壹米線 (已結業)

香茅豬扒薯條拼牛油多士（$28)凍飲加兩蚊！佢呢排做緊抗疫大優惠，外賣啲飯俠好多都係$30左右！下午茶直程係大件夾抵食！專登唔食lunch留個肚食佢嘅下午茶，絕對夠飽

兩位服務員姨姨態度極好，天氣太熱叫凍檸水，其中一位姨姨話見到我條頸有做刮痧，叫我唔好飲凍野。我問咁豆漿有冇唔凍。佢話冇，不如飲熱檸水。我話好。但佢見我嗰樣唔係好想飲熱野，（天氣咁熱，食麻辣米線，唔會想飲熱嘢）😖😖佢主動話幫我坐暖豆漿，我話好。之後聽到水吧有個疑似老闆嘅男人好大聲同個姨姨講，浸熱水？唔做呀，做得一次，就有下次。聽唔到嗰姨姨同佢講咗啲咩，嗰男人就話，同嗰客講只有今次，冇下次。姨姨體諒客人反而比人話，好在唔係我自己話要，如果唔係我會仲內疚。真心湯底好好味 但無論米線定餸嘅份量都勁少，米線26蚊，加厚腩肉12蚊，但腩肉得1.5舊，其中0.5舊仲要全部肥膏🙄以為係底，拎筷子🥢搵極都係得1.5舊水吧嗰男人將口罩拉到落條頸，冇戴好口罩幫啲客沖嘢飲😡😡冇下次😇都係教育路川味閣性格比高，大碗，好食，態度好

在網上見到群組的米線相片賣相不錯，復活節同老公去試新野適逢下午茶時段，既然有28蚊下午茶當然要一試， 這價錢的茶餐都算時光倒流價，現在很少見了小食柱侯蘿蔔牛肋條（半份$20） 非常欣賞小食有半份,可以一解嘴饞，牛肋條炆得夠腍身但不夠入味，幸好面上的醬汁搭夠，蘿蔔清甜不苦，如果再腍身更佳， 過以20蚊來說有2條牛肋條＋2嚿蘿蔔算是非常超值。脆麻乳雞中翼米粉， 雞翼非常香口及鬆脆，肉質嫩滑有肉汁，製作出色，可惜雞翼調味偏甜，與預期食到的咸香稍有落差。米粉湯頭帶魚香味，不是坊間的一般味精味，非常有驚喜，如果可加少許蔥花，賣相會更吸引沙爹牛肉煎蛋公仔麵，味道中規中距，不會過咸，牛肉亦不會有過量鬆肉粉整體來說，座位乾淨舒適，食物用心製作，價錢相宜，值得推介👍

傳聞這家餐廳的早餐不一樣，作為吃貨，冇理由唔證實一下。孜然豬扒午餐肉太陽蛋招牌沙爹牛麵火腿炒蛋孜然豬扒略咸，如果有啤酒🍺配上更好，嘻😜，整體賣相不錯，看其上碟鋪設，有出自酒店廚師之手，午餐肉煎得恰到好處，咬落甘香中帶肉汁，贊👍，再試下碟邊配菜，嘩，不得了，原不起眼的配菜，食落汁液豐富，肯定是新鮮蔬菜；招牌沙爹牛肉麵，叫得出招牌自然非白叫，只見牛肉片片冇筋，更沒醃到“又鞋又梅”，沙爹醬汁做得不錯，怪不得多枱食客都點；兩片火腿造得更出色，輕火略煎單面，將火腿的特色發揮得淋漓盡致，贊👍不得不重點提：香草牛油厚多士烘得恰到好處，抹上香草牛油，真系要“先食為快”，👍👍👍加兩蚊就有杯即磨咖啡☕，正😋有時真懷疑，莫非這家店的廚師出自高級酒店？😄吃貨有福了😋😋

一月八號那天，有住元朗的朋友告訴我：合益中心有米線店新開張，到賀的花藍、花牌多到將成條街變成花海……😱😱咁誇張，近年難得一見，莫非是那個大集團的新分店？等我親身去試下咩料先😝16號，避開午飯繁忙時間到店，裝修有心思，間隔不擠逼，整體顏色格局讓人舒服。用手機點餐，當然試下朋友極力推介的麻乳雞中翼，即做即上枱，小心燙口。皮薄爆汁味道好，實在太好食點埋蒜香白肉卷，以白肉包著新鮮青瓜條，肥而不膩，淋上蒜蓉醬汁，清新入口主食當然系三牛米線啦，入味又完整的牛肋條、牛展片及牛丸，加入清而不膩的麻辣湯，比坊間又油又濃的湯底技高一籌，米線煮得恰到好處，滑得來有咬口夠份量，嗜辣的朋友可點大辣或特辣，包你食過番尋味……只可惜單拖赴會，未能多試其他菜式，但下午三、四點還不斷有客，可見其出品如何。最後忍不住打包一份雞中翼，又食又拎，仲有仲有，依家做緊新張八折優惠，超級超級抵食😍

元朗新開張米線，早餐沙嗲牛肉麵+麻乳雞中翼👍👍👍多士好脆，另外上面配了香草牛油 ，平時食早餐，都吾食多士 ,今次多士係食曬，重要分左朋友一半黎食👍👍麻香雞翼雞肉鮮嫩！值得一試！

推介呀🙋🏻‍♀️環境乾淨舒適 服務態度好👍👍👍食物正，好味道米線餸份量多 靚材料一碗三牛米線🍜牛丸多汁 牛展 牛肋條夠淋又入味招牌一碗米線🍜海帶結有驚喜😄