外野手 (已結業)

昨晚打電話訂星期六食,點知話由六月開始148的任食也沒有得任飲了,時間由六點至八點半,無得任飲算唔算係變相加價呢

平日晚餐好好彩唔駛等位有得食, 可能係落雨關係~$128 加一任點, 有好多選擇, 有:壽司&魚生- 鰻魚入味, d 魚生新鮮, 一定食得番呢個價錢, 每舊唔大可以再點其他野天婦羅- 愛蝦之人必食"海老天婦羅" (即蝦), 仲有南瓜天婦羅鐵板帶子4粒- 所有熱食都係即做即食, 熱喇喇, 滴檸檬汁落帶子度有鐵板煙出~~即刻嬴哂~一口一牛肉(多粒) - 有少少老, 視乎個人喜好啦~ 不過要等佢一次過幫咁多"木台"上菜, 因為細件所以食食下又食哂什菜牛肉煲- 原來有玻璃粉絲, 真係驚喜呀~牛肉稍硬d, 另外隻生蛋見人見致, 我麻麻地燒豆腐- 老o左d, 2舊豆腐都幾大, 大家可以唔點軟殼蟹(3-4件) - 斬件上, 唔係一條條腳, ok 啦~加$5可選5樣雪糕/ 雪米"米茲"芝麻雪糕- 真係有芝麻味geh, 依家比較罕有lu另加$5有飲品如酸梅湯/汽水等, 不過冇點另一讚係服務不錯, waiter凡係任點都係好忙ga ma, 仍然好好服務, 阿姐又介紹d好野食, 收野又快~平日如食每位$148 可任飲tim~總結係點解開o向觀塘的? 交通唔方便, 如在旺區一定去多幾次~~ 質素好過一d連鎖店

11號當晚，同屋企人親戚一共11人去左食飯，book左8:30pm果輪，總括當晚每個人都食得好飽，亦都好滿意，相信下次既家庭聚會可以再encore！呢ｄ係我既心水推介:刺身　－　新鮮，份量足，唔會係薄薄一片一口牛　－　有肉味，唔韌天婦羅　－　全部即叫即炸，熱辣辣，好味炸軟殼蟹　－　大大隻，yummy另外仲有好似炸蠔，什菌鍋，燒鯖魚．．．．好多都好味！埋單連加一貼士$1800，抵！

天婦羅蝦好味，脆漿好脆好薄。一口牛同鐵板豆腐好香，刺身都可以，炸雞軟骨同軟殼蟹好香口。飲品任飲，唔會溝到好淡比你。服務反應算快，上菜都快，整體都好好，呢個價錢，合格有餘

之前聽講呢間新店d服務好差上月我去試下發現冇呢個問題～不過８點好多人冷氣唔夠焗左少少呀！尼外野手一定要係咁叫刺身同天婦羅啦～發現佢改善左以前ｄ衰野～以前淨叫海老天婦羅佢硬係會加ｄCHEAP野比你(例如茄子,蕃薯) 但而家間野已經冇再咁做~ 推介芝麻雪糕好有芝麻味超好食問過幾次間野都唔肯話我知係咩牌子!不過10蚊5杯咁抵~ 每人唔食返兩三杯點得~

24號就要被押送去威院見營養師...23號晚去左呢度食最後的(豐富)晚餐.之前黎食過定食,感覺幾好.今次第一次黎食任點任食餐.平時都唔多好自助餐,尤其係任叫任食呢種...我係為食眼闊肚窄果種,又食得快,好快收工,又好易食濟...任叫任食, 有少少囉苦黎辛...今次有d括出去feel...是日禮拜五,18:45已經有7成滿了.由於我們沒訂位,20:00前就要埋單了.魚生-都幾新鮮;壽司-一般,魚生太細飯太大炸物-即叫即炸,係熱辣辣,不過有個別炸物係冇乜料燒物-燒魷魚筒好韌,其他尚算ok水晶粉-韌得濟飲品-叫左咸甘吉水,淡淡的,都幾醒胃解渴因守緊行為受緊監管的關係,友人唔准我去盡,好多野唔比叫;叫左的又唔比encore...食唔夠一個鐘仲比佢挾走左添-__-"服務算ok,上菜好快,又冇乜錯漏單.食物就一半一半啦,有D幾好,有D嘛嘛.

去完南丫島，晚餐就０黎返呢度解決！食８點３０，不過早左１５分鐘都可以入得。ｄ０野食款式都轉左幾多，唔使下下食住０個咋款都幾開心！現在飲品甜品任食，唔使加錢，仲興奮XD食物水準照舊，正服務進步左，更好

情人節前一日O黎食8點半果round，今次係第一次試觀塘分店~真係好ok wor~刺身: 三文魚新鮮又大件，甜蝦細隻o左d，北寄貝ok但味淡，珍珠帶子都新鮮熱盤: 可樂骨、炸軟殼蟹、炸蠔、帶子、雞翼...都勁好味天婦羅蝦都好味都算大隻~整體o黎講都好滿意，d waitress都冇black face又會自動添茶，一定有下次呀~

if you don't mind to have low quality Japanese food, you can try this one!

