堅記車仔麵

营业中

休息中

我叫咗兩餸 豬腸配腩肉（$12+$14）腩肉好似肉碎咁 得幾粒 舊舊都唔完整豬腸薄到好似食緊空氣咁？！兩個餸未計個麵都已經$30 成兜嘢$5x好似食緊「淨麵」咁 好過份仲要另外加多十幾蚊先有杯凍飲？如果個湯底好食或者可以補救但係真係完全唔！好！食！准生麵唔差 但湯底好普通 只你得個咸字我係以前食過記得當年係幾好食一路都念念不忘先至想翻兜估唔到會咁失望所以呢間係冇下次 唔會再食香港飲食業就係咁樣被摧毀😄1. 唔好食2. 份量少3. 貴

今日行過見係車仔麵， 衝入去食！ 好失望！ 叫左碗十全十美+菲菜餃+鴨腎無一樣好味， 粗麵無咩咬口啲餃又細隻， 無咩料魷魚又係咸到嘔我食左一啖豬紅， 好靭同腥！ 樣樣都勁咸！

晨咁早入得西貢行山，出返嚟諗住食個車仔麵補充下，不過感覺冇以前咁好味lu~今日要左碗 All in one 十全十美車仔麵，有滷水雞翼，豬紅，雞翼尖，大腸，魚蛋，溏心蛋，紅腸，豬皮，蘿蔔，咖哩魷魚。揀左要麻辣湯底，入口淨係感到辣，仲要係好辣個隻，食到要紙巾抹鼻水，我懷疑佢比左大辣我🤔溏心蛋又唔切開😌 無端端另外用碟上四件魷魚，話比你知原來漏咗擺落去😌 魷魚同豬皮好在幾入味，反而滷水雞翼就冇乜味😌因為唔食雞翼尖同大腸，所以skip左唔洗比我，另外加＄要芝士腸。小食燒賣正常，樽裝Coke Zero 仲好好飲😬

呢間車仔麵最出色既並路係車仔麵，而係個小食秘製魷魚今次叫左三餸麵，食左覺得都係普普通通，個湯亦唔夠濃味重點係個小食魷魚，價錢黎講都係有d貴既，但個味道真係對得住個價錢，好濃既秘製汁，少少甜唔太辣，加上魷魚爽口，真係一試難忘

先講落單問題，落單混亂，人手不足，我同隔離枱食客一齊入座，人地食完碗麵都仲未黎，中途有員工問過黎齊野未，我表示碗麵未到，到最後隔離枱食完走啦，我要詢問時，職員表示電腦系統壞壞哋冇落到單，又再落過之後就係食物啦，叫左奶茶同三個餸，先講奶茶，我唔知係咪個茶膽有問題好苦，成杯涼茶咁，碗麵我食完之後，有啲想嘔，我唔知係食物質素有問題定點啦，同埋我落單係寫三樣餸佢又比得兩樣我之後又要再問佢拎，總之一個字，很差。

今日一家大細諗住事但食，見到宜間野未試過就去試下，我同老公都叫左好多餸個碗野，粗麵唔好食，豬皮冇味，個魷魚味道還可以但凍既，豬紅冇特別，雞翼好咸，咸到我都唔敢再食個翼尖，蘿蔔最好味，蛋都ok，大腸普普通通，最大問題係個湯底，味道普通都算，但超超超咸，問佢拎左熱水加落去都仲覺得咸，真係救命！！呀仔個碗係撈麵，味道都還可以，佢個大齋我唔覺有咩特別，唔夠淋又冇味🤦🏻‍♀️冇諗過車仔麵都可以難食到咁，價錢又貴，一家三口食左二百幾，寧願過隔離食pizza冇咁嬲

由於阿媽的舖頭恰巧今日關門休息，所以我暫時被迫改為在「西貢墟」裡面的其他食肆裡面享用午餐。後來我在「福民路」「鄧肇堅運動場」對面，接近「黃波燈」位置，發現「堅記車仔麵」有提供「車仔飯」食品。而我在進入「堅記車仔麵」店舖範圍裡面之後，再詢問「堅記車仔麵」的侍應店員，確認食店廚房當前那一刻仍然有提供「車仔飯」食品，我終於找到午餐的理想場地。至於「堅記車仔麵」「車仔飯」食品裡面的餸菜方面，我本來還是忠於自己一向的「車仔麵」飲食喜好，選擇了享用「牛腩」加「雞肉」加「蘿蔔」。但是我意外發現，「堅記車仔麵」餐牌有關「雞肉」的餸菜裡面，竟然有足足四款「雞肉」食品供食客選擇，包括有「雞翼尖」、「滷水雞中翼」、「炸雞中翼」跟「炸雞髀」在內。當然了，「堅記車仔麵」所有「雞肉」類別餸菜裡面，「炸雞髀」的實際售價賣港幣二十八元，比「雞中翼」食品實際售價昂貴了足足兩倍有多。至於「堅記車仔麵」「炸雞髀」的實際製成品，並不是擺放在「車仔麵」「車仔飯」大型餐碗裡面，而是被另外安排擺放獨立餐碟的表面上，附上刀叉餐具作為輔助。至於有關「炸雞髀」的實際味道跟相關調味醬料方面，原來「堅記車仔麵」廚房沒有為「炸雞髀」食品，提供

食咗成碗/豬皮牛腩豬腸大齋….冇味！牛腩勁鞋超硬冇根冇豬皮好似淥熟咗不過冇味…..個齋好似煮熟不過係冇炆過一啲味都冇瑞士汁雞翼…….都係鞋仲有啲米粉係碎濕濕..

