大丼家 (已結業)

筲箕灣電車路一帶食肆密集，今日要揾個地方食下午茶，就揀了開業已一段時間的大丼家。下午茶時段的價錢特別優惠，碰巧遇上今日的人不太多，不用排隊。店內座位尚算闊落，坐舒服，很適合慢慢坐下來聊天。牛油蜆肉烏冬，一眼看上去好大碗，但其實份量不多，蜆肉中規中舉，湯底味道較淡，像一般茶記粉麵湯底。日式章魚丸子尚可，口感煙韌，有醬油香。日式餃子不過不失，有少少焦，但偏乾，味道不會很濃。整體來說，店家出品的整體份量偏少，質素平平。

見佢開左一段時間，但係當夜市時間附近嘅餐廳要等位而佢好清閒，都明到底點解..今晚自己一個hea食，就即管試下點左一個牛肉壽喜燒烏冬，上菜變左牛肉壽喜燒椰菜....隻碗已經唔係大，仲要有三分一係椰菜..即係原來主食係椰菜......烏冬有十來條...總之椰菜一定多過烏冬..既然椰菜係主食，唔該煮熟啲丫！硬到好似生食咁湯底唔夠熱，咸味夠，但太甜...餐具算好乾淨（好過賭王個女間牛肉麵好多）檸茶唔苦唔澀，呢個係驚喜！總結：可一，不可再....

第一次去試吃。下午茶很輕型。點了一個芝士撈烏冬配忌廉餅。有點淡味。相反大板燒同紫芋餅不錯吃。服務生很好。咖啡是即磨咖啡很好。由於是下午茶時間人不太多。這家店的炸物不錯。

呢間大丼家都係筲箕灣開左一黎段時間了，今天終於決定一試。我們下午的時候去食，不用排隊，店內也不多人，鋪面餐台及座位尚算闊落，坐得可舒服，不會有種令人食完很想快點走的感覺，於是我們叫左一個餐再加了2份小食。元祖燒牛肉飯($46)，一眼睇個碗好大，但其實份量不多，牛肉好入味，又夠香，份量岩岩好，只是飯比較少，男仔食好大機會唔夠飽。 BBQ 雞翼($28)，不過不失，雞翼有少少焦，但都香，味道不會很濃。章魚燒6粒($38)，算貴，但味道及質感一般，入面仲係好林好似水水的，但勝在餡多，味道就是燒汁加沙拉醬等，跟一般章魚燒沒太大分別。

上星期去咗呢間餐廳食tea,可能係tea time，比較少人，但我就好鍾意個到既環境，播住音樂，座位又闊落，好舒服😍😍我叫咗牛油蜆肉烏冬，再配個小食（ 餃子)，都係另外加$5😂都幾抵， 個碗牛油蜆肉烏冬幾好食😋

今日tea試下新野原本都冇乜胃口諗住叫個吉列豬扒烏冬 心諗應該係最唔伏 冇得死架啦但我就試左人生第一次食吉列豬係浸左落個湯度我嗌左杯凍華田，我相信呢一個係成個套餐入邊最正常嘅一個單品。同行友人叫左個 輕盈黑咖哩雞扒飯，諗住日式餐廳嘅咖哩飯應該都ok，點知我地都錯曬！個黑咖哩冇咖哩味，個汁只係得洋蔥做配料，個雞扒淡而無味，只係得個油香味。服務上都帶給我地一個"歡樂"嘅下午茶時光，牆上有兩個侍應，只有一個人可以處理事項，另一個只係到打醬油。而我哋兩杯華田，都要三番四請，等左30分鐘先可以享用。

第一次去品嚐這間餐廳,專登揀元祖燒牛肉飯, 以為唔會中伏。叫得元祖牛肉飯,以為唔會太差,點會估到件件牛肉都有筋....中伏,好似練牙力,無一件得個能夠趙爛, 竟然招牌出品都咁差,雖然其他食物尚未試過...都不會浪費錢去試

夜晚放工經過大丼家，好耐冇幫襯，可能就快收舖，舖頭冇乜人，我快快趣趣點左餐快完快d走唔阻人收工。我最鍾意食鹽味枝豆($12)，人口鹹鹹地，豆味濃，枝豆粒粒飽滿，食過不停。芝士燒牛肉飯($53)，上枱熱辣辣，大大舊牛肉入口juicy，加上芝士有點點拉絲效果，蠻不錯。黃金豬骨拉麵($58)，有紫菜，有糖心蛋，還有筍，配料足，份量夠，吃完忍唔住飲埋啖湯

