夏麵館 (新都城中心二期)

营业中

休息中

2023年美食攻略將軍澳美食攻略2023 上海菜館 夏麵館今日2個人食飯,係寶林新都城搵到呢間食小炒小菜既餐廳先黎一碗酸辣湯,小籠包,蔥爆牛肉,排骨菜飯銀絲卷,炸上,練奶先上酸辣湯,足料而帶點辣味好飲,開胃本來成身汗無咩胃口,飲完就OK曬接住係小炒既蔥爆牛肉,牛肉鮮嫩口感滑,大量既蔥口感獨特,拌飯食一流小籠湯包夠多汁,皮身夠薄,可以先吸湯,再食皮再食肉菜飯多菜,排骨即係豬扒,夠脆身最後甜品係銀絲卷,炸到脆口再點練奶食,一流味道!!#XiaMianGuan #上海菜 #中菜 #蟹粉 #鮮蟹粉專門店 #Shanghaicuisine #Chinesecuisine評分8/10消費$300夏麵館 (新都城中心二期) Xia Mian Guan (MCP CENTRAL)將軍澳欣景路8號新都城中心二期2樓2013號舖Shop 2013, 2/F, MCP CENTRAL (Phase II), 8 Yan King Road, Tseung Kwan O

好想食小籠包，醒起新都城有間#夏麵館，之前食過都唔錯，就即興去開餐囉☺️。蟹粉小籠包，即叫即蒸熱辣辣，皮薄餡料飽滿，肉汁滿滿的，點埋醋食更可口。喜愛吃蛋的我哋叫咗夏味燻蛋，燻蛋的蛋黃是流心的很美味😋。排骨擔擔麵，排骨炸得好香脆，肉質有咬口，麵條吸了麻醬、花生醬更惹味。 上海粗炒，麵條炒得很上色又香噴噴，炒得好夠鑊氣，拌埋配料的冬菇、肉絲同吃好惹味。干煸四季豆，味道調得很恰當，不會過咸或淡，也炒得蠻好吃啊😋。#夏麵館 #XiaMianGuan #上海菜 #中菜 #蟹粉 #鮮蟹粉專門店 #蟹粉小籠包 #Shanghaicuisine #Chinesecuisin #干煸四季豆 #鎮江水晶肉 #將軍澳美食 #新都城

今日去咗將軍澳入到新都城中心2期好耐無嚟呢度變咗好多了二樓食肆又多又集中行吓行吓見到夏麵館午市套餐好啱食叫了2份午市自選套餐：🎏鮮蟹粉黃魚片麵👍 （$94）湯底好清好鮮甜有6大片黃花魚片爽滑味鮮夾埋蟹粉一齊食鮮上加鮮😋🎏鮮肉小龍包（2隻）🎏高力豆沙（2件）（加$18）🎏凍豆漿🎏上海擔擔麵👍 （$60）麵質爽滑彈牙加埋濃稠適中嘅擔擔湯底每一口麵都充滿微辣濃香👍🎏花雕醉雞（加$33）雞肉質新鮮充滿酒香🎏豆沙鍋餅（半份）（加$14)🎏凍豆漿再散叫了一客🎏鮮肉鍋貼（3隻）（$36）煎得個底好脆餡料都好新鮮有juicy😋

呢日同朋友👩🏻‍🦳一齊喺寶琳，唔太熟悉呢區，不過都去過其中一啲食肆，呢間有印象、幾好味，咁就唔再考慮啦，嗱嗱聲同朋友👩🏻‍🦳一齊過去食晏😁呢度有 可以自由組合嘅「午市自選套餐」，係「麵或飯或年糕＋涼菜或點心＋飲品」，我哋揀咗 $70 嘅「香辣牛腩麵」，小食揀咗「花雕醉雞(+$33)」，飲品揀咗「熱西洋菜蜜」🤩「花雕醉雞」：幾香花雕酒味😋；雞肉嫩滑😋，雞皮仲竟然有啲爽脆，朋友👩🏻‍🦳同我都忍唔住食咗兩塊雞皮😂「香辣牛腩麵」：牛腩炆煮得幾腍，幾好牛味😋；麵條煮得煙靭，啱我胃口😋，份量仲勁多🤩午餐加 $16 要「菜心」：菜心灼得幾爽脆😆「熱西洋菜蜜」：熱辣辣，少少甜😆$118「哆唻咪」：餐牌咁樣介紹「一兩濃郁蟹黃、加上二兩蟹粉、配上三兩清甜鮮美的河蝦」，簡單嚟講就係「清炒河蝦放喺炒蟹粉上邊」，味道濃郁，充滿鹹鮮味🤩；我哋夾起「牛腩麵」啲麵用「哆唻咪」撈嚟食，勁惹味😋

