大眾燒肉酒場 X 陀地燒 (已結業)

好失望😞諗住黎食燒肉+串燒，點知已經無左燒肉😭 ，但食物都ok既，好食唔錯，唯獨係冇燒肉食😞推介食物：牛胸爽，翠玉瓜雞皮就唔爽脆…..最抵嘅係生啤買一送一，可惜我唔飲酒😂

見佢係燒烤堂副線所以想試下，價錢比燒烤堂平啲，但就大部分串燒會要求2或4串起(加單都係)。唔緊要，當佢平啲要圍番皮。由一入去開始，店員已經無乜禮貌，請野無尾音無表情，我諗佢只係無表情唔係刻意黑面。初初以為只係個別員工係咁，不過原來個個都係，放低食物同收走食物都係會俾緊人一種好似欠左佢嘅態度。直至佢放低碟鵪鶉蛋嘅時候唔小心整跌左其中一串喺檯面，終於識講一句「唔好意思 換過碟俾你」，咁其實都知都講係咁講啦！果然過左一陣碟鵪鶉蛋岀現番，一食，係凍架！其他碟碟上枱都係熱嘅，唯一係佢凍。俾番同一碟不如俾我食碟熱架啦！另一樣野係，我地唔食辣嘅，見有部份食物隔離有辣椒符號，問左店員可唔可以走辣佢話可以，但張單從來無打走辣，當然食物嚟到都係辣架啦！個元貝少少都算，個茄子辣到食唔到，忍唔住同店員講叫咗走辣，但全部嘢都冇走到，佢答我同廚房講返，然後當然無下文🙂建議大家有budget嘅話上番2層食燒烤堂，呢間野整臭左燒烤堂個名，你預食物/態度打番個7折，唔會再去食。最後埋單五百幾蚊，唔知為咩俾錢受氣。

突然想過海食燒肉上網搵吓有邊間抵食嘅燒肉就搵到呢一間佢嘅價錢合理份量正常，而且味道係唔錯，我覺得係絕對可以有下次和牛多士，喺餐牌裏面相對嚟講算貴但如果同出面其他餐廳呢，佢係抵食嘅首先呢用料好合適而且擺盤好靚，好啱打卡而且味道嘅質素係好好所以無論係鍾意食和牛定係想打卡都要叫呢個另外推介和牛壽喜燒佢唔係關東風關西風嘅壽喜燒係一個自私食一件上嘅和牛但係佢嘅質素係好好油脂好豐富，食完會想再食佢嘅座位好闊落好舒適唔會好迫夾所以就算兩個人都會有一張四人枱坐好舒服

💛大眾燒肉酒場x陀地燒💛帶咗屋企人去食燒肉🤭叫咗佢地個燒肉2人餐+串燒2人餐，好多野食，2個餐分別係$588同$288，4條友都唔係好食得哂😂😂佢地個紫菜月見丼同免治和牛多士真係好出色👍🏻好好味🤤其他食物都唔錯😋咁多野食又飲酒，最後埋單人均都唔洗$300，呢個價錢星期五、六正常晚餐時間，係香港可以食到呢餐，覺得真係好抵👍🏻👍🏻位置係旺角女人街入面啲商廈，唔難搵#旺角 #燒肉 #串燒#大眾燒肉酒場

係社交平台見到有Foodie post呢間嘢 就諗住同朋友黎試下 入去嘅時候話可以食兩個鐘 但個半鐘未到 我哋一埋左單就趕我哋走😓食物方面唔岀色(可以話係難食)牛舌係超薄切牛舌 冇乜口感可言 基本上擺低放係枱影張就涷哂😢然後到豬頸肉 呢個都係薄切 好似冇乜點燒過 純粹係個爐燒兩燒咁😵再落係雞肉串 老實講都真係幾難食下 口感唔鞋 但就好似食湯煮雞肉咁🫠嘢食應該唔係即叫即燒 應該係燒定 有單嘅時候再整返熱佢🫥價錢嚟講係平 不過質素真係有待改善!!!

