外野手 (已結業)

記得大概7-8年....新蒲崗總店剛成立....與家人抱著試新野既心態去食....點知一食上癮....無奈....總店慢慢退步....而觀唐又有新分店wow...所以在一次友人生日的飯局機會...我就提議去試下la...當年..還是學生年代...大伙兒位位$138... 仲有多條活魚送wow... 直頭無得頂la!!到了今年2月...女朋友仔話想食自助餐wow...咁就帶佢黎左外野手食日式自助餐--放題la...食物一貫好食... 上菜一貫的快... 而且又多了一些新款壽司... 只是...軟殼蟹炸的黑了...雖然現在已經不能用$138去食了... 但女朋友仔食得開心...貴了$20,再加一也是值得的。

加左價喎...不過都仲係抵食最欣賞佢既係上刺身唔慢真係可以值門票價今次同左一個第一次去既朋友仔去佢話都幾難搵倒樣野係唔好食喎我都覺得佢keep 倒水準啦記住book 位先去呀!!!

加一後$163一位,雖然已滿坐,但食物上桌速度都幾快,店員又頻頻主動加茶熱食的樣樣都夠熱,一點都不馬虎--牛舌:朋友勁讚,從未試過咁稔咁有肉汁咁入味--秋刀魚:朋友食完又再叫,因大條又多肉多春(橙紅色的)--燒元貝:連殼上,元貝碎用芝士焗,好香--海老天婦羅:正!蝦大隻,厚肉,有鮮味--炸蠔:中size蠔,蠔味重--八爪魚丸:有水準,外脆內軟--軟殼蟹:好大隻,好脆,不多油--紅豆涼粉:原來味道好夾,紅豆又稔--雜果沙律:除了雜果,還有粟米及幾粒棷果添--帶子一口燒:頗乾,浪費了四粒靚帶子,蓋在上面的秀珍菇有些怪味--殞石蝦球:外皮粉漿炸到凹凸狀好得意,不過頗硬,蝦丸又無蝦味--可樂骨:不太好食,像薑醋,但肉質鞋口--串燒雞腎:好硬,唔知還以為食緊雞軟骨--螺肉:賣相好嚇人,螺肉淡色,汁呈結晶狀,只怪自己不好彩吧,因遲來的隔離枱那碟螺肉是正常狀態的--芝士年糕:只見芯是淺黃色,但芝士味欠奉,年糕不夠軟稔--壽司飯:有些失望,因飯較實,太過冷冰冰,沒有醋味,不過紫菜好脆口--葱拖蘿手卷:只見粉紅色的碎肉,但沒有味道--甜蝦蟹糕壽司:蟹糕好水--三文魚籽壽司:三文魚籽好怪,有少少酒味--火

前一次食係兩年前一路都覺得okay... 好懷念決定今年再食一次之前可能無乜人識..... 只係128蚊而家要148(平日) 五六日假日就要158(未加一ga)大致上仲係好好味.....但吾好亂咁叫小心食吾晒..... ^^雞翼吾係咁好食...~但無左之前d 生豪ar 果d 貴野食lor ^^

之前見呢間野都幾多好評, 琴晚同男朋友去試, d刺身幾好味, 三文魚, 榮螺同珍珠帶子都好好味~可樂骨食落好似彊醋咁, 軟殼蟹幾好味, 殞石蝦球好難食, 帶子一口燒好香牛油味, 不過太乾, 男友最愛北海道燒元貝, 我就比較鍾意牛肋骨串~可能因為d野好多都用左芝士同牛油, 所以都幾滯~鋪面都幾細, d位坐得唔舒服, 未滿都要搭枱, 好唔鍾意呢樣野, 服務唔錯, 收碟加茶都好快~野食同服務都唔錯, 不過唔知點解就係覺得唔抵食...

生日來慶祝,我地兩公婆吃得好開心. 不算嘈,但枱與枱之間很近,基本上可以聽到隔離枱詿講嘢,我地兩公婆無所謂啦.食物好新鮮,叫咗很快就來.會再幫襯.

第一次去食,超水準～尤其三文魚刺身，厚過出面食個ｄ３倍～等我仲以為似青葉或者其他放題個ｄ切得咁薄，嗌左５個人份量（其實我地得３個人）點知黎到啞哂．．．有半條三文魚！其他野都唔係ｈｅａ，全部都係正常份量＆ｓｉｚｅ，所以我地第一次唔識叫，就嗌到擺滿兩張枱～勁唔好意思．．．隔離枱仲勁望ｔｉｍ～（雖然我地又過份ｄ，但係無諗過佢全部都係ｎｏｒｍａｌ　ｓｉｚｅ，好似去和民個ｄ咁）只叫一ｒｏｕｎｄ，多野食到食唔哂～好內疚，哂哂ｄ野食．．．不過又真係好滿足～去試啦，如果你鐘意食日本菜，呢間野唔會令你失望～試完呢間，我都唔會再去第２間ｌｕ～

