大井町日式放題 (已結業)

本人經常到荃灣大鴻輝中心食韓燒和火鍋，今次是第一次到大井町試食午市放題，但今次我吃到每一款蝦都是有不新鮮的味道，其他食物大至上味道不錯，刺 身厚切新鮮，食物、飲品、甜品選擇夠多，小朋友都愛吃，價錢合理，環境午市比較舒服，唯獨服務未達到水平，我並不是要求高，而是午市客人不多，為何我枱面的垃圾和碟堆積如山，還沒有職員主動來清理，而是每次要客人主動找職員才會清理，這樣我不能理解🤔但會再次幫襯，希望下次到來服務方面會有改進😊

同朋友慶祝生日，佢係放題fans,search過附近的放題，基於location同公司比較接近於是選擇了呢一間... book了9點，門口接待個女仔黑口黑面的咁揾人帶了我們入座😅 食物同大眾放題無乜分別亦冇咩特別。可能地點係荃灣嘅關係，地方較大相對座位冇咁逼。Service 就真係麻麻啦⋯⋯由一入門個接待員黑口黑面，其他啲服務員亦懶懶行，收碟都唔願收咁😂 Order咗幾樣嘢後，最後我哋亦極速地埋單離開

荃灣有好多好野食，今日試下依間日本放題先，地點都好方便，野食種類都唔錯既，有刺身，有熟食，岀面重有前菜同甜品可以自己拎，飲品種類都有幾多可以選擇，食物ok，下次黎荃灣可以試下

諗唔到食乜，又餓底，最啱就係食放題。荃灣放題，我首選「大井町」，其實食過好多次，而家先的起心肝寫。個場大，每次食都可以隨時walk in，隨心隨意。14張order紙，總有野啱食。有彩圖睇，睇啱就點，雖然相片同事實好多時都唔一樣，就當參考吧！點野食前可以去出面攞啲生果打吓底先，咁一陣食多左都唔會咁吸收，同時亦可以開吓胃，準備作戰。女士、老人家、小朋友唔想飲汽水可以揀飲果汁，有玄米茶，亦有熱維他奶。刺身當然必食，睇顏色都知唔錯，冇雪味，又大件。海膽手卷細細件，有兩粒海膽，每粒分明，鮮味唔錯。要快食，咁個紫菜就會好脆。虎蝦天婦羅做得好出色，蝦夠爽口嫩滑，脆漿皮亦做得鬆化。日式蒸蛋好嫩，仲滑過豆腐花呀。焗蠔北海燒加左啲冬菇、洋蔥、特製醬汁一齊焗，好正。因為鍾意食蠔，不斷encore。焗迷李蟹蓋真係好迷你，蟹味好少，又冇乜蟹肉，只有大量紅籮白，太齋，唔啱我。蒜味辣汁炒蝦仁都幾大碟，手殘都唔駛等人剝蝦殼啦，剝好晒，仲幾好味添。出面有好多小甜品可以攞，每人亦可以揀一件MOVENPICK或DREYER’S雪糕。最貴時段先係$268，而且仲有長者同小童價，男女老少一齊食最啱！

今日來荃灣搵野食。見到大井町就來試下 原本以為佢同大x屋質素差唔多 但有幾樣野令我好失望 燒物牛舌味道ok燒蝦D🦐應該好新鮮 雞串 出來係偏凍燒雞翼 d皮係淋既 唔知以為係焗出來羊架 乾左d 炸物一品料理 推介祘芯炒螺片 好味

經網上優惠看了有8折優惠/6送1並且食評不差 便帶一家大小一行11人去食生日飯早一日預訂仲有送🎈蘋果汁🍹（好味）、海膽（新鮮）放題款式多榴連波好好食 叫了又叫下次會再食抵食既

