外野手 (已結業)

9月頭去食自助晚餐，刺身水準保持，三文魚好慷慨比得好大件，但天婦羅份量少左，叫4件蝦只來2件。牛肋骨串好肥，至少有6-7分肥，食到一咀油，咀嚼極d牛肉都未爛。味付8爪魚同螺肉食味較淡(似係自家制)。壽司飯無少，但料就少左總括而言，食物水準下降，失望而回

今天妹妹生日，見這兒的好評都不少，所以就一家來這兒試試第二次食放題，我都是覺得這類型不太合適我不過，這兒的食物幾新鮮，而且味道都不錯差不多樣樣都試值得一食:刺身大部分都幾ok，特別是三文魚，幾肥美，不錯不錯，不過，我還是喜歡食甜蝦天婦羅蝦的粉比較多了點，但都ok汁燒牛舌，雖然油了點，但味道不錯燒芝士年糕，這個很特別，有點似芝士波波，好得意燒粟米，這個好甜，好好食豬骨湯拉麵、烏冬，想不到份量大，但質感剛剛好雞軟骨，炸得好好食七味軟殼蟹，炸得好好食不好食:八爪魚丸和炸蠔，粉超級多，入面d野超少芝麻八爪魚，賣相恐怖，而且有點變壞的味道最重要的是服務不錯，會不停為你加水，出野快，雖有留單的情況。不好是---------沒有toliet，要去附近的工廠區送的蛋糕，幾特別，可能我見識少，我是第一次食這類型的蛋糕

之前食過3次都覺得唔錯今次係小妹牛一,友人kanas請食放題~thxbook了8:30果一輪,10點last order,可以坐到11點一開始點了刺身:三文魚,池魚,劍魚,榮螺,甜蝦,鮑魚片等等,好大件下,幾新鮮炸蠔:脆卜卜,好好食壽司:鈿鈿件幾好味,賣相又ok帶子一口燒:好細粒,唔好食芝士年糕:我次次都點,我覺得好好食,煙煙un un軟殼蟹:好脆好好味天婦羅:即叫即炸,好味炸雞軟骨:普通吊燒尤筒:普通啦我覺得生日雪糕旦糕:送既...雖然麻麻地但好窩心總括泥講相比其他既放題,外野手算唔錯,食物幾好服務又唔差,但...冇toilet囉.....

就返學啦.....所以來個小小的朋友聚會....一行4人來個食食食之旅.....本來打算去一生，但一生等的時間真係太長...而且又食唔飽.....上次的松屋之旅6人行，都唔飽.....所以今次來外野手.....食物如下:刺食有三文魚(肥)，劍魚、甜蝦，池魚他他(唔好食)，鮑魚片，北寄貝，珍珠帶子(好味)牛舌:好正，又軟又好味，八爪魚丸:可能因為熱食，加上汁好味炸蠔:不太愛，最後叫傻佬幫我食，帶子一口燒k la....以為好大，原來好細鹽燒靖魚:唔好食，冇人食和牛壽司:唔好食，半熟個位唔好...太生火焰三文魚壽司: d fd話有d油，冇食到好可惜紅豆涼粉:一人一口，凍d更好天婦羅:個個都好食....全叫面豉湯:叫左3碗...真係好飲軟殼x:好好味...又香又脆cheese餃子:食唔食都ok.....重有好多野，講都講唔完，不過佢個到依家係冇北海道燒元貝同冇鍋嫁la.....所以有睇外野手網的朋友小心...ps:重有遲去食一定冇位....如果你係食8:15個場...一定要book左先.....

