大一海鮮火鍋料理 (已搬遷) 新店位置

* 大一海鮮火鍋料理* 尖沙咀寶勒巷萬事昌廣場2樓1室魚下巴，第一次見到餐牌上有這個部位點選，比想像中滋味而且啖啖肉不像魚雲部位吮骨的口感，魚下巴肉質超超超軟綿細滑！駝鳥肉，份量多，鮮紅色的肉可見其新鮮度，切的厚薄適中，而味道真的見仁見智，因為駝鳥肉跟羊一樣，有種氈味，喜歡的人會為之瘋狂！桂花蛙，爽口鮮甜，如加配珊瑚蛙更佳，火鍋必點之一！手打蝦滑，一食落口濃濃的蝦香，蝦滑可以選蝦丸，廚師已打成丸食起來較方便，但個人喜歡蝦滑，自己落手感覺有得玩有得食！很多人以為桶蠔鮮味不及即開殼的生蠔，其實桶蠔最適合用來煮，鮮味不會流失、肉質不會變韌、煮過火不變酸，用作火鍋料一流！皇帝菜木瓜牛乳魚湯底，愈煲味道愈濃郁，平日在家都會煲這款湯水，可是真的沒想過用來打邊爐，不錯！店內環境舒服，設備蠻齊全，服務貼心，讓人留下良好印象！店內亦跟得上網絡潮流，店內隨處可看到很多宣傳，以及舉辨讚好連結臉書，各社交平台等可得飲品或折扣優惠等等，去之前留意一下就食得更精明更抵食！

今晚約左幾個同學聚舊，咁耐無見，一定係食火鍋 邊烚邊傾啦。前排聽同事提過大一海鮮唔錯，所以就訂位試試。呢度原來除左火鍋，仲希小菜食的。地方寬敞，張枱又夠大，坐得好舒服。調味醬料俱備。我地點左店員推介話新出既北海道牛乳木瓜魚湯。美國桶蠔同花甲。d蠔除左好大隻，仲洗得好乾淨，一d 都唔馬虎，讚～-桶蠔肉質肥美鮮甜，肉厚口感十足。-花甲無沙，清甜，唔點醬料都好夠味。鮮鵝腸。好開心有鮮鵝腸而唔係雪藏果隻！鮮味好多，彈牙好多喔。魚下巴。好特別！！第一次食，好驚喜，初初以為好似魚雲咁得d骨；但原來魚下巴係咁多肉，肉質仲咁滑！！好好好好味～～雪花肥牛。牛不過不失，不過咁既價錢有咁大碟，的確抵食！唔少得個菜，清清腸胃。好欣賞佢地自製既檸檬薏米水。清甜可口，清熱解渴。打邊爐通常飲五花茶，竹蔗茅根；今次真係好有新鮮感！正。難得一班同學仔可以放低工作，放低家庭片刻，享受一餐美味火鍋。。快樂難求！

同事要另謀高就 為佢高興 決定過隔離街間火鍋店賀賀佢 因為比較寬敞 又乾淨企理 上次食過小炒 今次決定食火鍋 而且慶祝開業一周年 四月的星期日至二仲有九折。三個女生 一致通過揀今期限定～3.6牛乳木瓜魚鍋。果然沒有失望 湯底好清甜 既有牛乳的香 木瓜的甜 魚是先炸過才放湯煮 魚肉好滑 而且好足料 完全無味精 整晚都冇口渴。未打邊爐前大家都搶著飲左幾碗湯 大讚！海鮮～ 花甲王&美國桶蠔。桶蠔好大隻 有大半隻手掌的大小 好新鮮 味道很濃 食落幾creamy 而且煮完唔會縮水 正！花甲鮮甜 又冇沙 用牛乳湯來煮 更顯出鮮味。黑松露帶子餃～ 推介！皮薄餡靚 餃子入面的帶子出乎意料地大粒 仲要彈牙。除了帶子 仲有紅蘿蔔 木耳 菇 芹菜等等 口感幾豐富 黑松露味道都好濃 創新又好味。花漾油條～ 好好食！油炸鬼fans必試 釀左墨魚滑和蟹籽 蟹籽個一邊放落去 淥2分鐘。油炸鬼依然好脆口 蟹籽又卜卜脆 正！我自創左另一個食法 就是兩邊都淥 哈哈 油炸鬼吸曬木瓜湯底 超甜。美國肥牛～ 好大碟。鐘意佢薄切 淥三秒食得。牛味濃 肥瘦適中 雪花分佈均勻 都幾抵食。蔬菜～ 皇帝菜&鮮淮山。蔬菜配木瓜牛乳湯真是p

