墾丁茶房 (已結業)

星期六去開九龍灣, 順便搵朋友食飯, 佢介紹依間"墾丁茶房", 佢話之前試過下午茶好抵食, 不過入到去先知...星期六冇下午茶優惠, 但係一場黎到, 睇返價錢又唔算貴, 就試試佢啦~我就叫左肉燥飯配紅燒牛肉, 仲加配一個特飲, 牛肉都幾入味, 少少辣, 不過比較un同 鹹左少少, 肉燥飯就好好味, 味道適中, 但係飯比較多, 好快就食到冇晒啲肉燥, 所以最後都冇食晒啲飯....至於配菜青瓜, 出乎意料的好味道~酸酸辣辣&好爽~朋友就叫左肉燥飯配鹽酥雞扒, 冇特別驚喜, 始終雞扒唔夠入味, 不過份量真係好大, 都係食唔晒.順帶一提~依度埋單真係好慢, 而且員工好少, 好耐都唔見有人行過, 等左好耐先找返錢....

我不嬲對台灣美食情有獨中，但今次去到墾丁茶房，可能病病地竟然不是點了台灣美食，只是試了一D普通小炒，但味道都唔錯，下次會再去試下其他野可能是平日去，環境寧靜舒服，見到大多數是一pairpair情侶, 感覺浪漫

1 Nov 2014 Saturday去拎完回鄉證順道到附近Megabox逛逛食個lunch 墾丁茶房位於高層11樓，位置唔顯眼，要穿過 "泰蘭花" & " California Pizza" 先到~1點半左右lunch time時間冇乜人，侍應安排我坐舒適既半圓sofa位 ! 午餐Menu  鹽酥雞排 配 香菇肉燥飯 + 凍泡沫奶茶 $60  (另加一服務)凍泡沫奶茶係自己加糖漿調味，奶茶幼滑，味道唔錯~鹽酥雞排口感唔錯，雞肉唔夠入味，外皮炸得脆 ~總之冇台灣鹽酥雞排咁好味 !香菇肉燥飯OK，但肉燥醬少，唔夠拌飯 !

今日搭車到Megabox食晚飯兼行街！去到黃昏6點幾！餐廳都未開始有人潮！唔使等位！餐廳對住蹓冰場！好光猛開揚！可惜對住蹓冰場嘅位置已經滿了！我被安排坐近盡頭一個凹位，凹位只可放一張四人枱，自成一角！不過附近嘅枱都好近！叫了：紅燒牛肉+鹵水雞翼湯麵--紅燒牛肉兩件！炆得入味，唔嚡！雞翼反而有點失望，雖然炆到骨肉分離，但肉質較嚡！湯底夠濃，麵條粗幼不一，不過較粉！鹽酥拼盤（雞件、豆腐、花枝丸）--參考相片係一隻碟分三小堆放！但上菜就一大堆散晒撈亂晒！食物即炸，外脆內軟，外面椒鹽好惹味，點埋酸汁食會無咁乾，無咁熱氣！跟餐前菜--即係桂花糖車厘茄（唔睇單都唔知係桂花糖）因為個汁實在食唔出！個味好怪，好溢！唔係甜亦唔係酸！一陣味！我同肥髀都係食咗一粒就無食！唯一係車厘茄係新鮮嘅！（其實⋯你比新鮮車厘茄我仲好）餐飲：蜂蜜綠茶珍珠--綠茶唔會過甜，珍珠煙韌，唔會硬！（平常自己唔會叫台式飲品加珍珠，因為好多時都係偏硬）跟餐：綠豆沙，好濃，足料！綠豆煲到爛，仲有幾片海帶！唔會過甜！而且夠熱！食物其實都唔錯，但服務真係唔得！大堂都有廿幾張枱，眼見得四個店員，人手唔係好夠，所以每次都要吊起個頭，舉手一陣先

