堅石燒 (已結業)

第一次食都幾獨特，同事生日近近地搵來這家食石燒餐廳，見到午餐平靚正急急腳叫了三個餐。上檯先知係已熟的扒提供件熱石給我們再燒熱，一分錢一分貨呢個價錢，咁大件扒二個字形容 「抵食」。👍1，2，3 開動😝呢份豬扒餐超大件厚切，入口鬆軟入味口感滿分。😋🍴雜扒餐就好似在扒上加了頂帽，係煎雞蛋輕輕在熱石上煎一煎👍！🍴雞扒餐二大件雞扒，同樣在熱石上加熱煎一煎，雞皮油脂更加香噴噴。🍴沙律菜全自助食幾多自己攞，新鮮爽脆錯不錯。👍除咗麵豉湯汽水仲有果凍，甜甜地中和一下味蕾。🍴幾件扒我都有試過算入味，份量豐盛男士都無法 KO。

今次第一次跟朋友嚟食呢間熱石燒，食扒好吸引，而朋友好鐘意呢度既半自助餐形式，只要加多少少錢，飲品、湯品、粉面、沙律都係自助任拎任食架，至於酒類飲品就再另加錢，不過價錢都唔合理既。朋友極度推薦呢度既意粉好好食，貪佢唔洗汁已經好香好入味，佢一次可以食足四碗😁😁扒類方面可以揀一個主食，有牛、豬、雞、魚，期間限定有龍蝦。最開心係佢有平有貴，由100-300幾不等，價錢嚟講好抵食。當晚試左200g大理石加龍蝦，味道賣相都唔錯。雞扒真係勁大塊，一上枱好震撼😆 如果想平日平平哋鋸下扒，呢間真係優質之選。

之前一直想食堅石燒，但好難book位。最近約朋友食飯，醒起咁耐都仲未試過燒山呢間舖，即刻打開openrice book位。.因為同fd之前都未試過呢間舖，所以一開始我地叫叫咗2隻最貴嘅牛試下。.首先係第二貴美國頂級牛小排厚切關係，咬落好有口感，有少少筋。.最貴嘅1++韓牛肉眼不得了，食一啖完全返唔到轉頭，牛味超級無敵濃、脂肪比例啱啱好、好易咬又唔會有筋！兩個字：超正！最後頂唔順再encore，叫多200g食，真係太正了。.食燒肉唔係唔配飯啊？最後好飽好滿足，仲有得抽獎扭蛋添。

想試堅石燒好耐，睇openrice 同social media介紹好似幾吸引咁，但食完覺得無想像中咁好！肉類主食無問題，但唔係好味到非去不可，自助巴意粉超好味蒜味濃，好正最失望係甜品，social media好多片都有介紹甜品有本地牌子雪糕，有多款味道選擇，可是現在已不提供雪糕，只有杯裝椰果啫喱，啫喱的包裝紙竟然是‘簡體字’，真係失望😞店內亮點去味神器，竟然壞掉，不可給顧客使用。其實此店好像開業不久，但短時間已開始失準！

因為網絡的宣傳，想試堅石燒好耐。今次特登預早一個月訂位，book左聖誕前夕既夜晚時間。點知因為限聚，最終要改成午餐😩因為係平日，去到餐廳時只有幾枱客人。環境有d似韓式燒肉餐廳。點左兩份燒肉，另外午餐時段小食買一送一。意粉、飯、沙律係自助形式，所以其實都好抵食。本身好期待燒肉質量，但其實同一般燒肉冇乜分別。不過不失，沒有驚喜。如果當普通食個燒肉餐，價錢同質量都ok，但如果其望食到好野，可以發掘下其他餐廳喇🤣

今日生日去食他們呢間既堅石燒，真係垃圾到一個點，我叫左巨大雞扒燒和牛小排，龍蝦，跟住加左18蚊既自助吧，個雞扒肉鞋到呢，而且一舊咸一舊唔咸，而且冇醃任何野，就咁比你燒，跟著個牛小排又係冇醃野，就咁比你燒，期間你仲要自己落鹽落胡椒，仲要肉全部都係肥淋淋一落去仲要好油膩，本來對呢間野都充滿期待，點知一入去係完全失望，明明入到去已經冇咩客，叫d人落單仲要係度同d同事傾計，30幾蚊既服務費真係唔抵比他們，自助吧講明有甜品但係去度完全冇⋯失望

