夏銘記 (已結業)

中學位於何文田區，成日去以前勝利道的夏銘記。以前好鐘意食，魚旦，牛腩，樣樣都唔差，覺得好好味，中午同放學去都水洩不通。n年後的那天，再去。無左好好味個種感覺喇，醫肚都仲ok。係自己要求高左，定佢變得唔夠快呢？

工作需要黎到油麻地就決定一試叫左紫菜魚三味麵紫菜洗得好乾淨,好好味三味有墨魚丸,魚蛋同魚餃墨魚丸最好味彈牙又有好濃墨魚味魚蛋雖然有魚味但太淋唔彈牙唔o岩口味魚餃勝在大大隻皮唔會油淋淋中間既肉亦唔油但味道一般麵仲有好大陣醶水味

今日又去幫襯...照舊係食魚蛋河加魚皮...魚蛋依舊係老水準，冇加爽粉，口感鬆軟，淡淡嘅魚味，有另一番味道...魚皮脆ト卜...始終與別不同...

小時候家住何文田勝利道，常有機會到『夏銘記』。不覺怎樣，後來知道原來佢都好出名。突然有一天再路過，發覺鋪頭不見了，有點惘然。今日去油麻地睇「耳聾」，發現原來『夏銘記』搬左去駿發花園，於是走入去找尋童年回憶。叫左一碗「魚片雲吞河」($17)。哇！唔係嘛，差成咁？！？！3粒雲吞，雲吞不單唔熱，D雲吞皮重疊的部份直頭冇煮開！3片魚片，D魚片都算OK，幾有魚味。D河粉and 個湯底就最差，個湯完全無味，簡直就係白滾水！河粉亦冇特別。最後，我只食左D雲吞同D魚片，食剩晒D河粉。我想我大概以後不會再去幫襯了…

我試了魚蛋河：魚蛋有魚味，ok啦，但魚片真係唔太好食，河粉滑但湯底較淡。我想我不會再來了。

味道：魚皮餃- 一般魚旦-　唔彈牙，但有魚味其他丸- 唔彈牙，似不大新鮮鮮蝦雲吞- 蝦一點也不鮮美紫菜- 有沙炸魚皮- 脆，但淡淡的河粉-頗滑總結- 無甚特別，味道一般，不會再光顧價錢：紫菜四寶河：$24雲吞麵+ 魚皮餃：$24註：與同類餐廳比較算是十分潔淨。

去親夏銘記，一定會叫魚皮餃，冇其他店舖可比，魚旦反而我覺得太淋

看完music and lyrics，再來食魚餃魚蛋河+腩汁菜心--今次河粉加了腩汁，十分好味!魚蛋鬆軟魚味濃郁，魚餃依然正斗~

我是BC insight member...當然經常到BC看戲，可是壓根兒沒想過走進夏銘記醫肚，可能它的位置毫不起眼。看openrice的食評才知自己走寶!昨天雖然剛吃飯，還是禁不著登門一試。點了一碗魚餃河...從未吃過如此美味的魚皮餃，河粉亦爽滑。下回一定試試其他的魚四寶!伙記阿叔都很友善，看見我守在BC門外等進場，還跟我打招呼呢。

上星期六,收工去油麻地剪頭髮過年,去到都成430,所以同肥B去試下呢間,近髮型屋嘛,又因為肥Ｂ勁鐘意食粉麵關係，好彩都有經過頭,所以唔算難搵,我叫魚旦可同雲吞牛肚河,再加腩汁芥蘭, 魚旦唔似平時食開魚旦,好"林",肥B話OK,但我唔係好食到魚味,雲吞都多蝦.不過唔新鮮,牛肚"林",都入味,腩汁芥蘭,腩汁都夠香,芥蘭都林,OK, 全部我覺得個湯最正,雖然都有D味精,但都夠甜,不過下次真係唔會專登走去幫襯囉!