今晚同媽咪妹妹係尖沙咀整指甲，行左陣街就去搵食。而家打邊爐都唔係好中意任食，因為火鍋料質素多數都偏低。既然三母女又唔大食得去邊，不如比多少少錢，食d高質d既今次揀左大一，之前見過有food blogger推介過，價錢中上但值回票價，一於試下佢！藍色格調 好中意喔。好足料北海道牛乳湯底你睇你睇，條魚係煎到金黃先放落湯架～～加上好香濃既牛乳味同木瓜香味，感覺超養顏滋潤。好大粒既黑松露帶子餃呀之前都食過第二間店既黑松露餃，黑松露份量好少，味道好淡。今次呢粒有驚喜喔，除左黑松露份量夠之外，餃入面仲加左粒帶子仔。咬起黎口感十足，而且味道一流唔知幾時開始，油炸鬼係好多火鍋店都變成配料。的確，將油炸鬼釀左墨魚滑同面頭鋪滿蟹子，放落湯約兩分鐘 係最佳煮法！食落口無油淋淋既感覺，仲好脆好好味。白淮山vs紫准山。係中式vs日式，爽口vs粉身既分別。兩個我都好中意當然唔少得蔬菜，清清腸胃呢度仲有皇帝菜正合我心意好特別又好吸引既甜品本來想試蘋果同桃，可惜桃賣哂了，轉左橙。好好好好好味！十個讚都唔夠。雪芭食得多，但好似呢度咁有心機用番原個鮮果黎做盛器，就真係第一次！雪芭係由同一個鮮果打出黎，味道超鮮甜，完全係食

睇到d食評咁正，一早已經想試呢間新開既火鍋店啦！打邊爐真係好岩一班人圍埋傾住計咁食，所以咁岩同事生日就即打去book位啦，本身諗住book8點，一打去職員就話原來做緊promotion，火鍋湯底湯料9點後有6折，咁抵緊系改食9點啦！收工行去買埋蛋糕都差唔多！上到去餐廳，新開真係唔同d，燈光夠光猛，所有餐具都好靚，軟皮梳化又坐得好舒服。 除左一般既火鍋配料炸蒜，蔥，辣椒之外，職員仲好細心同我地介紹d桔仔點用，系用筷子督一個窿之後擠落個豉油到，等d豉油清香d坐低之後職員比左杯茶我地就睇Menu嗌野食啦，職員同我地推介左個黑松露野菌湯底，佢話未放湯料之前可以飲左先，夠健康又唔油膩，岩曬我地班OL見到有好多菇好足料，飲落都好濃呀，如果中意黑松露記得要叫呢個湯底！之後嗌左個石蚌魚刺身，黎到果時好生猛呀，條尾仲郁緊，有拍到片架，不過呢到放唔到！其實有d殘忍，點解唔拍死左先呢，之前我未食過呢種魚，原來食落魚質爽口，唔洗落wasabi都無腥味！打邊爐梗系唔少得肥牛啦，呢隻肥牛望落無乜肥，熟左都唔會鞋，仲幾有牛味！食完一碟仲想encore澳洲黑豚肉，好味！佢d肥肉，煮熟左會變爽，食落似肥牛𠻹架，改變左我