平價串燒「陀地燒」🤩呢排好多人都試呢間抵食串燒「陀地燒」今日就等foodmate 試下平野有無好野啦。Lately, many people have been trying out the affordable yakitori restaurant “Toro Di Shao.”This time, foodmates tried out if there’s anything good.「陀地燒」總共有兩間，一間係中上環，另一間係旺角 。個人實測覺得中上環果間燒得好食d。“Toro Di Shao” has a total of two branches, one in Sheung Wan and the other in Mong Kok. Personally, I found l Sheung Wan branch the foods are better.呢到串燒$8起一串（部分需要至少2串起），超級抵食。特別推介陀地燒生蠔，燒五花腩、燒雞翼、韭菜、牛舌串！環境都算企理，最緊要價錢親民！Price starts at $8 per skewer (some requir

嚟親deli都一定係食燒烤堂😋個人係串燒big fans🤣🤣睇ig見到佢開咗姊妹店：陀地燒，價錢仲要平一半🤭一定要試試佢啦😎好方便地都係有得WhatsApp book位👍🏻職員嘉嘉勁nice🥰本身得90分鐘，我同佢講話係慶生又多人食，佢都肯extend比我❤️❤️❤️去到現場，好熱鬧，平日都多人食🙌🏻我覺得環境舒服過樓上🤣張枱大張，同隔離有一定距離，可以叫勁多野食😋😋最正嘅係！佢有二人餐，先$288/2位用😨😨震驚咗全枱人，套餐唔hea，有齊帶子生蠔牛舌粟米蒜蓉包等等～～🌟🌟真心抵玩🤭🤭單點都好抵，樣樣都只係$1x-2x，不過最少2串起，我地4人行fit曬🤓🤓啤酒🍻仲買一送一🥹好良心❤️❤️❤️中間嘉嘉仲有黎同我地吹下水🍻氣氛好好😌不知不覺食咗超多🤣🤣呢到切餅費先$50！好良心呀又係😚😚出面閑閑地200🥵而且職員都好醒水，真係比到surprise😆😆😎💪🏻💪🏻我同朋友sss都話正，聚會串燒一流，好開心既一晚，thanks😋😋👍🏻🙌🏻一定再嚟～再多啲款就更好😆（期待～

朋友約我去陀地燒，跟住個地址去，初初仲以為去錯地方，原來餐廳變咗「陀地燒 x 大眾燒肉酒場」。兩者聯乘，前者主打串燒，後者就主打燒肉。為咗應節，餐廳推出咗「陀地燒新年沖喜二人餐」，包括以下咁多款食物，都只係$288，真心抵食：雞皮串（2串） / 雞肉串（2串） / 薄切牛舌串（2串） / 招牌牛肉串（2串）/ 豬頸肉串（2串）/ 蒜芯串（2串）/土豆串（2串）/ 翠玉瓜串（2串）/ 陀地燒生蠔（2隻）/ 燒元貝（2隻） / 味淋魚乾 / 蒜茸包 /蜜糖菠蘿串（2串）個人好喜歡雞皮串，非常酥脆但唔覺油膩；燒生蠔同燒元貝都做得好出色，有蒜香之餘仲加咗啲辣菜脯，又惹味又香口；蒜蓉包亦係非常好食。另外額外再叫左雞腳筋串同藤椒魚皮。請者爽彈有咬口；後者爽脆，藤椒味酸酸辣辣啱晒我。飲品要另外叫，叫左菠蘿可爾必思同冷泡白桃烏龍茶。前者係乳酪系列有菠蘿果肉，口感不錯；後者味道比較清新。

串燒、燒肉，共冶一爐。 每款串燒都有最低「燒」費，以串為單位。性價比十分高，有此安排亦非常合理。（串燒未能盡錄） (1)燒豬頸肉自家製泰式辣汁，比起某區泰菜集中地來比較，辣度適中，後勁帶甜。 (2) 甜蜜燒菠蘿十分幸運地獲得兩串甜蜜蜜、又沒有渣。 中段開始，需要蔬菜類洗滌心靈。(3) 錫紙金菇 (4) 陀地燒茄子 (5) 免治和牛多士餡料中間有個神秘調味，有Wasabi味，能減低油膩感。 (6) 和牛沙巴當 燒肉的爐具十分友善，將油煙減到很少。不過，店員說燒肉供應會在不久後停止，主打串燒，所以肉類款式會逐漸下降。 (7) 厚切牛舌芯(8) 柚子雞肉 (9) 菠蘿可爾必思 & 菠蘿青檸梳打「一寸光陰一寸金，食完要飲板藍根。」

