壽司郎 (新都會廣場)

营业中

休息中

有朋友係外國返香港，約咗出嚟食個飯，估唔到佢最想食嘅竟然係壽司郎😂所以約埋一齊去，現場拎飛排隊等咗差唔多一個半鐘，等候期間係商場行吓街，所以時間過得好快。我都係第一次食壽司郎，個人感覺都良好，啲嘢幾企理，壽司用ipad落單，有哂文字同圖片對照，幾user friendly，點完嘢食會有運輸帶送過嚟。嘢食都算性價比高，刺身大大件，個人推介天婦羅，抵食又炸得夠脆。最後叫咗幾款甜品，我最鍾意食抹茶芭菲，大大杯，幾抵食。

壽司郎竟然仲可以即場攞飛梗係等啦！自從之前豉油嗰單新聞出咗之後，少咗人食，但係都仲係咁多人排隊攞飛！咁啱電冇咩人就梗係即刻攞張飛睇吓食唔食到！都要等大約20分鐘左右～已經唔算好耐，～今日啲吞拿魚，拖羅都真係好鬼靚，啲花紋同其他平價壽司店，冇得比！直頭同真係出去食壽司舖嘅質素有得比！有個好似係左口魚？ 燒香多少少就好食啲！甜品絕對要食兩個！ 推介嘅一定係佢哋個芝士蛋糕！有時間限制，主要專心食嘢！朋友話嗰日啲熟食，例如牛肉壽司就麻麻哋，我專心食拖羅表示每一九都咁靚咁肥美！

多數去長沙灣分店食，試過黃大仙我覺得一般， 今次特登嚟葵芳試一試，呢間比另外兩間多人， 如果假期揸車黎,五點半已經要等入停車場。食物所有分店應該都係一樣，我覺得新鮮程度呢間同長沙灣相約，不過今次比較特別嘅係用咗赤醋黎造壽司，係期間限定嘅， 顏色望落去會深少少。不過我覺得冇平時食開嘅壽司醋咁好食，呢個好似比較黏少少亦都比較酸。我覺得最好食嘅係赤蝦， 食幾隻都咁新鮮。海膽分量比較少， 不過亦都新鮮甜美。牛肉壽喜燒呢間做得比較好，因為過去幾次食都係肥肉太多， 唔知係咪今次來貨比之前好

超愛迴旋壽司的我～ 期待已久的一站終於來啦～🤩香港壽司郎目前一共20間分店，依然人氣高企，長期有人排隊等位。今次去葵芳地鐵站附近新都會商場內個間分店，之前睇不少攞位攻略，大部分建議直接現場拎飛等walk in 。.研究一排試用官方app線上訂位😂 好好彩輕鬆唔洗排隊，分享今次用香港壽司郎app提早預約，當時大約提早3日預約，但可選擇只剩番2-3個時間段，有部分分店甚至約滿，呢個方法有時真係幾睇緣份，要一早睇有無岩自己時間。❗️一定要預約時間段內準時到達，要先到櫃檯報到，再等待店員叫號。今次提早幾分鐘到，都係會到鐘先安排入座。.無法線上預訂位的話，觀察左平日下午茶直接walk in 都好快有位，差不多等30分鐘內。晚餐真係要提早拎飛，會越來越多人，至於週末假期暫時未有經驗，不過聽講更難有位啊！.壽司可直接在迴轉帶上拎，無遇岩心儀食物亦可在平板即點，等待上方傳送帶送來。除固定款式外，會有季節限定食材，三月期間限定 #赤醋飯祭 ，所有壽司用上赤醋飯，我基本上將期間限定都點了一份😍。唔洗擔心唔夠時間，壽司上餐好快，幾分鐘內送到。.🔴 價錢以紅碟$12/ 銀碟$17/ 金碟$22/ 黑碟$27/

今日我要想介紹三樣壽司郎嘅嘢食第一樣我想介紹嘅係炸雞軟骨，雞軟骨鹹鹹哋再配上檸檬汁，真係好好食。第二樣我想介紹嘅係鹽燒牛舌壽司，牛舌嗰方面真係好軟熟，在之後我嗌咗蟹柳天婦羅，佢送到嚟嗰陣熱辣辣味道不過不失，都幾似喺大瀛喜食嗰啲。第三樣我想介紹嘅係吞拿魚腩海苔包，食落去有啲呢hea，不過啲吞拿魚腩真係好新鮮

