大一海鮮火鍋料理 (已搬遷) 新店位置

Very very very surprised真係由頭到尾都好滿足，從湯底到火料，非常滿意。尖沙咀火鍋選擇多，但要鮮味足，真係好少有。正評超多既呢間大一。真係要試下。間舖裝修唔算豪華，但枱與枱之間好闊落下，幾舒服既環境。我地訂左位，安排坐6-8人卡位，可以話係超舒服。迷枱後冇耐，開始寫野。一邊選自己鐘意既醬料，有蒜、鮮辣椒、豉油、香蔥、xo.唔算好多選擇，但我覺得食材鮮重要，醬料反而係點綴。呢間野食既價格唔算便宜，係未食之前，對佢都有所保留。例如手打丸 平均都$100以上，但係9粒。所以開始時叫左幾款，先試水溫。先講個湯底。食左一啖，真係嘩一聲。我地選既係雞翅，實如其名，好鮮，足料雞件同一梳梳既翅。每人都分到幾梳！超值！然後我地叫左牛魔王拼盤$398入面有本地牛、安格司牛肉粒、牛脷同牛胸爽。Part part都有其特別之處。本地牛，牛味比一般牛要香濃，有入口就溶化既感覺。相當好味。比教特別係個牛胸爽（白色個d)，問左人先知係牛既橫間膜。口感好香脆爽滑，真係第一次食。安格司牛粒因爲係粒狀，比較難掌握時間，烚耐左就會變un.牛脷口感最滑，又有咬口，友人大讚新鮮。試完水溫，發現鮮得好有價值

生日一班朋友幫我興祝生日，更係要找間有品質打邊爐，係open rice 得到0 喊喊確實很難得就試試啦！雖然價格有點貴，但品質確實很好，坐得又舒適,當日一行七人結算係$3120。我們推薦以下幾樣係必食: 湯底我地叫左金湯腿翅窩 $369 ~ 新年快到更係要叫個翅食下啦！好多翅一窩4人每人分到一碗確實很好，湯又夠味，但飲到第3碗確實有d鹹。芝味響鈴 ~ 唔油唔漏， 夠脆身。魚下巴（係個人特別喜歡）~ 第一次只有下巴食，喜歡食魚頭朋友們一定要叫，好滑魚肉鮮嫩，無魚腥味。手製水餃 ~ 個個都脹卜卜，內有好多料，內蝦又大隻彈牙皮又薄，朋友一致好評，叫多碟呀。可惜有隻蚊滋飛下飛下影響了食慾,不過值得一去。

早已聽過「大一火鍋」，亦看過雜誌推介。朋友邀約去「大一」打邊爐，坦白講我係帶著期待而去。環境我地坐卡位，方便講野，雖然舖面唔算好大，當晚食飯亦全埸坐滿，但都唔算好嘈。食物朋友超好客，先點了小食 - 脆脆香香粟一燒、炸魚片頭、仲有大塊軟棉入口即溶鵝肝片。然後，嘩！ 好大盤刺身。個蝦頭仲會曉郁呀。 帶子鮮甜彈牙，蝦刺生彈牙到唔似食蝦⋯ 似食緊蚌類但好鮮甜，口感只有活蝦才有。小挿曲 - Wasabi , 平時食開啲已製成既wasabi ..... 嚟到「大一」，無諗過佢地wasabi 係即磨。OMG⋯ 慣常地一大pat 放入口，方知瀬野⋯好”勁”呀😶果然驚喜係會繼續嚟。黑毛豬手魚翅鍋，待應推介一定要先飲碗湯。好濃厚，翅亦都好大塊。最爆係黑毛豬手，第一次食，好煙靭靭、味道咸香濃醇。皮薄多料黑松露餃子🥟⋯ 配呢個湯底，認真不得了。已矜貴到頂點。服務待應好細心服務。真的估唔到，態度好過某間係尖咀以buffet 聞名既5星酒店coffee shop 。整體價錢以食物級數同服務嚟講是絕對合理，就嚟過年，絕對是招待屋企人團年飯首選。