超人氣串燒店「陀地燒」🍢串燒款式選擇多不在話下，而且價錢親民實惠✅最近更推出賀年優惠套餐，難怪晚市總是座無虛席🔥🔸陀地燒新年沖喜二人餐（$288）🐔雞皮串（2串）雞皮串燒得金黃酥脆，帶淡淡雞肉香味，佐酒一流🐥雞肉串（2串）雞肉串外層微焦，內裏保持住鮮嫩多汁嘅肉質👅薄切牛舌串（2串）牛舌片薄而嫩，其鮮美同燒烤嘅香氣相結合，令人有驚喜🐮招牌牛肉串（2串）牛肉串外焦內嫩，每啖都帶有濃郁嘅牛肉香氣🐖豬頸肉串（2串）豬頸肉串燒得相當入味，豬頸肉嘅脂肪同肉質相間，滿有口感層次🧄蒜芯串（2串）蒜芯串口感爽脆，灑上孜然粉，食落辛香惹味🥔土豆串（2串）土豆切片呈上，食落爽脆帶自然甜味🥒翠玉瓜串（2串）翠玉瓜串燒烤後仍保持住清脆嘅口感，味道清新鮮甜🦪陀地燒生蠔（2隻）生蠔燒得恰到好處，蠔肉鮮嫩帶濃郁海鮮風味🐚燒元貝（2隻）燒元貝鮮嫩多汁，肉質飽滿且彈牙🐟味淋魚乾經燒烤後嘅魚乾肉質變得酥脆，沾上他他醬味道層次更豐富🥖蒜茸包帶濃郁蒜香味嘅蒜茸包，口感酥脆相當滋味🍍蜜糖菠蘿串（2串）菠蘿串金黃吸引，菠蘿嘅酸甜配合蜜糖嘅甜蜜，幸福感滿滿🔸椒鹽雞軟骨（$18/2串）椒鹽雞軟骨炸得酥脆可口，軟骨咬落有嚼勁🔸雞爽肉（$

真係大伏牛肉同雞翼串燒order左9個字催左兩次都無黎，最後cut單走人。而且食物勁細份，牙罅都唔夠攝，最後去左第二間再食。食物質素還好，不過杯茶太淡。如無意外唔會再幫襯。

影影下都無心機影首先叫左個燒肉，佢到左就咁掉低就行左去，等左陣叫返佢返轉頭叫佢幫我地開爐，佢一下就行左去，原來大制都未開之前啲肉類大部份都唔夠熱，雞翼又燶又爛哂，唔知點解無哂啲雞皮最過份係叫左4隻燒蠔，有隻臭左，佢話扣返我地一隻，最後check單又無扣到全程好似食法國菜咁逐碟上，慢到不得之了啲店員講嘢無尾音長期個樣濃口濃面濃過啲串燒仲要大大力掉低碟嘢頭也不回果隻一路食又有啲昆虫仔飛嚟飛去，真係無下次

估唔到第一次寫食評係因為伏到喊🥹我地淨係叫咗陀地燒，埋單總共11樣嘢食，上枱嘅時候已經係“常溫”，完全唔熱，都冇話手機食先🫠，仲要等咗好耐🍖肉好普通，招牌牛肉串好硬，燒豬頸肉串唔係好新鮮，孜然燒雞翅OK🌽好食嘅淨係得粟米，翠玉瓜同菠蘿🫥🪀陀地燒茄子個皮好硬，上面蒜料同元貝一樣，小辣有啲咸；元貝OK如果嘢食普通其實都算，一班人食嘢傾下計都好，但比我食到有釘書機啲釘？？！究竟係點出錯先會係有呢啲嘢係翠玉瓜入面？🫠（唔係表面🫥）好啦叫人黎處理，佢話換過份，冇問題，我地都好爽快，個陣覺得佢即刻換咁就算，冇即時影到相但佢換到我地就埋單先黎，仲要啲服務態度超差🙄🔥（去到後面已經唔想再叫人黎睇啲鐵，一陣比人以為我地奧客）食物嘅部分真係伏到冇咩好講，單講嘢食落單就係咁出錯，第一次落單之後我地有加單，然後又要等十世第1️⃣張單佢地落漏咗個牛舌然後加單之後，第2️⃣張單，佢落多咗啲我地冇叫嘅嘢，但都係冇牛舌第3️⃣張單出後del咗啲嘢，然後都係冇牛舌啱啱上嘢食個陣還好，啲嘢食分開上都可以理解但後尾過程中，等超過15分鐘都未有嘢上，叫人同佢講落錯單，等好耐都冇人應（啲員工一係企哂係門口，一係玩手機，好似得2個係忙緊送餐

