夢樂園 (已結業)

呢間貓cafe裏面有三隻貓, 我哋可以同啲貓玩, 又可以抱起啲貓, 啲貓會擒高擒低, 跳嚟跳去咁樣好活躍, 好得意呀呢度冇限時嘅, 我坐咗個半鐘頭食埋嘢, 玩埋貓先走, 鍾意寵物嘅人, 來呢度玩消磨下時間啱晒呢度啲嘢飲唔錯, 我飲咗杯仙草奶茶, 啲奶茶味幾香嘅, 同埋啲仙草有口感呢間餐廳食埋飯, 飲埋嘢, 每人90元左右, 計番有貓玩, 又有嘢食呢個價錢其實唔算貴餐廳係位於尖沙咀, 喺尖沙咀地鐵站行過來都係三分鐘左右, 交通算係幾方便呀

食物方面選擇不多，但勝在好味，川菜魚有驚喜，可大中小及吾辣，鴨鍋打邊爐幾好味，小食精緻價錢公度，還有貓貓可人，最重要係只領養，不購買貓貓，讓領養的貓咪有個幸福的家

今日去咗一間係尖沙咀嘅樓上cafe，有好多可愛嘅貓貓，但因為我怕動物😂所以只可以遠觀，但我見其他客人都同貓貓玩得好開心😊老板娘非常友善，好樂意同客人交流，所有牆畫都係老板娘親自畫，食野時大家都可以欣賞下老板娘嘅心血傑作。講番野食，我同男友叫左兩個lunch set.- 紅鳳凰口水雞$60- 風酥豬扒飯$58- 另加小食胡麻萵筍同花枝丸，各$6- 1杯冬瓜茶$6食物賣相同味道都唔錯，涼拌萵筍夠清新，豬扒無肥肉就最arm我，口水雞有好多蔥係面，又有青瓜係底，仲有啲花生，口感好豐富。老板娘推介自家煲嘅冬瓜茶，好飲喎又唔會好甜，我鍾意啊。同埋啲碗碟都好靚好繽紛，我都想要一套😂總括嚟講，呢度環境舒服，又有可愛貓貓，野食又唔錯，價錢又公道，如果黎尖沙咀shopping不妨試下啊😊

突然約會😌和朋友WS 的時候，發現原來大家都在尖沙咀，大家又都是一個人，大家又未lunch ， 咁就大家碰碰面，聚一聚啦🙃此時想起附近有間吃川台菜的貓cafe ，朋友是貓粉，那就去這間😗😗夢樂園是一間川台菜的cafe , 而且有四大好黏人的貓（笨笨、笨豬、妹豬、妹妹）為店長😍😍😍黑毛豬魯肉飯，竟然有隻溫泉蛋🤩加分🤣一塊紫菜，2片青瓜等..魯肉肥瘦均勻，醬汁香甜，伴飯一流！紅鳳凰囗水雞（無骨），無骨就真係啖啖肉，醬汁辣得開胃！紅豆冰，啲冰都係用咗貓腳😂😂不過，驚喜是用咗豆漿而不是花奶，感覺健康🤗仙草奶茶，仙草份量適中，甜度亦剛好🤓小食脆皮餃子，皮真係好脆囗，餡料亦豐富！炸蝦條，熱熱辣辣上檯，味道不錯！

如果行開黎尖沙咀，定必會上黎呢間小店。因為老闆娘係一個好有愛心既人，佢收養既猫都係流浪或者係被遺棄既可愛小猫，身為愛猫之人，當然要去探店，野食好食而且仲可以同小猫玩。叫左兩個午餐，價錢係尖沙咀黎講一定係屬於低食食！風酥豬扒飯 - 香脆，肉質嫩滑紅鳳凰口水雞 - 冇骨，啱晒鍾意啖啖肉嘅人，而且呢個口水雞辣度適中，次次黎都叫，因為呢個辣味好岩送飯食😌😌小食花枝丸 同埋 台灣腸 - 好有台灣既風味野飲冬瓜茶 - 自家製作，唔會死甜，適合注重健康同埋鍾意飲台式冬瓜茶嘅人士芋頭沙奶茶 - 好特別，芋頭味好重，如果鍾意芋頭嘅人士，應該呢個會好岩雖然小店選擇唔算話好多，但係每一種嘢食都係經過悉心製作，用了充足，唔會馬馬虎虎咁樣。如果你鍾意食呢一類型嘅嘢食，又可以同一時間同貓仔玩，就一定要嚟呢間店度試下。