有多久沒有周末來個下午茶喔，今次Wing就走到位於Megabox的「墾丁茶房」~每次吃完別的地方才想起這裡有墾丁茶房...今次走著走著，走到這裡就直接找個位子坐下嚕~~今次二話不說就點了一個厚多士餐了~跟餐還有兩杯飲品~分別是柚子綠茶爆爆珠跟百香果綠茶爆爆珠~先來說說飲品吧，Wing很怕過甜的綠茶啦...幸好這個並不是，而是有淡淡綠茶香的那種啦~柚子綠茶爆爆珠感覺很清新的啦，酸酸甜甜，加上豐富的柚子跟爆爆珠，一口就可以飲到、食到、咬到真是很有趣的感覺~百香果綠茶爆爆珠的味道相對較淡，相比起柚子好像口感沒那麼豐富的，但甜而不漏的感覺是不錯的啦~等了一陣子...大概廿分鐘吧，我們點的厚多士啦，名叫「芒果香草冰淇淋層層疊」~它疊得也夠吸引的啦~一層層看上去很鬆脆的多士，加上上面的芒果醬跟新鮮芒果，感覺就是吃完會整個人很Fresh的感覺啦~哈哈，這是太愛多士，也太愛芒果的緣故吧~打開真相吧~這個多士一層一層的都是鋪滿著芒果醬的丫，開始吃的時候，一口就可以品嚐到脆脆的多士、冰凍的雪糕、甜甜的芒果跟十分配搭的芒果醬，還有拌碟的粒粒(而我不知這真正的名字..總之就是煙煙韌韌的啦)，一口就有五種口感，

雖然間野環境ok,但這間不會再幫襯。今次叫左兩個晚餐一個豬扒配滷肉飯。一個豬頸肉炒飯。豬扒不脆，豬頸肉好難咬。個炒飯d飯一嚿嚿，咬落去仲要係凍的。餐飲只跟凍飲⋯⋯同位唔係太想理人嘅侍應講走冰就算。講左兩次⋯⋯佢有餐湯或前菜，但時間關係，已經沒有餐湯選擇，只得前菜（青瓜），當然要我地問先知無餐湯。而且個前菜仲要吹左三次先黎，由前菜變甜品⋯⋯ 但當然張單唔洗叫就自動拎黎叫你埋單啦⋯⋯

因工作緣故到MEGABOX商場, LUNCH TIME搵食搵到尼間一個人唔洗等, 店員好返俾左個MENU我 自行剔格仔點LUNCH落左個豬排面。上菜了, 咦!? 我眼見其他有前菜我沒有。算~ 店員忙到死 加上一大堆青瓜不要也罷。果面呢....面質不彈牙 同我想像的台灣面差好遠湯底無味 只是靠榨菜帶味 一點都不夠豬排2件, 普通不特別 唯獨慶幸不算落太多粉去炸最後, 我係ORDER叫左碟A菜, 到最後三催四請先到。因為實左無尼味道, 食左一半面一半菜就結帳走人。就當減肥唔好食咁飽啦...HA....

今日過咗去Red box食飯，因為唔知食乜好，咁啱行行下見到有一班大概5，6人一齊入咗間叫墾丁茶房嘅餐廳，我見個環境都唔錯，而且個2人餐$188都算吸引所以都想試下。我哋坐係外面嘅大梳好舒服，首先上咗6個小食: 1.海苔肉鬆胡麻黄瓜，第一啖以為個瓜壞咗因為個酸味好奇怪，但後來發現原來係加咗檸檬，食落又唔錯wor。2.沙茶炒蛤蜊雖然唔係好大碟但勝在隻隻有肉而肥美唔係得個殼味道亦good。 3.滷水雞翼拼蘿蔔，雞翼好入味，蘿蔔無渣但無味。4.鹽酥花枝丸唔算好彈牙，但味道都okay。5. 干煸炒四季豆standard。6. 鹽酥雞扒雖然d肉好嫩但係得塊皮有d味  。主菜香蒜葱味豬小排鍋，雖然賣相唔錯但個豬排比較乾又無乜味。反而覺得佢所有配菜例如伴碟嘅番茄仔，紅椒仔好入味酸酸甜甜仲好味道。不過呢個二人餐份量其實都夠三個人食 甜品係地瓜珍珠奶凍我覺得超級好味唔太甜而且加埋番薯粒同珍珠覺得好夾，啱哂本身唔太好甜嘅我。如果冇咗紅色有d藥水味嘅dressing更好 整體而言我覺得呢度嘅小食質素唔錯，適合happy hour飲嘢傾計。d staff 服務執枱都快如果能夠主動幫d客加水就更加好

