外灘軒 (已結業)

酸辣湯味道正常，酸辣程度及稀杰度都算正常，味道都OK好味！上海炒年糕都炒得唔錯，年糕唔會炒到黐埋一舊分唔開，唔算特別多油，獻汁都掛滿年糕同食物上面，但又唔會太稀太多，味道正常。擔擔麵跟鍋貼麵都叫爽，小辣，加埋麻醬，味道正常。鍋貼醬汁好豐富，吉隻筷子落去，醬汁即刻噴出嚟，咬落口啲汁繼續不絕咁流出來，好味。黑糖糕做到蜂巢效果，甜度適中，比較「粒」口，彈牙度都OK。魚肚水餃魚肚同餃子各有兩件，魚肚都好厚肉，可惜餃子個皮來的時候已經穿咗，味道預期當中。生煎包煎得都好香口，味道正常。

經過天盛商場同朋友揀咗 上灘軒 呢間上海菜食肆午市都多選擇有set有點心嗌set有跟嘢飲 所以你唔叫開茶嘅話可以唔收茶錢~~1️⃣回鍋肉 (lunch set 跟白飯跟餐飲) $59 +$5 轉菜飯 +$20 蒜蓉菜芯💬回鍋肉肥瘦適中啲汁好送飯😂😂不過越食越鹹 最後要攞水洗洗🥵而且配菜略生 有啲硬菜飯幾好味雖然菜較少但有飯香而且唔油膩🤞加廿蚊有一碟蒜蓉時蔬抵到爛!大大碟不過有啲油出面食中菜係唔健康㗎啦~~□■□■□■□■□■□■□■□■□■2️⃣水煮魚 (lunch set 跟白飯跟餐飲) $68💬叫咗少辣嚟到係微微微微辣🤔所以嗜辣嘅人可以叫佢特辣😂😂魚片分量都多起碼有八九塊厚肉不過唔算滑嫩配料好足有粉皮 木耳 芽菜 冬菇■□■□■□■□■□■□■□整體嚟講味道一般 3/5服務都ok 冇其他食評講嘅問題(可能我好彩~~不過我覺得喺屋邨商場嚟講價錢略貴🥵食個lunch人均都成$90窮啊啊啊啊啊啊啊啊😭😭😭

今日我同朋友下午黎到天水圍，第一次黎天盛商場覓食，路過哩間野，見人唔多就想試下。入到去，招呼我地落座嘅服務員表示可以隨便揀位坐，咁我地就是但坐。落座時發現d檯凳擺得好密，我地逼下逼下先坐得入去。然後個服務員就遠遠咁講：「xxxxx先可以坐」。我地兩個都聽唔清佢講乜，佢又重複講左一次，我地都係聽唔明！佢講到好快，一舊舊咁！最後仲有d態度唔多好！我地坐果個位係三張檯拼埋，最右果張貼左「禁止使用」，咁意思姐係中間同左邊果張可以坐啦！後來我地往後邊睇先見到有d檯擺好左碗，就估佢意思係擺左碗果d先可以坐，我地就自己換過去。同時聽到果位服務員大聲對佢同事講：「我叫坐佢地唔好坐，佢地係都要坐！」我心霖，我地第一次黎！點知間鋪點安排座位？？一般都係無貼野嘅檯都可以坐架啦。點知有咩規矩啊？佢咁唔耐煩同埋背後講到咁大聲，我覺得唔係好好咯！大不了我就唔食，所以我地走左，又唔係免費，唔應該受氣～

每逢星期六日2:30開始，外灘軒就會有下午茶孖寶優惠，有粉面飯配一個點心加飲品都係大約$43至$52左右， 另加一收費。之前都已經食過幾次，食過幾次揚州炒飯幾好味，今日再叫一次，不過今次水準略為失望，飯身偏硬， 炒得略為燶咗少少， 生菜切得比較大件， 味道比起之前未夠濃味， 叉燒同火腿少咗啲，蝦就冇問題幾好。另外點心方面我點了雞絲粉皮，呢個係必點的， 粉皮煮得夠林亦不失爽口的口感， 胡麻醬加上芝麻，青瓜同雞絲， 10分開胃，所以每次前菜都必定叫雞絲粉皮。同行的朋友點了上海粗炒， 味道口感非常好， 調味適當，有少量冬菇同雞髀菇，白菜更加唔少得， 麵身類似烏冬不過硬身少少， 可以話炒得靚， 同埋好味！點心配左鮮蝦春卷，春卷皮油左些少，但係味道係好味，而且有原粒鮮蝦在內， 皮都係脆， 即叫即炸。嘢飲方便叫咗熱利賓納同埋凍檸茶， 份量味道都不錯，整體來說係一個抵食嘅下午茶餐，如果可以等到下午茶時間， 絕對可以當一個飽肚嘅午餐充飢。