己經黎過外野手食2次, 野食ok所以尋日book好位食buffet, 已經早少少8:15pm到, 點知去到, 見有人問緊位, 就等人地問完先啦...聽到佢地話無book位, 不過都安排佢地搭8人檯, 那張8人檯己經坐了3個人, 跟住我話比個女待應(不是年經的)聽book了8:30pm, 佢地叫我搭8人檯餘下的2個位, d位就近到好似識得隔離個位咁, 又係路口位, 所以唔坐, 我問佢就算6人檯中間都隔開1個位啦, 我再問會唔會等一陣等第一round食完有檯, 個女待應話e家坐緊都係食8:30既,佢地又唔早講原來早黎早有位, 不過坐得咁逼,我就寧願唔食喇, e家係百幾蚊坐2個鐘既buffet, 唔係幾十蚊既大排檔或快餐店食完就走喎!

店子不大...全店爆滿星期五晚同男朋友兩個訂好位到此用餐, 一坐低侍應就教我地點樣填點菜紙.一見到碟刺身就覺得正...有差唔多12款揀,又新鮮.蟹子粥...又熱又好味燒年糕...正串燒...燒得好香, 好味壽司...d飯太大舊,食刺身好d炸蠔...好好味牛肉粒...勁香牛味好抵!!!!!希望此店可加建廁所....甘應該會更吸引

boxing day晚上去收費不變，hkd 148+10%一位，本以為食物應該一般，但又看到大家一直狂讚，於是豬熊二人組便抱著"在家附近步行範圍內一試無妨" 的心態去了~ 怎知道只能用驚喜一浪接一浪來形容~! 連平常最挑吃的魚生達人熊先生都給他們一個good!至於我，吃蝦的怪獸整晚沉醉於天婦羅的香氣中。。。實在是好吃啊~!刺身類：(評價by熊)三文魚- 中上- 肉質鮮甜，無筋，唯雪花略少，隨您鐘意好d八爪魚- 中上- 厚切，連吸盤都能保能原粒，爽甜但冰味猷在小帶子- 中上- 小粒，圓潤，肥美，鮮甜，咬勁不足，但附送的大大粒三文魚籽為它拿回不少分數北寄貝- 中- 頗爽口而不韌，但味淡蟹子魷魚- 中- 爽口彈牙，配飯下酒一流，單吃略遜味寡甜蝦- 中- 鮮甜，肉質算結實，但體型太小白拖羅- 下- 上碟時仍硬帶冰，入口吃到生雪，只吃到雪味，整件馬上廢掉熟食類：(評價by豬)蝦天婦羅- 上- 傳統製法，以大蝦所製，足有6吋長。肉質彈牙，粉薄，更送上正確的天婦羅專用汁，oishii!鐵板帶子- 中上- 一板6隻，小型裝約直徑一寸左右。濃香蒜頭及牛油味，叫了兩板喲鐵板牛肉粒- 中上- 超香，而且肉嫩

尋晚一行三人去食，我地本來食尾輪(8:30-10:00)，不過佢話因為訂檯既人唔多，可以八點比檯我。八點去到仲有幾檯人未走，D位都幾迫。坐低點左魚生，壽司和天婦羅，魚生都算新鮮，天婦羅亦唔差，後來每樣都叫D，有熱鍋有串燒有魚生壽司，都算黎得幾快，冇話越叫越耐。整體食物唔太差，以個價錢黎講中上架啦。侍應加水都好快，可能位置問題，真係唔多人，食到九點半我地走，都係黎左兩三檯新客。不過真係要彈下個廁所，老遙咁遠，仲要係工廠大廈式公廁，若然你食完魚生咪去，唔係嘔返出黎都似，衛生有幾好唔問都知。

食物真係好一般,不值特意從老去試!食店在工廠大廈而又無自己的衛生間,工廠大廈的衛生間又很遠及其嗅無比.若喝了啤酒,再去幾回衛生間,包你醒晒!地方太迫,四個男人坐在一起己不能移動.食物方面: "翅就好似飲緊個"獻"汁","燒鯖魚就好腥",我同意"成日試新嘢"這講法.天婦羅比想像好,魚生就不可有太多要求和期望.當晚我們四個人,七佰幾落樓,從食物的質與量作比較,整體不算平.

細佬生日,同家姐一齊賀吓佢囉...之前食過寶聲嘅青葉,真係難食到暈..而依間相比之下真係好食好多呀...就刺身都有成10款咁多,珍珠帶子好鮮甜仲加埋幾粒魚子添呀.針魚小小咸幾特別,唔係好多日本自助餐有得食架..啲熟食都幾好呀,由於10幾日前食所以都唔係好記得其他菜,不過埋單個刻,已經諗定下次要食日本自助餐都要黎返依間囉...服務態度一流,好詳細解釋,落單時要注意嘅野..