如果你點了一盤菜炒牛肉, 但得四塊手指公咁大的薄片牛肉, 是否覺得這是否可以叫做炒牛肉? 本人覺得很憤怒!如果一間可以坐五十人的食店, 店面長期得兩人常駐, 是否覺得這是可以照顧到大量顧客? 本人看到超長的等待服務時間.員工其實完全無問題, 而且仲很勤快盡力, 但該店繼承寶島老闆出名的傳統, 洗人洗到盡, 用最少成本的人手想達到不錯的效果, 當然無可能.烹調的技術有待改進, 似乎廚房一係太忙, 一係好多新人, 食物處理非常平庸, 不算難食但一定唔好食.涼拌三拼的豆腐沒味, 同醬汁無化學作用。茄子同麻醬個配合幾特別, 不過味道一般。青瓜, 一般.米, 一時候太乾一時候太濕, 不好食. 煎魚餅, 有點腥味難以入口而且份量很細. 手撕雞, 無雞味調味差難食.鐵板豬扒麵, 一般不過麵同豬扒都有點過硬. 牛肉麵麵質不好,麵本身太軟腍, 湯底太淡, 牛肉還好不太韌.三拼飯, 雞翼一般份量少, 豬頸肉韌而難食, 肉碎好鹹, 食得好辛苦. 甜品不想評價, 以為台灣甜品一流不過這個只是勉強.柑桔檸檬果茶, 柑桔味無乜, 檸檬又唔酸, 只得糖水味. 合格.奶茶同咖啡都係酸苦的, 原因可能是品質不好而且存放

今天晚上想吃得豐富一點，原屬意光顧小飛象葡國餐廳，奈何該店的服務態度太差了，所以我們改到了墾丁茶房。雖然我們還沒有到過台灣的墾丁，但每次來到這裡也會聯想起我們在台北及台中旅遊的一點一滴。墾丁茶房已曾光顧數次，每次的服務態度都屬中上。例如今次，我們的行裝比較大件，希望可以有多一個位置擺放，我們還沒有說出口，他們已經主動給了我們一張四人檯。點了兩個套餐，有小食/湯＋主菜＋飲品和甜品，而價錢與質素和份量是成正比的。食物味道不算是好驚為天人，最印象深刻的反而是小食。今次的小食是帶有桂花味道的車厘茄，對上一次光顧的是醋黑木耳，就是欣賞她在細節上的著重。主菜點了鳳梨咕嚕肉及海苔肉鬆海鮮炒飯。咕嚕肉的份量對女孩子來說多了一點，個人喜好多點鳳梨，有男朋友幫忙剛好吃得完。至於海苔肉鬆海鮮炒飯，我找不到海苔呢~~海鮮有些蟹柳帶子之類，以這個價錢也不期望會有甚麼鮮味的海鮮,,炒飯是用尖尖長長的那種米，很乾身，也不會好吸油，只是吃起來的時候感覺有點碎碎的，與我們平常吃到的港式炒飯不同。甜品是羊羹質感的物體，味道有點像蘋果綠茶，怪怪的…裝飾用的一粒小青梅比起羊羹還要好味。期待有一天，我們能夠去到真正的墾丁

滷水翼拼蘿蔔好味肉鬆胡麻黃瓜唔好食...干煸炒四季豆本來味道很好, 但加入了蝦米, 而我不太喜歡蝦米的味道, 所以立即扣分鹽酥豬排超級好味, 一定要試! 肉質嫩滑, 惹味香口!鹽酥花枝丸竟然會冇花枝味...扣晒分.沙茶炒蛤蜊好味, 相當鮮甜!菜膽餛飩雞鍋味道一般, 雞肉不夠嫩, 餛飩只得2只...相比起金滿庭的餛飩雞湯, 實在差太遠了.

