夢樂園 (已結業)

尖沙咀一向多野食，今次行過發現到一間樓上新開嘅小店，就同朋友黎試吓餐廳主要以台灣同四川嘅菜式為主，價錢都唔貴，可以加錢叫小食同野飲，落單嘅時候老闆娘仲好細心同我地講啲野飲點配搭會好飲啲脆皮餃子餃子外面炸到好香脆，咬落去入面仲保留到肉汁，好juicy紅油抄手抄手個皮好滑，內餡嘅肉份量唔少，抄手嘅汁同口手雞一樣，好惹味黑毛豬魯肉飯魯肉飯個汁好香，啲魯肉肥瘦適中，炆得好入味同好淋，撈哂成碗飯黎食口水雞（無骨）口水雞嘅汁又香又麻，啲雞去哂骨咬落去啖啖肉，而且相當嫩滑，送飯一流熱紅豆奶茶奶茶唔會死甜，茶味都幾出，紅豆好綿，食落有啲似紅豆沙熱芋圓奶茶芋圓細細粒，好煙韌成間餐廳以貓貓做主題，除左有好多貓貓嘅擺設，仲可以同店主兩隻貓玩，中意貓嘅朋友唔好錯過

放假悶悶地落尖沙咀行下周圍睇下野行到攰就打開openrice 望下附近有咩好食啦無意間發現到呢間樓上有貓店主坐陣嘅cafe -「夢樂園」就諗都無諗就衝左上去嚕～呢間係啲樓上家庭小店黎嘅，一禁門鐘就率先見到可愛貓店主「笨笨」出黎迎接客人啦～ 入黎嘅時間係五點鐘，我包場咁，正！呢間餐廳嘅裝修名副其實「夢樂園」，枱櫈都色彩繽紛咁樣，幾舒服嘅！坐低咗冇耐，親切嘅店主就介紹話呢個鐘數我都仲可以叫到午餐，餐牌簡印咗喺隔板到，方便客人點餐👍🏻最後我揀咗黑毛豬魯肉飯$68，再加$6叫左個紅油抄手，另外店主特別推介我飲冬瓜茶，話係自家煲嘅，所以一於試吓佢啦！係等緊食物嘅時間，當然就係撚吓貓啦，我唔算係貓奴，但係呢間店嘅兩隻貓真係令我好心動想做貓奴😍 佢叫笨笨～ 無嘜出聲，但係叫佢佢會用個肚黎回應你嘅🤣佢叫妹妹，店主話佢比較怕羞，但係又好嗲人！我想講我坐低咗冇耐，妹妹佢自己跳咗上嚟我隔離張凳好乖咁坐低咗，之後仲跳埋上嚟我大髀到😍😍 第一次見就咁嗲咁熱情架咩❤️ 兩隻貓貓都好乖唔怕生，任摸唔嬲架！真係心都熔埋！正過貓cafe嗰啲呀真係！我掛住撚貓，同啲貓影相自拍，啲嘢食嚟到都唔捨得食住🤣好，講返啲食物啦

今日我去尖沙咀做完嘢，去左間bookmark左好耐貓Cafe。我叫咗個lunch set，再加咗個小食同杯飲品。家鄉黑豬肉燥拌稻庭烏冬（$72）喺香港通常都會食湯烏冬，撈烏冬就比較少食。佢個烏冬煮得好爽口，唔會痴luplup，呢個對於撈烏冬黎講好重要！佢有好多蔥同埋肉燥，而且肉燥唔算好多肥肉（我最怕食勁多肥肉幾肉燥飯）👍🏻，撈埋啲烏冬一齊食好入味。小食方面叫左個脆皮餃子，炸到金黃色而且好香脆！嘢飲方面我見咗個芋頭沙奶茶，佢芋頭味都幾重，而且唔算甜！加埋有兩隻英短貓貓既陪伴，身為貓迷既我真係好開心！老闆話有隻好痴人，有隻麻麻地痴人，但兩隻都幾痴我，好開心！！你睇下佢幾cute！會同你地撒嬌！💗

