壹燒鵝 (興裕大廈) (已結業)

又係一個學完車係天后fing既日子突然間想食四寶飯 見到呢間都好似唔錯咁 就衝左入黎~本新想散叫 但見佢個餐都好似ok咁🤔可以試3款 又有小菜同菜揀 包兩杯野飲 感覺又幾抵咁小菜都有唔少選擇 但我想食肥牛煲😂所以就補小小差價~最後 叫左燒鵝拼燒肉油雞師傅介紹佢地D燒味係自家燒燒鵝皮脆 都幾多肉 加埋個酸梅汁好開胃燒肉個皮更脆 又唔會燶 岩岩好而油雞個鼓油都好好食 我覺得3隻燒味都幾有水準另外小菜就係呢個沙嗲肥牛煲份量都ok~牛肉數量都多 送飯就岩！跟餐嘅灼菜 係有d乾嘅 因為係灼菜😂加埋蠔油食 就有返d味~不過感覺好健康另外就係連埋兩件野飲喇~正常質素唔難飲~燒味黎講 其實真係幾好食~

朋友突然間想食燒鵝、冇理為咗隻燒鵝特登入深井架嘛。 上網睇， 見到有間喺天后附近， 見近近地就去試下。 入到去餐廳， 一望就知係專做街坊生意， 感覺好親切。 據說餐廳嘅燒味全部都係自家燒製， 望兩望就決定咗食乜喇 - 燒鵝（例牌，上庄）、 燒腩仔 同埋魚香茄子。 燒鵝味道唔錯， 平時燒鵝上庄呢個位有機會會鞋口， 但呢度冇呢個問題， 價錢比深井平， 贊！燒腩仔， 肉同肥膏比例係我心水（1/3 肉 2/3肥）， 個皮燒得好香脆， 最愛！ 對比之下， 魚香茄子就冇特別， 同平時其他餐廳嘅味道咁上下。 但值得一贊嘅係個份量夠大碟。 整體感覺唔錯， 價錢合理， 下次可以試吓唔同嘅燒味！

今日放工就同朋友去食飯，我地好耐冇食過港式野，就去左佢屋企附近食燒鵝。呢間餐廳一聽個名就知係專食燒鵝既，佢有一人燒鵝套餐，仲有好多小菜可以選擇。黎到呢到當然就要點燒鵝啦，呢到既燒鵝係店內自家製架！我地點左個一人燒鵝套餐，揀左燒鵝拼燒肉同埋雲耳青，仲有例湯，好豐富啊。燒鵝燒得好香，皮薄肉香。燒肉亦都做得好好！另外，我地亦都叫左一份小菜升級套餐，我地點左金銀蛋白菜仔，平時出街食飯少食菜，呢度小菜又好味又健康，正！

今天又来吃烧鹅饭了，还撞见了朋友👬看来身边朋友都爱过来。确实有不少街坊過來幫襯的。今天叫了一人套餐，燒鵝配叉燒，叫了青瓜，另外加了一個番茄炒蛋。豐富的一餐。燒鵝確實好吃😋皮薄又脆，肉質鮮美多汁，入口味道也是肥美。店家告訴我燒味都是自家燒制。難怪很有特色。蜜汁叉燒也是很讚的，肉質鮮嫩，蜜汁香甜。廣東菜裡面，叉燒確實是一大特色菜。番茄炒蛋是我好久沒有吃的了。不僅營養豐富，味道也是層次分明。番茄的酸甜多汁配上雞蛋的獨特香味，讓人立刻胃口大開。能夠把燒味最的這麼好，這麼用心，確實是很不容易的。可以看出，店家很用心經營。而且我這一次來，明顯感覺菜品多了很多選擇，套餐也多了不少。下次有機會，再帶上朋友一起來。

今日約咗一班朋友嚟天后到覓食，見到依間餐廳好地道，於是第一次嚟試吓新菜式，點知果然冇令我失望🤟🏻餐廳種類真係好多，想食燒味又有（燒味仲要去餐廳嘅自家燒味🤩！！！炒粉麵飯或者小菜都有齊，我同朋友叫咗五碟小菜一齊share，餐廳最貼心嘅係任何小菜加$12就有埋白飯同嘢飲，價錢勁親民！黃金鮮魷球極度推介依個，第一次食用蛋黃離炸既魷魚，蛋黃出邊炸到脆卜卜，好香蛋黃味，裡面魷魚都好鮮好彈牙蜜糖黑椒牛仔骨呢個都係另一樣超推介嘅嘢食，蜜糖同黑椒味好濃，牛仔骨勁軟勁入味！唔食會後悔！蟲草花蒸滑雞真係落足料，落咗好多蟲草花，一啲都唔吝嗇，以滑雞蒸得好入味，好嫩滑韭王菜心炒豬頸肉、金銀蛋時菜呢兩碟菜都好健康，食埋依兩碟菜成餐好滿足好豐富👅

