大丼家 (已結業)

好耐無食牛肉飯，行過見到想食，不過疫症情況下我都係決定外賣。但今次外賣令到我唔太愉快，因為收銀店員真係好無禮貌，店員唔太客氣。事緣我order 左外賣，我打算入店內坐下等侯，店員大聲喝住我，「入去量體溫呀要」， 我表示理解並願意配合，但店員又表示自己忙緊，唔我閒幫我量，當時她正在收銀處入機，我就企左係佢前面等，收銀處是出入口，我都想量完快d行開唔想阻住人，誰不知店員就同我講「無位呀，出去丫」 並且用命令式手勢指住門口。 其實我真係唔介意配合，但有沒有必要用呢個態度同客人講野，更何況我同店員無衝突過，無怨無仇，我亦都配合佢既說法。 最後我出去等，等左10分鐘並由另一位男店員有禮地奉上外賣。 但我唔會再去⋯當刻個心真係唔好受

今日出街剪頭髮，剪完後就成食個lunch先歸家。筲箕灣個頭其實多野食，沿住大街往小西灣個邊都多選擇。咁今次就食大丼家...一坐低照舊睇menu先（今次有影相）選擇都多，我最後揀左個咖哩吉列豬飯食，飲凍奶茶...份量上，不算多，但我諗加飯都冇問題既...咖哩汁，呢隻就不會過於偏甜，啱我口味：吉列豬剛剛炸好，仲熱，咬落去juicy...最正都係奶茶，可能茶奶個比例剛剛好吧...最後埋單，$62，正常價吧。

成日行過呢間都無試，今次打定電話去落單，電話上嘅態度都feel到佢哋好好禮貌，大概8分鐘之後行落去，就啱啱好有得拎。第一次梗係試下個招牌燒牛肉飯先，一打開已經見到好多塊牛鋪滿晒成盒飯，d牛肉好大塊，多汁，香濃，入口有陣陣燒牛味，配埋幾塊黃蘿蔔同菜送下口，成盒食到照晒鏡滴汁都無😋而家做緊外賣自取85折，好抵食，男仔可能有機會唔夠飽，但女士們應該夠晒，啱啱好唔會浪費，佢另外仲有拉麵同其他小食定食，下次又可以試下其他啦

因為住在這區，此店鄰近及方便！從未試過堂食，每次都係買外賣自取，不過，要在店門外等候頗長時間，大約十五分鐘以上...上次叫日式叉燒拉麵，中伏，兩舊日式叉燒，size 係大，但又硬又靱，又冇味，咬都咬唔開，拉麵普通，但湯底勁咸...怕怕今次穩陣點，叫平時常叫的黑咖喱吉列豬扒飯，要求多汁，兼加，一客脆皮腸。黑咖喱調味很好，不過甜，有咖喱香味，吉列豬扒，炸漿不算厚，肉質鬆軟，味道可以接受，米飯亦都很柔軟可口。脆皮腸仔，夠脆皮彈牙，做小吃一流呀....整體而言，算不錯

昨晚經過食飯，好失望，服務差，衛生水平低，食物唔夠熱，唔新鮮，咖哩唔夠熱，牛肉over cooked，沒下次了. 同店員投訴，店員一開始沒反應，最後只說會告訴廚房！ 太差了！

芝士燒牛肉丼好好味! $56 CP值好高! 第一次光顧，當晚我17:50 進入店舖，見到餐牌午市優惠(送飲品)只係做到18:00 ，通常D舖頭都唔俾再嗌，而我本身係食晚餐，諗住由佢啦，無優惠係應該。 點知17:55 有個姨姨態度友善咁問我落得單未，叫我快D，感到驚喜。以往係其他舖頭遇到類似情況，早幾分鐘先落一定有說話聽。 疫情期間，有消毒酒精俾顧客使用 最重要係，平民價錢，味道中上，可以日常持續光顧 !

有時諗唔到食咩，又想落街行下，呢間會係我地既選擇，之前都有寫過佢架啦，而我呢類悶人就成日叫黎叫去都個一兩款，反而我男人會試唔同野，所以我照舊都係辣湯，而佢就試左個咖哩!你唔好同我講咁既質數點點點，好明顯佢係街坊平民路線，你要食日本正宗既，呢間絕對唔岩你! 但佢既quality係對得住呢個價既! 最少佢地用人同招待既都係真。香港人，所以食都食得特別安心舒暢~順帶一提，佢有落味精既，但就覺得唔算好嚴重，係一個可以接受既程度，所以如果你又要呢樣個樣，請過主，但小店不只食味道，也該要食佢個人情味同用心(做咩啫~ 佢都唔難食!)