貓太后今天帶我去探望她的朋友，她帶我去到位處尖沙咀的環球商業大廈2樓，推門入去見到兩隻毛色漂亮的喵喵星人，分別係美國短毛品種喵星人同英國短毛品種喵星人，兩位喵星人立即為我們開路，引導我們到合適位置，然後喵領導出來招待我們坐下，原來哩度唔止係喵喵機地，都係喵領導的創作天地，牆壁上充滿她的畫作，喵領導仲係位烹飪高手，我和貓太后點左兩份午餐、小食和飲品後，她就快速地製作，兩位喵喵星人除左四圍巡視環境外，還會幫忙招待客人，和客人玩樂、影相，隨時係附近stand by。美食來了，我和貓太后坐在南瓜車前進餐，今日我地食家鄉黑豬肉燥拌稻庭烏冬、脆皮餃子、台灣腸，稻庭烏冬新鮮煮面起，面層放滿幼幼的蔥花，撈埋在碗底下的豬肉粒和醬汁，就成了，烏冬彈牙嫩滑，黑豬肉香口惹味。脆皮餃子一咬果然脆薄薄，內裡包著豬肉餡，沒有太多油份，所以食得好乾淨。台灣腸咬落外層香脆，旁邊伴有新鮮蒜蓉，與香腸一起食增加口味。叫埋杯荔枝梳打飲，消暑又解熱。係成個用餐過程中，兩位喵星人都好乖好有禮貌地係我地旁邊間中注視下，我地食完牠們就回機地自行休息，完全不會騷擾我們，令我們食得好輕鬆愉快。

🌟雖然我沒有養貓，但我也超喜歡貓咪的，很喜歡和他們玩，很可愛☺️碰巧我去找羊先生吃個飯，就找找看有沒有cafe 可以坐坐，吃吃東西。於是隨便就找了一家cafe, 走進餐廳就看到一隻貓咪在休息，我決定吃飽飽後就去撩它玩！希望它能醒醒🤣🍜家鄉黑毛豬肉燥伴稻庭烏冬 $72不要看它好像一碗小小的，烏冬的份量真的不少！滿滿的黑毛豬肉燥舖在烏冬上，以為會不夠味道，不夠醬汁拌勻，原來在碗底也有特調的醬料。烏冬彈牙煙韌，質感很好，也不會黏在一起，配上醬料和肉燥，味道很好，濃郁醬油香，配上香蔥的味道，味道很豐富。這種味道總讓我回憶起以前小時候吃手拉腸粉的味道。難怪菜式是家鄉黑毛豬肉燥。🧆黑毛豬滷肉飯 $68聽說這兒的黑毛豬特別好吃，於是就選了黑毛豬滷肉飯，滷肉飯是吃過啦，可是黑毛豬滷肉飯就真的沒吃過🤣 肉和脂肪的比例大概是1:1，好像比起普通的豬肉，比較濃郁和嫩，米飯跟醬油的比例剛剛好，米飯粒粒分明。🥟餃子 +$6餃子炸的十分脆！🥟紅油抄手 +$6這是迷你版本，使用了不常見的餛飩，皮比較不滑溜，會比較有口感🍹芒果乳酸梳打 +$10羊先生很喜歡這杯，乳酸味很重，甜味中等偏甜🍹芋圓茉香奶茶 +$15甜度中等剛