和好久不見的阿星相約吃飯，選了這間隱藏在工廠區經常被雜誌盛讚的日式放題，訂了第一轉18:00至20:15的桌子，有兩個多小時，可以悠閒地聊天。一坐下，侍應姐姐便告訴我們各類食物每一客的份量，相當細心。我們先點了大量刺身，三文魚、池魚、劍魚、榮螺、甜蝦等等，鮮度還可以，醃過的款式調味也OK。這兒熟食比較好吃，燒牛舌入口柔嫩，牛味濃郁，醬汁甜甜的，十分討好；揚物一般，炸雞軟骨不夠脆，軟殼蟹倒不錯，有點肉汁；燒帶子則不及和民。想不到蔬菜料理最出色，炒雜菜的材料有椰菜、金菇、冬菇和甘筍，下胡椒同炒，非常冶味；各式蔬菜天婦羅剛離火便上桌，熱得燙嘴，很新鮮，其中以冬菇最為清嫩多汁；最好吃是燒粟米，牛油香恰到好處，好久沒嘗過這樣清甜的滋味了。不是非常美味，但以放題來說算高水準。價錢有點貴，不幸今日狀態一般，吃光刺身已經半飽，不太划算。

早兩個月去過呢間店，book左食8:30pm果場叫野食後好快就上到枱，服務態度唔錯。食物方面唔差，d魚生同壽司一般，無乜特別。但炸既食物就幾好，炸得啱啱好。如果食放題既話，雖然係任飲任食，但如果想要雪糕就另外加錢。同埋如果有人生日，會送多個蛋糕比你。整體來講算唔錯，係觀塘食野一個唔差既選擇。

考完試, 梗係要去食返餐好啦同朋友一行5人食今日8:30個輪今日唔算太多人可怕有部電視壞左..無得睇法證去到就點野食啦真係好快上菜d剌身ok~但帶子唔算新鮮天婦羅好普通...比較腍...燒o既就雞串幾好食...其他就mama地炸物方面....都係普通...無乜特別加茶係加得幾快o既總括黎講比我想像中差...質素認真麻麻...同埋又食唔多野呢唔係話好抵食啦...我諗我有排都唔會再食同類放題住啦

非常失望！見到咁多人試過都勁讚，就滿有希望咁去試下啦！點知~三文魚．無錯係好大件，但太大了，而且有腥味，唔係特別新鮮！壽司．d飯生生地，比迴旋的更差！其他熟食．ok啦，一般茶餐廳水準！因為全場full晒，所以要搭枱！同枱另一班人，都同樣講同一番說話，見食評咁好咪試下囉，但不外如是，真費解！起初我都諗住係我同我老公要求高，原來並唔係，而係真係令人失望！服務水準是不錯的，加水快，上菜都ok，但…有一件事不得不題，電話book枱的時候，已經問過有無人前後五日生日，我答佢啱啱係第6日，佢話都唔得，無cake送！我都唔介意，但之後我地去到，佢又問，我又答，佢又係呢個答案，咁佢問黎做乜喎！好似我想貪佢個cake咁，我地都唔係雪糕既！而且老實講，人地一場黎到，差一日半日都無所謂啦！！

見到d人勁讚呢間放題好食, 就連Foodpara既都特登介紹呢間野~~對食一向有要求既我, 一向唔食放題既都心郁郁想去試一試佢! 好~~就抱住好奇心...睇下佢有幾堅! 入到去~~唔係想像中咁爆~~款式多就多喇~~Quality真係麻麻播~~新鮮程度與一般連鎖式迴轉店差不多~冇咩驚喜~$158/位想要求d咩丫...下化?! 真係唔明點解位位比成百幾兩百銀~~d人都覺得低, 真係因為佢係放題任食?! 一個人一個肚食得幾多丫, 唔係抵食就OK架播! 我就情願食有質素既野喇! 怪不得香港地日本鋪成行成市, 但有Quality既, 有心思既日本餐就略欠於市! (特別係o個d鎖式迴轉店, 多過茶餐廳, d人排隊排成個幾兩個鐘, 晚餐一百幾十, 比我就唔排喇! 又唔係特別好食!)

