夏雪 (已結業)

粉紅色頭髮個女職員，朝早得佢一個喺舖，嗰時一個客都無，我坐低咗無理過我。自己搵menu，睇完問佢係咪職員可唔可以幫我落單，原來阻住佢打機，黑我面同用我完全聽唔到嘅聲線問我要乜，之後入個open kitchen呯門。整好份嘢出嚟仲大大聲丟落張檯。不知所謂。唔想做唔好做。

識食一定食小店，旁晚黎到大圍搵朋友吹水，天氣又熱辣辣，梗係食甜品啦！經過一間叫夏雪既甜品鋪，第一時間都係search下佢有咩出名先😂原來係窩夫，又開正我果飯🤤雖然門面細細，但入到去都頗大，仲有二樓添！我地一人叫左一份，份量都算多，食完又要努力減肥😪先黎既係「魔鬼窩夫」，鍾意朱古力既朋友，一定唔可以錯過，窩夫上面分別有心太軟及朱古力雪糕，吸睛之如，簡直係多重享受😍而紫薯窩夫上面就配有雪糕，開頭以為係雲呢拿雪糕，點知驚喜出現，原來係豆腐味雪糕🤩🤩🤩但驚喜又點止咁少，窩夫入面竟然夾雜住紫薯餡🤩對紫薯控黎講，簡直係大大大大滿呀👍🏻👍🏻下次有機會定要再去試試其他味😎支持小店

呢間野好出名食甜品！呢個系抺茶控必食既綠茶特盛！因為佢好濃好香！而且紅豆煮到好淋身，又唔會太甜，同個抹茶好夾，唔會搶左主角既風頭！紫薯既味道真系其他甜品取代唔到！窩夫好多甜品鋪都會做得唔好食，會好乾，但呢間脆脆地同個紫薯好夾好好食！

今日即興同朋友下午出嚟傾吓計食一吓Tea😋最後就去咗大圍呢間「夏雪」❄️呢間店應該係主打甜品嘅，但都有啲輕食。店內環境裝修都舒服。下午嚟唔算多人，靜靜哋都幾Chill~ 😚😚輕食嘅Menu就應該得呢頁～🔸All Day Breakfast 🔸($108)All day breakfast 好豐富😋🔹窩夫（忌廉芝士醬）🔹香腸🔹炒啡菇🔹煙肉🔹茄汁豆🔹焗薯🔹炒蛋🔹煙三文魚🔹沙津菜一開始見all day breakfast 有窩夫覺得有啲怪，但原來窩夫整得好好味，外脆內軟甜甜哋，好有驚喜🥳其他嘅配料質素亦都幾好，食得好開心😋😋🔸炒蛋牛角包🔸（$48）呢個係朋友叫嘅，佢話都幾好味😂😂

又到大圍覓食....夏雪cafe....是晚來到快食晚餐....點了English Breakfast...wow很豐富....有鬆軟的waffles....有一小舊cream cheese用來點waffles或者配沙律吃...本身沙律已配了一個柚子汁...酸甜的很開胃！不過蛋就不是我理想中的滑蛋...其他的腸、煙肉、菇都正正常常...沒大失望！ 到咖啡...因為愛上dirty...令我周圍試不同的dirty...但夏雪的dirty讓我是失望的..因為面層的espresso很容易就穿過了底層的奶..讓這層半污染奶層的dirty沒了....打散了...渴不到兩者一暖一凍撞入口中的分別...😭

好少去大圍嗰邊行，今次難得過去當然要食埋個甜品先走啦👅👅.#雜苺窩夫 $60這間店的窩夫甜品賣相都幾靚，而且份量也誠意十足，足足有兩大舊。😍而且佢會幫你切好一開二咁上碟，方便客人食用。💕窩夫的味道都不錯，熱辣辣的窩夫應該是即叫即整的，而且會加上少量煉奶調味，正😆😆美中不足的是雜苺窩夫的水果較少，只有兩粒藍莓和大約一個士多啤梨既切片😭😭呢個有少少失望。.🏠夏雪 (大圍)大圍積富街31號益富閣地下3號舖

