爪，每一個細節都用心製作，毫無破綻。魚肉新鮮，拉麵煙韌有口感，麵湯香濃足料熬製，上海菜中可謂無出其右。無骨鳳爪酸酸辣辣十分開胃，令我情不自禁再點了兩隻雞翼。雞翼在云云美食中也毫不遜色，煎得外皮香脆，把肉汁鎖在鮮嫩的雞肉裏，絕對不會令你失望。總括而言，出色的食物加上午餐推出相宜的套餐，可以一份主菜搭小食再附送飲料，價錢合理又人性化，在此高度推介。

上海生煎包，肉汁可以鎖住系個包裏面，個底前到脆脆地，個包好鬆軟，好食菜肉雲吞湯麵，啲豬肉肉質唔錯，啲皮就薄薄地，湯底都唔錯，好清甜皮蛋豆腐，啲豆腐好滑，啲皮蛋又鹹香，呢個配搭都幾夾，如果唔夠飽呢，用嚟撈飯食，我覺得會仲好味蒜泥白肉，少少辣辣地好惹味，呢碟蒜泥白肉啲肉質切到薄薄地，好易入口，有肥肉亦都有瘦嘅肉，肥瘦適中環境因為呢度係新裝修，所以啲枱枱凳凳都比較乾淨，我一個人坐張兩人枱都幾舒服我嗰日大概係兩點半去到，裏邊基本上都係坐滿，我都要等咗大概一至兩台先有得入座。食完之後，我隔咗兩個禮拜，又想再去試過啦已經。

今晚懶出街決定叫外賣上次食過佢個酸菜魚，雖然話就話係一人份量，但係魚同埋配菜都算多，而且啲魚冇咩骨，好食😋今次就叫咗雞扒菜飯、豬扒菜飯同埋擔擔面配兩隻孜然雞翼。 嗰兩個菜飯係套餐，所以有一個生煎包，同埋配菜醃蘿蔔。豬扒係比較厚切，食得出有啲蜜汁味，份量都唔算少。而雞扒方面寫就寫係辣嘅但係唔係好食得出，份量都唔算少。個菜飯幾大份，但係佢Pat得比較實，而且比較乾。跟餐仲有杯豆漿😆而擔擔面方面味道正常，分量亦都比較多。孜然雞翼味粉落得比較多，所以味精味較重，雞翼肉質比較鞋。另外在叫咗個麻辣青瓜同埋鮑汁菜心。兩款嘢食份量比較少，菜心比較淋，冇乜特別食到有鮑汁味。青瓜酸味較重，冇咩辣味，但整體來講比較重味。

今次主角居然係永澤同學，睇吓今次搞咩先😎😎～～～永澤同學套餐～～～內容包括：永澤奶黃包：有永澤同學樣貌，襯埋個包頭，真係好永澤同學呀🥰🥰，咁奶黃包入口包味幾香，但奶黃味偏淡🙂🙂永澤抹茶豆沙包：包就係搽茶味🍵，唔知係咪特登整到淡D味，反而突顯左內裡嘅紅豆味！正！😋😋熱綠茶🍵：本來係豆漿，但賣曬轉綠茶🍵！～～～堅信號上海生煎包～～～堅信號出名就係上海生煎包，一定要試！😄😄外表就平平無奇，咬開D汁多到噴出黎咁，接都接唔住，做到皮薄餡靚😍😍～～～迷你蟲草花雲吞雞～～～$20細細盅但非常足料😚😚，有好香嘅金華火腿味，兩粒雲吞都好飽滿，可惜係鹹左少少🤏🏻

每次經過幾間分店都想試下，旺角舊鋪從前有食過, 記憶中生煎包係好食既！衣家鋪頭大左靚左坐得舒服左野食選擇又多左又有餐可以揀好多睇相都好想試頭號名物- 生煎包包好食厚度適中，內涵亦得，咬第一啖的確要小心肉汁⋯⋯🙈🙈🙈跟餐麻辣青瓜，爽脆，麻辣汁有驚喜～皮蛋豆腐不錯厚切豬扒亦係有驚喜，又厚又嫰雖然個樣同個汁都好似叉燒，但都好～食～豬骨湯底上海面，幾好黃花雪菜魚湯上海面第一驚喜係魚湯第二驚喜係兩塊煎黃花試得過❤️❤️❤️今次想試埋小籠包亦係好好食好多汁絕不比生煎包遜色Out Fo 😂總結：食物水準同服務都中上