天氣冷了，跟朋友即興相約去吃火鍋，暖身又暖胃，最好不過，朋友是火鍋控，今晚來到這家在寶勒巷的火鍋店是他常來的一家，位置方便，味道又不錯<<惹味胡椒豬肚湯雞鍋>>無辣不歡的我，叫了個又辣又滋補的湯底，喝到停不了，香濃至極，豬肚入口軟熟，每件雞肉都很大件又肉厚<<椒鹽粟米>>吃火鍋前叫了個小食吃，把原條粟米切成一小件，炸至金黃色，再配上椒鹽粉和炸蒜蓉，入口香脆惹味，是很先叫了個魚下巴真心，我無係其他火鍋店見過，亦都未食過睇落去有d似羊架食落非常之滑，又無骨刺咁，一條大骨好易吐出黎份量亦都夠多，我地2個食得好開心

同朋友去尖沙咀行完街之後，諗唔到食乜，就上openrice睇下附近有咩好野食，見依間火鍋好評都幾多。店舖裝修顏色好舒服，而且燈光好夠，幾好坐，感覺高檔。坐低無幾耐，店員就會送上一共八款既醬挙料俾我哋，夠晒齊全又方便。我地點左個魚翅雞湯底，比我想像中大煲，係真係幾足料，見到一束束嘅魚翅，雞又滑又大隻。雞湯好濃郁，好味😋安格斯肥牛真係冇得輸，d牛紋路靚到不得了，一睇就知好新鮮，肥瘦均勻。食落肉味好濃，一d都唔韌，相當唔錯！黑毛豬又係好靚，本身賣相已經砌到好靚，今餐相機都食唔少。黑毛豬切到薄薄一片 ，好快熟入口即溶，d紋路又係好靚好平均，肉味好濃，唔洗調味料都覺得好正😍響鈴聽講係自家製嘅，熱辣辣上枱，炸得好靚，而且比坊間嘅較長身，好脆紅鲉刺身擺得非常靚，魚片切得好薄，晶瑩剔透，好鮮甜。第一次食魚下巴，唔係到到都有得食，都幾唔錯，好滑，可以值得一試。年糕福袋好好食，豆皮吸曬湯汁，入面嘅年糕好煙韌軟糯。鴨腸好肥美，份量勁多又大大條，食落都好爽口。墨魚肉釀油炸鬼口感好特別，好多魚子，油炸鬼好脆，配墨魚肉同魚子口感好特別，店員就教我地只需要放在湯到滾一陣就食得，鍾意試新野嘅人都可以值得一試。原本想做

表姐帶我黎呢間雅致的火鍋店打邊爐呢排轉涼，打邊爐又真係合曬我心意呢度好新好靚，環境好好，一入黎就加曬分佢有幾樣火鍋配料都唔錯先叫了個魚下巴真心，我無係其他火鍋店見過，亦都未食過睇落去有d似羊架食落非常之滑，又無骨刺咁，一條大骨好易吐出黎份量亦都夠多，我地2個食得好開心我地亦都叫了萵筍，好新鮮好靚超級爽口啊！佢萵筍味亦都濃郁，對我地呢2個極鍾意食萵筍黎講真心一流飽肚之最，莫過於薯粉非常彈牙，又夠多最緊要索湯！2個人食岩岩好，飽曬多謝表姐今次請我食咁好味的火鍋下次我會再請返佢黎呢間試其他好味的野

朋友話呢間邊爐坐得舒服又好味我即刻book同屋企人食，仲有得用openrice 優惠！我地先叫manager推介的黑松露什菌湯底我同屋企人都超級鍾意唔淥野都要飲2啖先！佢d料好多，黑松露味都好出，成個湯好清甜鍾意食菇的人真係唔可以錯過之後我地用左openrice個優惠食海鮮拼盤加白酒！都係$599咋 勁抵！帶子好大隻又鮮甜蠔係相當肥美，因為大大隻就算打邊爐縮左d都仍ok！我最愛就係蟹，超級鮮甜肉質又爽！正！白酒都唔錯啊，酒香，味又好無諗過白酒配邊爐都幾好我自己就再叫多個本地黑豚肉好滑好好味脂肪分佈平均，唔會太肥無諗過豬肉都可以咁好食下次會黎試試個牛魔王，見隔離枱有點好似幾正！