首先碗車仔麵裡面食材嘅味道同環境都屬於一般，湯底又冇咩味道，要自己加醬調味。但價錢就一啲都唔算平，抵食就真係講唔上。不過如果去開西貢又想食碗車仔麵，一試無防嘅！

喺九龍城行過見到新開張諗住外賣試一試，價錢貴就預咗但份量真心細，所謂清湯底似係淥麵水加鹽而且鹹味十足，陳皮魚蛋唔入味之餘一咬落口又粉，蘿蔔又係唔入味仲要切到好細粒，豬皮唔入味之餘又唔夠淋，豬紅就真係.....切到一粒一粒仲細粒過半隻麻雀牌，$18碟唐生菜OK啦，鹵水大腸還可以，$42細秘制水魷魚（疑似用上Jimmy沙嗲醬）算係最出色，油麵淥得太淋；幸好都識得麵和湯分開裝外賣碗，否則就更難食。整體如果10分滿分；我最多都係俾4分，水平以下。

次次黎西貢夜晚都食泰國嘢今次唔同d 黎食下車仔麵先呢間車仔麵餸既選擇繁多咩都有得食 正啊我就揀左秘制魷魚 沙爹牛肉 白蘿蔔 油麵碗麵勁大碗🤣 d麵最後食唔曬湯底有秘制醬料 好好味秘制魷魚超惹味 好好味！沙爹牛肉份量好多 食極仲有白蘿蔔有足足四舊😋 好清甜另外食車仔麵當然有叫番罐汽水加八蚊就有大大罐汽水～我地仲加左碟菜心碟菜心都好靚仔 同好多值得一提既係呢度既姐姐全部都態度非常好平時去車仔麵可能都會比人催或者講野tone唔係咁好 呢度完全無呢個感覺👍🏼👍🏼👍🏼

依區想食車仔麵，除左松記係依區開得耐外，仲意食車仔麵，可以試下依間雖然小店車仔麵湯底有點咸，但車仔麵🍜算可以先推介辣汁魷魚🦑依間辣汁魷魚除配汁較辣外，魷魚算彈牙，而且仲係同麵分開上枱另推薦響玲、豬大腸、魚蛋、炸魚皮響玲有點驚喜脆、咬落有層次同有口感而豬大腸夠入味、魚蛋同出面掃街一樣帶小食風味，炸魚皮吾會太厚身留意小店以車仔麵為主，繁忙時段客人較多，會比較無咁舒適，但食完就走享受食物；餐廳內環境還可以

車仔麵黎講佢吾平而且奇怪既係如果吾加佢個秘製醬既話成個湯係冇咩味🤔🤔要食佢個秘製醬都要自己開口問自先有架個醬係好食 同少少辣餸就一般車仔麵既餸都有 蘿蔔夠甜吾老 但可以再淋啲咖哩魚蛋麻麻地（質感較實）溏心蛋好食滷水雞翼就普通啲冇咩特別所以就以上評價我覺得有其他性價比更高而且同地區既車仔麵店總分（6.5/10）

咁啱男朋友放假我哋就揸車入西貢行吓入到去我話想食車仔麵又未食過呢間見佢平時好多人咁就不如試吓入到舖頭其實都冇人理我哋我哋就自己坐低睇餐牌揀嘢食平時叫個車仔麵唔多唔少都會叫四至五個餸見佢有個叫十全十美嘅車仔麵套餐每款餸都有少少咁就不如試吓我哋叫咗碗十全十美另外再叫咗一碗兩個餸嘅車仔麵本身想叫豬腸不過又話未整好所以都係食唔到落單嗰陣老闆好熱情同我哋介紹話佢哋個秘制辣醬好好食老闆另外俾咗一兜我叫我自己撈落個湯度食以免落多咗太辣，估唔到又幾貼心十全十美嗰碗因為又係有餸賣晒於是佢話幫我轉左其他餸都俾多少少老老實實兩碗野都幾大碗最後我哋都係食唔晒不過老闆隻辣醬我覺得落湯底度食都幾好食我仲額外叫佢比多左兜我撈呢個魷魚隻醬有少少似撈左花生醬不過就係中式嗰隻我唔係好識欣賞佢隻味

趕時間見佢喺正運動場對面諗住車仔麵差極有個譜就衝入去食。牛腩要$18 ，魷魚要$20。我仲同老婆講，「都好嘅，好過嗰啲因為均一價錢或樣樣$9至$12搞到份量太少、質量太差，食都食得唔開心。」由於幻想份量會較多，平時揀5-6個餸嘅我今次只揀了4個。結果份量並不比一般多：魷魚5舊、豬皮4舊、咖喱魚蛋5粒、牛柏葉3舊... 盛惠$60首先食咗一舊魷魚，未覺中伏只覺唔值，唔難食不過就算唔理價錢，下次都唔會揀。魚蛋質感係泡咗好耐而且中間帶酸，咬咗一啖冇再食，諗咗一陣退唔退。食咗老婆3舊牛腩中其中一舊，硬而無味。其他餸、粉、湯則一般唔難食。如果我食過嘅車仔麵最少有6分的話，佢只有4。所以至上嚟睇吓係我要太高定佢一時失準，點知原來大家不乏相同經驗評價。