叫了蕃茹濃湯拉麵，湯底蕃茹味一般，但有不少蕃茹肉，有不少粟米在旁邊，有紫菜，有兩片嗚門卷，只有一片肉，肉質還好，麵量中等，沒有過硬或過軟，整體合理，五十多元一碗，可以。

想吃牛丼 吉野家不了 除了加藤屋 大丼家也是不錯的選擇 除了招牌丼飯 還有拉麵 咖喱飯 日式小食 選擇不少 價錢亦頗親民芝士燒牛肉飯 $56個人是衝著這個招牌芝士牛丼而來 每塊牛肉都舖滿了燒芝士 賣相很吸引🧀芝士經炙燒後 頗香口帶點鹹香 芝士味突出🐮肥牛充滿油香 不會過乾 芝士燒牛肉配飯一流 但偏油膩 這個價錢來說 牛肉份量還好 肥牛多吃還是會膩 若能配杯熱茶解膩就好🍚飯量很多 但醬汁偏少不足以拌匀整碗飯 若能多加醬汁 牛丼定能更濕潤可口🥬值得一讚的是旁邊的配菜 椰菜用柚子醋醃製後 味道帶酸 質地也不會像一般的軟腍這個價錢這個質素 性價比確實不錯

📍另一牛肉飯黃店 -- 大丼家🥨除咗加藤屋之外 大丼家其實都有牛肉飯食㗎 而且質素都唔錯👍仲要係黃店 唔係唔支持下嘛💛-------⭐芝士燒牛肉飯牛肉有好多塊 仲要加芝士燒過 好邪惡🙈牛肉好有油香 加埋芝士鹹鹹哋真係好正😋不過飯無乜汁 所以食到最尾會有啲dry🙈但整體都唔錯嘅🤩-------⭐和風洋蔥牛肉飯呢個嘅味道正常 牛肉多 有洋蔥 仲有粉絲做伴菜😍但都係同一個問題 就係唔夠汁 所以飯有啲乾😫--------評分（10分滿分)賣相：8味道：7性價比：7回頭概率：7———-餐廳資料名稱：大丼家地址：筲箕灣筲箕灣道305號地下3號舖

今日與幾位友人到了筲箕灣的大當家一同食飯，我們光顧的時候是平日的下午大約5:30 ，仲有半個鐘就會到晚市，完全唔使等位就可以入去餐牌如下，有好多唔同種類嘅食物，例如係牛肉飯、烏冬、海鮮、港式嘅特飲都有六點之後嘢飲同埋特飲都要收正價，不過5:30我同朋友都揀咗熱飲凍飲同埋特飲，部份只係加幾蚊或者係享有半價嘅優惠，所以我哋都有嗌野飲係OpenRice見到最出名嘅就係芝士燒牛肉飯，所以我哋同朋友都忍唔住叫咗兩份嚟，可能因為鋪面客人唔多，所以落左單之後唔係等好耐就好快有得食芝士燒牛肉飯跌返上到嚟嘅時候，啲芝士仲係熱嘅，有少少瀨屎嘅感覺，同牛肉嘅配搭好夾好好食海鮮烏冬啲烏冬都尚算彈牙，唔會太林我哋坐咗喺靠窗離入口比較遠嘅卡位上面，食食吓嘅時候就聞到一陣陣嘅燒香味，因為佢哋應該夠鐘拜神，所以有震震嘅燒香味，有少少影響食慾，呢度有少少扣左分

又無得食吉野家，又唔想去sukiya排隊食，我真係好耐冇食過牛肉飯啦！講真如果唔係因為 #黃色經濟圈 我應該都唔會發現呢一間咁有驚喜嘅丼飯😍！餐牌上都有好多唔同嘅選擇，有飯又有拉麵同烏冬，仲有啲日式小食咁。.If you want to eat beef rice don but don’t want to go Yoshinoya, and you don’t want to wait in line for Sukiya, U would highly suggest you check out Odonya Shokudo 😋 there is a huge selection of dishes from rice to ramen to udon 😆 they even have different Japanese snacks..《芝士燒牛肉飯》$56 😋😋😋估唔到呢個燒牛肉飯咁有驚喜！一上枱就聞到好香好香既芝士味，再見到啲芝士舖滿曬係面，燒到燶燶地，金黃色咁，勁正🤩！牛肉份量都幾多下，有咬口得來又唔會太韌，而且肉味香濃，滿意！略嫌個飯唔夠粒粒分明同埋味道偏淡，加咗隻醬油

晚上懶得煮飯，打算到附近找快餐吃，剛好經過這間主打牛肉飯的餐廳，於是試一試。朋友點了元祖牛肉飯，飯面舖滿切成薄片的肥牛，入口軟腍無筋，肥牛油脂比較多，煮完後充滿肉香。牛肉已經過調味，吃起來像日式燒肉汁的味道，不過飯量不多，胃口大一點的朋友可能要加底了。我則選了蕃茄芝士海鮮湯烏冬，海鮮主要都是雪藏的，沒有鮮味。雖說蕃茄湯內加入了不少芝士和蕃茄蓉，但湯底偏重味精味，而水牛芝士與湯底也格格不入。餐牌上還有多款日式小食如炸雞和溏心蛋等，食完飯未夠飽都可以再加點小食。

如果你係追求快識嘅人，咁呢間港式日本餐廳好啱你，因為佢上菜速度好夠快!價錢唔算貴，選擇都算多，有拉麵、飯、咖喱俾你揀，但係味道有待改善，佢啲黑椒醬係真係超市買一樽樽黑椒醬嘅嗰隻味，個人覺得好鹹同味精比較重...

筲箕灣電車路最受學生歡迎之一的食店。大丼家每日的午市都有很多學生哥至訪一嘗平價日本丼。招牌菜是元袓燒牛肉飯，但我認為太乾不夠汁，但其他咖哩系，拉麵都值得一試！皆因價廉物美，適合慳錢一族又想食日本菜既人🙈