外灘軒 (已結業)

第一次寫食評，真的忍不住！本人一向支持小店，但此間店舖服務很真的過份.一行5人訂枱19:00，18:55到後話有枱付款中，好快到我們，一等就等咗25分鐘，在等枱時居然叫5-7人枱2個號碼入去，當然立刻去問，回覆: 你張枱付款中。但付款付成25分鐘都未付完？ 跟本有訂枱等同冇訂枱！！最過份就係攞枱後只得4張櫈，只顧問我們幾多人，跟住開茶位，而站在枱邊5分鐘，其中有2個職員話唔夠櫈，但得個講字，冇去找，莫非要自己找櫈搬回來？結果又係要一追再追才有櫈座。一共叫咗9個餸，但從來冇人收碟，淨係識放低碟餸，唔夠位就將放係枱上的碟向一邊推，係碟推碟， 推夠位就放低碟餸走人。張枱係搖的， 要自己處理，跟本冇人理會！冷氣不夠，食都出汗。食物質素ok， 上海菜來說味道偏淡，少油1. 拼盤一般， 試過後不會再食2. 糯米抄膏蟹，幾好食，有好多蟹膏又香👍3. 叉子燒餅，抄得幾香，而份量剛好放入去叉子，而叉子很香芝麻味😋4. 松子魚，炸得剛好，而調味適中😋5. 抄魚柳， 普通，可以不試6. 雞，抄時落鹽不平均，有些冇味，有些很鹹7. 宋嫂魚羹，普通，可以不試8. 高力豆沙香蕉， 豆沙少得可憐， 可以不試9.

今次已是第二次去食，第一次人數小不能試盡各種美食，今次一行十人可試多些不同菜餚，整體來說每種食物都很好吃，最欣賞是皮薄多汁的小籠包，糯米蟹已是第二次再食，因為糯米飯浸滿蟹香，不得不encore, 其他如松子桂花魚和吊燒雞都有很高水準，桂花魚酸甜味道適中，燒雞香脆又唔油膩，三款甜品特別好吃，其他地方很少試到！整體環境除了位置比較小之外（可能太多客人但場地實太小只能大家坐迫點），服務同清潔都是上等，定必再去再試試其他菜式，因廚藝真是很好！

樓下有新開的上海餐廳，外灘軒，想試好耐。今日見不用等位便一試。店內裝修現代，播放著平靜的音樂，令人放鬆。由於一個人，只點了炸醬麵。等了約10分鐘，面便到 炸醬淋上面，配上青瓜絲嘗心悅目炸醬味道不太咸是油了些面分量夠一個女生吃幾淡炸醬配青瓜絲能減去油膩感。不錯不錯

今次慕名而來，食個紅噹噹嘅擔擔麵，好香，因為花生粉鋪喺面，麵幾滑嘟嘟而湯底甚濃郁，小小傑，肉碎質地新鮮。春卷與眾不同，因為即叫即炸，皮薄又脆博博，內面熱辣辣。呵，仲有五花茶特飲送，店長夠心思，為顧客添一份驚喜！

一試無妨，再試恐怖投降天盛商場新開，大家當然會希望一嘗新店就我觀察及親身嘗試一次後相信大家及本人都會因為“奇差的服務”已拒絕再次光顧先說等位的服務人手不足是可以體諒，但用心工作/努力工作一定可以看到的知客在有枱結帳時會叫飛，但叫完我收左我飛後很快就叫我後面個no.既客人入座我同屋企人即刻問點解吾係我地入先，知客回答:“我岩岩叫你你冇應喎”，我地當堂呆出嚟話你飛都收埋甘快就甘講？！呢個比較吸引又抵又好食肉汁多肉係鮮甜今餐最吾抵食之食品超薄的4塊餅可能0.2cm又少又小又貴味道一般有香酥味，但蔥味欠奉餅中幾乎沒有蔥啊嘩，好大個“鍋”啊但份量只有一半喲味道還可以媲美外面的質素鍋貼也是會推薦的肉質鮮嫩肉汁甜皮亦煎得脆同香口但缺點是太厚皮及較多油上海粗炒千萬不會想再點完全冇味肉冇味，似焯熟就放入去菜冇味又好油面係冇味得個顏色呢道菜不錯喲份量很足皮脆汁甜肉嫩這個甜品還可以，但未必會再點紅豆餡好少整體還可以不過隔壁的人卻因此體會到這裡的服務太令人討厭我們坐低左吾係好耐佢地已經叫左去到我地點完食完佢地都未嚟期間佢地已經叫過3-4次侍應及經理跟進最後一次再同經理嚴肅情況下再催先有睇但話原來隔壁冇落過單所

