夏雪 (已結業)

同朋友食完個light dinner 想食甜品，就去了呢間夏雪，朋友之前黎過話幾好呢度有兩層，未上過去，但就聽到幾嘈下，可能因為有人包場叫咗綠茶窩夫同朱古力窩夫share可能人較多，點餐後大約要等二十分鐘等候時間。抹茶窩夫新鮮整好，暖暖地，外脆內軟配料都幾多有紅豆，jelly, 白玉等等！可以加少少錢加紅豆餡~幸好沒有加。。應該會太甜朱古力呢個相對比較遜色@@唔係幾脆。。口感無咁好Overall, waffle 都算大份，價格合理~

同親朋友出去食飯，都一定會再去食甜品！因為想見奈啲，傾多啲計！見到呢到啲相好吸引就入去試試啦！入到去見到menu款款都好想食，但又見好好大碟，我一定食唔晒！但最後都係同朋友一人一碟！呢到有個服務員冇咩禮貌，好似唔想理您咁！但係另一個又好好，多謝前多謝後！但佢既招牌窩夫真係好正 ！真係即叫即整夠熱， 加埋雪糕外脆內軟仲有啲生果伴碟，怕甜既可以叫佢地找拎水不錯不錯！平均價值係$49-89！都係正常價錢，值得一試！

早前佢地搞甜品放題既時候已經想試 搭個幾鐘車黎到見到既係長長既人龍 而排隊既人係較早前已經黎攞左飛 未攞飛既話只能等人no show汁雞 最後只能遺憾離開🤦🏻‍♂️呢日咁岩黎開大圍呢頭 就諗起要黎試一試佢地既甜品 甜品放題活動已經結束 只能夠單點 呢到甜品既定價比其他甜品鋪貴一截 見反正樣樣都唔平 又山長水遠出到黎 叫左個最貴既抹茶特盛 ($108) 黎到見賣相幾靚 當然要相機食先 成個set有綠茶心太軟 綠茶蕨餅同啫喱 綠茶雪糕 燒餅同丸子🍡 再配一杯玄米茶🍵 整體味道黎講唔錯既 但感覺未好食到值呢個價 始終百幾蚊係出面應該可以叫到兩個甜品 所以試過一次就夠了👋🏻

好好味的甜品，不過我無食到。入到門口男職員見我地一行十幾人，已經約法三章，一人消費一個(我都唔話我地唔叫)，見到我地有小朋友，就叫我地唔好咁過分(小朋友都未開始嘈，咁過分啲咩？)，再嚟多次叫佢地唔好咁嘈(都真係未嘈)，第三次拍埋手大聲叫啲小朋友唔好嘈(都確係未嘈喎)，好嘢，拉隊走人。未坐低食已經請我地食到一肚氣。今時今日咁嘅服務態度，幾好食都假啦。大人都可以嘈㗎，見小朋友就未嘈先抦，真有遠見。

夏雪最好味的心太軟有好多味道 有紫薯，mocha同朱古力味揀叫左兩個share,一個朱古力心太軟已經好full, 仲有窩夫四件 唔食晚飯都飽左心太軟剛剛好 純粹個人喜好，如果朱古力苦點會更好另外叫了mocha 樣樣都有點 有綠茶丸子 我至愛食到膩飲返杯綠茶就好好多甜品好大份呢放工至愛

星期日想剪頭髮，早了到大圍，未夠鍾又未吃lunch，於是想找間餐廳食下野。看到這家店裝潢好像不錯，就進了去。本身想安靜找個地方吃lunch，但點知，Cafe 的格局，進去是茶樓的氣氛，有點嘈雜。畢竟假日，可能也很難避免點了客沙律，苦等大半個小時後，終於來了😂。份量尚算多，但沙律醋嚴重不足，只有幾滴，要叫店員額外拿過來。蔬菜水果不算新鮮，不爽口很淋，顏色甚至有點暗啞，當中哈蜜瓜更加味道上很煤。希望餐廳可以正視問題，期望下次到來之時，質素會有改善。

