夏茶 (已結業)

番大6飲喜茶個奶蓋就飲得多啦 系香港就真系好少試奶蓋飲品 因為聽講好多都伏伏地 不過呢間出奇地唔太甜又好飲！——————————————👉🏻芝士草莓雪沙($38)哇 一收到杯野飲 即刻打個卡先 因為粉紅色好靚😋再試下個奶蓋 奶蓋味道有少少咸又有少少甜嘅味道 飲得出有芝士成份☺️奶蓋同士多啤梨沙冰比例都好恰當 唔會話太多搞到好膩 而草莓味都好真實 完全無藥水味 比100個like佢 最重要系飲個陣仲要食到粒粒士多啤梨果肉🤪如果你話要彈嘅話就系沙冰唔系太出到 飲落去唔夠凍 不過其他方面已經加番分啦😈

元朗的飲品店開到成行成市，競爭之激烈，必定要有突圍而出之處！「夏茶」，一直在我心水之列，一場來到，誓要試過究竟！本想試其「期間限定」的芝士巨峰雪沙，殊不知巨峰售罄，唯有選擇「芝士牛油果雪沙」。由於每杯飲品，都是即點即製，所以等候時間會較長。而且用現有當造的水果去打成，確保真材實料！店內售賣特製果茶、芝士奶蓋、淳茶、奶茶和鮮果多多等，選擇頗多，價錢由廿幾至四十幾蚊不等...其杯身頗長，感覺份量頗多！白色的芝士奶蓋，配以淺綠色的牛油果，色澤分明。奶蓋層不算很厚，但濃稠剛好，與牛油果混埋一齊喝，飲到有牛油果肉，令鹹香的芝士奶蓋，多了份清新果香！

最近元朗有好多正既飲品店大至幸福堂、老虎堂（元朗廣場遲啲會有）睇中元朗係度開鋪小本經營既同樣選擇元朗起家🤟🏻質素仲唔差，殺出一條血路芋頭芋圓鮮奶 $32踏入冬天芋頭出沒！好多台式飲品店都拎芋頭出咗新飲品夏茶都唔例外呀🤩🤩🤩呢杯芋泥多到搞唔勻🤣鮮奶佢係用香港製造既鮮奶而唔同其他大部分用紅盒明治🙂芋泥芋圓都比得大方👍🏻👍🏻芋泥做得幾好，都幾香但芋圓就遜色少少個芋頭味如果再多啲就好啦🤘🏻成個鮮奶系列有好多款，真心想試晒佢🤩今個星期六日入開元朗試試佢😁好味指數：

元朗向來是新界區的美食集中地，雖然地方偏遠，但因為食物種類多，不少住市區的人都會專程去吃吃好東西。台式茶飲店在近年十分盛行，包括芝士奶蓋XX、水果茶、黑糖珍珠鮮奶等等，而元朗近大馬路就有條路叫康樂路，那兒開了一間台式茶飲店，位置都算是人流多。餐廳飲品的種類十分多，有鮮果茶、各款味道的芝士奶蓋系列、奶茶及其他沙冰類等等。另外最特別的是，除了餐牌所顯示的飲品系列，餐廳亦不時會創作一些餐牌以外的系列。芝士蜜瓜雪沙🍈.現今飲很多人都喜歡喝芝士奶蓋，而這間的芝士奶蓋就做得不是那麼好，比較稀之餘，芝士味又好像太濃而缺乏奶蓋的甜味，倒是蜜瓜冰沙好一些，有很香的蜜瓜味還有一點點的蜜瓜肉，如果夏天去喝一定倍加清甜。紫薯芋圓🍠.這款飲品應該是最近90後很喜歡的飲品，因為同時有大家喜歡的紫薯和芋圓，至於飲品方面，其實是紫薯鮮奶。飲品上有大量的紫薯紋，和鮮奶混合在一起就是紫薯鮮奶，喝的時候會吃到少許紫薯蓉。個人認為最貼心的是，店舖有提供「打卡」位，供人拍照，平時喝飲品比較少見。有一片假的小草地，還有一些小擺設和盆栽作裝飾。芝士蜜桃冰沙🍑.芝士奶蓋跟蜜瓜冰沙的一樣，比較稀之餘，芝士味又好像太濃而缺乏奶蓋的甜味。