之前話2月book唔到壽司郎，今次轉戰晏晝去葵芳食，平日唔洗一個鐘就有位～其實今次蟹宴，我覺得同上年2022年1月差唔同🦀，蟹肉拌麵仍然係我至愛🍜😍！當然今年都有新產品，都幾有驚喜👍🏻🤭！🦀紅楚蟹押爵司：$22四四方方，賣相好得意🤣，啲蟹肉多到cover曬成嚿壽司，啖啖蟹肉，好正。無諗過入面有少少薑😯，本身唔鐘意薑，但同埋蟹肉一齊食都接受到👍🏻！🦀特盛蟹肉海苔包：$22蟹肉鋪滿曬成嚿飯，再有蟹膏係上面作點綴！加埋脆香海苔包住咬，好滿足🤭😆！🦀🍜濃厚蟹拌麵：$32同上年一樣保持水準，醬汁好濃郁！超好食😋，仲有西蘭花🥦、蟹柳、蟹籽，非常豐富👍🏻。🦀蟹肉忌廉可樂餅：$17正常發揮，炸物好難唔好食🤣～🍣淺炸天然黑鮪大吞拿魚腩：$12自己本身唔鐘意一嚿壽司半生熟🤣，所以覺得麻麻。但$12真係好抵，鐘意吞拿魚既朋友值得一試！🍫 🍰雙層蛋糕（生朱古力&幕絲）：$22食曬成個都唔會覺得好甜好漏，好食👍🏻！🍦牛奶雪糕配培茶幕絲：$15因為好鐘意培茶🤭，所以覺得抵食好味😋！🦀水煮松葉蟹：$17🦀🍤松葉蟹腳天婦羅：$27兩個都係覺得無咩特別🙈，性價比不太高～———————————總結：今次第一次去葵芳分店食

開左幾年還是長期排隊.今日4點無禁多人排左半個鐘有得食好開心！由於食材由日本直送，所以食材很新鮮，加上客人長期爆滿，食物都很快清空更新入貨，所以品質更新鮮！一個人浪漫壽司餐大拖羅一定要選 又厚又軟綿綿 味道新鮮拖羅蓉，入口溶化味道，加紫菜好好味少見白子 配柚子豉油 酸酸地好出色不是常見食材，有季節性的松葉蟹腳和蟹膏味道很濃郁，完全不用豉油，鮮味十足！海膽壽司新鮮，壽司郎品質很新鮮，完全放心由日本直送，由味道就可以分得出。天婦羅熱辣辣薄皮脆口2隻蝦1件茄子1件蕃薯1件青瓜1件紫穌葉薑蓉醋青魚 入口酸酸地我特別喜歡食物在電腦平板即點即製另外有一些在迴轉帶上試了凍梅酒 很多碎冰入口很甜很好味，很適合女性飲用不是很濃的酒精客人落單食物由火車送來很新鮮

下午路過新都會廣場行街，我都好鐘意過去壽司郎拎下飛睇下有冇機會可以拎倒張飛係夜晚6點幾食，但係今日下午個陣就已經有D餓，就直接一個人拎飛等左15分鐘衝左入去食下午茶。一共叫左5碟壽司。蟹柳壽司: 蟹柳食落無好散，最鐘意就係個上面個沙拉醬。吞拿魚沙律: 呢件壽司係我由細到大都勁鐘意食，加上而家極少壽司店有做，所以我去親壽司郎都會叫好多舊。三文魚軍艦: 呢個壽司相比之其他，今日比較淡味左。拖羅碎軍艦: 好抵食， $12有拖羅碎。吞拿魚壽司: 今日吞拿魚食落幾新鮮，溶雪做得幾好。Overall 今日壽司飯表現都唔錯，飯粒少少拈，醋味剛好最後食左5碟就走左。

I was about to think that I need to line up for this but to my surprise, I only have to wait for a moment. 好似話香港人好鍾意食呢間嘢，但係一直以來都排隊排到癲，所以好難想像自己會去排隊食不過試過之後又真係唔錯，感覺成個環境都好乾淨衛生，而且CP值高！其實本來諗住試佢嘅期間限定壽司，不過咁啱今次嚟到沒有，所以有少少失望啦。吞拿魚姐，系列真係好好食，suggest大家可以試吓希望下次可以再試吓其他嘅嘢啦。

🍴帆立貝壽司肥美鮮甜，夠厚肉地，無論係炙燒定係就咁原味生食，都令人回味無窮，係我最鍾意嘅壽司😚🍴特選吞拿魚腩油脂感豐盈，入口即溶無筋👍🏻特選真係比起普通好食好多，一等價錢一等貨😌🍴海膽壽司分量十足，海膽鮮甜冇腥味