今日天氣超級熱。 同朋友係尖沙咀想搵地方好好咁坐底食下野。 諗左陣, 經過lee間夢樂園, 係間樓上舖, 就即管上去睇下。上到去可能係樓上舖，都算乾淨清靜。 原來仲係一間貓貓店, 有2隻貓好會招呼客人。 所以就咁就真係吸引到我地入去啦。坐底玩完一論貓後, 就正經點菜。點左: 是日推介既沸騰魚烏冬, 有d辣; 黑毛豬魯肉飯, 唔辣既; 黑白雲耳涼拌, 脆皮餃子; 野飲仲有: 抹香涼粉奶茶, 荔枝乳酸梳打。本身熱到冇咩胃口食野, 但沸騰魚真係幾開胃。 有d辣, 但食得好開心。 佢既桂花魚好好食, 一d骨都冇, 食得好舒服。 黑毛豬魯肉飯, 醬汁同肉好夾, 好明顯有用心調過。 黑白雲耳涼拌, 真係幾爽口, 白雲耳好少有。 脆皮餃子煎得唔錯。 食物份量睇落好似好少, 但其實係剛剛好, 真係唔會太多, 亦唔會唔夠。 而飲品, 係咁熱既天時, 真係令到lee餐飯非常完滿。

呢度嘅主題係貓咪，周圍都好多打卡位佈置得好靚 ！仲有呢度嘅嗎貓咪好乖好可愛 😺😺😺 家鄉黑豬肉燥拌稻庭烏冬$72稻庭烏冬質感剛剛好煙煙靭靭👍🏻 肉燥,雖然不太多汁但不會過鹹，幾足料，分量剛剛好！🥰 紅鳳凰口水雞 $60朋友因為食唔到好辣，所以餐廳好好個汁分開另上，另外都配咗薑蔥畀我朋友， 非常貼心! 雞肉嫩滑juicy🐔，仲配有好多花生😋😋😋 另外加六蚊有一款小食 黑白雲耳仔一小碟但賣相吸引，微辣好開胃!😋 脆皮餃子有兩隻，煎炸得好脆口，皮薄餡靚🥰 $+6 熱冬瓜茶朋友話冬瓜茶唔太甜，好大杯👍🏻 $28 甜品黑糖芋圓芋圓好有驚喜，份量好多又好靚！ 煙煙韌韌嘅芋圓配黑糖都唔會太甜😍😍😍 朋友大讚好味！

今日去尖沙咀睇戲咁就喺附近搵啲嘢食下啦 見到呢間食類似台式嘢嘅又近近地就上去望望啦一上到去就見到有兩隻貓貓喺度坐低咗慢慢就會喺你隻腳度走嚟走去 好似喺度歡迎你咁樣 午市套餐有一個主食 一款小食再加杯嘢飲嘅 叫左個家鄉黑豬肉燥拌稻庭烏冬同黑毛豬滷肉飯 兩杯凍蜜桃烏龍同貓貓玩咗一陣啲嘢食好快就嚟到喇黑白雲耳仔 第一次食白雲耳仔咋 比黑雲耳大塊同厚身少少 一樣都咁脆口 胡麻萵筍 係咁熱嘅時候食呢啲就啱得 萵筍切得大細剛好 夠爽口黑毛豬滷肉飯 啲鹵肉肥瘦參半 香得嚟又唔會覺得太肥膩 黑豬肉燥拌稻庭烏冬 個烏冬呢就夠彈牙再撈埋啲汁食食食下第二隻貓貓走過黎用手掂一掂我 之後喵左聲 好cute有好多客人都會特登走嚟搵兩隻貓貓玩 呢個地方真係好適合愛貓嘅朋友呀

身為貓奴既我雖然屋企有主子但難免有時都會心郁郁出軌去揾下其他主子.今日朋友特登帶我去尖沙咀呢間新既貓cafe偷食🥰.入到去雖然得一隻眼仔碌碌又親民既貓店長笨笨,但佢唔怕生又可以比人摸,又乖又可愛.呢間貓cafe所提供既食品以台式為主,係分隔板上可以清楚睇到.家鄉黑豬肉燥拌稻庭烏冬稻庭烏冬上被海量既肉燥及蔥粒淹蓋,份量好足！堆成一個肉燥蔥粒山.將肉燥及蔥粒與烏冬拌匀後,可以感受得到肉燥既肉香味.夾起稻庭烏冬既時候原本雪白既烏冬被肉燥汁染成淡焦糖啡色.煙韌既烏冬入口香濃,啖啖肉香中帶出一份香甜.風酥豬扒飯豬扒炸得唔會好油膩,豬扒肉質嫩香帶肉質既嚼口.肉唔會乾柴,入口仍帶肉汁.豬扒外帶一陣蜜味,鹹中帶甜好惹味.配上自製既蔥油令豬扒味道更鹹香,配飯相當搭配.另外豬扒旁亦附上自家既酸薑做配菜,薑香辦得黎又唔會過嗆,酸酸甜甜又爽脆相當開胃.胡麻䈑筍同樣爽脆清甜,加上胡麻醬及混上黑芝麻粒更香之餘亦增添脆口感.芋圓奶茶奶茶既奶味香甜配上迷你粒粒芋圓,香軟Q韌.