平時晏晝成日飯食米線, 食得耐都悶喇~聽人講呢間甜品店有BRUNCH食, 遠少少都黎試下入到去晏晝時間其實無咩人, 座位安排都幾闊落, 仲有2樓TIM我叫左個煙三文魚窩夫, 原來係2個窩夫中間夾住D三文魚窩夫都幾脆下~  2大舊食落其實都好飽喇三文魚都幾厚身, 啖啖都食到~~好可惜既係等既時間比較耐, 不過即整既都可以體諒!同埋食食下好熱, 原來無開哂D冷氣, 要叫店員開先通風D細佬易出汗食到滿頭大汗都幾好笑HAHAHAHA

.夏日熱辣辣，今次去食waffle，waffle控必睇同分享。.去大圍食夏雪，佢位於積富街，大部分美食都係果條街，唔難搵嘅。店內牆身有啲sketches同posters，簡單得黎又幾舒服。.依間甜品舖有好多口味，例如綠茶、紫薯、朱古力、雜莓、黑芝麻、伯爵...重有好多飲品。今次食依個魔鬼窩夫其實夠兩個人一齊食。擺得靚之餘，waffle算係厚身，唔會太軟太硬，而且朱古力味都幾夠。心太軟濃厚嘅朱古力，為成個甜品起左加乘嘅作用！真係perfect match！另外心太軟夠晒流心，一用叉吉落去入面嘅漿就流晒出黎，仲有雪糕都好軟滑。下次會再去食。

一行二人嚟到呢間西式甜品店，其實喺地鐵站附近唔難搵，之前食過西環嗰間，今次黎到大圍。伯爵茶窩夫配雪糕窩夫非常之鬆脆，而且切好4分，容易入口。加上伯爵茶醬，好似係加入左少量酒，十分之香甜，不過偏甜左少少。建議點汁嚟食唔好倒落去。雪糕方面叫咗伯爵茶味道，溶得好快。整體來講其實好大份，適合同朋友分享一齊食。雪糕仲可以加錢換其他口味嘅。

喺隔離食完茶餐廳式越南菜做晚餐就行咗去夏雪食朋友好鍾意食嘅伯爵茶窩夫。希望好食可以補償下。夏雪招呼麻麻。落雨濕濕坐低冷氣大到痴線想調位都唔得。做嘢只求方便自己，唔為客人餐飲經驗設想。做侍應嘅年輕人要學習下多啲留意客人嘅需要先可以再去啲高級餐廳或酒店做侍應。 暑期工先會落完單聚埋一齊傾偈。希望香港各行各業的人都自我提升一下。入正題食物水準係可以的， 窩夫係熱同脆嘅，亦都有伯爵茶味，可惜灑在窩夫上面嘅茶葉實在太大塊，食嘅時候非常影響口感，每次咬到都要吐返出嚟，好唔方便。其實個窩夫已經有足夠嘅茶味就唔需要畫公仔畫出腸起個碟上面係咁灑原條茶葉。如果真係要用茶葉做飾面或者增強茶味，大部份有造西點經驗嘅人都會將茶葉打成茶粉。防止茶葉起口入面打渣。希望之後有改善。雪糕嘅伯爵茶味係好濃既，為窩夫大大加分。燒菠蘿好食，表面仲有一層焦糖，菠蘿品質不錯香甜多汁。菠蘿配伯爵茶唔算係絕配，但係兩個分開食都幾好味。一份窩夫差不多要＄90有啲貴。不過加左新鮮菠蘿可以理解成本有返咁上下。雖然今次因為太過凍，急急腳食完就走。但夏雪畢竟係大圍區入面選擇比較多，各類甜品嘢飲都不過不失嘅鋪頭希望佢繼續努力唔好執笠。繼續努力。

朋友帶我黎食，我就揀左我最中意既抹茶特盛 $108!!係抹茶味既心太軟，比較少見，平時都係食朱古力味～呢個抹茶味心太軟都好流心，我認味抹茶味帶甘，幾好味，不過我就覺得熱香餅有D　dry呀~~~~仲有叫多個皇家伯爵窩夫!!老實講，我覺得有D貴，$90好似唔係太值，但食完覺得好正～特別佢個雪糕，係伯爵茶味，夠晒特別，茶味都好濃！窩夫好夠脆，但我覺得如果入面會有餡就更加驚喜～另外要讚下個菠蘿，輕輕一燒，菠蘿又多汁～