最近朋友屋企養左一隻好可愛貓仔，就令我對貓既好感度大增心血來潮就黎左依間比較新既貓貓餐廳。餐廳比較特別，主打台式野食，有三四隻貓店長，比較活躍既有兩隻！嬌嗲貓女：愛心店主領養既新貓女，非常鐘意玩同痴人，我地坐低5分鐘佢已經過黎扭我地玩但又有氣質既一面（如圖）主人既寶貝貓：店長好nice 咁向我地介紹佢既貓貓，依隻d 毛好靚之餘，仲有幾分elegant.佢唔怕人但亦都唔特別痴陌生人但望住佢已經好滿足了xd風酥豬扒飯豬扒醃得幾入味，味道都調得岩岩好，加埋個蔥油幾好食黑毛豬魯肉烏冬肉粒半肥瘦，幾滋味！本身鐘意食烏冬又覺得幾夾小食：脆皮餃子，花枝丸小食就正常發揮啦兩杯飲品幾好飲，特別鐘意佢個抹香奶茶，推介～最後要一讚依度既氣氛真係好好，貓貓又主動同人玩，店員同食客都好尊重貓貓，唔會做d 嚇親佢地既行為

最近有位貓奴朋友強烈推介哩間尖沙咀既隱世貓貓cafe😎平時成日經過都唔為意有間樓上貓貓cafe，真係好隱世😶去過一次就番唔到轉頭 同旺角個埋差好旅遠！ 首先店員好友善 好有愛心💗其中兩隻貓仔係養番嚟🐱二嚟食物都非常美味 仲有中式 台式 日式既料理俾大家選擇😋😋😋😋最後既重點係哩間cafe既貓貓都好痴人 好快就同大家打成一片🤩🤩🤩🤩我地叫左兩個set lunch 每人一個主食 一份小食同一杯飲品🥰🥰風酥豬扒飯（$58）哩個豬扒好有水準😍咬落口好有肉汁 而且味道仲甜甜地🤭十分特別黑毛豬滷肉飯（$68）哩個飯同台灣食到既好似😋😋😋再加隻流心蛋 真係食到停唔到口！！我地叫左兩款小食 紅油抄手 城府蝦條（跟餐加$6）哩個小食係迷你版 份量啱啱好😜

老闆似係非常有愛心的貓粉，店內有四位十分可愛的喵星人～在繁忙的尖沙咀難得有這樣安靜的環境，餐廳好Homey。欣賞廚師的功夫製作。特別是醉鳳凰(花雕雞)，是我的必食。全隻雞都係無骨，啖啖肉。雞同花雕嘅味道配合得天衣無縫。花雕嘅味好清香，食完呢度嘅醉雞真係返唔到轉頭。紅尋白雪(沸騰魚)係我個人另一個必食。麻辣椒唔搶口，聞到已經好香，食落仲會齒頰留香。一試難忘！蒜泥黑豚腩及紅油抄手都值得一試。尖沙咀呢個地段呢個價位，難得！

今日同朋友去左尖沙咀一間貓cafe ，我地兩個都勁鐘意貓！入到去環境寬躺，舒適，坐位亦都好大好舒服！裏面有幾隻可愛嘅貓咪，全部都有唔同自己嘅個性，但都係好鍾意人哋摸佢，勁好玩。老闆娘亦都好熱情，逐一為我哋介紹有咩主打菜式，睇一睇個菜單，同出面嘅貓Cafe唔同風格，出面主要係西式為主，呢到主要係台灣同埋四川風味，鍾意食辣嘅你一定唔好錯過！有得玩有得食！事不宜遲肚仔餓，馬上落單先！我地叫左紅尋白雪〔沸騰魚〕半份！老闆娘講呢個湯底佢哋煲左五個鐘以上，飲落去真係好鮮甜，而且亦都唔會太油膩，魚亦都非常之新鮮，唔會好似出面咁一夾就散，非常之滑同埋大塊，勁好食，再配埋烏冬，口感勁滑，強烈推介必要嘅菜式之一！而第二款就紅鳳凰（口水雞〕老闆娘自製嘅辣椒醬，雞肉亦都好鬆軟，亦都有花生碎再加啲蔥花，非常之香辣惹味，再配埋飯，撈啲汁入去，非常之好食😋！小食方面：府城蝦條同胡麻萵筍兩款小食非常之好味，蝦條新鮮炸起，食落去外脆內軟，香煎可口；胡麻萵筍好爽脆好鮮甜，撈埋啲芝麻醬一流！飲品：巨鋒梳打配芋圓同蜜桃梳打配珍珠兩款嘢飲非常之清涼，勁鍾意有氣泡，飲完之後叫gur 一聲，好爽快，芋圓同珍珠都好QQ，同梳打都好夾