放假出尖沙咀先黎落雨惟有搵個地方hea下原本諗住去Jolibee ！經過附近見到夢樂園既易拉架有台式野食又唔貴，於是上去試下入到cafe已經即刻有貓店長招呼，佢地好乾淨，熱情又唔會阻住你食野！跟老闆娘推介點左1. 黑毛豬魯肉飯+黑白雲耳仔+凍冬瓜茶2. 風酥豬扒飯+胡麻萵筍+凍冬瓜茶黑毛豬魯肉飯飯係珍珠米，粒粒分明，唔乾又唔會太濕魯肉飯中規中矩。可能係黑毛豬，煮得夠淋但一D都唔油風酥豬扒飯炸豬扒配子薑同蔥油，飯另上。蔥油應該係新鮮整，撈飯唔錯豬扒炸既，都係唔油，幾香口，幾好味，略嫌有啲薄，但係呢個價錢，可以接受黑白雲耳仔白雲耳唔係度度有，食落有驚喜，好清爽，帶麻香胡麻萵筍少見的前菜，味道正常冬瓜茶又一老闆娘推介，自家煲冬瓜茶同樣驚喜味道同出面唔同，好清甜，仲有啖啖冬瓜蓉環境雖然唔係好大，但坐得舒服，一個價錢又有貓玩又有好西食，真心抵玩過貓cafe！

這星期六來到一間樓上台式食店午餐，呢間小店夢樂園感覺舒適，適合同朋友一齊傾吓計輕鬆一下。以上餐牌好有趣，右上角寫住內有純貓可摸。的確，裏面我哋見到兩隻好得意嘅貓咪店裏面牆壁上邊都有唔同嘅壁畫，感覺好輕鬆開心，見到兩隻貓咪在店內做嗎店員，佢地一定吸引到唔少熟客我哋點左兩個午餐，有主食、小食，飲品。家鄉黑豬肉燥拌稻庭烏冬：面頭有勁多蔥，滿滿清翠嘅感覺，撈勻之後食好好味！爽口嘅香蔥伴上醬汁令烏冬都好入味風酥豬扒飯：煎得好香口，薄嘅炸衣包住豬扒，味道鹹香，亦冇太大油膩嘅感覺，點埋蔥油配合白飯一齊食好好味。黑白雲耳仔：麻辣嘅醬汁伴住雲耳好好味，雲耳爽口，兩隻顏色嘅雲耳配合埋一齊賣相都幾靚。台灣腸：在台灣夜市必點嘅小吃，食落去充滿懷念嘅感覺飲品我哋再點冬瓜茶以及肧芽奶茶。這間餐廳我們也幾喜歡，食完走咗之後都掛住得意嘅貓仔🐱🐱

朋友推薦話尖沙咀新開左間樓上貓貓cafe，於是我星期六就搵埋貓貓控朋友一齊去，Cafe 位置隱蔽但唔算難搵，就係I square 附近大廈一樓整體食物水準不俗而且價錢抵食，老闆服務態度都好好店舖裝修好有心思，連紙巾盒同menu都係貓貓造型，仲時不時有幾隻可愛小貓出沒😍我同朋友要左兩個lunchset黑毛豬魯肉飯($68)幾大份同埋魯肉好入味，餸飯真係一流🤤另一個醋抵牛肉飯（$59）都唔錯👍🏻睇圖就見到牛肉份量滿滿加$6 既小食胡麻萵筍同黑白雲耳仔健康又開胃