擒日係我妹妹生日,因為佢鍾意食三文魚,佢又話o係星加坡食日本野好貴,咁我就book左外野手,等佢返嚟過生日可以任食三文魚~~~因為我收工收8點,咁我就book左8點半,o係我由觀塘地鐵站行緊過去,有職員已打電話嚟問我幾點到,我望下隻錶,8點25分,唔使咁呀???去到門口,個姐姐話枱客未走,叫我地o係門外等一陣,唓~~~都未有枱又打嚟追我???不過,佢地o的招呼係好過同區既青葉,野食又新鮮o的,款式又特別o的,可能因為呢度地方細,唔會好似青葉咁做好多輪,所以o的熱食,天婦羅都係即叫即做,新鮮熱辣,好好食~~~刺身都有好多選擇,仲好新鮮,好有口感~~~o的waitress好有禮貌,又不停都我地加熱茶,食物都嚟得好快~~~因為我book枱時講左有人生日,o係我地停晒手時,有個好似高級o的既人就主動叫人serve埋個雪糕旦糕,都唔使我出聲,呢點真係好抵讚~~無奈我地太飽,食左兩啖就冇食喇~~~~~~整體嚟講,每一方面都好過青葉~~除左地方比較細小~~我有時間一定會再食~~~~

同事請食飯，大家選了呢間，果然唔錯！雖然唔係貴價食材，但確實抵食，兩小時任叫任食，又唔會叫咗唔嚟，特別推介包括：1. 炸生蠔：件頭唔大隻，可以一啖一隻，幾鮮味。2. 可樂骨：煮得夠冧，有d可樂味，唔錯！3. 炸雞軟骨，夠香脆，夠新鮮，nice！其他東西的水準都不俗，整體上服務好好，但食店嘅環境，尤其是洗手間的問題，店主就真係要改善一吓囉

閒時都會去食日式放題, 因為貪佢夠抵同埋唔駛就住就住呀嘛! 但係呢間, 野食講唔上話特別好食, 環境又唔係特別舒服" 冇賣點囉! 最差最差係... 唔俾我同男朋友坐埋1齊, 要我地隔開坐(事前我地已經訂左位架啦)... 太過份囉! 吹到仲要同人"搭桌" 唔係呀嘛?! 俾3百幾蚊黎食野(飲品仲要係另計架!) 仲要同人"搭桌"??? 我覺得咁樣好差好差囉... 而且, 入面有部電視, 兩部電視都好細... 有好多位都睇唔到電視" 唉... 平心而論, 每位$148 (另有加1) 同埋飲野$5(每杯) 仲有星期五六日要加多$10.. 計計埋埋都成$358.6啦... 仲要俾埋小費! 其實一d都唔抵囉... (個度係冇火鍋架!!) 我寧願去旺角個間日式放題日之食(唔係賣廣告), 因為呢間冇既野佢都有... (有幾部電視每個位都睇到, 仲有波直播有火鍋$138連埋野飲有啤酒) 呢次外野手既經歷好差... 我唔會再去/.\

以前都黎過幾次...今晚book左枱先黎...點野食既紙仔有d唔同左...環境好似闊落左d...食物既quality都有進步...點左幾rounds...三文魚係最正...肥瘦適中...芝士年糕同天婦羅...service都唔錯...無漏過單!一定有下次!

今日第一次同個fd黎呢間野食！因為聽fd講呢間野不錯！食過之後都真係ok woo今日可能星期三！都唔係爆！d服務不錯！d野食都ok woo我個fd都話相比出面果d！都好正啊有多食物選擇！下次真係會再黎

昨天慶祝結婚五週年，見太太鐘意食魚生又未黎過，便決定來給她滿足的一餐。大半年無來，睇一睇餐牌，發覺和之前食倒的東西有少許改動了，起碼無了飲品任飲，不過大部份食品都保持水準，例如三文魚、鮑片、榮螺、日式炸物都十分正。

今晚食日本buffet, 係觀塘食, 都ok喎, 連姐妹都咁講, 不過個人認為炸物少少油, 較為肥膩, 如炸生豪, 唯一唔油係炸薯餅。好搞笑, 我食過其中一件壽司, 竟然係暖笠笠!!至於環境就較差, 因為好嘈, 我地4個坐埋一齊, 真係有時唔知人地講咩。另外空間唔夠大, 好迫。而sashimi味道都幾好....我估我都會buy呢間野其中一點, 就係佢既衛生, 因為我腸胃不嬲都係敏感, 次次食完buffet, 唔理係k buffet定其他西餐buffet(如royal garden), 我一定, 係一定要去toilet, 但今次我食完唔需要去, 証明佢處理食物衛生情況水準唔錯。而芝士年糕味道都ok, 不過d fd話冇味, 芝士餃子比年糕水準就一般。waiter 服務幾好, 因為佢地不停倒茶比客人。因為係我生日, 所以有FOC炸雪糕食, 4個人一人一份。餐廳交通都算方便, MTR EXIT D4行前少少就到, 本身係食8:30, 但我地早到, 8:00就到, WAITER 都安排左我地入去先。另外有一樣野唔SURE, 就係廁所問題, 我地成班想去廁, 但WAITER話不如去APM果個, 咁

與女朋友結伴到此一遊吃6:00-8:15時段6:15來到已差不多一半滿了對工廠區來說環境尚可只是有點嘈雜而且如果二人到此必定要搭食物方面選擇不算很多刺身新鮮~不錯款式亦很多而且第一次叫的時候排例很有心思賞心悅目牛舌,雞腎很好炸蠔,軟殼蟹,蝦天婦羅亦不錯牛肋骨個人覺得燒得有點老...燒元貝不錯帶子一口燒很好雞軟骨,可樂骨..普普通通七味尤魚圈...十分十分油芝士餃子尚可紅豆涼粉...個人覺得麻麻...好像差不多了..值多一讚的是上菜速度十分快每次入紙15分鐘內已經差不多全來了服務方面...沒甚麼笑容但亦不算差總結$148+10%個人覺得算不錯