我地一行10人, 食第2round係d位迫左少少, 但食物真係good!!叫左好多round 魚生, 三文魚勁厚又大件, 勁大盤咁黎, 隔離檯見到都呆晒仲有燒牛舌, 好好味, 甘香軟林林海老天婦羅熱辣辣好正, 仲有炸蠔都好好, 唔會老最最最愛火焰三文魚壽司, 有少少mango o係上面入口即融, 好好好好味仲有一讚聽電話book檯既小姐, 好有禮貌同好nice, 我打去改左幾次都唔會嫌煩。好多人慶祝生日, 下次都去試下佢個cake先得。

睇到之前ｄ食評ｏｋ～我呢個港島人尋日去觀塘同朋友行街就順便黎呢到食下..好彩walk in都有位!我覺得d炸物..小食真係唔錯!!sushi就麻麻地..因為2個人食得唔多野..感覺上搞到好似有d唔抵食咁.哈哈!相信1大班人黎食會抵食好多!不過我諗我應該唔會再刻意黎了...試過就ok!

昨晚兩個人,6:15到達外野手,本人一向早吃晚飯,所以相信放題都ok!第一Round點了刺身(都ok新鮮),炸物及燒物(即炸即燒,唔錯),易飽的食物無點(壽司&卷物)第二Round同樣點了刺身,鹽燒靖魚(第一Round得個尾,今次成絛上,點食呀?),可樂骨(意為最多咪4件,點之又成絛上8件!).....望個鐘先7點未到......oh..jesus...總括...地方較細,兩個人食要搭,又食唔到太多,四個人或以上會較好...如自問係大胃王,這裡都算不錯......但我只會試一次

同ＪＫＹ恨了很多個月，終於有機會來外野手啦．食第一ＲＯＵＮＤ，６：１５ＰＭ開始，店內好多人，檯排得密，有電視睇（不過嘈得聽不到）．食物基本上係好好味！！刺身：　食了兩ＲＯＵＮＤＳ，大大件，珍珠帶子很鮮甜，三文魚唔差，其他都算ＯＫ，只是我們吃的那些立魚有點腥味．總之很滿足！放題來說，算是不錯．牛舌：　一入口，我們相對而笑，哇，真係好好味，香口，鹹淡適中八爪魚丸：呀，Ｄ粉漿是白色的，有點意料之外，不過味道不錯，放題來說青葉的較好吃炸蠔：　大小ＯＫ，新鮮炸，香口，鮮味，連平時不太嗜蠔的ＪＮＴ也很滿意帶子一口燒：　一客五件，牛油味很濃很芳香　（一入口又是一句，點解咁好味架？）鹽燒靖魚：　燒得很好，能掌扼時間，不會燒得太乾，魚肉還是帶濕嫩的感覺呢吊燒尤筒：　相比其他食物，這個顯得平平無奇，可以不試海膽甜蝦手卷：　不太新鮮，吃放題不能期望太高芒果鰻魚卷：　雖然只有芒果沙律漿，但好好味，入口一陣清甜，如果我有兩個胃我會再ＯＲＤＥＲ一次！和牛壽司：　真材實料，推介！不過小心壽司上紅色的辣椒蓉（中招了！）火焰三文魚壽司：　ＯＨ　ＹＥＳＳＳＳ！又一佳作，飯團小點更妙！！！蒜蓉炒雜菜：　很香，也頗大碟，怕飽

我都係睇到Open rice 度咁多人話夜晚好食, 所以去試試! 但都係失望而回!其實平時lunch 間唔中都會去食, 但係尋晚先第1次食夜晚。我覺得係完全無特別, 刺身亦唔覺特別好味同新鮮! 都係同青葉果 d 差唔多!以呢個價錢食呢d野 (又唔包野飲), 我個人覺得唔係咁抵 (最主要佢唔係特別好食!), 所以應該唔會再去lu! 寧願比多少少錢食盛八!

睇到d食評 拿拿聲同朋友book定位!6點鐘就去到 ..1坐低 聽佢解釋後order野食!野食係好快出 都ok ...但d 3文魚又太長太厚 朋友order左4件都已經唔想食!甜蝦凍到冇味 ..壽司又要2件起 - -"好快飽 158加一 唔包野飲 ...都係麻麻地 - - 有少少失望