今日又到荃灣，點解成日來荃灣呢？真係唔知喎。雖然話不知原因，但荃灣多嘢食係無可否認的，今日又試過間新嘢，開幾耐我唔清楚，但好肯定係我第一次食，兼且留下深刻印象，首先D靚女們服務態度好好，亦會關心問吓D嘢齊未，而且食物質數好好，價錢唔貴好合理。『皮蛋豆腐』係個開胃小菜，皮蛋切粒狀，擺係滑溜溜的豆腐上，成道餸微辣，勁開胃。『雞絲粉皮』係跟餐小食，粉皮滑，啲調味汁正適合，但由於跟餐，就不要期望好大碟啊。『堅信號上海生煎包』亦係跟餐，有2粒，唔同平時食開的形狀，反而好似骰子，形狀不是最重要，材料最緊要，是否爆汁更重要，枱面有指示教你正确食法，呢個係我食過最juice的生煎包。『雪菜黄魚湯拉麵』黄魚大大舊，好香口，雪菜亦多，我喜歡。『外婆紅燒肉菜飯』紅燒肉好入味，菜飯的菜亦多，好口惑，好满足。

今日同朋友仔出開荃灣買嘢，去左試下呢間有好多分店ge堅信號。餐廳午餐有lunch set 食，有唔少選擇，而且價錢亦都好化算。我地一人揀左一個set，再額外叫左一份小籠包。小食分別揀左雞絲粉皮同麻辣無骨鳳爪。雞絲粉皮晶凝通透，每條都點滿麻醬，唔錯。麻辣無骨鳳爪分量十足，麻辣味適中，食落好開胃。主菜我揀左堅信號厚切豬扒湯麵豬扒超大塊，食落個醬汁幾特別，質感有少少似食緊叉燒，一啲都唔韌，好好味。朋友揀左雪菜黃魚濃湯拉麵，魚塊大大件炸得鬆脆，雪菜濃湯同拉麵配搭亦十分出色，值得推介。小籠包4件，皮薄餡靚，夾起黎食都唔會穿底，入面充滿湯汁，熱辣辣。隨餐附送茉香綠茶，熱豆漿加$2跟餐加$13多個酸辣湯，好抵。總括餐廳質素唔錯，而且價錢亦相宜，可以下次再黎試下其他野食。

今日打算平平地食個lunch 就黎食下生煎包 首先2條友一人叫個lunch set先一個set都包幾多野 有小食 主菜 同飲品 我要左佢都幾招牌嘅外婆紅燒肉菜飯加佢更加招牌嘅生煎包🤪 紅燒肉顏色做得幾靚 甜甜地 幾開胃 而且腩肉脂肪分佈平均 唔會有啲位好肥 有啲又好油咁而生煎包真係同佢講嘅一樣 爆汁爆到傻左🙈 怕熱嘅寶寶一定要小心咬個窿 吹凍少少先好食🤫🤣另外呀媽就要左上海粗炒同無骨鳳爪 上海粗炒好大碟😱 用料亦好多 肉絲係食極都食唔晒架！麵嘅質地就同烏冬有啲似 彈牙的 唔錯而鳳爪本身寫係麻辣嘅 都有啲擔心 但原來佢都調到比較啱香港人口味 只有少少麻 軨整體好香 而且啲骨都清得好乾淨另外一個值得一提嘅小食係蒜泥白肉 啲腩肉切得好夠薄 望落晶瑩剔透 咬落好似食緊啫喱咁 好正💕

今日是聖誕節正日，不過依然沒有太大聖誕氣氛，相信大家係疫情的影響下，都難以開心慶祝。我和朋友們也一樣，今年決定沒有大型聚會，決定大家開zoom一齊談天慶祝正日罷了。夜晚不能出去，中午時份外出買家裡火鍋的餸，兼吃個午餐啦。 人頭湧湧的生煎包店，原來是由明星藝人開店，有不少街坊入店光顧。好耐沒吃過生煎包，今日就和家人一試。 上海生煎包 $20 生煎包是餐廳的主打，上層麵包皮煙靭香軟，下層香脆可口，一咬瘋狂爆汁，果然不錯。 上海粗炒 $56 粗炒色深有鑊氣，麵質彈牙，不會太腍，每條麵充分入味，質素很好。 紅油炒手 $36 完全不辣的紅油炒手，相對上比較似菜肉餃。餡氣豐富，油份充足，都幾好食呀。