今晚同屋企人去咗尖沙咀打邊爐，襯天氣咁凍，食打邊爐，簡直人生一大樂事嚟，今晚成個場都坐滿人 好熱鬧。我地就叫咗個黑松露嘅湯底，一嚟到，熱辣辣松露菌湯，好吸引飲一口先，回甘味濃。我哋就叫美國肥牛，澳洲黑豚肉，年糕袋，女皇粉等，熟食就點左牛舌... 真係有驚喜，樣樣食物都好好味同有質素，肥牛脂肪分佈非常均勻，淥一淥就食得啦，其他火鍋嘅食材都非常之新鮮，咁埋單都係每位三百蚊，呢個湯底真係非常之讚，感覺好新鮮，等我下次再同其他朋友食先hehehe

新年去吃開年飯， 來來去去都是去酒樓吃今年媽媽終於都改變慣例，拜完年一起去打邊爐， 就當是開年飯吧有火鍋吃之餘， 這裡還有刺身吃，眼見隔離檯那個拼盤那麼吸引，我們都點了一個「五色刺身拼盤配原條海赤立」好豐富個刺身，每件都厚切，包括有油金魚、三文魚腩、甜蝦、劍魚腩，十分肥美，旁邊捲成花狀就是海赤立，賣相很美，味道較淡的海赤立刺身再蘸他們自家製的汁，沒有腥妹之餘， 仲好開胃食完刺身就開始打邊爐電視都成日聽到話打邊爐個湯底好重要，所以我地點左胡椒豬肚湯底，胡椒夠辣， 入面仲有白果， 湯底味好香， 就咁飲都好好味「花樣油炸鬼」油炸鬼言塗了蝦滑， 上面再黏滿蟹籽，再放落去湯度淥，淥完蟹籽仍然黏在油炸鬼上， 造型有趣， 有創意「頂級新鮮牛切本地肥牛」肥牛好新鮮， 色澤好靚， 店員教導我們輕輕將佢放在沖淥幾秒就食得，肉質好嫩，好味「芝味響鈴」打邊爐又點少得響鈴， 這裡的響鈴與平常吃到的與別不同，表面鋪滿了芝士粉，本身響鈴已經令人食唔停口， 再加埋芝士粉，仲更加惹味

朋友介紹我嚟呢間十下十下，先嚟《刺身拼盤：牡丹蝦$488+日本空運深海池魚刺身$588》-超新鮮！仲可以加錢兩食！甘梗係加啦！椒鹽蝦頭（2食）$38鹽燒魚身（2食）$69仲好多肉食，好正！湯底要鮮茄魚湯海鮮鍋 （$189）- 嗰日湯底材料我有超大隻花竹蝦、九肚魚、長腳蟹、豆腐、蕃茄、粟米，真係唔使烚野都夠飽！最愛頂級出新鮮肥牛切本地肥牛（小 $269）- 一睇色水就知靚肉，又夠牛味，正？本地黑毛豬（一份 $239）黑毛豬做火滾都係第一次食，果然正！黑松露帶子餃拼黑豬雲吞王（$139）- 包住大大粒新鮮帶子，又香黑松露味！黑豬雲吞王用黑毛豬包成雲吞，豬肉加蝦肉餡，又香又夠味！《鮮嫩魚下巴（3角）$119》-幾條魚既下巴豪一豪佢！超滑又啖啖肉！《女王粉 $39》- 好彈牙有嚼感，吸引左湯底精華好正！餐廳有玄米茶供應又飲完湯底，所以無叫野飲！今餐邊爐好正！