大約下午兩點鐘，與朋友相約在大圍，就是要去潮聖一下夏雪夏雪的位置比較偏僻，但從地鐵站走過來不用五分鐘夏雪分有兩層，全店大概可以容納50人當日店內不是很多人，我們被安排坐在低層。環境舒服簡單這個抹茶特盛端過來時，我和朋友都被它美哭了抹茶心太軟十分好吃，輕輕用刀切開，抹茶溶液便馬上熱騰騰的流出，十分香甜配合旁邊的抹茶雪糕，冰火交融，對味覺帶來衝擊，十分合配小丸子有口感，班戟可以配合糖漿吃這個紫薯窩夫烤得外脆內軟，哈蜜瓜也十分甜，唯獨是雪糕過硬，影響口感三色雪芭味道麻麻，味道偏酸這個朱古力心太軟窩夫也很好吃心太軟非常流心

🔹抹茶。特盛 $108叫得特盛，真係包羅萬有: 抹茶蕨餅、抹茶啫哩、抹茶雪糕、抹茶丸子、抹茶心太軟，好多抹茶呀!!身為抹茶控見到呢個點忍💚💚.剩係抹茶又點夠，一定要配埋同抹茶最夾既紅豆同白玉丸子，再加上比較少見既銅鑼燒，味道上夾得黎，整個甜品既美觀度大大加分。.咁個抹茶特盛每樣野都有啲，唔同口感都有得試下，而且抹茶味夠濃，尤其係個抹茶心太軟。.驚抹茶太苦，或者丸子太淡都唔怕，佢地配左一瓶黑蜜畀大家，可以自由調節合適口味。.最後食完仲有杯玄米茶作結，好和風阿。.🔹 珍寶 All Day Summer 配 免費咖啡 $108All Day Summer 其實就係有窩夫既All Day Breakfast。叫得珍寶，配料真係相當多，可惜當日佢地腸仔賣晒，不過佢地都好有心機，換左塊煙肉同平時無既厚切大蕃茄，幫我地砌返靚佢。.個窩夫外皮勁脆又重蛋香味，配cream cheese食，咸咸地，好食呀。個大啡菇juice得黎，口感爽爽地，唔會好淋。.總結: 好多野都玩大堆頭，岩晒我呢啲咩都想試下同選擇困難既人.🚨夜晚係無咸食供應架，想食就要早啲去

大圍超有水準既甜品咖啡店！要一再encore ! 閒日晚上十點前入座，果陣人吾多，不過到左十點多就愈黎愈多人，有兩層的，個場都好旺呀👍🏼.我地揀左竹炭黑芝麻窩夫 $68值好像窩夫夠脆身👍🏼👍🏼食到黑芝麻味，最正係有好多黑芝麻漿，好濃郁的！🤤 倒落窩夫上一齊食超正呀！😍👏🏻 雪糕原來係椰子味架，估佢吾到，幾特別，椰奶味香濃，係個小驚喜☺️.抹茶特盛 $108賣相好吸引！抹茶控大愛呀！！❤️個抹茶心太軟好好味，軟心的，今日食就冇流心，不過都冇減到分，味道補上😋 配上最夾既紅豆同小丸子！😍 不過蕨餅就麻麻地，個口感吾夠煙韌。食到咁上下飲番杯日本茶中和番個味，吾洗令個口入面愈食愈甜😆.Affogato Green Tea綠茶阿芙佳朵 $48特濃既抹茶倒入味道都係好濃郁既抹茶雪糕上，好正呀！比想像中好食🤤雪糕上，好正呀！比想像中好食🤤

上星期同男朋友同埋佢媽媽細佬落左屋企樓下呢間夏雪食BRUNCH之前聽人講呢間甜品店有意粉食入到去餐廳無啊, 細問之下發現原來係因為MENU轉左我地今次既MENU係一D牛角包系列同咸點窩夫系列我叫左個煙3文魚牛角包比我想像中大個好多啊烤到脆卜卜, 而煙3魚唔只一塊, 係舖到你啖啖都食到肉架呢個配搭好夾我好鍾意啊~另外叫左個牛油果煙三魚窩夫，熱辣辣整起既窩夫好脆啊牛油果係一片片既，我本身以為係蓉配埋煙三文魚，牛油果中和左少少魚肉味清新一d再叫多個珍寶窩夫，好似all day breakfast咁，男生們食埋呢個就真係飽喇煙肉，大菇，茄汁豆個d都齊哂配左杯咖啡，不過不失不過另外叫左紫薯鮮奶，紫薯味非常突出，推介