鐘意貓貓嘅朋友一定來夢樂園🥰下午茶時段上到嚟冇咩人，可以安靜咁一邊享用午餐一邊同貓玩，地方唔大但係勝在乾淨企理，食物質素唔錯，有種家既感覺❤️🐱家鄉黑毛豬肉燥拌稻庭烏冬爆多嘅蔥花🤣醬油喺碗底，記得要攪拌均勻，肉燥份量都幾多，烏冬彈牙有咬口，有濃濃既醬油香味👍🐱風酥豬扒飯豬扒都幾大塊，食落甜甜地，幾香，唔會乾唔會鞋口，有肉汁😋附上有一細碗蔥，可以用嚟點豬扒或者送白飯，好食～🐱小食-黑白雲耳仔 & 花枝丸黑白雲耳既有蒜香又有少少麻辣，好開胃花枝丸彈牙幾好味🐱蜜桃烏龍加仙草 帶有淡淡蜜桃香味甜度剛好，加埋仙草飲落有口感，吾錯😚一坐低其中一隻貓就即刻走上我哋張枱，好可愛😍貓貓數量雖然唔多但係都好願意同客人們親近，老闆娘都好好人，過黎我哋張枱餵貓貓等我哋可以摸吓佢，下次一定會再嚟幫襯，嘢食好味又可以同貓貓玩🥰

其實係呢家餐廳做左常客～所以想挑戰師傅既廚藝試下 - 私房菜之前我地問中秋節有咩好美食 第一時間就答我食「蟹」，家下好季節不過⋯ 我地都唔識拆蟹同埋食蟹點知師傅就話可以幫我地拆肉然後隔左一排老闆娘Cat姐姐同我地講師傅諗左成 - 八道菜真係受寵若驚！ Cat姐姐影左張相比我地睇 ，隻皇帝蟹都成5斤到左當日去到發現無乜人後來我地講因為$4000就可以包場其實消費都差不多所以直接當包場專心做好出品同埋等我地可以慢慢咁享受呢個晚餐 好窩心啊！（真係都幾抵，比起其他餐廳真係無皮幾野都唔洗旨意包到場，仲要有貓玩）八道菜入面有曬沙律、湯、飯、小食真係有小小似蟹宴 皇帝蟹腳沙律 - 蟹腳鮮甜又大啖肉，沙律菜夠曬fresh，小朋友第一時間搶住黎食牛油果萵筍伴蟹肉 - 呢道菜真係有驚喜以為只係普通頭盤，但夾埋一齊真係意想不到咁好味，萵筍脆口，牛油果完全唔係黑麻麻個d食完好開胃！日式紫菜蟹湯 - 紫菜份量好多，隱約會飲到小小蟹既味道，不過就唔係個d勁重味噌既湯，相對地清少少（因為本人味覺好淡，食野feel既味道會比較細緻d ，咸少少都會覺得太咸）黑松露蟹肉蒸蛋 - 一上枱就聞到好香黑松露味，蛋夠曬滑嫩，

夢樂園雖然位置有少少隱閉，但店面乾淨整潔。最重要係兩位猫店長真係好QQ，每位客人黎到都會自動去客人附近social下，真心未見過甘主動的猫咪！一眾猫奴真係可以特登去，羡慕下別人家的猫咪！黑毛豬滷肉飯講返野食，夢樂園主打台灣小吃，lunch time去有set meun揀，食物水準都唔錯。黑毛豬滷肉飯味道偏濃，豉油味好重滷肉肥瘦適中加上係甜咸甜咸配搭，可以一口接一口甘食都唔膩。胡麻萵筍Lunch set meun係一個主食配一個小食，揀左萵筍好爽脆加上芝麻醬，好岩小朋友口味！紅油抄手朋友唔太肚餓，所以就甘叫左一個小食，紅油抄手夠麻辣，雲吞皮薄餡多肉，食落幾過癮！珍珠奶茶珍奶要讚下拍得住手搖舖嘅水準，茶香奶濃而且珍珠煮得岩岩好夠Q度。係一杯各方面都好balance嘅奶茶！茉香綠茶茉香綠茶夠清香，唔中意飲太甜嘅可以點呢杯。淡淡地解膩一流。

