大丼家 (已結業)

叫咗個牛肉壽喜燒烏冬，張相係鍋上，但一上枱係碗上已經心知不妙。飲第一啖湯，淡如無味，就好似直接攞煮烏冬嘅水當湯上。問職員壽喜燒係咪咁淡味，佢答係咁淡味，正常壽喜燒就係咁嘅味!跟住問佢有無醬油可以加味，佢就攞枝唔知乜飯汁比畀我，仲要倒唔出!牛肉普通有渣但都算有肉味，烏冬就似本地野完全係噹噹烏冬Feel，隻溫泉蛋仲要係凍嘅！環境枱櫈及地下都黐立立。而更奇怪係食完哂野先黎兩杯清水，真係唔知啲職員想點可以的話真係唔會再黎幫襯！

聽朋友講唔好食, 唔知點解反而更想試午餐時間好多人, 好彩一個人好快有位叫左元祖燒肉飯 (+46) + 凍飲 ($3)燒肉好薄身, 屬於個人鍾意嘅口感, 值得加分燒肉醬唔錯, 加上醃蘿蔔, 唔錯親身試完大丼家, 覺得其實幾好, 選擇亦幾多, 唔想食吉野家嘅可以考慮

除了連鎖店牛肉飯外，香港難得食到好味既牛肉飯。此處座位寬敞，店員親切細心有禮。食物選擇多，今日先試了芝士燒牛肉飯，用了3種芝士( cheddar, pamersan, mozzarella) 加上燒汁烤製，牛肉加上芝士十分香口，分量十足。牛肉壽喜燒烏冬，湯煮牛肉入口既化，配上滑溜流心蛋，湯底充滿洋蔥香。另外麵豉湯相信不是用粉沖而是真。麵豉炮製，濃郁而鮮甜。炸雞軟骨香脆有咬口，加埋檸檬汁中和膩感。連一杯本應平平無奇的奶茶都做得有茶香又奶滑重點係價錢相宜，比起連鎖店抵食會再次幫襯!

上菜快，沙律基本上即叫即上，叫完5分鐘就大概上到大半嘅熱食，叫个粟米又好熱，應該即叫即整所以熱得有wok氣。staff好態度，野食幾好食，牛肉係幾正，沙律係用芝麻沙律醬！勁正。份量就唔算特別大，但女仔實夠食。價錢平，好平就加得配菜，性價比高。位置亦方便，就係巴士站附近，係大街，易揾。地方乾淨，座位擺得整齊。又唔洗等就有位，速食一流。又不太嘈，慢慢坐又得，傾計ok冇問題。最緊要有良心，分得出黑白，真心愛香港。

食開果區食到悶，啲人成日話筲簊灣多小店，就開始過來搵食。大丼家嘅位置都算易搵到。星期五晚市都叫剛剛好唔洗等位，但就要搭枱。店內環境係和風快餐店，咁啱我哋兩個人坐咗六座咔位嘅單邊，就好夠空間。第一次去嘅舖頭，盡可能都要點啲店長推介，主廚推介 (成日唔記得，撞過好多次板架嘞)，而大丼家有個叫 "元祖" 燒牛肉飯，當然要試。元祖燒牛肉飯($46)：呢個價錢同環境，好難唔將佢同吉野家比較。一上枱，嘩！好大碗！啲飯係珍珠米，但就無乜配菜，唔健康。牛肉份量比吉野家多，肥膏卻比較少，肉質又唔靭。因為係燒嘅，香口，但就比吉野家嘅煮牛肉較油，而啲油混雜燒汁連飯都有，喜唔喜歡好視乎個人口味啊！芝士燒牛肉飯($54)：一上枱，嘩！啲芝士非常香！外子話好味，下次要試芝士三重奏噉話。日式餃子($12/三隻)：上枱啲餃子浸喺啲汁上面，真係第一次見，噉其實即刻食又無咩影響嘅。皮唔厚亦唔算薄，肉菜比例正常，整體普通。我仍然比較喜歡麵屋武藏嘅餃子。雖然係快餐店裝修，但可以座底睇餐牌。致於埋單就要出櫃檯。