这家以韩式石板烧的口碑不错，午市时段的套餐颇为优惠，吸引了不少人去光顾。现在还有外婆卖供应，价钱不是高。今天下午五点钟左右到，早一点吃晚饭。他们有不少套餐，这个二人餐颇为实惠。但由于量太多，怕吃不完，最后点了其他扒餐。再加18元可享用自助吧的食品，但选择不多，只有米饭、意大利粉和汤。较为出色的是沙律，每份都用密封胶合装着，然后自己加沙律酱，感觉卫生和新鲜。羊架有点小，但切开后再沾薄荷酱，完会没有骚味。吃时再配点米饭，要感觉味道更好。这次有点匆忙，吃了不到10分钟，下次早点去，可以吃得轻松点。

平時好怕食牛、因為如果啲牛根黐住牙、我又整唔到佢出嚟、真係人都癲、成日都好唔開心呢間嘅服務真係好好！佢見我一個女仔（我係一個搜查唔識煮嘢食嘅女仔）、極其懶唔想自己燒，店員好細心咁幫我我燒咗一碟韓牛眼💕食到尾都完全冇根！正！店員話佢哋上年六月開張.. 一開就遇上左疫情..而家第四波..好多人都驚青取消訂位見到佢哋咁努力維持自己嘅生意..咁有心照顧每一個客人（儘管時勢艱難）..我真係有啲感動😌希望香港人支持香港人..如果唔係情況太危險，大家都出嚟支持下

疫情下搵食都要小心d，朋友想食韓燒，但又怕放題危險，最終揀左呢間石燒肉餐廳。餐廳喺地庫，行一層樓梯到門口，先探熱再入去。一入到去無油煙味，抽風應該幾好（不過其實去到無人hahahaha)。Menu上既石燒肉有平有貴，款式數量都ok，有雞有牛有豬有魚有羊，唔食燒肉都重有石鍋飯或小食食。最尾我地叫左兩份豬腩（實在太吸引，好食就下次先食其他款啦）、一份年糕、一份炸雞及2人自助吧 （#宜家做緊小食及自助吧買一送一，當然加加佢）。等野食中途出去睇自助區野食，款色唔多，主要用黎配燒肉食。熱食有白飯、蒜蓉意粉（比較油）及青紅蘿蔔湯；冷盤有沙律（一盒盒裝住，幾衛生；飲品有氣水同埋酒（真露。。。）；零食類（係係有零食類）出有爆谷，我就無試了。野食都好快黎，賣相好好。豬腩肉肥廋都分明，燒起有油香，食落唔會乾，好食；$118另外，每枱都有一樽岩鹽及黑椒做調味及每碟豬腩有配乾蒜及生洋蔥，配住食好味。（鹽好食d，建議加鹽）炸雞4件 28蚊，係中式炸雞，出奇地比韓式炸雞嫩，但普通左d。年糕有驚喜，用細鐵兜上，拉到芝士，韓式辣醬夠味，年糕偏硬（但我喜硬食都係ok)。$28結論，呢間衛生、服務（石板唔夠熱可叫服務員更

星期四晚，打俾同同事食飯，佢話想食牛，本身打算泡菜燒算，但行過堅石燒。醒起燒生間野，記就入去拎位試下。好在等左唔係好耐就有位， 叫左個 大理石牛肉，燒住來食，別有一番風味。$80 仲想點，有意粉任你拎。

🐾 堅石燒 (旺角) 🐾300g美國大理石✔️$108200g美國牛板翼✔️138-美國大理石：我哋本身都唔鍾意燒得太熟嘅牛，所以我哋就冇成塊拎落去燒，但係真係有啲難切，切好放上去燒一燒就直接食，係硬到咬唔到。。😂不過好有牛味，肉味好重🙈-美國牛板翼:我以為呢一個會比較好，但係都係差唔多，係好少少少少🤏都係一樣有牛味嘅😂-佢哋嘅主食係任食嘅，有香蒜意粉同白飯，香蒜意粉係要讚嘅😂因為個蒜味好重🤤同埋佢一啲都唔乾👍🏻仲有嘢飲同埋雪糕係任食任飲嘅👍🏻———————————————(非專業,完全跟據個人口味☺)食物:6/10環境:7/10服務:7/10人均消費:$150———————————————▪店舖名稱: 堅石燒 (旺角)▪店舖地址:🔸 旺角彌敦道565-567號銀座廣場LG樓 -----------------------

Happy Friday去旺角食晚餐，本身想去食燒肉放題，但係朋友唔食牛肉，所以就揀咗嚟食石板燒，可以自己揀燒邊種肉🍗🥩🥓，餐廳唔少肉類都有3種份量選擇（200g、300g、400g），可以靈活啲揀食幾多，燒得生啲定係熟啲、燶啲定係多汁啲又可以由自己控制（當然都好考驗自己嘅燒肉功力😎）🐷韓國五花肉五花肉偏肥少少，脂肪多過肉，石板嘅高溫逼出油脂，燒到咋咋聲，五花肉咬落去油香四溢，油脂包圍住整個口腔😋另外餐廳有個自助吧，雪濃湯、意粉、白飯、飲品一應俱全，沙律就預先用一個個食物盒裝住，比較衛生放心😌