朋友話呢間火鍋係尖嘴數一數二心諗有無咁誇張！個日係尖沙嘴睇完中醫就同兩老一齊黎呢間試吓啊媽極愛菇，所以我地決定食呢個極多菇的黑松露湯底一黎到極香黑松露味就知我地無叫錯湯底建議大家先飲碗湯再淥野香甜到痺，最緊要無味精愛吃牛的我們叫了牛魔王拼盤有本地牛，安格斯，牛粒，牛脷我勁愛本地牛，好滑，又無根入口即溶也我爸就最愛牛脷！好有質感又爽口！四寶餃子都唔錯全部自家製皮夠薄，餡夠靚韮菜餃好好食 勁香勁正我地下次一定會再黎！9:30後仲要6折平到爛！

一班朋友聚舊，搵左吉日丟掉老公自己出來偷食，有揸的士朋友提議嚟尖沙咀嘅大一打邊爐，之前聽老爺講過，想試好耐啦！入到入面，環境都幾大～仲有幾間獨立房,不過我哋就坐咗係廳嘅位置～一坐低,職員就好細心奉上熱茶一杯，呢杯並唔係普通茶，而係日本嘅玄米茶，茶味很香～另外佢哋仲拎咗啲青色嘅桔仔嚟，原來係俾我哋吱落碟豉油度點食物嘅～今次我哋就叫左一個金湯雞翅鍋做湯底，湯底材料有黑毛豬，雞同翅組成，黑毛豬嘅味道有啲似金華火腿，而個翅一啲都唔野少，足足有六両翅喺入面，淨係個湯底都已經相當有份量！喺未落其他食物之前，真係忍唔住飲咗兩碗，味道非常清，一啲都唔油～打得邊爐，當然唔少得叫肥牛啦~我哋叫咗個頂級新鮮牛切本地肥牛~細細塊易入口，牛味又鮮，而且仲要係牛脊位，非常嫩滑～嚟得大一海鮮火鍋料理，梗係要叫返個剌身試吓～我哋叫咗條海黑立做刺身，條魚超新鮮，片成刺身落枱嘅時候，魚尾仲會郁嘅，真係忍唔住要嘩一聲～呢個真係值得推介!仲有一樣好特別嘅就係魚下巴，平時真係好少食到，亦都冇諗過可以攞嚟打邊爐～估唔到佢咁滑，仲滑過魚個面珠！而且口感仲好好添!呢款真係可以試吓～因為真係好少見~食食吓發現想叫多啲肉食，啱啱又食完牛

第一次食呢間打邊爐，其實冇乜話好定係唔好，總之食完好似冇乜印象🤔，冇乜突出嘅地方，所以同樣嘅價錢我寧願食我的心水食肆好過！今次叫咗麻辣湯底同埋醉雞底，個麻辣湯底食落口好勁，但係講唔出係啲麻好勁？定係啲辣好勁？只知道感覺麻麻地，一路坐响個湯底面前，個鼻都唔舒服，好似成日都想打乞嗤同埋咳，食完攞走左個煲就好好多。醉雞湯底啲醉雞都好好味我喜歡將啲雞放入個麻辣湯底度效果都唔錯。豬潤份量都唔少，而且配呢兩個湯底都OK好食，另外，果個魚下巴形狀賣相都幾搶眼，但係一熟就好快d攞上嚟，如果唔係就散晒消失左！丸同餃都冇特別，食咗冇印象！呢碟係本地黑毛豬🐽！本地黑毛豬? 本地係咪即係香港？香港有黑毛豬？我港黑毛豬食咩㗎🤔🤔都唔知係咪真。總之呢碟野都係冇印象！牛，先叫咗平嘅安格斯先，唔知點解本地牛係貴過安格斯！但係呢碟係安格斯又好食個貴嘅本地肥牛喎！真係難攪！如果要食，要比較平嘅安格斯好了！牛味濃d！呢碟係高級本地手切，我唔覺得佢應該收個貴嘅價錢，佢係冇乜賣㸃！唔係特別嫩滑、亦唔係特別濃郁，唔知道憑什麼!！望一望張單，我地九個人去食，九個人都唔係食得好飽，因冇乜嘢期望，無嘢想叫了！而且佢每條叫一樣野都要等幾