今日同家姐 shopping 後，到了 "外灘軒" 午飯。大概開業一個月的上海菜館。開舖第二天，我和家人曾在這裡吃過晚飯。食物，環境，服務質素都不錯。對於新開舖的食肆，我有較大寬容度。畢竟人家才剛剛開業，仍有很大空間改進。怕新店食物和服務欠佳？何不等新店開張一段時間才惠顧？何必過份挑剔呢？在這裡已吃過午飯和晚飯。最近她推出下午茶餐。包括一杯飲品 (多數是豆漿。可選擇熱或凍豆漿。)，湯麵或炒麵，點心。例如: 小籠包，上海炸春卷。$35-$48 一客下午茶餐。份量頗豐富。我推介小籠包 (茶餐 2 件，單點 4 件) 和上海炸春卷 (茶餐 2 條，單點 4 條)。前者皮薄肉汁味美。後者即叫即炸。多菜少肉，吃而不膩。⋯⋯炸醬(拌) 麵。麵煮得略為過火。印象中上海派的炸醬麵有少許辣。這炸醬麵卻沒有辣味。炒手拉麵。只是一般炒麵。油，一定多。侍應服務頗周到。不時加茶，收碗碟。下午茶時間星期一至五 2pm-5pm。免收茶芥。另收加一服務費。P.S. 見過菜館的老板，頗為年輕的小伙子。親切笑容。

午餐時間，沒太多人點了午飯套餐的水煮魚片，勁多骨，有點"梅"小籠包尚算ok臭豆腐口感ok, 味道一般銀絲卷沒有一絲絲的，而且不脆口看過整個餐牌，價錢可以接受，但未必會再去講完～

尋晚試完天盛商場的西餐，今日輪到上海菜。今晚又係同奶奶二人世界，所以都叫唔到太多嘢食。見到隔離枱個白雲鳯爪幾靚，我地都叫咗個食，要另加10元。份量係一人一隻，鳯爪夠晒入味，辣味唔太搶，唔錯唔錯！小籠包係我响上海菜入面至愛的item。話說當年只得幾歲的我已經可以一個人鯨吞一籠十隻的小籠包，所以每次試新的上海餐廳，我必叫小籠包(除非得自己一個食啦)！佢地嘅小籠包皮厚薄剛剛好，夾起唔易穿，湯汁帶少少甜，唔係一味得個鹹字，係比較出色的一道菜。上海排骨湯麵，湯麵條條分明沒有糊在一起，湯不太鹹，好食！但排骨(即豬排)比較油和肥。呢個京城炸醬麵係唔辣嘅，好似中式肉醬意粉咁，不過我地放咗一陣至食，所以撈嗰時黏埋一舊，不過因為個肉醬做得好味，所以唔太影響我對佢嘅印象。下次上菜後即時撈應該會好啲。食完呢個比較滯，所以唔好獨食，同人地分享嚟食會好啲。因為餐廳繁忙所以一早叫咗呢個甜品，所以又係嚟唔切上菜後即時食嘅菜式，食嗰時外皮已經淋咗少許。佢與別不同嘅係佢個餡(即係豆沙同香蕉蓉)唔多，所以冇其他餐廳嘅高力豆沙咁甜。對我地嚟講係好事，但係可能其他顧客就會覺得料太少喇。响餐具選擇方面，呢間餐廳都有細心位，就係個

昨晚到天水圍和朋友吃飯, 友人提議到於天盛商場新開的<<外灘軒>>試試上海菜。即管又試下於天水圍少有的走中至高檔路線的新餐廳有幾好。到步後, 感覺餐廳裝修幾靚同乾淨, 牆上有整個上海外灘的風景。是夜試了不同的菜色:前菜有蒜泥白肉同煙燻蛋蒜泥白肉食落唔算太辣, 好易入口, 夾著青瓜食, 可減去醬汁的油膩感。好味!呢個蛋係必食的, 太正! 煙燻味好濃, 再配上面頭的黑魚子, 加上糖心蛋, 簡直係100分。之後點心叫左小籠包, 都係另一推介, 皮薄多汁, 比起出面某些連鎖集團的好食好多。主菜就試左糯米飯炒蟹, 啤酒鴨, 桂花魚, 原條內蒙雪花牛肋骨。糯米飯炒蟹好好味, 整隻蟹的鮮味同蟹黃都滲入晒D飯到, 好香。不過略嫌飯既份量比較少,但聽師傅講係因為如果飯太多, 一隻蟹o既鮮味唔夠Cover落太多飯, 會令到飯香唔夠。而宜家呢個比例係剛剛好, 睇得出師傅花左心機構思呢個菜。啤酒鴨, 呢個相對上比較失色, 肉質不夠腍, 所以試了少少就沒吃了, 但味道還是ok的。呢個雪花牛肋骨好正, 勁香牛味, 而且入口即溶, 煮得好腍, 黎呢度都係一定要試。最後仲有呢個桂花魚,