係呢個商場買完野又到開餐時間，咁多餐廳選擇中，雙腳不由自主地又行去呢間…………哈哈。冷盤有四喜烤夫 ($48)，份量二人分享啱啱好烤夫夠入味，鬆軟口感; 配埋木耳及毛豆，加幾分唔同口感。惹味之選有干煸四季豆 ($62)。以蝦米肉碎加埋濃味醬汁一齊炒嘅四季豆，入口有豆嘅甜味，亦食到蝦米嘅咸香味，用黎送飯就一流。食得餛飩多，今次試下唐芹水餃麵 ($52)，清湯底，配兩條小棠菜，賣相相當清淡。皮身有點厚度，咬入食到微香唐芹味，豬肉填滿整隻水餃。上海菜中，例牌會叫碗酸辣湯麵 ($55)，大大碗，二人分享都可以湯中嘅配料主要有豆腐，木耳，冬菇及荀; 湯底唔算好”杰”，酸辣度溫和麵條係幼身，軟硬度適中，湯汁可以掛上。以呢客炸饅頭 ($32)為甜品，即叫即炸，金黃色外脆內鬆軟，加埋香甜煉奶點食，點忍得住唔一件接一件。食完仲可以嘆多壺茶先埋單。

朋友間都叫我蟹后就知我幾鍾意食蟹，對於蟹粉、蟹黃、蟹肉我係零抵抗力，聽到都流口水，推介大家食夏麵館蟹粉系列，價錢合理、蟹粉又多，CP值非常高🦀哆唻咪 $228/1份 $118/半份一碟有齊蟹黃、蟹粉、蟹肉再加河蝦，真係聽到都流口水，每碟份量都唔少㗎！有一兩濃郁蟹黃、二兩蟹粉、三兩鮮甜河蝦，入口啖啖鮮味再滲透出蟹黃香，加上彈牙河蝦簡直人間美食，果種蟹香味真係想食完一碟又一碟，個人建議送飯/拌饅頭食層次感更豐富🍜鮮蟹粉黃魚片麵 $90試埋另一廚師推介，麵面鋪滿蟹粉，賣相好加分，黃魚片爽脆無腥味，湯底係鮮甜魚湯，加上蟹黃鹹香味，麵條吸盡精華，碗湯都可以飲埋🍲三鮮豆腐羮 $32位 $78/例豆腐、雞肉、火腿、蝦仁製成的豆腐羮，簡單食材配搭煮出清新鮮味🫘豆沙鍋餅 $38香脆外皮夾住甜絲絲豆沙，咬落帶點煙韌，雖然係炸物，但食落唔會有油膩感，夏麵館招牌必試夏麵館📍地址：將軍澳貿業路8號新都城中心2期2樓2013號舖

這間上海菜館，之前我來過，覺得幾正宗，味道都唔錯，今次帶埋朋友一齊嚟食。排骨擔擔麵～湯底食到有啲花生粒，和雪菜粒，非常濃郁，麵條Q彈，微微辣味，豬扒厚切有肉汁，真係令人回味無窮。我朋友揀咗雞扒擔擔麵～外皮炸得鬆脆，雞扒嫩滑，夠juicy， 超好味。鮮肉鍋貼～皮薄馅靚，夠飽滿，鍋貼底仲好香脆！最後，我哋仲叫咗個炸饅頭，熱辣辣，外皮酥脆，內裏鬆軟，點少少練奶，超正！總括而言，今次食物質素真係唔錯，加上服務態度好，下次一定會再嚟試試其他菜式！