今日去維園睇完人地踩roller ，終於俾我識到班玩roller 既人，帶住興奮既心情去天后睇下有咩食，行到一間店,,,個LOGO好得意 一睇就知係食燒味係玻璃窗已經見到燒味 好似燒得幾靚，就入去試下燒鵝叉燒雙拼 $88隻鵝髀一放上台，就估到係自家燒製 係燒得好好既，鵝皮帶有少少燶，非常香。瘦叉燒瘦得黎多汁，怕肥既女仔都唔怕多食 豉油皇炒鵝腸 $58鵝腸一擺上台已經香噴噴，份量又多，一望落去色澤油亮，口感爽脆，一點都唔韌，炒得岩岩好，令人忍唔到口

今日去天后探朋友，泊左架車係栢景臺，探完就係附近搵下有咩食。經過皇悅酒店附近，見到呢間燒味鋪，啲裝修同平時既燒味鋪好唔同，好文青，就入去試下喇！晚餐，係天后黎講，算好平，二人餐都係158蚊🤭已經有一蝶燒味，一個小菜，一個灼菜，白飯同野飲。我叫左燒鵝拼叉燒拼油雞，豉油皇炒鵝腸，灼菜同2罐無糖可樂。間鋪個名叫壹。燒鵝，佢啲燒鵝真係有料到，唔止燒鵝，叉燒同油雞都好食！個員工話全部都係佢地自家制作！豉油皇炒鵝腸好入味，又唔肥！算係好難得！灼菜心有驚喜喎，好淋喎！凍到出晒水既無糖可樂，正！

曾經，生日飯，總要選吃最貴最豪的。然而，隨著年歳的增長，只要與喜歡的人在一起，吃甚麼，並不太重要了﹗這夜，與她兩人，簡簡單單的，去了天后永興街覓食。最後，去了這兒吃燒鵝。 壹燒鵝的裝潢設計，捨傳統陳舊而不用，採用了年輕摩登的格局擺設，予人換然一新之感﹗樓上，更設有雅座，可供客人包場搞派對之用。用餐當晚，聽到樓下傳來陣陣歌聲，始知包場客人可唱卡拉OK。 據介紹，小店內的各款燒味，均是餐廳內自家燒製。除了主打的明爐燒味，還有秘製肉燥系列、各式小菜飯餐、小食，以及新出滷水新品。 經過一番研究，我們對一人燒鵝套餐，以及是日精選飯餐大感興趣﹗ 飯餐包熱飲及例湯，她要了一杯熱檸茶，小妹就要了一杯熱柚子蜜。 是日例湯乃清熱袪濕且解肌舒筋的粉葛湯。 一人燒鵝套餐$88，我們選了叉燒拼燒鵝脾（+$40），配有白飯一碗、灼菜、飲品和例湯。 叉燒肥瘦得宜，色澤鮮明，吃起來軟嫩多汁。 燒鵝皮不算十分香脆，然肥瘦得宜，髀肉醃得夠入味，肉質也非常嫩滑帶肉汁。 土魷蒸魚餅飯$48配熱飲和湯，肉餅混入土魷與馬蹄同蒸，鬆軟鮮美中，帶著粒粒土

一進去，見到兩大隻可愛的燒鵝公仔掛在牆上，裝潢不似一般的燒味店，位置舒適有卡位。店員推介自家製的燒味，燒鵝、叉燒等。餐牌很多選擇，除了燒味，亦有特別的碟頭飯、小菜及炒粉麵飯。每次吃燒鵝，最喜歡是配湯瀨粉一起吃，不過已售罄了，那就吃別的燒味叉燒吧，再點了一碟餸菜加炒飯作晚餐。另外還有碗老火湯。叉燒炒滑蛋：蜜汁叉燒偏瘦，不會太肥或油膩。肉帶微炭香，每塊大大片，份量算多。蛋炒至八九成熟，就上碟了。蛋汁都溢出，剛剛熟透。不過蛋略鹹，一定要拌飯吃。瑤柱蛋白炒飯：經典的炒飯，卻是最喜歡的炒飯。材料簡單，菜心莖、蛋白、瑤柱及蔥花。炒飯整體算是乾身，除了有些白飯黏在一團。飯勝在夠鑊氣，即點即炒，鹹度剛好，跟滑蛋混在一起吃。

今日同朋友去咗天后 附近, 買完古著之後, 就喺附近食飯新開嘅燒臘餐廳,  個環境都幾新穎, 最啱我, 就入咗去食裏面有個二人套餐, 係138蚊, 有一個燒臘三拼, 一個菜, 再加個小菜, 配兩碗飯, 同野飲, 都幾經濟實惠, 就一於點這個餐, 仲加咗20蚊配一個燒鵝添燒鵝個皮都幾脆, 同埋嗰個鵝油非常之香, 肉質不錯, 油雞啖啖肉, 叉燒嗰個蜜汁非常之吸引之後就食過小菜, 就係有多款選擇, 我就選擇咗生炒骨, 配上菠蘿, 同埋紅椒, 顏色非常的鮮豔 , 酸酸甜甜, 十分開胃, 今晚真係超高性價比