琴日係天水圍天盛商場見到外灘軒，見到好多人排隊 。我地去攞飛後，大概等左30分鐘,我地先置入坐。我地點了:小籠包:皮簿多汁小黄魚:炸得幾香，味道有九十分。擔擔䞛:味道不錯,但食完很滯。紅豆冰:不甜，好飲。服務ㄧ般，幾抵食有下次。

琴日去濕地公園玩完，經過銀座輕鐵站見到廣告燈箱，於是一家四口去這間店食上海菜，離遠已見到大群人等緊位，太誇張喇，7點幾到攞飛要等30張檯，原先都想轉場，但見其它人都吾肯走，心唸一場黎到都要試一試。結果等到8點半先有位，入到裡面，裝修很華麗，點了糯米蟹，小籠包，擔擔面，雲吞雞，樣樣都好好味特別係糯米蟹，糯米吸滿了蟹膏香味，可惜糯米飯太少，向職員查詢(著便服的應該係老闆)，佢話呢個係黃金比例，大廚很堅持，糯米太多就吾好食。下次我一定會再食，整體價錢都算平，真的估吾到天水圍都有好野食。

服務呢間冇服務可言環境我覺得自己去了街市，十分嘈雜價錢平均150元一個，一点都不平呀小龍包我覺得最好味,皮溥多汁咸蛋黃炸蝦球味道好咸 ，粉太多了，蝦肉冇咩味道上海粗炒年糕味道麻麻紅豆冰味道不太甜,好味屋企附近商場開了新餐廳，於是，上星期六就和屋企人去試下,可能是新開原因，夜晚8:00仲有不少人等位,當然多人排隊不代表是好吃,這個是我做了吃貨一段時間經驗之談，尤其是天水圍呢個地方，亦是住了天水圍多年體驗，多人排隊只是附近冇其他對手競爭，加上商場是裝修1年之後重新開番,的確餐廳選擇多過以前，唔計酒樓旳話，餐廳以前只有2間,而家有3間算多了選擇，講下今次去外灘軒,我和阿媽取飛後等了30分鍾，等到我們可以入座位，店員安排對著冷氣二人座位給我們，阿媽的感覺好不舒服，她好想換座位，因為當時坐滿人 ，唯有放棄了,我身為女兒立即和阿媽對掉座位，我和阿媽好彩冇凍病,這裡的店員不懂得靈活變通,隔離四人枱可以分開做2人枱,人手十分不足,我和阿媽想找人寫野,全店只有4個店員。叫極冇人理,已經給我不好印象，我們就点了咸蛋黃炸蝦球/小龍包/上海粗炒年糕(要小辣),另加忌廉紅豆冰,在我的角度只是一般,唯一好味是小龍

鍾意試新野既我知道天盛商場啱啱開左間外滩軒當然去試下啦。去到見到裝修都幾靚心諗賴野（以為好貴），一睇個餐牌個心都定啲，真心唔算貴（比起其他天水圍食肆）。以下係我點既餸：小黃魚-炸得幾香，夠大條，六十幾蚊好抵食黑魚子熏蛋-煙燻味幾重，加左蟹柳幾有心思水煮魚片-不太辣，幾有四川風味雪花牛肋條-味道有九十分，但上枱啲牛肉跌左喺碟度小龍包-比超其他天水圍既上海菜好好多松子魚-酸左小小，味口尚算可以總結，外滩軒喺天水圍區黎講算是有驚喜👍👍

今晚和阿女去了樓下商場新開上海料理吃飯。我和阿女由大陸回來時候已經8:00左右。夜晚有不少人等位,我和阿女差不多等了30分鐘，今晚試下這間新餐廳，店員安排最入面二人枱座位，不過,我們坐個座位好凍,直情對著冷氣出口位，我和阿女就叫咗3樣野食,這裡出品真的麻麻,徐了小龍包較好味,其他都麻麻地,至於服務可能是新開 ，有不少改善地方，環境亦OK

尋日行開天盛商場二樓見倒「外灘軒」門外寫住4月29日下午開張，今日一收工即刻跑番嚟同屋企人試菜 （1）四喜烤麩：清甜醒胃（2）黑魚子燻蛋：9級美味（10級滿分）（3）香煎小黃魚：份量一啲都唔“小”，比起翡翠嗰兩條小黃魚大好多，鬆脆香口，連魚旗同小骨都可以食埋🐟（4）鹹蛋黃蝦球：鹹蛋黃炸到溶晒🍤滿滿咁包住每一隻蝦，（唯一可惜啲蝦唔係鮮蝦）（5）招牌灌湯小籠包：對得住“招牌”呢兩個字，皮薄，湯同肉都好甜