見個fd喺ig post左靚靚waffle相心思思又去坐下hea返個幾鐘先.>綠茶窩夫 (HKD68)賣相勁靚😍, 成件都係綠茶🍵味嘅窩夫配紅豆味道好夾, 外脆內軟, 綠茶雪糕夠哂香濃. >紫薯窩夫 (HKD88)好香嘅紫薯味呀, 係紫薯夾心嘅窩夫, 細細粒日本紫薯味道好濃, 蜜瓜多汁清甜, 高成本製作.>Latte (HKD38)靚靚拉花latte, 見到cafe嘅牆身以至menu都有各種咖啡嘅奶,啡比例同介紹, 都知道店家選用嘅咖啡☕️豆必屬高質, 杯latte比一般嘅香, 味道濃郁但唔係令人訓唔著嗰種, 推介!>Ginger Latte (HKD38)>

大圍都幾多小店 今次黎到呢間食甜品嘅夏雪試下佢地比較多人推介嘅waffle鋪頭裝修幾骨緻 睇落似係年輕人經營嘅鋪頭 嗌咗兩款waffle 分別係earl grey同紫薯 佢地嘅紫薯味waffle都幾出名架 waffle中間夾咗啲紫薯蓉 食落好滿足呀雪糕可以自己揀味 我揀咗豆腐味 都幾清甜 配合比較租嘅紫薯都幾perfect match! 另外 earl grey味都唔錯 係茶味比較濃個隻 無咩甜味 所以鐘意茶味而麻麻地太甜嘅朋友可以揀呢款試下！ 順帶一提 呢到waffle定價都唔平架 而且唔算話好有服務可言 店員都唔會好理你咁 又未至於無禮貌嘅 都可以黎試下

以前住大圍附近 經常光顧附近的糖水店 今天又經過附近 便再來重遊舊地環境沒有多大變動 雖少但環境不錯食物也保持一貫水準可是 侍應的態度卻變得非常差進來說人數後在門口等 侍應在外面拿椅子進來 經過我們時也沒說讓讓直接撞開我們我也明白可能是我們阻著門口而有些不滿進來後 （當時客人不多）等了一會才有人收拾上手的餐碟 也沒有抹桌子 上面滿是窩夫和蛋糕碎點餐後 上甜品時 突然在我耳旁大聲叫 ‘唔該 心太軟’ 嚇得我心離一離可能今天是假期要上班而心情有點差 可是再差也不該這樣發泄吧公道來說味道還可 價錢小貴 但經過這次經歷後我是決定不會再來的

想食甜品，但又想食啲特別啲唔淨係一碗碗既糖水，可以試下呢間夏雪。甜品好講求賣相，而佢既賣相都做得好好，砌得好靚。呢間唔係食一般既甜品，而係會將幾樣野match埋一齊。今次我就叫咗個紫薯waffle，waffle 外脆內軟，不過我覺得如果可以厚少少食得返麵包既感覺就更好，紫薯味都可以重啲。心太軟就差咗啲流心同埋都一樣可以再重啲紫薯味。雪糕球就⋯真係唔太好食啦因為唔係creamy果啲，而係雪糕球冰咗係冰箱果種，似冰多過似雪糕。不過呢個甜品主角唔係佢就算啦。係間食新式甜品既鋪頭，叫雪糕梗係唔會就咁比個雪糕你。當日仲叫咗比利時朱古力雪糕，配埋一杯小朱古力淋上面。呢杯朱古力雪糕就出色得多，幼滑又有香濃朱古力味。

這間店就在住所附近，是平時我經常去的餐廳之一。我叫了這個all day green breakfast 食，是專給素食者的。份量適中，有時我會覺得可以大份點，因為我經常當brunch 甘食。All day green breakfast有茄汁豆，生果，牛油果，一個細薯泥，一團蔬菜，還有一塊完整的窩夫。平日食會比較抵，因為可包茶喝。相反假日則定價較高，而且不包飲品。我覺得性價比中等，我都是平日去的！另外我有時也會叫那個朱古力窩夫食，那個就是王牌了。

見到openrice 咁多好評就去試下，點知中伏。一入去已經見到成個地污糟到嘔，條樓充滿麈同黑色點點，再準備坐之際見到有隻大強喺樓梯旁冇員工肯執，之後先有個勁黑面嘅員工噴勁多殺他死，之後掃走咗。其實已經唔想食，但其他人想試下，成個環境真係好污糟，員工就全部喺度玩電話真係好搞笑，唔係投訴只係覺得個畫面幾好笑。Waffle個樣係靚仔，可惜好難食！