一行2人在openrice訂位1930走人環境算可以食物質素就一dd丫多春魚.燒得好好味..encore 左兩次刺身.一般水準（吞那魚腩有渣🤔）加上壽司比較細件同刺身切得太細價錢1930前走就$220+10%.！選擇都可以（冇雞軟骨👉🏻👈🏻）服務就旱有地好...好大場都未夠佢地態度好...👍🏻

以前喺大鴻輝附近返工，周不時都會同同事去食雞煲打邊爐，一排無黎原來開左間放題，大食如我當然要試試六點半去到已經有唔少人等梗位，好在餐廳環境大，唔洗等好耐就入得。空間大到有自助沙律吧同甜品+飲品櫃，海鮮類望落都幾新鮮，加分甜品選擇多，至少有十幾款，蛋糕、Mousse、果撻、和菓子各式各樣都有。食放題最緊要係個刺身，賣相睇起黎都好新鮮，特別點評幾款味道較出眾既～帶子：大細剛好，唔會太細粒，新鮮肥美，無雪藏味。吞拿魚：難得唔腥，有口感，唔會好似出面有啲食落好膠咁。油甘魚：入口易化，鮮甜唔會腥。呢間放題既壽司種類比較多，岩哂中意食壽司既人，但我地兩個女仔食得唔多，所以試唔哂咁多款，唯有等下<松葉蟹棒壽司伴蟹面豉：蟹面豉味道唔算突出，但蟹棒好大條胡椒柚子醬伴中拖羅：同刺身一樣新鮮得黎唔腥，胡椒味偏重，但兩者幾夾，食起黎幾特別。焗蠔北海燒：蠔大小適中，配料好豐富，有菇、洋蔥、薯仔，落左勁多芝士好creamy意式焗薯：比較少見既一款，用薯仔片堆砌成既小山丘，用蕃茄同芝士焗製而成，好有飽足感。地獄辣蜆食唔出辣味，但個湯調得好惹味，忍唔住翻兜左兩次！如果蜆大隻啲會更好。鐵板牛柳粒牛柳粒無筋唔韌，

我本身book 咗1830.但去到無record 都由佢。。。。雖然d野食好快上同埋無乜溜單，但全部d野食係暖偏凍☹️ 。。第一轉d天婦羅🍤係好食，但第二次上個d 好似係 未炸好，勁濕 同放咗係雪櫃兩年咁。話就話 食2個鐘，但食到一個鐘兩個字 就逼我地埋單同last order ，我地未食完 d侍應已經收埋我地d碟。唔會再去。

去依間野興生日，真係興過火屎！因為我地一行5個人，安排我扡座卡位，食物到嘅時候，食物永遠放係最出座位嘅枱上，無位放，都唔會幫你執個位出黎！收碟速度極慢，唔叫都唔收！收碟到倒哂落枱，一句對唔住，就走左去，無幫手抹返，要我地自己拎佢地啲紙巾，枱布抹，收我加一仲要做埋佢果份，食物質素仲差，諗住食烏冬，難食極都有個限度，但點知仲淋過腸粉，仲要無味，佢已經落好多芝麻醬，都仲要無味，都唔知佢果啲芝麻醬係咪溝水，真係永無下次！

同媽媽補食母親節飯，阿媽想食放題又唔想去到咁遠，見近近地荃灣就有一間，睇相都唔錯就book左。去到見到都幾多野食下，強烈推介芝麻雞翼同燒菠蘿，夠脆口，菠蘿又夠甜，真係加左幾次單，而且d野食真係上得幾快，有機會下次再黎。

Do you know Tom&Jerry? JERRY is here.一行五人去食放題，食物先唔講，衛生係最重要！食左中途，大大隻米奇老鼠跑左出黎，店員拎住工具追老鼠，上演左一場侍應大戰老鼠既戲碼。全場食客都尖叫，包括本人一家。已經致電食環署跟進，呢間餐廳既衛生情況相信大家都明白一二。都講一講d食物，質素係非常參差。未試過放題叫刺身，d刺身係浸係d冰水入面。一品料理，唔知係咪鹽太平，全部都咸到根本食唔到。燒物，燒完仲要攤到凍哂先上台，怕客人食得太熱氣嗎？全場唯一好食係雀巢出品糯米糍，多謝哂！食到全家人心情都好差，永遠black list!想去既朋友，認真考慮下。

