壽司達人

营业中

休息中

估唔到屯門都會有間價錢又合理，又幾好食既壽司小店。可能今日係假日，去到勁多人，要等，好彩都唔太耐，唔係又會餓死個女朋友了。講下環境：佢地店鋪真係幾細，得2張枱，但佢地會擺幾張枱係出面，所以環境都係一般，講下餐牌：佢地D餐牌都好清晰 分好哂A，B，C，D揀我地叫咗2個早餐+2件鵝肝壽司可惜既係佢黎果2件一件Ok 另一件有點細+濃濃地 錫女朋友既我當然給Ok果件俾佢啦總括黎講我都幾滿意，um下次都會再黎既希望下次件鵝肝壽司會做得更好啦！

一放假就訓到太陽落山先起身但等到晚餐先食又餓得滯左諗右諗都係揀反港女至愛既壽司食幾件頂頂肚先😛華都呢度大把野食，粥粉麵飯小食店一應俱全。以前讀書時期都係係呢度搞掂個午餐，平靚正！散叫壽司我知套餐係抵食，但就規限住我想食既款式，所以都係散叫，想食乜就叫乜。每件壽司都係幾蚊都十幾蚊，唔算貴。上到枱有驚喜添啦！啲刺身有光澤，當然唔可以同高級餐廳比，新鮮都乜乜乜，但絕對唔差，對得住個價錢先👍🏻 壽司飯都唔會話乾淨淨，硬骨骨甘。肥仔男友明明話食左野，明明話陪我食少少甘，明明話好飽，但。。。但唔知點解佢叫左個飯黎食🤔無厄你，套餐真係好抵食。$62有咖哩吉豬飯，配小食，壽司同炸物，真。抵食夾大件。個飯熱辣辣，黎到仲岀緊煙。炸物新鮮炸起，脆卜卜。反而跟餐壽司遜色左啲，睇圖唔係呢四款，果然圖片只供參考😂😂吉列蠔食哂成個飯依然甘脆甘熱。蠔就一般放題級廣島蠔，不過勝左夠熱夠脆，小店黎講算係一百分💯最後埋單俾肥仔男友話我個幾舊壽司仲貴過佢個餐。點有得甘比家，刺身加舊飯梗係貴過你吉豬加熱飯家啦😤😤

屯門市中人真係多人到不得了想食野有時都要排好耐有日行去華都 見到有間食日本野既小店門面無好靚好吸引但太肚餓 決定一試有唔同既set可自由選擇就算叫曬A+D都係$62份量絕對唔細！一個人真係食唔曬無因為價錢平而難食刺身都無唔新鮮同埋腥跟set既吉烈蠔有3但我食食下先記得影相🤣🤣🤣本身我鐘意食蠔所以我覺得必食！好香口 唔會腥另外再追加壽司質數好過爭鮮價錢都唔貴 2個人最後$100搞掂食日本野黎講算平啦值得推介

想喺屯門市中心食平價壽司，選擇真係唔多，依間係每次想買壽司外賣既首選。佢既餐單選擇好多，好flexible，唔食壽司食，叫咖哩飯都好好味。今次照舊叫咗A1, B1, C1,有壽司,有咖喱飯，有前菜都唔洗五十蚊，超抵! 不過想叫外賣就最好打電話落定order 先黎攞。

🍽A1+B1+C2+D1🐙A1 芝麻八爪魚共2隻，正常size，但唔算好凍🍛 B1 咖哩吉列海鮮飯咖哩有以前中學生lunch嘅feel吉列海鮮有兩隻蝦一隻蠔一隻帶子食得出係新鮮炸唯一係啲飯嘅質素一般🍣C2 汁燒三文魚加州卷共有4件壽司飯偏酸，三文魚偏薄身質素一般，可接受🐟D1 三文魚刺身共4件，魚腩位置非常好味，好有魚油味🍽F2 加拿大海膽魚生飯定食🍛 加拿大海膽魚生飯加拿大海膽夠凍 ，感覺新鮮同樣飯偏酸，可能係一個生意手法，等人叫嘢飲魚生種類都算多，係角切加一大堆既蟹籽，賣相好好，可惜係真係飯偏酸海膽得兩片，都可一試🍣雜錦壽司一共有4件一件三文魚，一件蟹棒，一件魷魚，一件熟蝦其實可以唔使提，因為啲壽司好乾爭爭 如果佢啲壽司全部都係咁既話，可以唔需要食壽司🥗 中華沙律中華沙律都可以嘅，一般質素環境狹窄，店內只有三張細枱另外出面有兩張細枱完全小店經營， 新鮮製作除咗啲飯嘅質素真係爭啲之外，其他都可以一試

平民米芝蓮推介名單剛出爐，不過不一定參考名單上所推介，有時也可以自己去發掘。剛剛的中午去華都商場尋找有甚小店未曾光顧，結果發現了壽司達人，雖然它比一般餐廳簡陋，但無損我的興緻，小店就是這樣嘛。壽司達人的定食便宜又豐富，A，B，C，D各選一項才62元，不用加一，只有小店才可以辦到。另外這裡的食物都是下單後即點即做，所以客人都可以第一時間品嚐到熱騰騰的熱食。(假如你是點熱食的話)下單後，店員馬上為客人送上醬料，方便客人稍後用膳時調味。我當然選齊4款定食，芝麻八爪魚，咖哩吉列魚柳飯，汁燒三文魚加州卷及吉列炸蠔3隻。芝麻八爪魚給得蠻大方，三隻大大顆的我挺滿意，哈哈。汁燒三文魚加州卷我蠻喜歡的，雖然很迷你，但餡料蠻豐富，青瓜爽脆，壽司飯不鬆散，加上三文魚肥瘦適中，輕輕汁燒過的三文魚有香氣。咖哩吉列魚柳飯如果多點咖哩汁就好了，因為我比較喜歡用汁拌飯吃，太少汁的話我很難把飯吃完，本身我不太愛吃飯嘛。吉列魚柳現點現炸，外層香脆，內裡魚肉滑溜厚實。吉列炸蠔飽滿度一般，但勝在炸漿薄，炸得金黃酥脆，蠔肉飽含肉汁，小咬一口已經噴汁，這兩方面能夠彌補其不夠豐滿之不足。

話說好想食壽司，又唔想食好貴，想食返d平平地既壽司。我覺得呢間係超抵食，我最愛食佢個鵝肝壽司，入口即溶，想食多好多舊😋，個炸蝦卷係即叫即整，完全唔係放到凍哂，曼魚卷個汁好食！個蟹子沙拉勁大個又平喎，燒三文魚壽司入口即溶，當然係鵝肝正d啦😋，刺新都好正