夏茶 (已結業)

今日去元朗掃街，掃街當然要是要飲飲品啦近年越來越多台灣進駐嘅飲品店，尼間亦係開了不久的其中之一來到當然要試新野啦咁多間新開已經追吾上進度人流不算多，飲品吾算平都要$30幾蚊一杯，友人點左杯《芝士蜜桃🍑雪沙，》蜜桃最近當做所以比較貴一點$38友人話味道不差但就無蜜桃果肉感覺就差左點口感了。我就點左杯《芝士宇治抹茶🍵》$33可走甜走冰，走完原來都係凍既同埋本身都好夠味仲要有好大半芝士，飲品走埋冰真係超大杯，芝士足料，抹茶味相當夠飽得來好滿足，因為抹茶同芝士都係我至愛好大杯飲極都飲吾完另外店內仲有打卡位俾大家影相好多花花

元朗嘅台式飲品鋪，開到成行成市總有一間喺左近！夏茶唔係連鎖式嗰種，佢係喺嘉城附近於是我行開街又見冇乜人排隊就黎試吓啦！🤔🤔🤔🤔最緊要係冇乜人排隊（依家啲珍珠奶茶鋪閑閑哋都等半個鐘嚇死人呢）🤔🤔🤔選擇都好多仲有得簡中杯大杯😆睇來平時應該好多人排隊佢有個指示版叫人唔好阻街😆😆😆🤣🤣🤣🤣經過一輪嘅掙扎，我決定咗試吓「Oreo  芝士黑朱鮮奶$36」，因為驚到時夜晚八點飲茶會瞓唔着😂😂😂😂😂😂😂😂首先外表來講打卡一流，有而家最興嘅「骯髒杯」紋！味道來講佢嘅芝士蓋係OK嘅！加埋Oreo 碎碎飽肚感十足！可能其他人講得夏茶超好飲，係令我有少少唔夠驚喜嘅，成杯野係不過不失啦因為都成$36 㗎😆😆😆佢最出名嘅係佢嘅茶？下次試吓佢嘅茶類飲品先☺️☺️☺️☺️

芝士奶蓋茶就飲得多，草莓芝士奶蓋四季茶都係第一次飲，我原本以為係杯茶加左粒粒草莓，但原來係芝士奶蓋撈左草莓蓉，一飲完全係有驚喜！！有芝士味得泥又唔會漏，因為草莓帶出fresh既感覺，每啖都食到粒粒草莓，另外茶味都好出好香，滿滿的幸福感！店舖仲出名飲芝士水果沙冰，但太飽了，下次都會想試試佢~等緊茶既時候俾隔離時裝店既職員趕，叫我地行開排，sorry lo, 係我地見唔到路邊有條line等拎飲品😑 不過算，揾兩餐姐

超 有 驚 喜 既 夏 茶😍住新界東既我難得入元朗 一定要試下我想飲好耐既夏茶 ‼️😋1️⃣芝士草莓雪沙 🍓 $38見其他人話芝士草莓雪沙唔係成日有🙊今日我去既時候竟然有❗️ 超 開 心😍夏茶既雪沙雖然無得調整甜度同冰 但本身已經係少甜少冰芝士咸香岩岩好 飲落好滑好light同時又有口感😳啖啖都飲到草莓果肉 真材實料👍🏻2️⃣抹茶芝士抹茶 🍵 $38召喚所有抹茶控 ‼️‼️‼️平時飲開既都係海鹽芝士 第一次飲抹茶芝士💚芝士既抹茶味夠突出 加埋抹茶做底好甘香 抹茶控一定好滿足😜

夏茶 — Oreo 黑朱芝士鮮奶 （中杯） $36去開元朗覓食，見開左唔少台式飲品店，而呢間夏茶d 飲品好似好多選擇咁，就試一試啦。甜度冰度冇得選。-面頭有芝士奶蓋&Oreo，但可能芝士奶蓋太少嘅關係，我完全飲唔到奶蓋。-飲嘅時候攪勻個底d 朱古力醬，同面頭嘅Oreo碎，飲落啖啖珍珠&Oreo，都幾好飲。-珍珠比較硬身d同幾粒d，要𡁻耐d。-雖然話甜度冇得揀，開頭飲都ok，唔會太甜，但飲左一半就會覺得好漏同好甜。回頭指數：7/10