個人認為，這裏的魚皮餃是我吃過最好吃的。同意，可口彈牙的魚蛋，就不少店舖也做到；但魚皮餃就較少。不少老店魚蛋精彩就精彩了，可是魚皮餃就總是差一點。但夏銘記不同，魚蛋精彩，魚皮餃亦同樣可口；內裏不是獨沽一味的魚皮，還有點葱花吊味，所以吃下去感覺沒有太油膩，那些鮮味剛剛好，還有些滲在厚度適中又煙"un"的餃皮上，咬下去還有少少湯汁，真的不錯。如果你喜歡魚皮餃，這是你一定要去的地方；唯一不能算最好，就是他們的河粉未有至非常爽口的程度，面也不是吃過最好的面-- 雖然已經算水準之上。

自夏銘記年前被"逼遷"之後,搬到與BC為鄰,但每一次去BC吸取靈氣,也擦身而過.又去Kubrick打書釘,順便與這個很久不見的朋友重逢.來一碗魚蛋麵,全因河粉買清.沒有相干,我旨在唱魚蛋歌.魚蛋用幾多種魚肉打成,並非為這個食評的課題.只是外型搓得有點不規的魚蛋,魚味濃郁,很鮮,沒有半點碎骨,或任何異味.質感非常彈牙,仍然很有生命力.其魚片是否有譽滿全城之級數,小弟不敢講.但亦很高水準.炸魚皮比外間的更薄身,待上一段日子依舊香脆.有內涵的老店,如今年便踏入十一年的百老匯電影中心,很有意思.還記得當年睇Dance in the dark,Bjork走上人生最後的107步,散場後妳在我懷內痛哭嘛?

20070105離看戲還有半個鐘，權衡一下之後，與honey決定往隔壁簡單吃碗面算數。附近幾條街上都人影稀疏，但店裏的人流還好，想必多少都有托戲院之福，近水樓臺：）一進門已經見到可供外賣的新鮮魚旦魚片，有些專業的樣子……儘管一試：一碗魚旦魚片河，一碗紫菜三寶面（計有墨魚丸、魚皮餃等），外加一碟芥蘭全走。須臾已經可以開餐，夾一粒魚旦，細細品嘗，也算彈牙，有魚香；魚片就普通一點。再吃河粉，哇，魚旦河這種東西本已是極清淡的了，今天的廚師變本加厲，湯裏粉裏索性連一點鹽味都欠奉：）還好，我本來就吃得清，所以也不覺什麼：）另外吃了對面碗裏的半隻墨魚丸與一隻魚皮餃，前者香甜異常，值得推介；後者略嫌太油。腸胃熨帖了，也剛好夠鐘進場，今晚是《我愛巴黎》：）

其實佢地最好味的辣椒油, 千萬不要貪心, 落一滴就夠了喜歡的話, 還可以買一樽回家慢慢歎!盛惠13元一樽.

廿蚊淨紫菜雙丸, 魚蛋及牛丸各四粒, 味道不太好, 也不太差。魚蛋好吃的店舖多的是, 此店的, 僅一般。牛丸比魚蛋好d, 有淡淡的牛味, 個人都係比較喜歡牛味較重的牛筋丸, 雖然此味無乜幾檔出色。整體最好的是紫菜, 無沙, 份量多, 索埋清清無味精的湯底, 還有我最喜歡的切得細細的蔥花, 感覺清清地, 都唔錯。三寶河中試食了一粒墨丸, 幾鮮的墨魚味, 比牛丸好味一個層次。又到食芥蘭的時候。芥蘭濃甜無渣, 大大碟, 真材實料, 收費合理, 就是老店屈在駿發花園仍爆場的原因。睇到人家的撈麵, 煞是吸引, 最衰自己唔爭氣。此穩打穩扎的老店, 總比街上千篇的律的餐好。因為就近電影院, 相信幫襯的機會仍多的, 始終抵得來味道不錯。選擇錯的, 是活地亞倫的"scoop"。