差唔多兩個月冇黎，一直都有追蹤佢地，不時見到新品。是日喺荃灣入到黎，原本已經試左另一間新店，都堅持要黎呢度帶兩杯離開。餐牌供應芝士茶、鮮奶、雪沙、果茶、奶茶等，定價$26-38，飲品預設少甜少冰。而只有芝士茶、奶茶類可作冰度、甜度調整；可加珍珠、紅豆、愛玉、芋圓、紫薯圓、寒天等。事實上仲有好幾款，例如牛油果、香蕉鮮奶都想試，唯有等下次啦  木瓜鮮奶 $30眼睇唔覺有咁多木瓜，飲落就知確係啖啖肉，底層係輕輕壓爛嘅瓜肉，味道濃郁，瓜香肉甜，完全冇澀味。鮮奶係維記，感受唔大，最緊要不蓋木瓜風頭。貨真價實，用鮮奶就係唔同啲，飲完唔飽滯。由於冰感唔重，唔會出現愈飲愈淡嘅情況，一直係我最欣賞嘅地方。芝士菠蘿雪沙 $36菠蘿雪沙配搭芝士奶蓋，佢地家嘅奶蓋一向啱我口味，濃稠度適中，今次偏鹹一點。沙冰打得十分細滑，冰涼爽快。菠蘿一樣落足料，唔係罐頭果，只係偏甜一點。

台式飲品店開到周圍到係，好多鋪頭都主打黑糖珍珠鮮奶，反而見到呢間飲品店主打水果沙冰，再加入了人人喜愛嘅芝士奶蓋😍😍😍👍🏻難得去到元朗，當然要叫番一杯嚟試試～今次我就揀咗餐牌上冇嘅芝士奶蓋巨峰雪沙～屬於期間限定產品～$38一杯，真的有點兒貴呢～！幸好，味道唔錯到好提子味10分香濃💓💓最估唔到係雖然見到有好多提子皮，但飲落10分順滑，沙冰打到完全冇粗粒⭐️而且芝士奶蓋亦都好好味，有咸香！

第二次黎夏茶啦，款款味道都吸引！今次多左啲期間限定味道🤩🤩例如紫薯，不過我就冇揀到紫薯，但就揀咗巨峰沙冰😋😋😋［🍇香濃芝士雪沙］#芝士巨峰雪沙 $38芝士奶蓋非常濃厚🤩今次整得好杰 當我成杯倒想一次過飲到奶蓋同雪沙時啲奶蓋杰同厚到飲唔到雪沙😂😂奶蓋咸咸地 幾好味🧡見住店員用好多巨峰見到有好多提子皮打得好幼滑綿密仲好香濃巨峰味💓💓！！.📸#夏茶地址：元朗康樂路8號康樂廣場地下3號舖

系Instagram 見到呢個掛杯咁靚碌到入元朗😊原來系oreo芝士黑朱鮮奶🤗個樣都系幾靚，以朱古力做掛杯效果，同影相出黎效果都幾似嫁！😊無花無假嘅🤪🤪佢地就話系用維記牛奶🥛朱古力醬份量都幾多！所以飲落去就系一杯朱古力奶咁樣嘅🍫以我山長水又遠入到黎飲就吾會話好系好大驚喜啦😅不過值得一讚就係佢哋嘅奶蓋😊creamy帶咸香，幾高質！同佢地嘅oreo碎碎🤗但感覺上索價黎講就有啲進取啦😂

收工準時離開辦公室！路經元朗想起夏茶，一於去飲杯！試試被大力宣傳的芝士宇治抺茶。另外，也試了少見的紫薯圓！芝士宇治抹茶+紫薯圓（加少量芋圓）芝士十分香份量和濃度剛剛好！抹茶的茶味濃，幾好！是我期望的！不過味道有點像綠茶。最令人驚喜的是紫薯圓！（因為份量不夠，所以以芋圓撘夠）不會太細粒，有突出的紫薯和芋頭味，而且十分Q彈軟糯！數量也是恰到好處之前試過佢嘅金珠，不過略嫌太細粒。這杯確是好飲，不過比起鮮果系列，我覺得價錢可以平啲。除非佢用嘅係真正特濃宇治抹茶