很久沒有來到這個在公司旁邊的商場, 今日因為約了朋友所以就來到這裡.這個商場, 特別是高層的餐廳, 平日晚上是非常少人的, 今日也不例外. 麻油雞不錯, 滑而且份量多.魯水雞, 蘿蔔入味雞的份量稍為少了一點. 炒牛肉什麼粉絲的... 差！成兜野得三片手指公咁大的牛肉！涼拌粉皮, 無論係青瓜或粉皮都很好食. 沙律醬調得不錯. 另外有道菜太平凡完全不值得一提.豆腐皮蛋, 皮蛋一般般, 反而豆腐涼涼清甜的很不錯. 感覺好似清理了剛才的油膩.甜品是雞蛋布丁上有蕃薯和奶茶珍珠, 味道不錯. 服務幾好, 可能人流少, 人手也少吧.

今日唸住去試新野，一早上網搵左這間，食飯時間即趕過黎，因為怕多人。但去到，唔使等位，但都算多人。立即落單，點知等左半個鐘都未上野食，真係有d嬲。唸住揮手催下…竟然話好似五記得落單…紅燒牛肉麵麵好韌，d菜好老。清酒xx石鍋炒飯俾想像中差，個鍋唔熱之外，根本就唔似炒飯。好多汁好濕。唉...等嘅時間耐左，都冇乜心情食…

其實都有少少為左試呢間野而去megabox! 因為鍾意墾丁,所以要黎試下呢個主題ge餐廳!本來有諗過叫2人餐,但對於佢ge小食冇咩興趣,都係叫返set dinner啦!set dinner有蛤蜊湯(係咪咁叫呢?!)女朋友要左個三杯雞,飲珍珠奶茶!佢碗飯都好大呀,女仔一個可能食唔晒!三杯雞份量適中,味道又唔會太濃,都幾好味!送飯唔錯呀!!自己叫左個海鮮炒飯,D海鮮料都幾多,有蝦有青口...個飯都唔細架!不過果陣太肚餓,冇影相就食左!我飲左個好似咩爆珠綠茶,D爆珠好甜呀!不過整體杯野都好飲仲有甜品,不過呢個自己就一般般,女朋友話ok播!唔錯ge選舉,尤其冇咩台灣野食!不過侍應人數好似少,人多果陣就麻煩D啦!

「墾丁茶房」位於Megabox 11樓，location非常好，靠窗既一排坐位更加可以望到溜冰場，非常開揚舒服！可能因為waiter嚴重不足既關係（成間舖頭得兩個staff），基本上大部份既野都要DIY，自己搵位，自己搵餐具，甚至佢杯水都要等差唔多十五分鐘先至黎到。價錢方面同附近既餐廳差唔多，都係$50幾$60一個餐，以商場既價位黎講算係叫做勉強可以接受。「是日小食」方面係「鮮檸黃瓜」，坦白講非常一般，有D似傳統中式「上海舖」果D酸瓜，但醃既時間略嫌不足，所以味道好似「口淡淡」咁，到喉唔到肺感覺唔係太過良好。香酥豬小排湯麵︰份量細得驚人，坦白講比一個下午茶餐既份量重要細，我相信就算最細食既女士都未必飽。麵方面非常爽口，麵身亦都十分煙韌，湯底亦都非常入味，只係份量實在太細喇，比一個營多撈麵重要細，完全食唔飽！豬扒方面更加只係得三小舊，雖然炸得好鬆脆，但係咁既份量都夠膽比個客真係好過份！珍珠奶茶︰非常特別亦都最喜出望外既飲品。我係第一次飲到完全一粒冰都冇既奶茶，而茶方面亦都飲得出唔係淨係就咁用茶粉沖出黎，茶上面仲有少少泡，睇得出用左心機去炮製。糖水方面更加係自己落，要幾甜有幾甜，咁就唔會好