大丈夫食堂 (已搬遷) 新店位置

上次提到小弟係一個吉列豬愛好者，得閑冇事都會去食下吉列豬。除左啲出名嘅過江龍之外，係長沙灣都有一間人氣熱店，佢就係大丈夫食堂，相信住係附近嘅師兄都有聽過，今日就一於去睇下佢係咪真係咁神。今日係平日11點半黎到，可能就到食一黎已經見到有人龍。都係嗰句啦，如果啲嘢真係好食嘅，等下又有乜所謂姐。由於鋪位唔算好大，等左大概30分鐘先入到去。但店員服務態度都幾好，安排得好有耐性，排隊嘅時候都好有秩序，冇咩混亂嘅情況出現。小弟一行兩個人都叫左吉列豬扒定食，眼見店入面其他人都有啲人叫各種魚生飯，不過既然呢間嘢專門食炸豬扒，咁第一次黎就冇理由叫其他啦係咪先？呢個定食包左一大份吉列豬，一啲椰菜絲，味噌湯同埋茶碗蒸。先講下主角吉列豬，真係好大份！同埋因為即炸嘅關係，上台都仲脆卜卜，炸到出黎都唔會話好油膩，亦都好有油香，同埋因爲塊扒大過碗飯好多，真係做到啖啖肉嘅感覺，至於隻汁就正常。其他嘢嘅表現都正常，唔係話佢地唔好食，湯同埋茶碗蒸都好熱辣辣，只係炸豬扒太出色，不過有佢哋嘅存在成餐飯完整好多。

有一日同朋友講開好想食吉列豬扒飯，佢即刻推介左我黎呢度，仲話包我鍾意咁話。平日夜晚七點幾黎到，我地兩個人都排左成半個鐘，唔好食嘅話真係會嬲😂我地一人點左一個唔同嘅餐—一個吉列豬一個南蠻雞，加$15可以轉烏冬，咩都試吓啦！一開始見到個飯好似好細，個職員好似識讀心咁，同我講可以添飯😂個餐有沙律有湯有茶碗蒸，本身仲諗住一定要添飯嘅我，點知食晒個餐之後係勁飽冇再嗌飯。值得一提佢啲珍珠米飯係幾好食，唔會太乾/濕。同埋佢個蛋都好正呀超滑！！最後梗係要講吓個主角吉列豬同南蠻雞。吉列豬—炸得夠脆，塊豬夠厚而且炸粉啱啱好。調味都恰到好處，唔會太咸～南蠻雞—食完第一啖嘅感覺係：舊雞真係好滑好滑好滑！係啱啱好熟嘅程度，好好味！兩個人加埋大約每人100蚊，呢個價食到咁高質嘅日本野真係好抵！！

想不到這間小店的服務這樣‘好’，本人有孕在身，挺著大肚子，一早過來排隊，卻因他們早了些開店，人數未齊，跟店員說家人馬上就到，而且說了可以先下單，店鋪也沒有限時進餐，已坐下也被店員‘有禮’地請出又熱又焗的門外等候，差點要熱暈過去，全身也出了大汗，身體不適，想問一下這是正常的服務態度嗎？要個大著肚子的孕婦已在街上站了數十分鐘入內，然後還要‘請’出去再等齊人再入內，我個人覺得店員對老弱婦孺真的很一視同仁，服務態度也太優秀了。

讚1.同事極力推薦既小店，炸雞係好味，皮脆肉滑又醃得入味，同埋份量真係勁足，八十銀既set lunch有五件炸雞；炸豬扒既餐都係差唔多份量，又好味😋2.上菜都好有效率3.環境同餐具都幾有日本風味彈1.lunch起碼要等半個鐘先入到座

長沙灣名物😆性價比超高, 我通常都係叫豬扒飯定食，同埋蔥花吞拿魚腩飯有一段時間冇來仍然覺得好味尤其是呢個豬扒飯定食豬扒好鬆脆，鬆化只係$108 一個set 沙律菜同飯都係可以refill 今次仲試咗北海卷，呢個我覺得有啲太漏可能因為已經食咗兩個set 好飽魚生飯同壽司嘅壽司飯好夠味魚生都算新鮮當然質素你唔可以話同omakase 比，但係作為街坊生意係高質高性價比所以佢點都係keep住有人排隊我哋都間唔屎會想返嚟食

隨着舊區重建，長沙灣越來越多小店。身為街坊既我越來越開心，得閒就試下唔同餐廳🤗今日就嚟到平時都好多人排隊嘅大丈夫食堂。星期日一點幾，排左五六張枱就到我啦！梗係試吓招牌吉列豬扒定食啦😍成個set有齊前菜、麵豉湯、主食同埋茶碗蒸。吉列豬扒大大塊，外脆內軟，食得出唔係同價位餐廳嘅cheap cheap豬扒😋食完已經好飽，但係都想繼續食😂加上茶碗蒸好滑，成個set只係$108，真係性價比好高👍難怪成日都咁多人排隊，真係好推薦大家食啊

已食了第三次，雖然人多排隊，但水準穩定，未有失望。吉列豬扒定食酥脆的外衣，內裏軟度適中，有肉汁。鰻魚定食鰻魚香軟，汁不過甜不過鹹，飯粒分明軟硬適中。吉列蠔一啖放入口，爆汁好味