一向都好認同「食甜品係用另一個胃」呢番說話😂話說今日同女朋友食完飯，佢明明話飽到就嚟反胃，咁好啦😂於是我哋散下步先返屋企啦，點知我哋經過夏雪，女朋友又話想食甜品喎😂😂😂🌚夏雪我哋之前其實都已經食過，甜品出色，價錢合理🥰一如以往，我地叫左份Waffle黎share食💓我哋通常最鍾意就係叫呢隻香蕉朱古力窩夫，本人覺得朱古力同香蕉真係好夾，點解佢哋嘅窩夫有少少朱古力流心，好好食，而且咬落去仲好脆添，身為拌碟嘅香蕉都唔簡單㗎，一邊嘅香蕉就落左d朱古力粉，另一邊嘅香蕉上面就有一層焦糖，睇得出店主好用心咁整甜品。值得一試！！！！

黎到大圍食完手撕雞，梗係要食個甜品做個總結啦。夏雪係一個住大圍嘅朋友起recommend 我食嘅，佢極力推薦我地食waffle，一個waffle兩個分。最重要係無最低消費嘛🤣🤣✨坐咗入去，就好似去咗台灣嘅cafe咁，好令🤤🤤仲要有靚仔waiter serve，簡直係觀感一流😍✨餐牌上面寫咗店主佢地嘅創業故事，諗起一班男仔整甜品，真係加哂分呀😍😍✨今次我地嗌咗紫薯waffle，雖然價錢要成$88，但係物超所值！ 紫薯waffle入而fill哂紫薯泥，完全唔漏。加埋豆腐雪糕同甜甜嘅哈蜜瓜就好似翻咗去日本咁🤤🤤🤤 ✨唔好忘記呀，隔離仲有兩粒紫薯BB等梗你😍😍 ✨本來，我地只係嗌咗個waffle 。但實在唔夠喉啦，我地嗌多咗個tiramisu 黎食。 ✨tiramisu 超級滑，咖啡酒味好，而且唔會好甜。我超級好奇餅底係用咩整，因為我食唔出😂😂✨最後，咖啡碎朱古力雪糕。唔知雪糕係handmade定點，我覺得咖啡味好夠濃但亦都無搶走碎朱古力嘅味🤤🤤🤤

🚩大圍🍰夏雪-雖然貴 但又好好食好想encore嘅高質甜品店🤤❤️-🍫魔鬼窩夫$108擺盤好靚!! 即刻相機食先 甜品有兩個朱古力窩夫 上面各自有心太軟同朱古力雪糕 啖啖朱古力 夜晚食真係好魔鬼👹窩夫烤到外脆內軟 即使有雪糕係面都冇淋到 心太軟更加係畫龍點睛 好爆漿好朱古力 好食到停唔到口!!! 🤤本身窩夫加雪糕一齊食已經冰火交融 再加上心太軟 係冰火交融2.0 好好食 完全滿足到我呢個朱古力and甜品控💕-🍠紫薯窩夫 $88窩夫繼續外脆內鬆化 仲要夾左紫薯蓉!! 如果唔夠甜 仲提供左蜜糖俾客人自行添加 豆腐口味嘅雪糕有豆香又清新 配上紫薯窩夫 又一個滿足味蕾嘅配搭💕 唯一唔明係點解配哈蜜瓜😂-🍵抹茶特盛 $108絕對係日式和風感覺 蕨餅白玉丸子煙韌軟糯 仲有香甜嘅紅豆蓉 同抹茶真係最佳配搭!! 重點係個抹茶心太軟 超級流心!!! 茶味濃而帶甘香 非抹茶控但都覺得呢個超讚!!!🤤❤️-真係好好食 貴 但同朋友share 感覺食咗好多樣又抵番 雖然唔多去大圍 但有機會好想再試下佢其他產品!! 紫薯心太軟同埋伯爵窩夫🤤🤤-🚩舔舔脷：8.5/10🚩價錢💰：7/10🚩回頭度：8/10