媽咪話之前食過呢間早餐，覺得唔錯。同佢下午茶黎食，佢一個套餐有一個主食再加一款小食。我叫左酸辣湯同雞絲粉皮，再加凍檸水。首先，凍檸水一上黎，成個杯痴住勁多糖漿，好痴笠笠。酸辣湯份量好大，不過唔好食，調味唔開胃。而且成撻生粉未融曬都係碗到，我只係食左三分一。雞絲粉皮我同媽咪食左2條就無食，粉皮痴實曬仲要無咩味。媽咪叫左雪菜拉麵都好難食，配搭好怪，食剩一半。一定要提既係服務態度好惡劣。我地落單就好唔耐煩，同佢講太淡味，想要辣椒醬，佢就大大聲問要咩，黑曬面。總之下次一定唔會再去，難聽講句，就算請我都唔會去呢間食。

呢幾日返左娘家住，今日媽媽放假帶埋囡囡3代同堂去飲個午市茶。之前都食過幾次嘅外灘軒，疫情緩和後場面都多左好多返半日剛放學嘅學生family, 不過隔離措施欠奉，枱與枱之間好近又無圍板叫左份乾炒牛河套餐連凍利賓納，3個點心分別係 馬拉糕，燒賣4粒，牛肉球3粒，普洱茶。得出嘅結論係上海菜5好叫中式點心超級難食 平時都好食得伏野嘅我地都嫌牛肉球同燒賣超咸同有怪味， 喼汁5係喼汁，燒賣脹卜卜似乎用料有問題牛河過得去，但無茶餐廳嘅嫩牛，但起碼入到口馬拉糕略甜 但已經係全場最好食 利賓納比例太多，媽媽溝左成3杯水先變返正常味記得之前黎食5係咁差，真係5敢再幫襯，5知係咪疫情轉左師傅，希望改善下

天盛呢間外灘軒我都間唔中會食，佢午市同下午茶都幾好，有SET揀，免茶位費。下午菜50蚊左右就有一個主菜，一份小食，同一杯飲品，4人一齊食，開心share都幾好架!我成日都嗌的擔擔麵，濃濃花生醬加入少許辣醬，非常惹味﹐麵條好掛湯，每啖都食到香濃的花生味! 但係肉醬好似少左好多，唔係咁好喎@@干炒牛河牛肉細滑，有鑊氣，味道岩岩好!妯油抄手，酸甜的醋好味!平均每人都係50左右，下午茶冇茶位費，都係一個唔錯選擇!

曾在這吃過晚餐，記得松子魚好吃，今次朋友提議在此吃早餐。兩年未來過，桌椅似乎變舊了，被安排在店最裡面位置，燈較暗，環境一般😅。點了個醒晨超值孖寶，只要約$22，價錢看上去很抵，更有我一向喜愛的菜苗餃可選！可是銀汁粉湯淡，銀針粉吸不了湯汁之餘似乎只剩粉味😂，後來要加抄手辣汁才叫較易入口。菜苗餃也令人失望😞，皮是薄，但餡料味道淡，無蝦味，菜也提不了味。這個孖寶真「伏」。接來來到鮑汁雞腳，服務員提醒要盡快吃，我想原因是因為冷掉就變腥吧。雞腳皮韌，不入味，再次令人失望。幸好紅油炒手打救了今天的早餐，炒手餡料豐富，上面鋪的辣椒醬妙極👍🏻，正中我胃口！整體早餐食物味道一般，點心以酒樓味道較佳，還是在這用晚餐就可。

今日朝早去左飲茶，誤打誤撞入左去呢間唔算太full既外灘軒。講真，佢既價錢都真係唔算便宜，而且選擇亦唔算太多，我覺得真係唔係好抵。我地一行4人最後叫左燒賣，皮蛋瘦肉粥配菜苗餃，牛栢葉，小籠包，生煎包，鳳爪。粥比較稀同埋我覺得有啲咸。鳳爪算正常，但我本身麻麻地佢。燒賣最failed...甩哂色又唔好食。菜苗餃，小籠包，牛栢葉唔推薦都無劣評。生煎包唔得。。。無味，唔香，而且餡又少。。。似個底有色，乾左水既蒸包咁既質素加上價錢，無乜必要都唔會再黎食。。。