吉列豬扒定食Price：$100📌吉列豬扒切開左6條，超級大條好厚肉😨塊皮炸到好脆，咬落去肉質好軟熟，仲見到d肉汁咇左出嚟🥰唔似d冷藏肉咁咬落去硬梆梆🙄個醬酸酸地幾好入口，但食得多都幾膩🙊碗飯睇落好少但其實仲有個沙律，食完會好飽😳每次食沙律都好驚草青味但呢到完全無，點沙律醬好好味，不過沙律醬唔係好夠😔最後要講下茶碗蒸，佢唔係普通既蒸蛋咁簡單😎內藏乾坤入面有焰架，有冬菇同蟹柳食落好夠味唔會好Dry😌

聽聞呢間係荔枝角近期嘅人氣食店，於是搵食兵團又再出動💪🏻 呢度主打吉列豬扒，咁就叫咗份「吉列豬扒定食」試吓。個定食跟白飯、麵豉湯、漬物、蒸蛋、椰菜絲同一大塊吉列豬扒，都好豐富吓講返塊豬扒，真係幾好食，好大塊，切成6件，炸得算乾身，唔會油淋淋，而且帶少少肥肉，咬落去好juicy唔會柴，醃得幾好味，有啲似喺日本🇯🇵食嗰啲吉列豬👍🏼食緊豬扒嘅時候，見隔離枱叫咗個鰻魚飯同炸雞定食嘅賣相都好得吓咁，下次嚟一定要試吓🤣

呢晚有深水埗之友陪食😬比較想食日本野，揀左去大丈夫食堂～都一段時間冇黎，依然咁旺場！等左25分鐘左右先入座😗豚肉生姜燒定食$73黎幾次都好似未食過呢款，一於試試佢！味道正常、份量多！沙律正常、茶碗蒸滑滑的好味道(要趁熱食)、麵豉湯普通吧～鰻魚丼$98試左一舊仔鰻魚，幾好味喎！吉列豬扒定食$108吉列豬扒可以話係呢度嘅名物豬扒炸得好，而且肉質有咬口！南瓜天婦羅$28好食，甜甜的南瓜🎃定食包埋沙律、茶碗蒸、麵豉湯，飯同沙律係可以免費添加架！呢個價錢真心抵食！

之前經過就已經見好多人等位早幾日早咗放工決定一戰💃🏻小店位置唔多，平日6點幾好彩唔洗等主打都係定食、壽司飯等等定食包括飯、椰菜絲、茶碗蒸、麵豉湯同一小碟前菜茶碗蒸好滑，高質！而飯同椰菜都係可以無限refill 㗎！啱哂大食嘅人😛南蠻炸雞定食 $73炸雞好大份，即叫即炸起外脆內嫩，非常juicy!吉列海鮮定食 $88有蝦、蠔同埋鱔🍤🦪炸皮薄而鬆化，絕對唔係不斷翻炸嘅炸物！而且海鮮都算新鮮，特別係炸蠔好好食🤤

1️⃣⭐️吉列豬扒定食 $100 (7.5/10)⭐️哩個吉豬超出名，仲聽聞好快賣晒😱 咁大份咁抵食唔怪得啦😋 吉列豬扒份量好大好厚肉🤤 保持到好juicy又好淋，一啲都唔乾❤️ 炸粉厚度適中👍🏻 仲有大量配菜、麵豉湯，仲唔洗加一，扺到傻🥳 不過略嫌肥肉位多咗啲啲，同埋豬肉味唔算太出😗 一個人食一定超夠飽😆

有時一d平價的日式餐廳會選用現成合成炸豬扒降低成本，要食到真正高質生炸豬扒，一般晚飯價位至少$180。這間日式生炸豬扒價錢便宜一半，但仍能維持高質素👍🏻👍🏻❣️是日餐單🍱吉列豬扒定食🐖份量大大件之餘，炸皮不太厚和脆口。豬扒選用了質素較高的原材料，半肥瘦，有豬味但冇豬蘇味👍🏻灑上檸檬汁和搭配豬扒汁完全不滯膩😀😀🥗椰菜絲好足夠，亦好開胃😀😀🥚茶碗蒸好滑，有加冬菇，跟餐黎講水準算唔錯👍🏻👍🏻🍲由於我唔飲麵豉湯，所以試唔到味😂😂但碗湯有好多海帶同菇，都好足料👍🏻👍🏻

執相揾到未post嘅依張就出返食評啦！4月17日約咗朋友食飯，事前search吓食咩，咁啱喺視頻見蘇C黃介紹而自己又鍾意食炸物就決定依間啦！營業時間12:00，剛去到已經滿座，好彩我哋係第二輪第一位，但都等咗半個多鐘。地方很細少，朋友本想叫兩份不同餐share,但若叫壽司感覺普通、我們兩又不食蠔和鰻魚，最終都係每人一份炸豬排餐。炸豬排覺得過咗火少少，面燶少少內唔太 juicy，反而最愛個茶碗蒸，好多料、蛋好滑。價錢1份$100,喺香港食日本料理咁嘅價格已經好平民了😊👍❤😋

長沙灣少有好食日本菜🇯🇵今期「大丈夫食堂」出咗個限定menu ☺️平時啲lunch set都唔錯，有普通嘅鰻魚飯定食。但係啲款限定menu香港唔多。日本名古屋、歧阜都興鰻魚三食，今次可以係香港試吓😋成個set會有齊菜碗蒸蛋、沙律🥗、味增湯。主角當然係個鰻魚飯，第一食法：先就咁食個鰻魚飯，難得唔腥，蒲燒鰻魚汁好正。啲魚真係無骨（唔係講笑，有啲餐廳無處理好😅）。第二食法：加藥味（配料）有wasabi,海笞、蔥。第三食法：加湯變茶漬飯