環境光孟，冷氣充足，又坐得舒服。上菜好快。叫左個二人餐，好抵食，有飯、有湯、有菜、有燒味，仲有一碟小菜。碗飯熱辣辣甘上枱，好有飯香，飯粒軟硬適中。湯入面有青紅蘿蔔、粟米，好甜好好飲。碟菜好新鮮，香灼條條都好甜。燒味全部都係佢地自家燒製，好好味，燒鵝比左燒鵝脾，鵝肉嫰滑，香妃雞嘅肉都係非常嫰滑，叉燒肥瘦岩岩好，而且肉質軟，唔會覺得粗糙，好好味。生炒排骨炸得好脆，唔會覺得成舊都係粉，青紅椒唔會覺得唔熟同硬。

流口水@壹·燒鵝地址：天后永興街21號地舖其實好多燒味店都是買貨返來，並非自家出品，識食一定要搵間自家製，呢間聽閒是由廚師燒製，不假手於人，想必好味好專登來到，只係$50，有雙燒味飯，抵食超值。豬腩仔同燒鵝。燒腩肥美，層皮係最好味架，鹹香脆卜卜。鵝皮迫曬多餘脂肪，唔會有油蘇味架，肉又醃得入味，燒好啡黑色仲是著油光亮澤，好睇又好食仲有小菜供應架，我豪不猶豫就要了涼瓜肉鬆炒蛋，因為可以試多樣嘛！給量都好豪氣，多也多，很家常菜的回憶味道哦！要了凍檸茶抵食，下次放工會再來幫襯

細細個成日聽到話話，去深井食靚燒鵝。但係其實要食靚燒鵝，使乜去到咁遠！熊貓最近去到天后工作，竟然比我發掘到一間高質坐得又舒服的燒味餐廳。而且呢度唔單止燒味出色，連小炒都好好食👍🏽首先，傳統嘅燒味餐廳俾人好麻甩佬的感覺，但係喺呢度絕對冇呢個感覺。因為成間餐廳裝修很cozy，或場上嘅掛住可愛的燒鵝公仔，感覺非常新潮。不過，雖然環境重要，食物就更加重要。先介紹下呢度的燒味，我們一人兩盒叫了一份燒味三拼。尤其推介呢度的招牌燒鵝，可以用四個字形容，皮脆肉嫩👍🏽👍🏽燒肉和叉燒亦同樣出色！小菜方面，絕對不遜色。我們點了XO醬西蘭花炒蝦球，師傅炒得非常出色。如果大家想食燒鵝，又希望環境舒適，我絕對推介這一間！

一燒鵝位於天后永興街， 舖頭唔算好大， 但係有兩層， 下低嗰層有一半係廚房 ， 有咩燒味賣都一目了然。 格局好似cafe嘅格局，有咕臣有卡位坐得舒服 ，而行上一層， 空間更大 仲可以當做party room。 來得壹燒鵝，標準指定菜式就梗係食燒鵝。 一個燒鵝雙拼飯燒鵝拼燒肉， 賣50蚊喺天后嚟講非常ok，因為燒鵝喺自家廚房燒出嚟， 唔留過夜，賣咁多燒幾多。 燒鵝都幾高質素，外皮深紅褲光澤， 肉味濃而且嫩滑都夠肉汁。 燒肉五花腩肥瘦層層相間， 唔會太肥，油脂喺入面爆出嚟， 燒肉皮咬落酥脆有油香。 瑞士雞翼煎雙蛋叉燒飯 另一個飯叫咗瑞士雞翼煎雙蛋叉燒飯。 煎蛋蛋白燶而蛋黃半熟流心， 篤蛋黃嗰一刻 啲蛋黃猛咁流出來， 撈飯就最好食。 瑞士雞翼滷得入味， 叉燒 肥瘦剛剛好， 帶肉香，好食。 順帶一提，白飯煮得好靚仔， 整餐飯雖然簡單，卻是價真價實。 用餐時，老闆剛好在餐廳， 與食客有傾有講， 有咩好食 ，有邊度做得唔好，都可以同老闆講， 小店雖小，但係卻有滿滿嘅人情味。

Jennifer嘅男朋友好鍾意食燒味，平時都好少會同佢一齊食，覺得係好麻甩佬嘅嘢食，今次上網見到一間新式嘅餐廳，感覺不再麻甩，裝修都幾舒服幾乾淨，於是主動帶男朋友嚟食。-叫咗一個二人嘅晚餐set $138包一個燒味三拼，小菜，例湯，兩個白飯，仲有一碟油菜。叉燒燒鵝燒肉，鋪頭叫得做壹燒鵝，燒鵝果然係有保證，燒鵝皮好脆，肉都好香，燒鵝皮下面嘅油唔會太肥，食得多都唔覺得膩！落單嘅時候侍應仲問我地叉燒揀肥叉，瘦叉，定係半肥瘦，食叉燒嘅人梗係揀半肥瘦叉燒啦。燒肉皮好脆，又唔會太肥。我同男朋友都食得津津有味！-小菜可以揀小菜餐牌上面$60樓下嘅，否則要補差額，我哋揀咗XO醬西蘭花炒蝦球，補咗$8，XO醬好惹味，蝦球非常新鮮爽口！-二人套餐份量好多，食到我哋兩個捧住個肚走！值得encore啊