今天的晚餐定在筲箕灣的‘大丼家’坐下先發現問題二個：1）客人落座後，沒有呈送茶/水；2）餐台上沒有紙巾，送餐時也沒附帶，需客人自備紙巾無論如何，餐廳的座位都算是寬鬆舒服👌翻開menu，貌似選擇不少，仔細查看，都是常見肥牛豬扒拉麵烏冬...的確是一般的簡餐今晚叫了兩個餐：- 香辣燒牛肉飯：HKD49.- （18:00前點餐送飲品）沒想到燒牛肉用的是肥牛片，肉色鮮豔，證明撒了辣椒粉，薄薄的幾片肥牛铺在半碗米飯上（其中的溫泉蛋是另一碗裡撥來的）味道並無特別，留下記憶的是～份量小- 牛肉壽喜燒烏冬： HKD62.-說明一下：原裝的烏冬碗裡，帶有一個溫泉蛋，是我撥去上面的米飯餐了～話說這碗：烏冬煮的軟硬適度，烏冬本身也不黏牙；帶洋蔥的湯料偏甜（壽喜燒特色吧）；一朵香菇的外表勝過味道，兩片日式魚蛋沒有彈性；三小片椰菜絕不給胃添負擔；倒是足量的火鍋肥牛沒有欺客。以上兩份餐，買單HKD111.-這裡起餐快，服務也熱情周到，如果是趕時間的便餐，可選不要期望是正宗日料了。

點左一個咖哩炸雪魚柳飯，一個味噌豬骨拉麵，一個芝士忌廉焗菠菜咖喱炸雪魚柳飯：咖喱惹味又唔太辣，咖喱汁夠多，足夠撈飯。咖喱魚有先醃制，所以好夠味，只有兩條魚，如果多一條魚就更加好味噌豬骨拉麵：拉麵不會太淋，湯底好夠味，，加埋少少粟米，小朋友好鍾意食，只有一塊叉燒，如果多一塊會更加好芝士忌廉焗菠菜：菠菜夠淋，加埋芝士好惹味，小朋友原本唔鍾意食菜，加埋芝士結果搶住食！這是間黃店，我哋特意去支持，這間鋪勇敢地在單中寫下支持香港字句，表明立場：香港人加油，齊上齊落，願榮光歸香港！本店是政治色盲，分不出政見顏色，只看到是非黑白

餐廳好食至為緊要，但今日既香港，互相支持，互助互愛更緊要! 正所謂好又一餐唔好又一餐，況且唔係難食喎! 加埋係良心小店，街坊食肆，我覺得唔錯喎~吉列豬扒飯 $56個豬扒炸得唔錯，唔會太乾，汁都較得幾好，可能街坊生意，都大大碟架!牛肉壽喜燒烏冬 $59無錯，烏冬癮仲未熄XD 雖然都有諗過其他，但先試左個最唔伏既湯底，結果係正常既，下次去試個“地獄”先XD芝士忌廉焗菠菜 $38唔知做咩，可能年紀大XD 家下食唔得多菠菜，又可能無幾耐前洗完牙，薄左... 總之好唔舒服which我以前真係食半斤都無事...

唔想食吉野家，又心思思想食牛肉飯，上網睇到有人推介大丼家，就一於黎試下啦！黎到原來唔只係食飯，仲有好多款色，有飯，有拉麵，有烏冬。不過第一次黎當然要試下佢個芝士燒牛肉飯！估唔到芝士好多，鋪滿晒成碗飯，好驚喜，上檯時熱辣辣，面層似用火槍燒過，一”筆”落去又有拉絲，好香，芝士控要一試！不過食到中段覺得略咸左少少，建議唔使落飯汁都得，都夠晒味！下次試埋黑咖哩先！另外環境又坐得舒服，服務唔錯，筲箕灣區終於有間好色既牛肉飯喇！

由佢新開張開始已經幾想試，但又一直無咩機會試，今晚經過終於可以試下。因為晚市黎食 普通餐牌既飯 都唔跟飲品 一般都50蚊左右呢個常餐又幾抵，有湯有野飲，所以突然都來食芝士撈麵！個湯，就係味精嘅豬骨湯味，無咩特別個芝士撈麵，芝士汁都唔少嘅，不過個麵底就比較濕，撈埋都會變左湯麵咁另外 跟餐卡有雞扒，蛋 同埋牛油多士都幾一般，雞扒炸得幾硬，唔算太好食另外加左兩塊漢堡扒 只係$8, 算抵，但漢堡扒都一樣煎得有d過龍，所以有d硬另外，仲叫左個咖哩豬扒栗米烏冬豬扒炸得還可以 咖哩汁都吉身 但味道不太出，整體黎講都好一般。