👫食完牛腩河好口渴，見到附近有間即叫即製嘅台式飲品店，就嚟咗飲啦🙈一一一一一一一一一一一一一一#芝士草莓雪沙 <$38>成杯都係粉紅色好靚呀🥰草莓雪沙面頭鋪咗厚厚一層芝士奶蓋🍓奶蓋係草莓味，口感好creamy🤤仲食到一粒粒嘅草莓果肉添👍🏻雪沙嘅味道比較酸酸甜甜，好清新呀😆.#西瓜大滿足 <$33>雖然係用新鮮西瓜鮮榨🍉但味道相對較淡，都係雪沙出色啲😢.🔸後記：·飲品選擇繁多，有果茶、奶茶、雪沙等等一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）一一一一一一一一一一一一一一💑提提你：▪️全部飲品落單即製，需時等候💕

食完晚飯 有啲口渴就黎左叫左杯草莓冰沙同西瓜大滿足冰沙就其實無乜冰沙既感覺 味道好酸下 無化學味 唔錯西瓜大滿足就 味道偏啖 應該無乜落糖 夠哂解渴！ 佢除左西瓜味外 我仲飲到有啲花香味 我估落左茉莉花 想解渴就飲呢杯！

元朗一直人氣高企嘅飲品店—夏茶。呢杯係佢嘅人氣產品之一，叫芝士蜜桃雪沙。首先份量好足好大杯。其次芝士奶蓋好厚身，店員俾奶蓋俾得好大方，奶蓋又香又好味! 杯蓋貼心設計俾你淨飲奶蓋又得(好幸福!!)，或者淨飲雪沙都得。蜜桃雪沙味道好香，飲起上嚟好清新，飲晒成杯都唔膩。雖然以台式飲品店嚟講夏茶嘅定價都偏高，但都係物有所值嘅

之前有朋友極力推介呢間元朗小店，所以專誠黎試下。去到唔算好多人排隊，所以好快就可以落order。夏茶主打都係芝士奶蓋同埋水果茶，而我就揀左芝士草莓雪沙，朋友仔就揀左草莓芝士四季春。我地想嗌少冰少甜，但一問之下先知原來佢地本身都會少冰少甜，非常岩我地心意😗等左幾分鐘，好快就等到我地杯野，而職員亦都好細心咁教我地應該點飲杯野，呢樣值得讚。👍🏼芝士草莓雪沙係夏茶嘅No.1 推介，首先試下佢既奶蓋，好濃芝士味，仲有一粒粒嘅草莓肉，好正。而沙冰飲落口亦唔會有一大舊冰出現，整體黎講唔錯。而草莓芝士四季春，職員就教我地唔用飲管，直接飲用，草莓味溝埋茶味，又出奇地夾！下次會再黎試下其他口味！

是日星期日, 我和男朋友到元朗市中心吃完午餐, 就在附近逛一下。因為天氣炎熱, 很快便感到口渴了所以就找飲品買~ 然後我們找到了-夏茶。這間店都是主打芝士奶蓋鮮果沙冰之類的,可是我男朋友不喜歡奶類製品,所以我們挑了菠蘿雪沙($30)。因為假期嘛, 人都比較多, 所以下單之後都要等, 大概要等10分鐘才有呢~~菠蘿雪沙 ($30)這個真係很好喝! 冰都打得很碎, 不會夾雜了未打碎的大冰粒~然後每一口都濃濃清甜的菠蘿味!喝得出是用新鮮菠蘿整成的~喝的時候彷彿都吃到一點點果肉~都喜歡菠蘿的我們, 都覺得這個十分好喝呢!!尤其很多店都沒有菠蘿沙冰的~通常都只有芒果之類的~我們一定會再買來喝呀!

經常係元朗搵野食既我，今次食得太多野要搵啲野飲chill 下，雖然近排天氣涼，但係都無阻我要飲凍野！ 個Menu有好多選擇，芝士奶蓋、冰沙呀水果茶咩都有齊。都唔會飲芝士奶蓋，所以我自己都唔會想飲啲咁膩嘅嘢，今次就揀咗個香橙大滿足，買同事想有咩佢哋都係想飲下啲水果茶之類嘅嘢，所以隻隻都揀左款。三十幾蚊一杯野飲係元朗區黎講真心有少少貴既，但今次我覺得都算ok值既。佢入面果肉十足，茶味都少少突出，仲有啲啫喱，飲落去好多層次，最緊要係佢甜度適中唔會一味死甜咁，讚！