正值在旺角有事辦，伴食說想試堅石燒，就試下啦！未到一時午餐時間，人客也不多，walk in都即時有位。睇睇餐牌有午餐， 有點詫異， 石燒巨型雞扒都只是48蚊。 就order巨型雞扒及石燒什扒($68)，加$18還可享用自助吧。再棒場要了客韓國頂級五花肉。石燒可要求石燒板另上，自己燒。我們不趕時間，就自己加熱吧！自助吧有沙律( 適合需戒澱粉質的人仕)、 湯、 飯、意粉及各式飲品， 以及不同的醬料 ，有選擇👍。重點來了，鄰座的客人其中一位應該是失明人士。 當他的朋友出了自助吧時，因為石燒板已上， 侍應竟主動跟他說，幫他燒食物， 更詳盡地解釋石板燒的原理，好貼心啊！但因疫情，兩枱中間加了分隔簾， 我聽得不太清楚，遠處的一位侍應見我一臉疑惑的樣子，亦主動埋嚟問我有什麼事，亦向我解釋石板燒鎖住食物原味的道理。見枱上的石板開始不夠熱， 說可以要求換一塊新的石板繼續燒。 現時這麽貼心跟殷勤的服務， 真是值得一讚！最後更取了雪糕和爆谷， 好飽、好豐富的一餐。雖然食物算不上好好味， 但都不錯，性價比好高，大件夾抵食！希望你們繼續努力，保持如此好的服務水準！加油！

#厚切豬扒燒 - 6分#任食套餐 - 6.5分今日朋友帶我過咗嚟食旺角呢一間堅石燒 話佢個午市套餐好抵食喎！遲咗少少到 我嚟到嗰陣朋友已經喺餐廳門口排緊隊 估唔到平日嘅三四點時間都咁多人食🔥好彩我哋唔係等咗好耐已經可以入去首先講吓間餐廳嘅裝修先 唔好睇佢門口細細入到去餐廳環境好闊落 而且裝修好靚 有港女neonlight打卡位🤪坐低咗睇住個餐牌原來佢午市套餐係$50-70一個餐 想要豐富啲可以加18蚊要佢既沙津/飲料/甜品任食～我同我朋友都係食肉獸 齊齊揀咗佢睇落最大份嘅#厚切豬扒燒（連飯）（$60）同埋要左佢既#任食套餐（$18）🤩一落完單我哋兩個即刻去咗佢嘅飲品吧款式都幾多 咁我就要左無糖可樂 沙律呢有分三款汁 我同朋友都最鐘意佢既日本胡麻醬沙律 我一個人都食左兩盤🥰等咗10分鐘我哋嘅主菜嚟啦😻😻一嚟到就見到大過手掌既厚切燒豬扒🥳一個人仲要有兩塊！👍🏻佢本身已經燒好 但係客人可以自己再燒香啲 食落調味得岩岩好 同埋肥瘦合適 賣相相當優-》👎🏻但係豬扒油份比較多容易膩 食得出食材唔算頂級 豬味唔算突出～同埋因為比較乾身同冇汁 所以其實撈飯唔係特別夾🙁整體來講 堅石燒午市套餐對於食量大

朋友想吃燒肉，就去堅石燒，這裡除了最實惠$78的「美國大理石」石燒套餐外，還有韓國豬腩片 $98、1++韓牛肉眼 $258、美國頂級牛小排 $188及澳洲和牛西冷 $228.....等可供選擇，每件足200g，若自問是食肉控，還有300g或400g的大大件任你食。不過個人覺得200g都好足夠，所以點選了美國頂級小牛排200g足有8件，肉好嫩，半生熟就至完美朋友話餐廳做緊韓豬節，就點了韓國極上豬鞍扒，真是份量好足，大大件只是＄128，幾抵食。加多$18仲可以任食蒜蓉牛油意粉，我就吃了兩碗意粉，真是幾好味。仲有白飯、沙律、飲品及雪糕等。依家仲有超級優惠，可以免費食餐牌內＄18的小食一款，也可以免費試食新出的香草豬脾仔一件，由於幾抵食，難怪排隊的人龍不絕，可以的話晚飯時段早點到，正如我今日6點到就不用排隊，7點半離開時已有人龍了。堅石燒地址：旺角彌敦道565-567號銀座廣場LG樓電話：2386 1002