今日嘅心情係食上海嘢，就去左食開呢間夏麵館～川味口水雞（$75）質素keep到同之前一樣，夠曬滑，上面d辣醬夠曬野味，如果多d花生會更好，份量普通上海擔擔麵（$48）份量好大，可惜今次個樣偏稀，花生味唔夠濃，麵都偏淋，上次係旺角分店好食d，小失望糖醋小排（$58）份量迷你，味道同expect一樣，酸酸甜甜幾開胃鮮肉小籠包（$42）每次必嗌，皮薄餡飽滿多汁，正🥰🥰最後就係期待值最高嘅XO醬炒年糕（$70），但就最令人失望，無乜XO醬味，反而係勁濃蠔油味，同埋唔辣（menu有個🌶️符號），年糕偏軟唔煙靭。反而上次嗌三鮮炒年糕更有驚喜，望落清淡食落係comfort food嘅感覺overall今次令人有啲失望，短期內唔會encore美味指數：❤️‍🔥❤️‍🔥❤️‍🔥抵食指數：❤️‍🔥❤️‍🔥❤️‍🔥覆桌指數：❤️‍🔥❤️‍🔥

👧🏻😋👅🍽✨平靚正款式多上海菜☺️-夏麵館🇭🇰 將軍澳欣景路8號新都城中心二期2樓2013號舖 🇭🇰-🥢午市套餐超級抵食, 仲可以用優惠價加配甜品-午市套餐A✔️主食 - 麵/飯/年糕✔️涼菜/點心✔️飲品✔️甜品 (優惠價加配)-主食🍜💯排骨擔擔麵 $75 個排骨大塊到... 連骨但係都啖啖肉, 酥炸超正, 浸埋個少辣濃郁花生湯都仲係脆💯烏金蟹粉拌麵 $92 超多蟹粉蟹肉蟹膏, 黑色麵我估係墨魚? 撈左蟹粉超突出都已經食唔出墨汁味🤣 麵似意粉質地好滑-點心🥟✨鮮肉小龍包（2隻）皮薄爆汁冇得彈, 套餐包兩隻真係抵到爛✨鮮肉鍋貼（2隻）超大隻, 香煎鍋貼個皮唔會太薄, 但好在鮮肉好大嚿, 又係一咬就爆汁-飲品🥤💯夏伯伯酸梅湯大大杯, 用左大粒冰凍得黎又唔會沖太淡; 味道天然酸酸地好開胃-套餐甜品🥮✨高力豆沙（2件）+$18 蛋白皮超soft但唔會太厚, 滿滿豆沙餡亦唔太甜✨豆沙鍋餅（半份）+$14 餅皮夠脆低炸得乾身唔油, 半份都有四件超滿足-🥢雖然套餐好多野但唔會滯都係意猶未盡, 睇睇QR code系統, 原來仲有幾款點心, 價錢都好合理就叫埋-桂花拉糕（4件） $32 💯即叫即蒸要稍等一陣但非

今日去左將軍澳同朋友食晚飯，我今日好想食上海菜，就揀左呢間餐廳食🤗我地首先叫左生煎包同埋鮮肉小籠包😋 生煎包皮脆內餡多汁，而小籠包就皮薄爆汁，兩款小食都整得好好，味道同口感都係一流食完小食，我地就點左上海擔擔麵，湯底唔錯👍🏻而且麵質爽口彈牙，好正😌我地之後又叫埋回窩肉配四喜烤麩，食到好飽飽🤣每一餐最後當然係甜品，今次叫左我地兩個都仲意嘅貓山王榴槤窩餅，超重貓山王榴槤味道😉成為一餐完美嘅句號

平時好鍾意食上海菜，夏麵館都係我同朋友成日鍾意去㗎😋，又有點心又有小菜、飯麵等等，好多選擇慢慢揀！🍴老上海炒飯 炒飯粒粒分明，味道啱啱好，有蝦仁做配菜，份量都好多！🍴三鮮炒年糕年糕真係好煙韌，配菜都幾豐富㗎，有雞肉，蝦仁，娃娃菜，小棠菜，金華火腿，好獨特嘅鹹味都幾推介大家試吓！🍴涼拌小木耳味道唔算啦，仲有啲甜甜哋，木耳好脆口，作為開胃菜一流呀。🍴蟹粉小籠包小籠包要趁熱食，蟹粉嘅味道都幾突出🍴薑茶湯圓湯圓細粒啲，薑味都好濃