冬天易肥夏天顯肥信義妹成日咁飲。。。。呢次唔肥都難啦！天氣熱難免想一飲再飲，消消暑氣有新店就試試吧！條人龍長到要截龍。。。。真好彩係尾二排到人多自然就等一下啦！草莓大滿足呢個絶對為愛莓人士已設，勁量的莓肉。沒有很假的藥水味，沒有很甜，有淡淡的果甜加上莓的微酸。 檸檬多愛玉檸檬加益力多加玉的組合。飲品名有種戲名的感覺，信義弟就話味道有 WD 40 的味道。。。。呢個見仁見智啦。。。。。我唔愛機油味。。。。。 鮮芒多多好 Fresh 既感覺，但芒果味唔覺好濃，味道清新。味道屬於偏淡的。說實話，信義妹寧願偏淡都好過一味加人工甜味。 百香果多多加珍珠珍珠係白珍珠，煙韌有咬口，味道唔會好甜。百香果帶微酸，配上益力多的甜，絶配呢！**本人是百香果忠實粉絲** 整體飲品味道都係偏少甜，如果喜愛多甜或想要正常甜味的朋友就記得要同店員單聲啦！地址：元朗康樂路8號康樂廣場地下3號舖

夏茶成為元朗區我最經常光顧嘅飲料店，最主要係奶蓋啱口味，加上茶有茶味，果亦夠新鮮。之前關門時間比較早，每次食完晚飯都趕唔切，而家改左營業時間，更加方便除左餐牌恆常產品，不時推出限定系列或者新品，對於限定呢兩隻字，好多人都冇乜抵抗力，對我亦很湊效。本來想試下新品oreo黑朱鮮奶，但食完烤魚感覺揀果汁類會較舒服，留待下次。西瓜類有西瓜雪沙、西瓜大滿足及芝芝瓜瓜綠三款，定價$26-36。芝芝瓜瓜綠 $36奶蓋係出色之作，夠稠身有芝味，已經講過好多次。中間為西瓜汁，之後係青霧茶底。完全唔攪拌直接飲嘅感覺好過癮，皆因茶底甘濃。入口先有茶味，後有西瓜汁嘅清新，夾雜少量果肉，最後嚐到芝士奶蓋，層次豐富。我呢幾舊西瓜好明顯唔算十分之甜，飲料清新解喝。雖然茶同西瓜確實唔算天造地設，不過作為平時好喜歡飲西瓜汁嘅人，都可以多個選擇。

試過元朗幾間飲料店，只有夏茶會回訪。開業一段時間，運作順暢，已經唔需要等好耐。週日亦都只有數人等候，之前試過兩次，都係茶類，一直好想試雪沙系列。餐牌更新了，供應果茶、多多、奶茶、雪沙、淳茶，芝士奶蓋都有幾款口味，包括海鹽、抹茶、草莓、Oreo，頗特別，定價$22-38，可加配金珠、芋頭、芝士等，選擇多。芝士蜜桃雪沙 $38芝士水果雪沙價格最高，有草莓、蜜桃、菠蘿，杯身較高，奶蓋層比例上好似唔多，但其實奶蓋做得濃稠，太厚反而膩。鐘意佢地嘅奶蓋有明顯芝士味，好似卡夫芝士咁，純沙冰無茶底，密度高，奶蓋會跟隨雪沙一同向下沉，所以一直都會飲到芝味。蜜桃味重，冇茶狼嘅咁清新。裡面亦無果肉，性價比唔算高。沙冰打得細滑，涼陣陣，不過整體偏甜，勝在夠大杯。飲過三次含奶蓋嘅產品，質素都一樣，係元朗區我唯一會回訪嘅飲料店

今日嚟到元朗與好姊妹11妹見面，11妹帶我遊元朗😍😍。今次介紹夏茶的飲品，顏系多數是粉色系列為主💐💐💐，好少女啊~👧🏻👧🏻。我哋飲雪沙呀😋😋，我要芝士草莓雪沙🍓，好粉紅色唷～而11妹就要芝士巨峰提子雪山🍇， 紫色好浪漫啊🤩🤩。味道方面，芝士奶蓋鹹鹹地又甜甜地，好香滑😆😆。草莓雪沙打得好幼細，而且好有新鮮果香味，我仲食到細少粒粒果肉添㗎😋😋。當芝士奶蓋完全混合在鮮果雪沙裡時，WoW🤤🤤更似奶昔乳酪feel，好正呀～飲到我同11妹互相對望👀👀，真係好美味囉～👍🏻入去元朗的朋友們，有機會就去試下“夏茶 ”啦～ 雖然多人幫襯，但排隊時間不耐，值得一試，不單有少女幫襯，其實男仔都多架，大家都嚟大玩少女系飲品啦，又新鮮又好味，包你會喜歡～💖💖💖💖

