多多雞大排檔

营业中

休息中

今日同屋企人嚟咗元朗又新街呢間新開嘅多多雞大排檔食晚飯❤️舖頭主打招牌脆皮碳燒雞😘真係一試難忘🥰由於係即叫即燒嘅關係，所以要等20至25分鐘左右 但係絕對係值得等㗎，因為上枱嘅時候係原隻雞上 可以俾我哋打卡😆重點係佢唔單止外表靚 成隻雞係外脆內軟 雞肉嫩滑 雞皮燒到非常之脆，有種食緊乳豬皮嘅感覺😻我哋仲叫咗美極海中蝦、金銀蛋菜苗、椒鹽九肚魚同埋炭燒豬頸肉💕美極海中蝦又係一個我要大推介嘅菜式🥺🥺🥺蝦肉彈牙 好新鮮🫶🏻加埋美極嘅香味，簡直令人食唔停口😻😻😻椒鹽九肚魚又係好出色嘅炸物，因為唔會太油膩，但係又可以做到外脆內軟嘅感覺☺️ 炭燒豬頸肉燒得好香，加埋佢哋特調嘅泰式醬汁 好好味❤️最後我想講係連金銀蛋菜苗都好好味 唔會太鹹 菜苗煮得啱啱好，唔會過老😗呢間大排檔真心推介，因為店員好Nice❤️重點係每一味餸都好味🥰🥰仲要啲餸係好大碟嘅 我哋三個人食食咗七百幾蚊人均都係二百幾 但係我哋最尾係食唔晒要打包😨所以呢間餐廳真係好抵食😚😚值得更多人認識🥰🥰🥰多多雞大排檔 (元朗)📍元朗又新街37-51號富祐閣地下14號舖

嘩嘩嘩~！今日返元朗揾老母吃飯，佢話有間燒雞好正，叫我入黎試吓。香港坐戶外嘅大排檔買少見少，坐戶外自由啲，喜出望外就係野食好好味！今日四人吃飯，好彩早到，六點去到坐低叫野，都仲未上菜已經全場爆滿~想試食嘅朋友記得早啲黎，或者叫店員留座！講下菜式先：（食咗半碟嘅）椒鹽鮮魷 + 時菜龍躉球原本都無諗住影相，就係食咗半碟椒鹽鮮魷，覺得好正先開始影相~同平時啲鮮魷好唔同！老細話唔係用急凍貨，係新鮮魷魚~勁好味！出面小菜啲魚塊通常用石斑、甚至下價魚，呢到係用「龍躉球」，好味好多。招牌：大瓦缸燒雞最出色嘅當然係燒雞啦~！即燒要等20分鐘有少少耐，但真係一試難忘！有比較剪同手套自己慢慢拆黎食，原汁原味~ 除咗個皮好似薯片咁脆之外，原來隻雞都唔同架，老細話呢種雞叫「鬍鬚雞」，唔係三黃雞、清遠雞食到成層黃油又肥膩，無咁肥健康啲之餘，皮又脆啲，又有雞味！一定要堂食襯熱食！啲野太好味，之後唔夠喉再叫咗個 味菜炒大腸、同埋啱啱返貨嘅新鮮大尾魷！！四條友食，埋單每人唔洗兩舊水，最重要係好食，真係值回票價！~原來呢到另外嘅招牌係啫啫煲，無叫到添，下次再黎睇下會唔會啫到水汪汪！黎元朗食晚吹水應該會再黎！

我放工和朋友經過，見到新開張，隨便坐低。叫了招牌燒雞、問豉汁蒸鱔、和羊腩煲。招牌燒雞皮脆肉嫩，自己用剪刀剪開時候仲熱辣辣，好多肉汁流出來，配啤酒真係一流！豉汁蒸鱔非常鮮甜，好新鮮，鍾意食鱔嘅人一定要試。仲叫咗羊腩煲，很惹味，又唔蘇！老闆非常好人，仲送左支啤酒我哋🥰阿姐都好禮貌，仲會推介招牌小菜！見到咕嚕肉、椒鹽魷魚、豉油王炒麵都流口水，下次要試！性價比高，下次帶埋多啲屋企人，一定再encore!

見新開小店內有即叫即燒雞，立刻試吓。可能新開未有今多客人，舖頭同menu超級乾淨👍🏽👍🏽😂😂。 雖然當晚等左差唔多20分鐘最想食既燒雞先燒好上得，不過全枱人都覺得好正好味，重話後悔冇點多隻🤣🤣，即燒皮脆肉滑，係連胸都滑有汁，重點係有好有雞味好鮮（好似話係新鮮鬍鬚雞）。6 個人唔使十分鐘食完😂真係要追加多一隻先夠喉。另外點左幾款啫啫煲同小菜好快上，都好夠香，多料唔會水汪汪。胡椒大蝦最喜歡👍🏽。下次入元朗一定會再去食過。

我老闆係集團式 經營茶記 每三個月 就帶我哋啲分區廚房大佬 去全港 週圍捐窿捐罅 上網資料搜集搵好嘢食 元朗出名老字號 好食 多嘅舖頭好多 五花八門 今次老闆 就係帶咗我哋入元朗搵好嘢食 汲取人家嘅長處 今次有啲特別 係一間新開嘅舖頭 唔知老闆點解今次揀呢一間 完全冇去嘅資料 今次真係估佢唔到 想擦鞋評分 都有啲難搞 要睇現場嘅食物 同埋環境 運作唱唔暢順 要講出自己嘅 睇法 去 評分 今次係有啲難度同埋難搞 老細叫咗個火鍋 畀我哋試 食材新鮮 好味 大碟 再跟住嚟一隻燒雞 同埋 無骨 海南雞 燒雞係現場即 炭燒 係用個大 缸瓦 大概燒咗30分鐘 嚟燒嘅 出到嚟嘅效果 好多汁 個皮好脆 真係有啲 辦法 好似返咗上大陸 個無骨海南雞 超滑 大 隻 有水準好味 老闆即係老闆 自己食完 就再帶我哋 成班拍檔 一齊試好嘢 老闆近呢幾年帶我哋去食 最有水準嘅一間 我哋都要向佢偷師學習