從未食過咁難食嘅嘢叫左三樣，全部都難食！首先叫左片皮鴨。勁多肥膏，膻味極度濃烈，望到都反胃。有圖為證，肥到爆炸跟住到小籠湯包，以為難食極有限！點知一咬落去成陣膠味，想爆粗！有無搞錯，係咪玩具黎架？夾硬閉氣地吞左一粒，其餘放番入個籠到🙄🙄最後到煎鍋貼！睇個樣都已經眼都突埋🙈⋯⋯塊皮硬過鐵釘，未食完一粒牙骹都軟埋。零分都比多佢好後悔入左呢間嘢！失望至極！無下次！

呢日慶祝母親節,屋企人鐘意食中餐,所以近近地就揀左屋企附近既上海菜!一入到去坐，經理己經同我講片皮鴨買剩2隻，問我要唔要一隻，於是我就拿拿臨叫左一隻先。片皮鴨係會即場幫你切，隻鴨都幾細隻下，切左出黎大約只有12片到。不過佢算平，$138連一打薄餅同配料，有青瓜蜜瓜同醬料。薄餅薄到透光，片皮鴨好有油香，幾好食喎！由於一鴨兩味，另外一味我地叫左鴨絲粉皮，粉皮幾有咬口，呢碟野炒得幾香口，但個人認為如果可以加Ｄ辣既話效果更佳。奶油津白幾有驚喜，好CREAMY，汁同菜既比例岩岩好。上海炒年糕一上台就覺得個色水差咁Ｄ，所以味道都係差咁Ｄ，有Ｄ失望。醉雞同樣唔夠入味。松子魚味道就幾好，又夠多汁，不過細條左Ｄ！仲有叫左小籠包同生煎包，兩樣都合格，不過就唔好期望超好食啦。全晚最失望一定係甜品MENU，本身餐牌上己經得好少選擇，連高力豆沙、豆沙鍋餅呢Ｄ基本甜品都無，我同屋企人睇中左佢既薑汁糕，但結果叫個時賣晒，但我明明個時只係夜晚八點左右。希望甜品方面可以改善下啦。

呢間係食上海菜,唔係友人話我知有得飲茶我都唔知我地一同3人去左飲個早茶先店內環境裝修係幾靚,而且鐘意呢到飲茶唔係好嘈,靜靜地可以傾下計~週日11點後重有一張新點心紙,不過D野食太飽肚我地無叫到~食物質素唔差WOR,我地一共點左8個點心,每樣都好食,唔太咸,牛肚牛百葉爽口彈牙,樣樣都係熱騰騰送上檯,食物都唔需要等好耐就有得食外灘軒地址 :天水圍天靖街3號天盛商場1樓122號舖電話號碼:27619800營業時間:星期一至日07:00 - 22:30

老婆收工話想去食上海菜，之後諗到呢度都食過幾次，質數都尚可，我就早d去等位，好好彩早到左，2個人都好快有位。老婆到左之後，就由佢點餐，佢鍾意食點心，就點左小籠包及鍋貼。鍋貼熱辣辣，大大隻，餡料又多，每人食兩隻都有d飽肚，至於小籠包都不差，好多湯汁。每次來到都必定點選呢兩樣點心另外我地叫左半隻片皮鴨2食，不過就等左好耐囉，起碼都有半個鐘，亦都吹左幾次單先來到。鴨件唔算大件，兩個人食就岩岩好。其他鴨件就用黎整津白豆腐鴨湯，豆腐非常之滑，個湯唔錯。

平安夜有得收早，所以約埋老公一齊撐抬腳，來到天盛商場，都有好多食店選擇，最後揀左呢間食飯，因為未食過，二來食上海野，好岩我地口味😋因為得兩個人，叫唔到咁多野，所以揀啲自己最鍾意食既，揀左三樣點心及一個孖寶😅鮮肉窩貼($34) - 熱辣辣，唔太油，好食！招牌灌湯小籠包($36) - 必叫，正！紅油抄手($36) - 皮就厚左啲🤪孖寶($198) - XO醬脆瓜蝦球及砂窩金腿雲吞雞：蝦球好大隻，好惹味，值得推薦👍🏻

垃圾地方垃圾管理女部長态度十分極恶劣排队等位等于不用排队，每個人在取飛排隊，突然有兩個人沖入去攞位，之後有個部長給位他們，之後立即投訴被打尖投诉部長態度十分惡劣不願處理，被漠视,部長可以乱畀人入来坐态度非常恶劣。永遠不會去這個垃圾地方消費。