位於荃灣區嘅大井町交通方便 離開咗港鐵站大概十分鐘就到 就算係路痴嘅朋友亦都唔會驚搵唔到 門口三隻字大大隻大井町已經感受到好有氣氛 當日裏面唔算好多人 大概七點幾左右亦都搵到位坐 但係越夜就越多人 睇嚟呢間舖頭都幾受歡迎 嗰度有個bar可以俾你隨便攞嘢食 好似自助餐咁 亦都可以自製一啲沙律 寫咗仔仔無耐 話咁快侍應就將成盤魚生放咗上枱面 三文魚味道清甜 吞拿魚唔會太過血腥 所以驚腥嘅朋友都可以接受到 值得一試 比較推薦嘅食物好天婦羅 呢度竟然有秋葵天婦羅！！！ 我哋做叫咗四隻蝦食 呢度嘅天婦羅粉漿唔會太厚 爆出嚟質素亦都好高 每一啖都脆卜卜 而且唔會感覺不過分油膩 秋葵我哋第一次食 蝦肉好新鮮 搞到我哋返撻咗好多轉 因為我對面嗰個病病哋 所以嗌咗一碗好暖胃嘅粥 我就嗌咗各式壽司 壽司嘅大小係一個波 唔會太大件就冇咁快飽 我就有機會食到更多種類 呢度唔單止日式食物係任食 就連甜品都係任食 竟然有得食movenpick雪糕 喺百佳惠康買都唔平 一盒細細盒家庭裝都差唔多成舊水

呢間荃灣嘅放題已經唔係第一次食，其實我今日就好飽新，但係約咗朋友有冇理由爽約，所以最後都去咗食放題。同以往一樣，都係咁多人排隊，水洩不通。同朋友先叫咗個刺身，二話不說每樣都叫十多塊，但係唯獨是希靈魚就叫咗兩塊，估唔到佢又上得幾快！同刺身船影完相之後，細心一數發現希靈魚真係得兩塊！估唔到佢真係會睇張單呢。啲刺身都尚算新鮮，至起碼第日唔會肚痛，最欣賞嘅就係嗰個馬刀貝，馬刀貝平時喺出邊都比較少食，而且呢一度做得比較出色爽口且脆滑。另外嘅熟食佢地都做得好出色，我叫左天婦羅同一啲手制壽司，黃金色的天婦羅很出色。叫咗炸蝦同秋葵，秋葵用料新鮮，而且大大條並不是雪藏過的。炸蝦熱辣辣，好燙口，配上天婦羅汁，非常香和好味。在外面更加有自助沙律吧，有前所未見的飲料，更有熱飲和酒類飲品。另外還有青口、螺肉等海鮮。加上另外有新鮮的水果，西瓜、蜜瓜和菠蘿。全部一片片很方便送入口。最後我哋每人叫咗一杯雪糕同雪條，全部都係名牌雪糕，綠茶開心果更加是傳統港人喜歡吃的口味，清洗一下口內的味道，份外清新。

環境寬敞，空間感好足。天花燈飾簡單精美，好似天上嘅繁星。食物種類繁多，任君選擇。刺身新鮮，嚟得足，唔洗係咁落單。炸物香脆，入面熱辣辣。值得一提嘅蟹粥，真係好鮮甜。鰻魚飯唔腥，粒粒鰻魚肉，值得一試肚餓等唔切，可以去自取青口，蝦同田螺。飲品有凍嘅罐裝，都有果汁，最讚係有埋熱嘅 維他奶，照顧到唔同人需要。有新鮮生果區，不時refill。出面重有好多甜品，啱哂女士們。最後就緊係要食movenpick 雪糕， 識食嘅一定知道佢有幾好食，味道濃郁， 一試難忘。