夜貓。燒

营业中

休息中

喺朗屏附近見到有間試業中嘅餐廳做緊優惠又係老公鍾意嘅串燒店就入去試一試😍門面同餐廳內部環境都算企理有少少設計感嘅牆身加埋白色枱櫈感覺好chill~食物選擇勁多好在餐牌上巳經分類列出👍🏼落左單廚師即串即燒因為係開放式廚房有得睇住廚師準備食物都幾好（左至右）【蒜燒鮑魚】size中上，厚肉而且質感軟彈【牛舌心串】外層燒得夠乾，但入面keep到柔軟、有咬口【孜然羊肉串】孜然味唔會太重，食落有肉味但唔算羶【和牛牛肋條】肉味香濃，但稍為燒得有啲靭【五花腩肉串】切成條狀食嘅時候方便啲，肥瘦平均【脆皮白鱔】燒得香脆，肉質結實，調味偏甜都幾好食【虎皮辣椒】辣辣地好過癮，最正係皮薄無渣【京葱】香口又多汁，口感同虎椒有啲似【肥牛蘆筍串】肉嫩有汁，加爽脆蘆筍，呢個配搭好食過金菇😍【大頭蝦】店主推介，新鮮多膏蝦肉實淨彈牙【脆蓉茄子】蒜味香濃，茄肉軟滑食得太多肉一定要叫份茄子平衡返😂【韭菜】韭菜好幼嫩，容易咬而且完全無渣燒得好香，又唔會太乾【蒜燒生蠔】生蠔都幾大隻而且食得出好新鮮整體而言環境同服務都唔錯大部分串燒嘅火力同時間都控制得好好海鮮夠新鮮蔬菜夠幼嫩加上做緊試業優惠好抵食😋

以下全部辣到都叫咗小辣，可以叫中辣同大辣😎麻辣花甲粉$32Order左小辣，對小編黎講已經好足夠，我花甲冇腥味，沖洗乾淨、冇沙，粉絲好滑，鹹味適中😆麻辣燙$58 （4個餸+1個麵）大大碗，叫咗肥牛、午餐肉、貢丸同生菜，揀咗紅薯粉，要兩個人先食得晒😜辣味慢慢後勁上🤣好抵食原條魷魚串$38魷魚串燒完好脆，一定要食烤雞泡魚乾$68每次去親串燒店都一定會叫嘅雞泡魚乾，完全冇令我失望😋🤤煙韌嘅口感配埋沙律醬100分脆皮白鱔 $48層皮真係好脆😝肉好香 ，燒嘅時間啱啱好唔會令到肉質變乾👍🏻牛舌心串 $25大大塊牛舌心，仲有好多孜然粉等嘅調味料 🧏🏻‍♀️孜然羊肉串$22羊肉串冇羊騷味已經係100分肥牛金菇串$22肥牛勁Juice仲有啲焦脆嘅口感、金菇好爽口芝士年糕$28小編最鍾意食嘅其中一樣小食，外層好脆，入面好留心煙韌、好邪惡麻油海蜇絲$28食完辣嘢要食下 涼拌小食解辣好重麻油味，又爽口 清涼口感，正

口痕想買啲串燒返屋企加餸，諗起上次經過有間連紅紙都未拆嘅新開串燒店，膽粗粗WhatsApp問吓有冇得叫定外賣，餐廳應機應得好快，仲提醒我今日韭菜唔係好靚，推介我食四季豆～嚟到舖頭門口真係嚇咗一跳，原來餐廳休息！但係大閘就半開見到入邊有人，原來佢哋休息都做埋我張外賣單🥺 感動今日嘅重頭戲係蒜蓉茄子🍆，超巨大嘅茄子要喺上面鋪滿蒜蓉都唔簡單，配合孜然粉香味，真係好似返咗大陸食宵夜咁😗另外嘅肥牛金菇串，金菇唔會燒到乾晒都有汁～推介嘅四季豆都好好食，無渣😝講吓啲啖啖肉之選，叫咗一串羊肉，唔騷仲幾大肉～司華力腸上面就鋪滿香料同一般食到既好唔同～抵食之選就係雞翼，叫每一份雞翼係有兩串，即係total三隻雞翼的！而且辣得好過癮 即刻要開罐汔水呀！不過串燒呢啲嘢都係要即食熱辣辣會好食啲，而且餐牌仲有好多海鮮選擇，有機會要試下堂食！