夏麵館 (新都城中心) (將軍澳).屋企人最鍾意食上海嘢，夏麵館係以前已經會食！.▪️二人套餐▪️.由於二人套餐嘅選擇都好多，同埋價錢比較抵，所以我哋叫咗呢個再加啲嘢食！佢包兩個小食，一個小菜一個主食，兩碗羹同埋兩件甜品我哋分別叫咗鎮江水晶肉，四喜烤麩，兩個羹分別就係叫酸辣湯同埋豆腐羹小菜叫咗個賽螃蟹，配埋醋一齊食，蛋白真係有蟹嘅感覺再叫咗個上海炒麵，甜甜地同埋濃郁嘅醬油香.▪️鮮肉小籠包▪️.略嫌個皮太厚，令到摺位嗰度比較厚粉，但係入邊係充滿湯汁.▪️炸銀絲卷▪️.同炸饅頭相類似，而且都係有得配煉奶，外皮酥脆，入面熱辣辣軟綿綿.▪️酒釀丸子▪️.鍾意食糯米湯圓小丸子，咬落煙煙韌韌，再配埋小小嘅酒釀香.📌 夏麵館 (新都城中心) (將軍澳)將軍澳貿業路8號新都城中心2期2樓2013號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

這天獨自一人來到夏麵館食午飯，因為疫情，已有多年未光顧，印象中，這是一家水準不錯的上海食館。這天叫了點心、麵食，但水準大失所望。首先是熏蛋，基本要求是有煙熏的甘味和半凝固的流心蛋黃，但送來的熏蛋，蛋黃差不多全熟，入口味道淡薄，沒有煙熏味，也沒有甚麼調味。跟著上來的是排骨擔擔麵，先說排骨，一樣是味道薄弱，炸粉過厚，差不多比豬扒還厚，一樣上海菜館的豬扒是不上炸粉的，這豬扒既沒有油脂感（太乾），也沒有豬扒的肉味。擔擔麵的湯，沒有花生的香味，也沒有肉燥味，只有淡淡的辣味，和濃重的油味，好像是辣油開水的湯底，麵煮得比較糊，也沒有良好的掛湯能力。最後是小籠包子，包的外皮很厚，不是皮薄的類型，內裡有少許不鮮甜的湯汁，肉餡沒有鮮味。整體來說，這是比一般還要低的食物水平，對我來說是印象幻滅，不好我一次用餐體驗。

香港都有唔少上海菜餐廳，夏麵館都係其中一間幾唔錯嘅連鎖店，除咗食物多選擇之外，價錢都合理，而且環境幾好坐得舒適！呢日就去咗食晚餐！🍴鮮蟹粉黃魚片麵啲蟹粉好多好吸引呀，即使係湯麵亦都食得出濃味，撈勻左都食得到好多蟹粉，上海麵煮得啱啱好，湯底比較清淡，有少少薑味，配埋蟹粉都幾夾。黃魚片肉質鮮嫩。🍴蟹粉小籠包幾貼心可以嗌兩粒，就算一個人食都唔怕太多食唔晒，喺小籠包入面蟹粉味道唔算好突出，但係勝在皮薄，本身肉餡已經好味！🍴雷沙湯丸芝麻湯圓加埋黃豆粉，好食！

每次到寶琳看中醫，都要呆呆的等至少一個小時，生命在沒有意義的情況下慢慢流逝，心情變得極差，看完中醫後，唯有好好吃一餐，用食物慰藉心靈。 夏麵館的下午茶可以說是相當抵食，平日星期一至星期五，下午茶時段都是免茶位費。而麵、飯或年糕的選擇極多，隨套餐還包了飲品，亦可加錢加配小食。 花雕醉雞雞皮夾滑，內裏有點點膠質啫喱狀的雞汁，而雞肉柔嫩，入口有淡淡的花雕酒香味。 蒸銀絲卷銀絲卷內層撕開就是一絲絲的饅頭，口感軟熟，吃時蘸上練奶，味道甜甜的，很好吃。 上海擔擔麵極愛擔擔麵的花生湯底，不會過份濃稠，配上麻醬辣油，入口微辣，麵條富彈性，掛湯後，味道濃郁鮮味，而且內裏有大量肉粒及花生粒粒，一軟一脆，大大增加口感。 蟹粉黃魚片麵黃魚片的份量不少，魚肉嫩滑，肉質細膩，沒有腥味，亦沒有泥味，湯底味道濃稠適中，配上味道濃郁甘香的蟹粉，味道超級鮮甜。鮮肉小籠包小籠包可以用皮薄餡多來形容，咬破後有滿滿的湯汁流出，味道鮮甜，既有肉香，又有豬肉的油脂香味，蘸上香醋，鮮味大大提升，讚。 熱豆漿套餐的飲品其實選擇還有不少，就像西洋菜蜜及夏伯伯酸梅湯，不過，我覺得吃上海菜還是配豆漿比較適合，豆漿沒有重豆味，味道香甜，送上時