呢間小店係我一個朋友介紹的 老實講小店位置唔差 但因為唔係地鋪好容易錯過 我朋友好中意猫 小店內有兩隻好可愛的小猫 小貓好純唔怕陌生 同小猫玩到唔捨得走小店係2樓 一出lift 門就會見到佢地既牌 寫住是日推介（沸騰魚烏冬同口水雞） 見到門口既是日推介 所以一於試試佢入到門內就會見到兩隻好可愛既小猫 同好靚既背景牆 打卡熱點😆中午時間叫左兩個午餐 兩個餐既飯我哋都轉左佢是日推介-沸騰魚烏冬1: 口水雞配烏冬 唔係誇張 佢既烏冬湯好鮮 口水雞係無骨而且辣味可接受 我本人真係好中意食口水雞去骨 可以享受啖啖肉 正2: 黑毛豬魯肉飯-飯轉烏冬 黑毛豬同魯肉都好多 同樣地好入味 都係每一啖都係肉 跟餐有兩個小食 分別叫咗餃子同埋台灣腸 餃子係爆汁香脆 而台灣腸就正正常常 最後叫左蜜桃烏龍茶同埋荔枝梳打 嘢飲都係中規中矩但係呢一餐係好抵食 人均$100左右就可以食到咁高質嘅 台灣野同四川野 仲有可愛嘅小貓可以玩 如果你係一個愛貓之人 我強烈建議你去試吓呢間小店包你有驚喜

個日係尖沙咀行街，行到攰係isquare對面見到有樓上台式餐廳，仲有貓玩，好耐冇食台灣野就上咗去食。餐廳環境好靚，充滿貓貓元素！午餐主要係set, 一個主菜加小食加飲品，我點左醋抵牛肉飯，紅油抄手，加冬瓜茶。餐廳上菜速度好快，首先試吓餐廳推介嘅冬瓜茶，果然係自己煲嘅好喝，每啖都有冬瓜肉，清涼解渴又唔會太甜。紅油抄手都唔錯，鐘意佢唔算好辣，而且皮薄多汁。主菜醋抵牛肉飯好多牛肉同冬菇，醋抵調味食落幾特別，少少帶酸令人好開胃，一問之下，原來係廚師自己諗出嚟，果然有心思！最後，當然要同餐廳兩隻貓貓玩下，佢哋一隻比較怕羞，另一隻就比較鐘意訓覺，但係都超級可愛，一百蚊都唔洗有野食有野飲仲有貓玩，真心值得推介，特別係愛貓一族。

同朋友本來去買美甲用品,買完之後大家都有啲肚餓🤣見到係樓下有間夢樂園,個招牌見到有貓貓相片即刻俾佢吸引咗😍而且午餐都好抵食所以決定去試吓!食物質素真心唔錯😋而且老闆娘好Nice又好傾👍下次一定會再嚟食野,仲有貓貓陪你食陪你挽!喺度食野真係好開心!好可愛嘅貓店長😍見到個心已溶化!同老闆娘傾偈先知原來牆上面啲畫係佢一手一腳親手畫,真係好用心而且畫得真係好靚😍紅鳳凰口水雞⭐️口水雞肉質鮮嫩而且辣度啱啱好超過癮,而且雞件係無骨,白飯係珍珠米食落煙煙韌韌好味十分推介😋家鄉黑毛豬肉燥拌稻庭烏冬⭐️烏冬軟硬適中加埋肉操一齊食口感更加豐富😋醬汁味道鹹鹹甜甜好鐘意!胡麻萵筍⭐️淨係食過抄萵筍🤣未試過涷食原來口感更爽脆清甜!台灣腸⭐️煎都表面外脆內軟,味道不錯!荔枝紅茶⭐️巨峰乳酸梳打⭐️