Went to this restaurant after a recommendation from friend. I must say, this has got to be the best hotpot place I have been. The interior has a modern look and the staff were friendly. The broths were extremely tasty, we ordered Sharks fin premium broth and the signature crab and clams broth. In both broths, there were full of extra ingredients inside. Portions were huge compared to other hotpot restaurants. The food were all fresh and superb, highly recommend the beef and dumplings. Lastly, we

呢度湯底很多，今日揀左日本味噌油甘魚頭湯底$199，胡椒豬肚雞湯底$249，一上枱已經陣陣胡椒香，但飲落唔辣，足料夠濃，一樣正，牛魔王併盤$399（本地牛、牛胸爽、安格斯牛柳粒、牛脷）樣樣都好嫩好滑，牛味亦重，最鍾意牛胸爽，爽呀嘛，牛柳粒滾好耐都仲好淋，最差係蝦滑，一咬碎哂唔彈牙既拍青瓜無酸醋味，得微辣，呀，油炸鬼上既蝦滑係我食咁多間最差既，唔脆蝦滑又少，呢度湯底好味，但食材的確普通

湯底:香茜皮蛋$79 平平無奇 好多料 豆腐同芫茜醉雞(半隻) $139 吾好以為半隻好少 我食到最後都仲有 而且件雞仲好滑花甲蟹$349 有蝦 蟹鉗 花甲 仲有兩隻超級大蠔😍本地手切肥牛$339最鮮紅色個款多筋 少d牙力都嗌吾到😂黑松露帶子餃$129邊食！裏面真係有帶子 好爽口 同啲肉 黑松露夾到😝豬八戒拼盤$329算貴 吾覺同平時豬肉有太大分別 純粹薄切野菌拼盤$89冇記錯有4-5款 嗌左豆苗但meun好似冇⋯？🤔總括黎講 食物質素中上 服務周到 嗌吾該既時候冇黑口黑面 走既時候亦有笑住講多謝再見👍🏼👍🏼

細細個就好鍾意食西餐慶祝聖誕節 🎄，覺得特別有氣氛。但大個左同老公都老夫老妻，就發現用起碼兩倍嘅價錢食同一樣嘢就好儍仔所以呢好幾年已經轉左食其他菜式賀聖誕，今年就揀左“大一”嚟打邊爐喇。第一次幫襯，地点就腳好易揾，係一座頗舊嘅商厦二樓。我同老公比訂枱時間早左到，安排坐好就睇下食乜先。湯底揀左招牌“金湯腿翅窩”，好大個石窩，但睇下好似平平無奇，等滾起後撈下，發現都好多翅同有半隻雞加西班牙火腿骨。飲啖湯……好鮮甜，我同老公可以各食到兩碗翅，食完翅同雞再飲左兩碗湯，其實已經飽左一半。要試牛喇，油花均勻，有牛味冇渣好滑豬切得薄薄的，一淥就食得，味道呢都OK，冇乜太大驚喜馬刀貝就幾大隻好鮮甜，好味，有兩隻烚耐左都好嫩滑芝味響鈴整得好薄，好多層，烚三秒食好正呀冬瓜就煲左好耐都未好“林”，可能窩太闊啩個女王粉係店家自家製，似河粉+薯粉，口感滑滑QQ的，都幾得意嘅總括嚟講都唔錯，飽到頂住個肚