話說我一心諗住早收工, 趕得切6點前到餐廳, 就入去食個tea啦… 5:54pm問店員拎下午茶餐牌店員: 「完左喇!」咁檯面就得個午餐餐牌啦, 仲寫住6點後飲品正價… 即係我冇下午餐食, 亦都冇跟餐餐飲… fine, 都坐低左, 咪當我部電話個鐘快過你間舖個鐘囉… 當買一次教訓, 下次唔好最後幾分鐘衝入黎啦… 點知落完單, 睇睇張單既時間, 係17:58, 原來我地冇時差架喎,都未到6點!我:「唔該, 張單既時間都未到6點架喎，點解冇餐飲呢?」店員:「係呀, 我地部機57分就轉左, 做唔到架, 唔好意思…」我: 「咁你個牌唔寫57分? 依家未夠鐘, 冇tea又冇餐飲… 」店員: 「係呀, 唔好意思呀, 我叫老細轉返個牌做57分丫…」老老實實, 你部機set返6點唔得架咩? 黑人問號… 況且我入黎嗰刻都未到57分已經冇下午茶啦… 同你計嗰幾分鐘聽落好斤斤計較, 就算我拗贏你都係多杯飲品/平幾蚊, 唔會開心好多, 但就係因為嗰幾分鐘, 無啦啦令顧客得到被騙既感覺, 又令自己損失個顧客, 你自己諗下值唔值得囉… 公道講, 其他野都冇問題, 我之前都食過覺得ok至再黎, 點知今次得到呢個奇遇…

本末倒置，明明是自己的食物沒有煮熱，仍然説食物本身已熟，加熱反而會令食物縮水。相信有吃過日本拉麵的朋友都知道，日本魚蛋及粟米都是拉麵的主要配菜，可是當那拉麵端上來是粟米已經是凍的，到我的兒子吃日本魚旦是問我：媽咪，啲魚旦係咪壞咗？之後佢俾我試了一塊，我立刻吐了出來。跟住同夥計反映，態度竟然是，我幫你拿走魚旦吧⋯⋯連一點點的歉意也沒有，離譜！跟著再來一個長髮中女夥計，還強持奪理的在說，那日本魚旦本身己熟，如加熱後反而會縮的。真的是荒謬到極點，吃過日本魚旦的人也知道，那是多麼不負責任的一句話！！！ 雖知有很多食物都是本身已熟，但是也不會在雪櫃拿出來便拿給客人吃吧？！試問呢個夥計會否在雪櫃拿腸仔、扎肉、蟹柳、魚旦等已熟的食物，在完全沒有加熱的情況下，給予她的家人或孩子吃呢？已經沒有要求退或換，還強持奪理的推掉自己作為一家餐廳的最基本責任，真的是極為嚴重及不合理，沒良心的餐廳！🤮🤮😡😡如果我的孩子食過他們的食物而不適，一定會到相關部門投訴到底！

我很喜歡這餐廳的環境，所以很多時經過筲箕 灣，都會過來吃😊今日吃了個下午茶：輕盈和風牛肉飯同埋小丸子，牛肉飯很入味，牛肉都幾滑😍 小丸子賣相都很吸引，配埋醬汁很入味😋不錯

之前五月喺筲箕灣返工嗰陣，搭叮叮經過見到開咗依間“大丼家”，於是就搵日去試，係五月中已經試咗一次佢好唔好食咖喇，但係嗰陣就冇影到相就冇寫到食評。😫第一次我就夜晚去食，叫咗一個鰻魚飯$78，同一個人氣牛肉飯$48，我覺得個牛肉飯都幾出色，雖然佢好平，但係佢一啲都唔求其，啲肉好入味，薄薄地幾好食，個鰻魚飯反而就麻麻哋，份量好足但係有啲林Back back。另外我哋仲有帶咗份餃子同埋糖心蛋，餃子香脆、餡料份量足夠，糖心蛋就一啲都唔糖心，熟曬😢但係餃子同埋糖心蛋分別都係大概$20，呢個價錢質素來講可以接受。今日1:30去食，突然間好想食糖心蛋早叫咗呢一個拉麵同一杯蜜桃冰茶，呢個係“醬油豬骨拉麵”，糖心蛋比起我上次食嗰個好啲，有返少少糖心🥰但係個麵好鹹，冇乜豬骨味。蜜桃冰茶照舊都係好好飲。絕對不能不讚的就是服務方面，上次去到我有叫咗杯蜜桃冰茶，我覺得唔夠甜，個侍應即刻話幫我去加啲甜落去，而今日，朝早勁曬勁猛太陽，啲陽光直晒落張凳度，嗰陣已經全場爆滿晒人，個侍應安排我哋同人哋搭枱，拍枱冇問題但係哂到正一正嗰個位，我一句話有啲晒依個位，個侍應即刻叫我等一陣，佢幫我落簾！兩次都係同一個阿姐黎，最好人的

見佢開左一排，今日終於有機會去試啦兩個人叫左個黃金豬骨拉麵、元祖燒牛肉飯、大阪燒餅再加多杯紅棗茶，個份量都ok, 上野食上得好快，味道整體黎過不過不失，叫做對得住個價錢啦，不過建議佢可以提供收信用卡服務而小食方面可以加天婦羅