我本人十分之喜歡食下午茶，今次就嚟到筲箕灣呢一間大丼家食，叫得大當家佢嘅主打食物就當然係丼啦 而佢賣既食物都係主要係日式野呢日我入去坐低嘅原因係因為經過門口見到個餐牌有章魚丸食同埋有大阪燒，所以就俾佢吸引左入去，望到大阪燒令我諗係大阪食過一間好好食嘅大阪燒嘅回憶章魚燒拼大阪燒 凍奶茶距離嘅時候我覺得有少少愕然因為發覺大阪燒同埋章魚燒 兩個外皮睇落非常脆口嘅 唔係用大阪燒機同埋用鐵板整嘅而係炸出黎。最搞笑係個大阪燒佢呈半圓形加埋厚度令我諗起好似係厚炸午餐肉呢個章魚燒同埋大阪燒個味道係一樣嘅因爲佢個餡料亦都係一樣嘅令我有啲失望，雖然未算難食亦因為有燒汁同埋蛋黃醬吊住個味但係你唔會想食晒成碟 太膩了

返工前去咗呢間餐廳食個下午茶， 我最鍾意呢間餐廳嘅裝修，地方好寬敞，坐得好舒服😍😍我叫咗 一個下午茶餐:牛油蜆肉烏冬，配芝麻八爪魚，飲熱檸水， 芝麻八爪魚好入味，好開胃，烏冬同埋蜆肉都幾好食😋

約左老公放工去筲箕灣買野，諗住求其快d食完買埋野番屋企湊女，見到間餐廳，大大個紅色牌寫住大丼家，鮮豔奪目，就決定試下。叫左個「原祖燒牛肉飯」同「原味燒雞飯」，加飲品可享半價，叫埋凍奶茶熱奶茶。野食好快就到！正呀！首先介紹下個牛飯，都幾大碗，老公話牛肉好好味，煎得好香口，甜甜的汁，非常易送飯。個雞飯又係好好食，雞肉甜甜的，好嫩滑，而且好多，我分左d比老公。個西蘭花好味，唔係白烚，係炒過下既。酸蘿蔔也是我的最愛。奶茶都好有水準！

新餐廳開左個幾月，等位嘅人經常企滿行人路，今日早放工經過見仲有位就即刻入去試下。打開餐牌價錢都相當合理， 五十零蚊有碗拉麵， 小食都係十零蚊有交易，而且樣樣都好吸引，花多眼亂。所有飯同拉麵都附送熱飲，仲可以加小食！最後同友人叫左個原祖燒牛肉飯同黑椒燒雞飯，2個飯都好大碗好多餸呀！起碼多平時食開嘅集團牛肉飯多一半！！牛肉同雞肉都好夠味！我地仲追加左個茶碗蒸同芝士年糕，茶碗蒸入面有蟹柳，肉同菇，芝士年糕外層好脆，入面又煙韌好好味！另外個唐揚尤魚鬚都係即叫即炸，放左一陣食都仲係好熱好脆😁幾十蚊嘅價錢可以食到各款日本街頭小食同拉麵，幾抵食🙊🙊

今日趕時間所以打算食個快餐，見到在轉角既大丼家就應該都像快嘅就試一試生薑燒豚肉飯 $43飯量真係多，真係大丼。豚肉薄肉，味道OK，有既有d會硬身d，但大部份都係唔會太硬。肉量都係多既，半個飯面咁多。仲配了輕微炒過椰菜同少少蛋絲。細食嘅朋友應該食唔完烤小甜薯 $9 （跟餐優惠）有6粒 ，細細粒粒，連皮食。外皮烤得煙靳，薯肉好甜，非常好味。大阪燒 $29 見到就忍唔住叫來食。細件，大概口4吋，醬料味道正常，但餅身入面主要真係得粉，無咩配料，生菜絲都無..傷心章魚燒 $29一船6粒，用即棄木片船裝住，幾靚。味道可以，有食到大大粒章魚。唯外皮好像魚蛋炸過咁樣，應該係燒果時落油重手（？），吃起來較脆但油。加3蚊有野飲 幾大杯。店員幾貼心，見到小朋友主動俾左碗仔。店面比較細，所以位唔多。

筲箕灣新餐廳！趁Lunch時拉埋同事一齊去幫襯，好好好多人，要等十幾分鐘先有位，幸好是卡位 見到其他人食拉麵的樣子不太享受，轉而食咖哩!黑咖哩芝士漢堡扒飯$56使用珍珠米，OK；咖哩夠色，味道剛好不算濃；漢堡扒炸得頗乾，搞到口口都有咬勁，有流心芝士搭夠；份量不見得多，女生只是岩岩好，何況男生呢﹖總體評份合格，但不出色，$56 lunch set係筲箕灣有幾多選擇，大家都可以試一次既，希望還有改善空間!

好耐冇去过筲箕灣，係放工嘅時候，公司特然有份急件要送去筲箕灣嘅分公司，因我太耐冇去，所以主动争取要去，送完件嘅時候已經七点，打電話约係個頭住嘅表姐聚吓佢話樓下有間大丼家，佢食过覺得ok，就约係門口等，去到嘅時候佢已經攞左位，坐底望住歺牌見到个雜錦海鲜炒飯，好似好靚我還叫叫左一個水牛城鸡亦表姐叫左個燒鸡飯加多兩杯凍O茶，佢嘅燒鸡反先到，聞到香噴噴，海鮮反來啦，食落都係一般，凍O茶還可以，時間过得真快，又係時候講拜拜。唯有下次再聚。