本身想試佢地最出名既金湯腿翅鍋，但三百幾蚊一個鍋，兩個人share真係有啲貴，所以錫住個荷包叫左野菌黑松露湯鍋($169)，鍋內有大量菇，黑松露味亦濃，打邊爐前已經飲左大半碗。呢到既火鍋料新鮮又足料，手切本地肥牛(小)($269) 牛味重 肉質軟滑👍潮汕牛筋丸($89)爆汁彈牙，唔係講笑，一邊食啲肉汁一邊流出黎，好juicy。桂花蚌($109) 應該有落紹酒醃，除左可以辟走腥味，仲令鮮味更出，好爽滑，大愛😍 脆肉鯇($89)夠鮮，但我覺得唔夠爽脆。仲有黑松露帶子餃($129) 每隻餃都包有一粒帶子，不過如果無落西芹就好啦。另外，花樣油條($69)，係油條上塗上墨魚膠同蟹籽，浸湯後，油條吸晒黑松露湯，鐘意食饗鈴既朋友可以試下😍整體質素高，不過價錢略貴，9:30pm後，大部份火銅料有六折，但兩個人食，都要近九百蚊先落到樓。

幾個由小學已經認識的朋友，數數手指已經接近40年，雖然現在各有各忙，但每隔兩三個月總會找個藉口碰頭吹水食餐飯，今次就揀了「大一海鮮火鍋料理」。近年開業的火鍋店裝修越來越骨子，可以選擇的火鍋配料也由以往的牛肉、羊肉、鯇魚腩 / 鱔片、各類餃 / 丸，升級至手切本地牛頸脊（近十幾年本地牛肉越賣越貴，靚牛頸脊價錢直逼、甚至貴過頂級美國安格斯牛肉）、和牛、各款游水海鮮，當然游水海鮮全部都是時價。是晚星期五，整間火鍋店座無虛席，裝修唔算豪華、但乾淨企理（講到靚裝修港式火鍋店，可以參見另一篇食評「豪食涮涮鍋」），只不過比較擠迫、樓底又唔夠高、環境又有啲嘈吵，可以的話，盡量揀靠近窗邊的四至六人卡座最理想。火鍋醬料款式的選擇唔算多，鍾意搞混醬的人會唔多滿足，但對於只要求豉油、辣椒、炸蒜蓉及XO醬的筆者已經非常足夠了。尚未齊人，先叫兩個香口小吃制五臟廟。椒鹽魚腐（$69）椒鹽豆腐、椒鹽九肚魚食得多，椒鹽魚腐第一次。魚腐即是魚肉膠混入豆腐蓉，然後吱成一粒粒，平常在魚蛋粉麵舖的魚腐都是蒸熟後再稍為炸香表面，然後放湯；面前這一碟炸魚腐其貌不揚，很懷疑是否好食。每一塊炸魚腐形狀不規則、表面完全陷下去，最貼切的形

佢將日式天婦羅同中國嘅雜菌混合，簡直配合得天衣無縫！係呢度嘅刺身都食唔到日本嘅味道，仲要每一種都係用活魚做的，值得一試！可惜未有機會影相就已經食晒！最特別嘅係所有嘅食物都係人手新鮮做！

Happy Friday Gathering, 香港人當然首選打邊爐。步入餐廳時還沒到7時半已全院滿座，四周蒸氣騰騰，但冷氣依然強勁！先看drink menu, 一瓶750ml的普通純米吟釀作價七百多，內心抽了一口涼氣，這定價有點過火，是夜還是喝喝生啤及薏米水罷了。接著揭開餐牌，湯底有別於其他火鍋店，和朋友商量後點了黑松露雜菌及杏汁菜乾豬肺湯。前者香氣撲鼻，與凍豆腐是佳偶；後者味道濃郁，豬肺新鮮，下菜前要先喝兩碗。火鍋主菜首選牛肉，點了牛魔皇併盤，肉味香濃，油脂分佈均勻，下鍋後至8成熟剛好，必吃！另一推薦是黑松露帶子餃，又香又甜，一個人吃上四顆也不膩。手打丸亦很有咬口，可借油炸鬼略嫌蝦膠太少、豬頸肉亦未見爽口，有待改進。

雖然價位偏貴不過質素幾唔錯，都算對得住個價錢。有幾款印象比較深刻：1. 蕃茄海鮮湯 - 足料又鮮甜，比較平2. 象拔蚌 - 好新鮮爽口 3. 女王粉 - 好彈牙 口感Q過薯粉4. 本地牛肉 - 有驚喜，好好食！肉質好鮮嫩實在其他配料：丸，餃子都係用心之作。兩個人食左大概$1200，不過都食淨幾多下，打包左幾盒走。其實食好d每人$400都應該要。環境：當日唔算太full 唔太嘈 都干淨 坐得都幾舒服 。Overall 會推介俾朋友，如果平返少少就perfect.