位於荃灣大鴻輝大廈(英皇大廈)旁既堅信號上海生煎皇之前都有係其他地方見過，分店愈開愈多。今次俾門牌吸引到就試試疫情之下都有唔少人食店既衛生要求都做得好好，又有口罩袋提供以寫紙既menu 簡單易明，分為早午餐及下午茶。價錢方面都算平民之選，決定叫午餐同下午茶分享外婆紅燒肉配菜食及生煎包($62)好欣賞佢既午餐可以配搭唔同小食保持彈性紅燒肉煮得相當軟淋，而且唔算太肥，外皮都彈牙。醬汁甜度足夠，配飯好惹味四川擔擔麵($32)本人會覺得除左生煎包外，擔擔麵係必食花生味香濃，湯頭不會太稀，最緊要既係麻辣方面做得好好麻感十足，麵不會煮得太糊堅信號生煎包四個($32)招牌菜當之無愧熱辣辣上枱，食既時候要好小心，因為真係好多湯汁最好咬開一小角再慢慢品賞。 另外都加左麻辣凰爪，酸辣湯同蟲草花湯價錢大眾化，食得好滿足走既時候發現外賣盒設計得好靚

在荃灣覓食期間 看到店主生招牌 便回憶起以前在旺角小店品嚐到的美味 便決定嚐嚐變身成連鎖店後味道有沒有改變呢本身只是單點食品 但熱心的店員看到我們所選的可轉為午餐 便為我們轉餐節省金錢👍🏻《堅信號上海生煎包》當然是必食之選 包底煎得十分脆口 內裏包著熱騰騰的肉湯 正《凍豆漿》突然想起太耐沒有喝過鮮磨豆漿 喝一杯滿足一番 啖啖充滿豆香 襯包點一絕《皮蛋豆腐》皮蛋香口 豆腐滑溜 醬汁更帶辣 幾醒胃口《堅信號厚切豬扒菜飯》雖然豬扒是厚扒 但仍能鎖住肉汁在內 不錯 可用多汁來形容《白湯原味黃魚濃湯拉麵》黃魚煎得十分香口惹味 有菜心中和 不怕熱氣 而且湯味濃郁每碟份量十足 共$174 我與友人皆滿肚而歸😋

帶大胃之母食西餐就好似嚼草咁，於是呢個平安夜帶佢去買包包啦，根本冇女人會抵受得住包包嘅誘惑嘅，聽講呢間生煎包好食，午餐仲要幾抵食，有埋小食送，邊有C9抗拒到吖？揀定就自己剔，好方便生煎包好實淨，睇嚟內功深厚食嗰時要睇熱，爆晒啲湯出嚟，好鮮味豆漿唔會太甜，加分果然係招牌豬扒，超厚，仲有菜飯揀，正到痹呢盅湯有雞髀有雲吞，足料到不得了小籠包同樣望落都知係唔簡單配埋薑絲食，呢個季節啱晒同生煎包一樣爆汁鮮香黃魚好脆，魚湯好特別好香口上海麵夠晒索味呢間帶長輩嚟食啱晒啦

與朋友們做完運動，肚空空想找一些飽肚餐廳，經過眾安街附近發現開了一間生煎包店，即管試試！店面不大但裝修很優雅，而且坐得舒適午市套餐十分抵食，有粉面飯任選，而且會附送生煎包，極之抵食我選了厚切豬扒菜飯套餐，名副其實豬扒十分厚，炸得香脆但保留了肉汁，食落口香氣十足，很入味，配上菜飯，很滿足的午餐同行朋友點了甜酸菠蘿咕嚕肉，想不到這咕嚕肉是素的，但入口完全不覺得是在吃素，做得什至有肉的味道，能滿足吃肉的感覺但又很健康，不錯到生煎包店當然要點一客生煎包，生煎包入口香脆，肉質都得會寫出來，而且十分燙口，看得出是新鮮包的，正！值得推介這間餃子店！