本人永遠唔會再幫襯呢間舖簡而言之：某啲店員毫無理由地黑口黑臉對客+被店員落錯幾次單店員仲黑臉嫌麻煩+限時90分鐘用餐但係啲嘢食超過90分鐘都嚟唔齊仲要催人走+有機率食到有釘書機釘嘅料理※※※本身見網上都幾多人推薦，於是約班fd收工試吓點知就咁上咗賊船首先，帶位嘅店員已經好黑臉中途發現其中一串翠玉瓜竟然有一口釘書機釘，好彩發現得早，無食到（本來打算小事化無，所以無影相，點知店員嘅態度差到唔PO唔得）後來點第二輪串燒，明明點完第一輪串燒嗰時店員會俾返張單我地睇，結果點完第二輪唔知點解唔俾返我地然後等咗20分鐘左右，點咗大約6~7串串燒，1串都無嚟，同店員反映＋問張單會唔會俾返我地，佢話會，亦會幫我地睇睇張單咩情況結果好悲劇咁發現店員落錯單：一款串燒落多咗數量，另一款串燒直接無落單消失咗......我地仲要幫店員做proofread......proofread完以為搞掂張單，結果完●全●無●改●過上菜嗰時嗰款串燒依然都係多咗，仲嚟多咗款無叫嘅串燒，唔啱數又要搵店員結果嚟咗一個超黑臉女店員，佢聽完，黑住臉咁去後場拎單，又黑住臉咁返嚟俾張單我地睇張單同上次嗰張一樣，落多咗數量嘅繼續多，消失嘅串

我成日去個間燒烤店入面新推出左個二人餐；呢間店平時散叫個價都已經貼哂地，套餐價仲要再親民d添👍🏻呢個二人餐入面海鮮、肉、菜樣樣有d，我中意食既野都接近齊哂😜唔使有選擇困難既我揀食咩串諗到頭都爆，🤣咁正得唔得㗎？！🤣🌟陀地燒二人餐🌟 $288入面有：👉🏻✨雞皮串（2串）✨雞皮炸到金黃穌脆，脆卜卜，但又完全0油膩感，食完－串好想再食多幾串🤣✨蒜茸包✨個包烘到外脆內軟好香口，加上香濃蒜香、焦香既雙重夾擊，真係好食到停唔到口✨陀地燒生蠔（2隻）✨蠔肉飽滿肥美之餘仲好新鮮痴殼，配埋香濃蒜蓉醬，蒜香濃郁，鮮味到爆✨蜜糖菠蘿串（2串）✨菠蘿超甜又多汁，食多2串都仲得🤣✨雞肉串（2串）✨內嫩多汁完全唔柴👍🏻✨薄切牛舌串（2串）✨肉味好濃，煙煙韌韌有咬口✨燒元貝 （2隻）✨好香芝士味，咸咸香香好滋味✨招牌牛肉串（2串）✨✨豬頸肉串（2串）✨✨蒜芯串（2串）✨✨土豆串（2串）✨✨翠玉瓜串（2串）✨✨味淋魚乾✨另外散叫左：✨雞腳筋串✨ x 2 $18口感爽脆得梨帶d煙韌，感覺幾特別✨雞爽肉✨x2 $24雞味香濃冇腥味，肉質好爽滑✨孜然燒雞翼✨ x 2 $28雞翼燒到皮脆肉嫩，孜然味好濃，小妹超中意食😍✨黃喉