呵。又來打邊爐 最特別都係個湯底啦 **金湯腿翅鍋**。湯料有一梳梳魚翅，雞肉。都無試過食打邊爐。未滾料之前係咁飲湯同食翅。好正。湯好好飲。好多翅。🐔🐔🐔🐔🐔🐔🐔🐔🐔🐔🐔🐔🐔🐔🐔我地叫左個 set ..再加其他小食。無影底餐牌。靠記憶。可能有錯菜名 [[ Set 餐有 ]]- 花蟹兩隻 (有膏。鮮甜)- 4寶丸 黑松露芝士丸 ，鮮蝦丸等(款款彈牙。爽口)- 頂級手切安格斯肥牛 + 澳洲黑豚肉 (肥牛好正。好好食。反而豬就無咁特出)-雙餃 。雲吞，韮菜餃。(好大隻。足料。好食)- 蔬菜盤 (好多款菜。而且新鮮)-女王粉。好似食薯粉咁。好正- 日本直送鮮果雪葩 (香橙 $49。菠蘿 $59。超好食!!!好refresh 感覺。好香果味。當打完邊爐。食這個甜品。簡直透心涼)[[ 單點 ]]頂級手切安格斯肥牛 $299大一南非冰鎮鮑魚 $129 (爽口。鮮甜。好正)🌼🌼🌼🌼🌼🌼🌼🌼🌼🌼🌼🌼🌼🌼這間打邊爐。用料確實不錯。湯底特別。(最搞笑係見到一個榴槤湯底)。環境舒適。真得不錯😀😀

去任食既放題同火鍋會比較抵食，因為我怕會食窮自己哈哈呢次既火鍋質素幾好，食物單點種類都算多，偶然食一兩次都唔怕既佢地呢到D湯底幾特別，又有黑松露又有雞子魚頭湯，我地最後都揀左個黑松露火鍋必點的餃子類，粒粒好大隻，正宗皮薄又餡靚，份量又多，外觀亦相當整齊椒鹽栗米，又咸又甜，食起上黎栗米又甜又爽，細細舊不知不覺都會想食多舊黑豚夠薄夠嫩，食落啖啖豬味，脂肪夠平均女皇粉成個河粉咁，係煙韌版河粉仲有個4人餐，其中入面有幾樣特別好味秘製肉餅味道濃，咬落幾有口感，有D好似魷魚粒咁物體，好似媽媽蒸肉餅咁好食果皮蒸鮑魚，果皮味幾香，鮑魚軟林好味，成碟入哂味，一隻都幾大隻蒜蓉蒸蝦飯好大籠，成個面都係蒜蓉，而且D蝦都幾靚，開哂半邊，飯都煙韌入味，食完都好飽，成個餐都只係千幾蚊，食到好多海鮮套餐仲有白酒同雪糕糯米滋送，味道不錯不錯

食得蒸氣火鍋多，又係時候食返湯底火鍋啦今次黎呢間大一，主要係想試下個黑松露湯底既有d餓就先叫個前菜椒鹽雜菇食下，外層夠鬆脆，連金菇都有，真係比較少見主角野菌黑松露湯鍋出場，黑松露份量絕不吝嗇，食到最後都仲有黑松露味，忍唔住飲左幾碗湯牛魔王拼盤，鐘意食牛又點可以唔叫呢，有比較特別既牛膈膜，而手切安格斯牛幾有咬口，牛味重花漾油炸鬼，釀上蝦膠同蟹籽，非常彈牙本地黑毛豬，外地豬就食得多，估唔到本地既又唔錯喎下次黎一定要試埋個雞翅鍋！😋