今日同屋企人去食呢間夢樂園，個名好有趣！上到去勁有驚喜，原來係貓貓餐廳＜3＜3＜3 有3隻好可愛既貓，完全唔驚人，仲會過黎痴住你😛😛食物方面，整體十分不錯，我地叫左兩客主食分別係紅鳳凰口水雞同家鄉黑毛豬肉燥拌稻庭烏冬，口水雞少少辣唔會太咸，而肉燥都做得好出色，睇落好開胃。小食叫左花枝丸同脆皮餃子，全部都係熱辣辣上台，餃子足料，花枝丸夠咸香＾～＾兩杯飲料分別叫左芋圓黑糖奶茶同仙草芋圓奶茶，芋圓唔係凍到硬果隻，有咬口，奶茶好好飲，中意佢夠甜又有奶香。整體黎講食物好味，環境都好舒適，會再約朋友黎食；））））））））

老公知道我好鐘意貓貓，今日下午送了我一個小驚喜，就係帶我來到一間位於尖沙咀的貓貓Cafe<夢樂園>，除了可以見到小貓咪，仲可以品嘗一下台式風味美食。下午走進餐廳，人客不算太多，寧靜嘅環境下，感覺都幾寫意。一坐下，Cafe裡的其中一隻小貓咪便主動過來歡迎我哋。小貓咪好乖巧，好黏人，超級可愛呵！！貓咪靜靜地迎接我們，一啲都吾怕陌生人。之後見到每逢有新客人進店，貓咪都同樣會懂得歡迎客人到來，非常乖巧呵！！<黑毛豬魯肉飯 $68>黑毛豬魯肉屬半肥瘦肉碎，用上自家製醬汁來煮成，魯肉醃得非常惹味，伴飯來吃相當滋味。加了$6要埋小食，花枝丸炸得香口，咬落去亦夠彈牙好食。<家鄉黑毛豬肉燥拌稻庭烏冬 $72>烏冬分量都唔少，而且烏冬咬落去仲非常煙韌彈牙，炒香嘅肉燥，伴有大量嘅蔥花，更為香口，撈埋伴住嘅醬汁一齊食，鹹鹹地，味道非常惹味。<紅油抄手>拌有帶微辣的醬油，更具台式風味。另外可以以半價優惠享用特飲：<芋頭沙奶茶加芋圓>淡淡芋頭奶茶味道，不會太甜，芋圓煙韌彈牙。<黑糖奶茶加珍珠>黑糖味道頗為突出，帶微甜，

尖沙咀食親都係貴夾唔抵食，閒閒地食普通一碟飯都成百幾蚊仲要唔包野飲，搞到我每次行完街都係番屋企煮個麵食算但係終於有一日比我搵到一間「親民飯堂」老闆娘主打「人情味」， 所以價格非常親民，而且提前2日預訂餐廳係可以叫「私房菜」一入店有兩隻貓店長；笨笨同妹妹 兩隻都好乖巧又cute原諒我平時中開伏，未試過呢間餐廳驚踩伏，所以無影野食相我事後係佢地社交平台到拎番相，放心，相同食物個樣絕對相乎。個日係同屋企人聚會食飯，叫左前菜炸餃子、預訂魚湯浸青口扇貝仲有涼拌海蜇（仲叫左好多野不能盡錄）必叫小食- 炸餃子；熱辣辣新鮮炸好，脆卜卜！涼拌海蜇 - 爽口配埋底下d粉皮食一流主菜叫左炸子雞、沸騰魚（可選辣/唔辣）但我鍾意沸騰魚辣既一定一定要加配烏冬黎食超正辣到出汗又惹味，怕太辣可以叫小辣，一樣無得彈主菜- 炸子雞； 皮脆肉嫩，好食過酒樓個d，最緊要係佢「無骨」 我食雞最憎食雞骨（成日𠝹損口），呃曬懶人同埋小朋友食必食 - 沸騰魚 ； 呢個沸騰魚係我食完之後，我食完之後成日念念不忘，間唔中即興就會上去再食當然一黎係價格平啦，半份沸騰魚都係百零蚊而且真係魚塊都去曬骨！ 之後食左幾次都無食過一條魚骨！唔係講笑