今年有好多突發嘢，唔係好洗拜年，唔洗返工，有好多me time😂 我第一次係農曆年假嘅公眾假期出嚟行街食嘢，原來都好多人😂 本身諗住係網上外賣平台pick up 外賣就算，但見壽司郎比起平時少人，所以決定係到等😝 要食卡達拉娜‼️ 我3點半拎飛，等咗40分鐘左右有得入坐😎 都真係算快😂卡達拉娜 - 堂食/喺嗰度嗌拎返屋企我都覺得好好食，好高質😋 卡達拉娜比起焦糖燉蛋更厚重濃郁，奶味香濃😝 好多其他壽司店想仿效，我食咗三間都伏咗自己，所以呢嗰絕對必食😌炸水牛芝士 - 本身期望好高，但係外表唔夠脆，入面雖然好煙韌，但係未必做到預期中效果🥲 味道正常，口感麻麻😂牛奶味軟雪糕(配曲奇) - 有濃郁奶味，可以一試😎蟹柳天婦羅 - 次次嚟壽司郎都一定會嗌😂 不過我只係食蟹柳天婦羅😂 如果可以走飯仲好，點沙律醬一流😝其他壽司都冇乜特別，其他地方都有😎

frd一早拎定飛等中午收工，所以好快有的入座食。三個女仔一下就落咗好多碟壽司🍣同三份茶碗蒸出壽司嘅速度都好快，落咗單唔使幾分鐘就有的食另外個cake都一直咁出色，不過食咗十幾碟壽司之後，就只可以三個人share一塊cake，因為已經食的好飽

其實壽司郎真係成日食但都真係每間分店既質素有所不同荃灣哩間食過幾次都幾正常特別係當日既鰭邊真係烤得好出色決定打篇好評記錄下😛今日咁岩要係附近做野 想同個FD想食個飯大概6點去拎飛 再慢慢做埋野等朋友黎自問食晚餐黎講都算早拎 都大概等左90分鐘如果大家想食晚飯 真係要預早啲拎飛如果唔係餓到冇晒心情都未有得食由壽司郎岩岩黎香港第一間係佐敦既分店食到而家開左咁多間（仲係要排..最愛既都係 醬烤鰈魚鰭邊夾埋紫蘇葉一齊食真係岩岩好 食落唔會好油我平均每次都會食4-5碟 真心覺得好味又抵食個日食既 幾乎入口即溶 食完心情都好番晒因為出面唔係到到有得食 同埋價錢都差得遠仲要未必好食 有時食既咬唔爛…另一個我必食既就係茶碗蒸$19黎講 真係比足誠意入面好多料 有蝦有菇有魚旦有帆立貝有銀杏每次食完咁多生冷野黎一碗暖下個胃真係好正 因為個日唔方便食太多生野 所意熟食為主當日仲有炸雞軟骨同魷魚都好味 仲食左最近既期間限定甜品 都不錯下次有機會再試多幾款甜品先😍

壽司朗越開越多，全港九新界都有好多間不過晚市嘅時候依然係會排長龍，放工之後都冇可能會食到🤣今日預約年尾要清大假，放假又冇乜嘢做😵‍💫但係可惡嘅生理時鐘令到我朝早九點醒左已經瞓唔着。。。咁擇日不如撞日啦，就今朝去食我日思夜想既壽司朗！！！🤪冇估錯，朝早11點落到去，都係唔洗排隊，直入既😎🛎 $12 炙燒芝士三文魚我中意食生野多啲😹不過起身第一件入口既食物想係熱野，就叫左呢個～芝士算係大塊，同普通三文魚又係一樣價錢，抵到爛啦😳🛎 $12 三文魚腩有少少油脂，唔腥👍🏻唔算好厚身但都幾大片下～係我每次必叫2-3碟既壽司🛎 $12 甜蝦軍艦新餐牌冇左蝦三味🥲變左貝三味咁食個甜蝦軍艦頂下癮算🤣其實係第一次叫呢個原來沙律醬都幾夾入邊啲甜蝦份量好多，正🥰🛎 $27 特選大吞拿魚腩呢件一望落去有啲雪花紋就知油脂感爆棚一啖食曬真係好滿足🤤好新鮮仲有少少入口即融既感覺🫶🏻🫶🏻🫶🏻🛎 $12 長鰭吞拿魚唔夠喉所以叫多碟！睇得出佢係切左件吞拿魚最頭個部分俾我🤣係好似三角錐咁，幾搞笑長鰭雖然係比較平價，但佢肉質都好唸魚味亦濃👍🏻🌐 環境/服務壽司朗比起鮮選既優勝之處就係多啲熟食同埋多啲款式～唔食生野既朋友都可以一

壽司郎分店呢幾年香港開咗好多間質素比較參差有時都算新鮮有時就一般不過鍾意佢夠多選擇🍣牛奶雪糕好好食味道好似煉奶雪糕咁非常濃郁另外推介炸池魚，百鳥貝爽口大拖羅，非常香濃和牛兩食就一般，比較鞋口總括而言，不過不失啦有時都要睇運氣嗰批壽司新唔新鮮