《#夏茶》 #食在元朗 #飲品系列📍元朗康樂路8號康樂廣場地下3號舖-🔹草莓芝士四季春 $33第一啖飲落去幾有驚喜 草莓味好出 幾特別如果太多草莓味 芝士味就冇定企😂 係同一道理而茶味黎講都四季春都唔會好濃 淡淡地嘅茶香不過都係果句 芝士份量太太太小🤷🏻‍♀️ 因為杯茶太多總括黎講係可以一試嘅 畢竟唔係好多地方有其他味嘅芝士奶蓋飲.90sfoodieshare: 7/10#芝士茶系列#草莓芝士奶蓋

其實我好中意夏茶，之前飲果幾次佢地個 🍓 草莓芝士雪沙 🍓平時整得好滐，用足料今日唔知發生咩事 好似飲緊杯水咁.......奶蓋就冇問題 一樣咁正但下面成杯野就似水，稀到不得了🙄😪 唔會係因為天氣熱而溶左，因為佢整完我即刻飲比較下上次果杯，飲左半個鐘都係咁滐。今次係飲左五分鐘就變成咁..... ‼️超級失望‼️

見有飲食界KOL大力推介，又咁岩到元朗食飯，所以就走左去買杯芝士草莓雪沙，點知伏伏地。😪星期日中午，唔使點排隊就買到，等左10分鐘到就拎到杯野飲。粉紅色的外貌就拎滿分💯啦！ 但味道就普普通通，不要expect太多。個奶蓋好水，一d都唔foamy，好似溶左咁，直程係liquid嘅狀態。 飲品名叫草莓雪沙，我估係人都expect杯野飲係似冰沙咁樣架嘛，但飲落完全唔係個回事嘅。🤔🤔係無雪沙/冰沙架。個味道就普通，質地就似士多啤梨乳酪，用「溶左嘅草莓雪糕」黎形容仲貼切。$38 唔係平🤑，所以會expect 好飲D。

每杯都係即叫即調配，所以等候時間也會比較長的！*芝士奶蓋菠蘿雪沙$36（見佢用新鮮菠蘿製作，飲落去有陣陣清新菠蘿香味，每一口也有啖啖菠蘿果肉👍🏻清新嘅消暑嘅飲品🤤）*芝士奶蓋宇治抹茶$33（茶香撲鼻，芝士比例恰到好處，每一口也是濃濃的茶香及芝士味。不會太甜，也不會太苦澀，味道剛剛好👍🏻）

每次落元朗都心思思想去買返杯黎飲😂好彩星期日都唔駛等好耐，落完單等十幾分鐘就搞掂👍🏻👍🏻芝士草莓雪沙 $38終於都飲到，仲以為過左草莓季節就無機會再飲。士多啤梨味好香，有少少奶味，好似飲緊奶昔甘。不過可惜今日杯雪沙唔夠冰(定溶左？🙈)，水左啲，如果多啲冰就perfect了。之前飲過蜜桃雪沙，夠冰真係好好多家!!芝士茫茫綠 $38茫果係新鮮果肉製，唔係用糖水溝👍🏻 今日個芝士好好飲，因為上一次飲覺得咸左啲。可能配茫果夠甜中和返🤔 芝士菠蘿雪沙 $38其實呢間有唔同既鮮果雪沙飲，試過幾款都好好飲。而且隔唔中有限定款，用返當造生果黎整飲品，所以飲左幾次都未厭😜純青霧加金珠 $22+4即係綠茶加珍珠。唔係平時食開既黑糖珍珠，再透明一啲。不過食落無乜味，但勝在尚算有咬口，不過我覺得都係水果茶岀色啲😋

草莓芝士奶蓋四季春($33)雖然價錢都唔平，不過真係夠大杯又幾好飲😍平時飲淨芝士奶蓋滯左可以試下水果味既芝士奶蓋！個草莓芝士奶蓋幾唔錯，士多啤梨味唔係好假個啲化學野溝出黎，係真係香士多啤梨味，真材實料，而且仲有士多啤梨果粒添架！🍓🍓 當堂fresh哂😛不過就略嫌士多啤梨味蓋過左芝士味，芝士味唔算好濃郁，但係都有芝士咸香同埋奶泡打得細滑🙌🏻真係幾好飲，一啲都唔覺得滯。飲過奶蓋就到茶底喇，茶底唔係好淡無茶味既茶，唔會飲到最後比啲冰溝淡哂。最後值得一提，成杯野都唔覺得太甜，等於一般台式飲品少甜，抵讚😍-我決定左要encore啦，好多野都想試 ，例如oero芝士奶蓋、海鹽芝士奶蓋、芝士芒果雪沙etc.. 🤤🤤🤤支持小店🤚🏻