為何深宵總是餓？夜晚晚肚餓吾使驚了，有「夜貓·燒」。話說今日收工晏咗，仲要去元朗買野，然後比我發現呢間新開嘅「夜貓·燒」。一間新開不久嘅串燒店，咁啱我肚仔餓又仲未食飯，咁就一於入去試試新野。餐廳門口有一張三人單邊枱，方便喜歡坐室外或等外賣顧客。店入面是白色四人枱，店子雖不大，但座位尚算舒適。《大啡菇》我要特別推介，超級有驚喜，大啡菇內放有煙肉，面層再鋪上芝士，入口充滿啡菇加煙肉汁，非常好味！留意呢個製作最需時，最好預早order 而且要耐心等候。《脆蓉茄子》茄子肥大肉厚，調味夠香口，加入炸蒜特別惹味。再點咗《秋葵》、《雞脾菇》、《香脆豆卜》呢個燒到個表面特別香脆，居然又幾好味。《牛舌串》ok 、《羊架》都大塊、尤其《五花腩肉串》最香口，本人最喜歡。《白鱔》真係燒到皮脆香口。果然有名你叫「夜貓」，小店越夜越熱鬧，餐廳營業至零晨，提供串燒、麻辣燙及無酒精飲品。如果夜晚想幾個老友吹下水食宵夜；或者夜晚肚仔餓吾使怕啦，依家又多一個好選擇了。

夜貓。燒啱啱同朋友食完晚餐，但又想繼續吹吓水又口癢，就嚟到哩間食串燒嘅小店，店員都好後生好有禮貌舖面面積唔大，人唔會太多，好啱同朋友靜靜地坐低食吓串燒傾吓計-------------------------蒜蓉粉絲貴妃蚌 $48用蒜蓉鼓油等簡單調味已經好惹味粉絲超級入味貴妃蚌好水潤鹽燒三文魚鰭 $35魚鰭外表燒得香脆，肉質嫩滑蒜燒鮑魚 $48蒜蓉依然惹味鮑魚新鮮彈牙唔韌鹽燒大海蝦 $48大海蝦用咗開邊燒嘅方法嚟燒，放埋蒜蓉喺上面，超惹味海蝦大隻，肉質鮮味彈牙蒜蓉粉絲扇貝 $48哩個係個人嚟講最鍾意扇貝新鮮鮮甜，肉質厚實，配埋蒜蓉粉絲真係冇得輸焦糖菠蘿 $22係新鮮菠蘿，超級香甜，上面加咗焦糖又好脆口，好食翠玉瓜 $13爽脆香甜，內裏好有水份雞軟骨串 $18軟骨偏細，但內裹都好濕潤爽脆大啡菇 $13上面放咗芝士煙肉，有拉絲大啡菇烤得夠juicy，好有菇香蒜香茄子 $28茄子好綿滑，上面鋪咗爆多蒜香調香，好香口，夠重口味粟米 $13係後生粟米，好清甜，飽滿金黃，粟米衣好脆薄肥牛金菇串 $22肥牛同金菇好夾鵝肝多士 $68多士用咗蜜糖嚟烤同食開嘅鹹味鵝肝多士有啲唔同但都好香脆--------

比起好fancy嘅日式串燒或者由細食到大嘅泰式串燒串燒都係配孜然粉最啱我牛小排勁重牛味油脂分布都好均勻仲有菜跟減輕油膩感牛舌雖然唔算係好厚切但食落口感一樣好燒鱔又係皮脆肉嫩而且都切得好厚身係generous 嘅仲點咗燒大蝦🍤啲蝦膏好多個殼燒到好香口差啲想食埋佢蒜蓉粉絲燒扇貝蒜蓉粉絲燒貴妃蚌兩樣都超嘢味～粉絲吸晒海鮮同蒜蓉嘅精華食完一round要再encore先夠喉食串燒配可樂係必須嘅想飽肚啲仲可以叫麻辣燙😌